Azerbaycan Ashiqlar_ آذربایجان آشیقلاری

#آشیق_ادبیاتی دور گل یانیما باتما قانیما یاندیم اودونا آی اعتبارسیز #آشیق_قنبر_ #آشیق_افغان_ #آشیق_جمیل #بالابان_عبادت @azashiqlari

قمر اوز قادانی بو جانیم آلسین، ساللانیب گلنده اوتاغا بیر_بیر. دل افروزون شعله‌سینه دولانسین، اولسون پروانه‌لر صاداغا بیر_بیر. دیله قوروق یوخدور، گؤزه قاداغا، جانیم‌ گؤزللره قوربان صاداغا، شهد_شکر بال سوزولن دوداغا، اؤپه‌سن خال دوشه یاناغا بیر_بیر. خورشید دا سئومیشدی او ناتوانی، سنین اعتبارین مروت‌ین هانی، اؤلدور قورتار، داردا قویما قوربانی، گلسین قوهوم، قارداش سوراغا بیر_بیر. #آغ‌دابانلی_آشیق_قوربان @azashiqlari

#هاوا_ایروان_چوخورو #اوخویور_آشیق_نوروز_چمنی #ساز_چنگیز_مهدیپور #شعیر_ستار_گول‌محمدی ___ @azashiqlari

نارین اوز  کؤنول سن کی دوشدون عشقین بهرینه، نارین چالخان، نارین سیلکین، نارین اوز. دوست سنی باغینا مئهمان ائیله‌سه آلماسین دَر، گولون اییله، نارین اوز. تیکدیریمسن قصیر، ائیوان، اودا سن بو نؤکرین، او سئودییین، او دا سن، قییا باخدین، منی سالدین اودا سن، اینصاف ائیله، گل کؤنلومون نارین اوز. آشیق اولان سؤزون دئمز ترسینه، تر گزن دونیادا گزر تر سینه، تر سینه‌یه قیسمت اولسون تر سینه، نارین اوزه قوی سؤیکنسین نارین اوز. روخصت وئر سؤزوم دئییم، قاییم آغا، یویار غسال قددیم بوکر قاییم آغا، لذت وئرر بال قاتاندا قایماغا، اونلارداندا شیرین اولار نارین اوز. ترلانسان، اوولاتما ساری، دور گئدک، بو سینیق کؤنلومو ساری، دور گئدک، علسگرم بیزه ساری دور گئدک، بیر دردیمی ائیله‌میسن، نارین، اوز!. ____ #دده_علسگر @azashiqlari

آشیق سؤزونون کؤکو حاققیندا 👤 اسلام صادق ✍ حاضیرلایان: جابر اسمعیل‌زاده شاملو ایران‌دا آذربایجانلی یازیچی‌لار و آشیق صنعتی، موسیقیسی، ادبیاتی ایله ماراقلانیب و یا بو حاقدا تدقیقات آپارانلارین آراسیندا؛ هر زامان آشیق کلمه‌سینی «آ» حرفی ایله آشیق و یا «ع» حرفی ایله عاشیق کیمی یازیلماسینا گؤره اوزون-اوزادی مباحثه‌لر اولموشدور. هره‌سی ده اؤز سؤزونون ثبوتو اوچون بو کلمه‌نین کؤکونو مختلف یئرلره یورموشلار. بو مسئله ساده‌جه یازیچی‌لارین آراسیندا قالماییب، بلکه ایران‌دا دؤولت اورقانلارین دا رسمی سیاست‌لرینه یول تاپمیشدیر. بو آرادا رسمی اورقانلار آشیق کلمه‌سینی «ع» حرفی ایله عاشیق کیمی یازماسینی/ یازیلماسینی به‌یه‌نیب، خصوصی ایله ده ایرشاد ایداره‌سی مجوز وئردییی کیتاب‌لاردا آشیق یوخ، بلکه عاشیق یازماسینی ایسته‌میشدیر. چونکی بئله‌ده کلمه‌نین عرب دیلیندن آلیندیغی و کؤکوندن تورکجه اولمادیغینی ثبوت ائله‌مه‌لرینه ده ایمکان یاراندیغی ظن ائتمیشلر. دوکتور اسلام صادق، ۲۰۱۳-جو ایلده باکی‌دا، آذربایجان-تورکییه معنوی بیرلییی‌نین سمبولو اولان آشیق-اوزان صنعتی‌ موضوعوسوندا کئچیریلن کونفرانسا، «آشیق سؤزونون کؤکو حاققیندا» آدلی بیر مقاله حاضیرلامیشدی. بو مقاله‌نی کؤچوروب، بیر چوخ ایضاحلار آرتیراندان سونرا، نشر ائتمه‌سی اوچون بیر سیرا درگی‌لره اوز توتوب، آنجاق باغلی قاپیلارا ده‌یدیک. چونکی ایران قانونلارینا گؤره مطلق بو کلمه عاشیق کیمی ع حرفی ایله یازیلمالی، بونون تنقیدی اوچون حاضیرلانان یازینین دا نشر حاققی بئله یوخدور. بئله‌لیک یازینی اینترنت اوزرینده یایینلاماغا قرار وئردیک. ◀️ مقاله‌نین بوتونونو بوردان اوخویا بیلرسیز. ____ @azashiqlari