Аслан Орақбаев

Алла үшін Ибраһим пайғамбар туған баласын құрбан етуге барды. Ал сен Алла үшін ,тым болмаса, балалығыңды да, уақытыңды да қия алмайсың ба? Құлшылықтарымыз қабыл болсын! ✍🏻 Аслан Орақбаев @molda_paqyr

Былай түсіру қажет емес Қарапайым телефонға рилс болса болды🫂👍

Біздің кітаптармен видео түсіріп, 100$ жеңіп алыңыз! Ассалаумағалейкум, қадірлі оқырмандар! Біз кереметтей конкурс бастайтынымызды қуанышпен хабарлаймыз! 🎊 Сіздер білетіндей, бізде үш тамаша кітап бар: «Кешірдім», «Сенің қамқор ағаң» және «Мүмкіндік». 📚 Конкурсқа қатысу үшін сіз осы кітаптардың бірін пайдаланып видео түсіруіңіз керек. 📹 Ең көп қаралым жинаған видео иесі 100 доллар 💵 көлемінде сыйлық пен Аслан ағаймен жеке кездесу ұтады. Сіз қанша видео түсірсеңіз де өз еркіңізде, бастысы олар қаралым жинауы керек. Мысалы, мынадай видеолар болуы мүмкін: 1.⁠ ⁠Біздің кітаптарымыздың біріне шолу. 2.⁠ ⁠Кітапты оқығаннан алған әсерлеріңіз. 3. Кітап тақырыбына байланысты өміріңізден алынған оқиғалар. 4. Кітап мазмұнына шабыттанған шығармашылық қойылымдар мен скетчтер Және тағы басқа... (Қалай түсірсеңіз де өзіңіз білесіз!) 100 доллар ұтып алу және Аслан ағаймен кездесуге мүмкіндік алуды жіберіп алмаңыздар! Баршаңызға сәттілік тілейміз! #БіздіңКітаптарКонкурс

Мәһіріне не берілді? Бірде бір кісі ансарлық бір әйелге үйленеді. Пайғамбарымызға келіп мәһірге көмектесуін сұрайды. Пайғамбарымыз одан: – Қанша мәһірге үйлендің? - деп сұрайды. – Төрт уқия (ауырлық өлшем бірлігі) күміске, - дейді ол. – Төрт уқия күміске?! - дейді Пайғамбарымыз таңданып. Артынша: – Сендер күмісті тура бір мына таудан қазып алып жатқан сияқтысыңдар! Саған беретін ешнәрсеміз жоқ. Бірақ сені оны таба алатын жаққа жібере аламыз, - дейді Пайғамбарымыз. Үйлену жігіт үшін де, қыз үшін де – ізгілік. Үйлену сауда-саттық емес. Қыз – сауда малы емес. Мәһір – Алланың бекіткені. Ол миллиардтарды құраса да – адал. Бірақ әңгіме оның адал, не арамдығында емес. Әңгіме мәһірге ақыл таразысымен, өмір көзімен, адамдардың шамасына қарап сұрауда жатыр. Мәһірді сұрауға болады екен деп ойыңа келген нәрсені сұрай берме. Олай жасайтын болсаң, жүрегіңе сыймайтын, ойыңа келмеген нәрсеге куә болатын боласың. 🧭компас

Алла оны кешірді Бірде Пайғамбарымыз Алланың мейірімінің кеңдігін айтып отырып былай деді: – Бір жеңіл жүрісті әйел шыжыған ыстықта шөлдеп құдықты айналып тілін салақтатып жүрген итті көріп қалады. Етігін шешіп, су құйып итке берді. Алла оны кешірді. Бұл жерде әйелдің күнәсінің кешірілуіне себеп болып тұрған нәрсе – итке су беру емес, сол сәттегі әйелдің жүрегіндегі мейірім, жанашырлық. Мейірім етіңдер, мейірім көресіңдер! Жақсылықты кішісінбеңдер! Итке су бергені үшін Алла жеңіл жүрісті әйелді жәннатқа кіргізді. Ал енді уайым-қайғыдан кеуіп қалған жүректі жібіткен мұсылман үшін қандай сый бар?! Біреудің көз жасын сүрткенің үшін қандай сый? Жығылғанға демеу болғаның үшін қандай сый? Елестете бер... Біз адамдармен емес Жомарт Алламен есеп айырысамыз. Іс-әрекеттер бағасына қарап емес құндылығына, маңызына қарап өлшенеді. 🧭компас кітабынан

