Mahin's World

Fantasy kitoblarni sevuvchilar uchun Shake&Pearda shu kitoblar bor ekan. Kelib, bemalol o’qisa bo’larkan. #rahmatshartmasbolalarim @mahinsworld

Doim ajrashdizmi deyishardi. Level up😂🤣

Anonim savollar t.me/anonaskbot?start=NR0NK3C7xWTKuCF

Mahin va mohito kimni esida?

​​#book_review Hozirgina yosh o'zbek adibi Xurshid Abdurashidning "Dardisar" romanini o'qib tugatdim. Tugatdim-u, turli o'ylar meni chulg'ab oldi. Bilishimcha, asarning dastlabki nomi "Musofir jin" bo'lgan ekan. Shu nomda qoldirilsa, ma'qul bo'lardi. Nega aynan "Dardisar" nomi tanlanganini unchalik tushunmadim. Mayli, muallif o'z asari to'g'risida mendan ko'ra yaxshiroq biladi deya, bundan bir hikmat izladim. Asarga keladigan bo'lsak, syujeti juda qiziq. Uzoq yil chiroq tutqunligida yashagan jin ishi yurishmayotgan bir kimsaning sharofati bilan ozodlikka chiqadi hamda aynan o'sha odam tomonidan uning chirog'i "uxlatiladi". Natijada "stolba" ushlab qolgan jin ko'chada qoladi. Yaxshi odamlarning ko'magi bilan boshpanaga ega bo'ladi, ishsiz o'tirmaslik uchun, shuningdek, hujjatsizligi sabab, mardikor bozorga chiqadi. Bozorda turli taqdirlar bilan uchrashib, ularning dardini eshitadi. Muallif shu bahona turli jabhalardagi muammolarni sanab o'tgan. Romandagi qahramonlar - oramizdagi odamlar. Zamonamizda Hotamga o'xshagan ustamon firibgarlar, Qo'ylibekka o'xshash populist deputatlar, Ixtiyorga o'xshash xomxayol ketidan yurgan olimlar, Jo'lomonov kabi xo'rlangan shifokorlar, Asad muallim kabi obro'si yerdan past muallimlar, Bo'taqul kabi xizmat evaziga tuxmatga uchragan mahalla raislari, Kattakonov kabi kursisini yo'qotmaslikka jahd qilgan amaldorlar, Jomurod kabi iste'dodini sharobga almashgan xofizlar juda ko'p. Bir so'z bilan aytganda, jamiyatdagi turli sohalardagi muammolarni turli qahramonlar tilidan ustamonlik bilan ayta olish - muallif iqtidoridan darak. Tarix fanida o'tgan zamondagi voqealarni jonlantirish uchun turli metodlardan foydalaniladi. O'sha davrga mansub arxeologik yodgorliklar, yozma manbalar, moddiy ashyolar bilan bir qatorda badiiy adabiyot namunalari ham o'sha davr odamlarining o'y-xayollari, maqsadlari, muammolarini hujjatlashtirishda katta rol o'ynaydi. Shu paytgacha XXI asrning ikkinchi va uchinchi o'n yilliklari badiiy tasvirlangan adabiyot namunalari mavjud emasdi. "Dardisar" romani mazkur bo'shliqni to'ldira oladi deb bemalol ayta olaman. Lekin asar va muallif atrofida tor doiralarda aylanayotgan ba'zi gaplar hafsalamni pir qildi. Turli platformalarda Xurshidga qarata balandparvoz so'zlar bilan tabrik yo'llab, o'zaro suhbatlarda asarni o'qish rejada yo'qligi haqida maqtanib, "shu qoluvdi endi" deb  kulganlarni ham ko'rdim. Ikkiyuzlamachilikning oliy ko'rinishi. Yana "o'zbek yozuvchilari asar yozmay qo'ydi" deb tarmoqda jar solib, ochko ishlaydiganlar ham shular. Mana yozildi-ku. Syujet, kompozitsiya, kulminatsiya, tugun, yechimlari tobida, fantaziya ancha kengligi bilingan. Juz'iy kamchiliklar mavjud bo'lishi mumkin, biroq shuncha yil qurib-qaqshab, sahroga aylangan o'zbek adabiyotida suv paydo bo'ldi-ku! Nega yosh ijodkordan Kafka yoki Bulgakovdek yozishni talab qilyapmiz? Orqavarotdan mensimay, "o'zi o'qishga yararmikan" deb yurganlar, sal o'zingizni yig'ishtirib oling. Xullas, milliy adabiyotimizni qo'llab quvvatlashimiz shart va zarur. Asarni albatta o'qing. @mahinsworld

#reading O’qiyapman. Xayollarim uzoqlarga ketdi. Qahramonning yonida paydo bo’ldim. Grek tilini o’rgangim keldi. Birdan yana xayollar quyundek 2017-yilga Anatoliy Stepanovichning “21-asr adabiyoti” fanidagi darslarimizda paydo bo’ldi. Yoqadi. Juda yoqadi. Mutolaa paytida xayollarim turli joyda paydo bo’lsa. Zamonlar oshsa. Voqealarda yashasa. Yozgim kelsa. Ha, aynan yozgim kelsa. Yozsam. Yozaversam. Miyam turtgani, qalbim istaganini bitsam. O’ylamasam. Pinak buzmasam. Yozsam. O’qishar. Balki esa yo’q. Shunchaki yozaversam…. @mahinsworld

Shunaqa gaplar

YouTube’im a’zolari 4700 taga yetibdi. Videolarni qayta ko’rib turadigan yaxshi insonlar bormi?