Жартысын қоя тұр Кағб ибн Мәликтің Ибн Әбу Хадрадта қарызы бар еді. Мешітте отырғанда соны сұрап, дауыстары қатты шығып кетеді. Пайғамбарымыз шығып: – Әй, Кағб! – Ләббәй! Алла Елшісі! – Жартысын қоя тұр! - дейді. – Солай істеймін! - дейді Кағб. Пайғамбарымыз Ибн Әбу Хадрадқа қарап: – Осыны өте! - дейді. Ақиқат ақиқат болып қала береді. Ақы иесі – ақысын алуға құқылы. Бірақ осы жерде Пайғамбарымыз бізге екі нәрсені үйретті: өзара кешірімді бола білу мен сөзге тоқтау. Пайғамбарымыз оның жомарттығын білсе де Кағбтан қарызының жартысын кешуді сұраған жоқ. Оның көркем мінезділігін біліп кешіктіруді сұрады. Екі жақ сөзге келгенде жөнге тоқтап, жүрегі таза, мінезі көркем болса соған ақысын кешіктіруді, кішіпейіл болуды сұра. Өйткені кішпейілділік – тектілердің тірлігі. Текті, бекзат адам керек кезде өз қалтасынан шығарып, адамдарды бітімге келтіреді. Ал өз басына іс түссе – қалай әрекет ететіні түсінікті. 🧭компас кітабы

Тілімен орғандар... Бірде сахаба Муаз Пайғамбарымыздан жәннатқа ненің кіргізіп, ненің тозақтан сақтайтыны жайлы сұрады. Пайғамбарымыз жіктеп, санамалап айтып берді. Артынша: – Осының бәрін қамтитын нәрсені айтайын ба, Муаз, деді. – Иә?! – Мынаны тый! - деп Пайғамбарымыз тілін көрсетті. – Уа, Алла Елшісі! Біз сөйлегеніміз үшін де жауапты боламыз ба? - деп сұрады Муаз. – Адамдарды тозаққа тілімен орудан басқа не айдай алады?! - деп жауап берді Пайғамбарымыз. Тілде сүйек жоқ. Бірақ тіл сүйекті сындырады. Бір сөз үшін түні бойы ұйықтай алмаған, бір сөз үшін үйлене алмаған, бір сөз үшін ажырасып кеткен, бір сөз үшін жұмысынан айырылған, бір сөз үшін жүрек ауруына ұшыраған қанша адам бар. Не айтсаң да ойланып айт. Есіңде болсын, сен әлеуметтік желілерді емес, өз амал дәптеріңді толтырып жатырсың! 🧭компас кітабынан

Ең жақсы жақсылық Бірде Абдулла ибн Омар бір сапардан қайтып келе жатып жолда бір бәдәуиге жолығып қалады. Оған: – Сен «Пәленшенің ұлы Түгенше» емессің бе? – Иә, соның өзімін, - дейді бәдәуи. Абдулла оған мінер есек, киер киім, басына бас кіиім береді. Қасындағылар мұның себебін сұрағанда: – Бұл менің әкеммен дос еді. Пайғамбарымыздың: «Ең жақсы жақсылық – әкеңнің көзін көргенге қылған жақсылық», - дегенін естіп едім, - дейді. Әкең өлсе де әкеңнің көзін көрген өлмесін. Ата-аналарыңның достарын, таныстарын, сыныптастарын оларды құрметтегендей құрметтеңдер. Оларға қылған жақсылық – ата-анаға қылған жақсылықпен пара-пар. 🧭Компас