​​#book_review “Power is power” "Taxtlar o’yini" seriyasining birinchi kitobi 1996-yilda nashr etilgan. 2024-yilda esa o'zbekcha tarjimasi kitobxonlarga taqdim etildi. Yana ozroq kutsak 30 yil bo’lar edi. Hechdan ko’ra kech, deymiz. Kitob 8 ta qahramon tilidan kichik hikoya (bob deymizmi) tizmidan tashkil topgan. 8 qahramonning oltitasi bir oila - Shimol posbonlari hisoblanmish Starklarga tegishli. Starklar qadimiy oilalardan biri hisoblanib, ularning tabiati va qonida g’urur, sharaf, qaysarlik, mardlik va sadoqat mujassam. Taxt uchun avval ichgan qasamlaridan kechib, paxtabozlik yoki laganbardorlik qilmaydilar. Aynan shu sabab ham oila hurmati/izzati yuqori turadi. Ular - Shimol posbonlari. Shimol ularniki, sovuq havo, qorlar ularnikidir. 8 qahramondan yana biri Tirion - Robert Barateon, qirolning qaynukasi, Lannisterlar oilasining Iblisidir. Umuman olganda ushbu qahramon o’z tafakkuri, o’tkir tili, maslahatlari va tahlil/tanqidiy fikrlashlari bilan boshqalardan ajralib turadi. Yana bir qahramonimiz ajdar hisoblanmish Targariyenlarning so’nggi avlodi Deni bo’ronzot (qisqa ismini aytish yoqadi). Rosti kitobni birinchi o’qiganimda ushbu qahramonni yoqtirmaganman, qayta o’qiganimda esa aynan yoqtirmagan qahramonlarimga mehrim tushdi. Endi esa kitobning o’zi haqida gaplashsak. Sevgi, xiyonat, sadoqat, taxt uchun kurash. Bari aynan bir joyda yig’ilgan. Toponimlar, simvollar yog’dusi desak mubolag’a bo’lmaydi. Qizlarni obyekt sifatida - yaxshi erga berish, omadli erga berish, taxt obyekti sifatida foydalanish, yosh turmushga berishlarni ko’rishimiz mumkin. Bu narsa alohida muhokama va tahlilga ham arziydi. Aryaning onasi boshqa bir oilaning o’g’li Robbga eshiklarini ochib, qo’shinni o’tkazib yuborish uchun voyaga yetganida (gullaganida) uzatishi yoki 13 yashar Denining akasi tomonidan 35 yashar khal Drogoga “sotilishi” bunga misol bo'la oladi. Siyosiy o’yinlar, haromi farzandlar ham asarda ahamiyatga ega. Siyosiy o’yin deganda aynan xalqni o’ylaydigan g’ulom, taxt va hokimiyat kuchiga egalarga suvilondek eshiladigan Jimjiloqlarni nazarda tutyapman. Oilalar (Lannisterlar, Starklar, Mormont, Targariyen, Barateon va boshqalar) haqida o’qir ekansiz avvaliga o’zingizning oilangiz ko’z oldingizga keladi, keyin mahalla, viloyat, mamlakat. Atrofda sodir bo’layotgan qurolli va sovuq urushlar, ta’siri, siyosiy harakatlarni barini chamalab, ko’z oldingizga keltiraverasiz. Nima deb o’ylaysiz kuch nimada? Kuch - hokimiyatdami? Aql yoki kuchi borda? Taxtlar o’yinida kim g’olib bo’ladi? Taxt o’zi nima? Ser Mormont aytganidek xalq uchun yaxshi hosil, to’q qorin va tinch hayot yetarli, hokimiyat kimning qo’lida ekanligini muhim emasmi yoki? @mahinsworld

#book_review

“Power is power”

"Taxtlar o’yini" seriyasining birinchi kitobi 1996-yilda nashr etilgan. 2024-yilda esa o'zbekcha tarjimasi kitobxonlarga taqdim etildi. Yana ozroq kutsak 30 yil bo’lar edi. Hechdan ko’ra kech, deymiz. Kitob 8 ta qahramon tilidan kichik hikoya (bob deymizmi) tizmidan tashkil topgan. 8 qahramonning oltitasi bir oila - Shimol posbonlari hisoblanmish Starklarga tegishli. Starklar qadimiy oilalardan biri hisoblanib, ularning tabiati va qonida g’urur, sharaf, qaysarlik, mardlik va sadoqat mujassam. Taxt uchun avval ichgan qasamlaridan kechib, paxtabozlik yoki laganbardorlik qilmaydilar. Aynan shu sabab ham oila hurmati/izzati yuqori turadi. Ular - Shimol posbonlari. Shimol ularniki, sovuq havo, qorlar ularnikidir. 8 qahramondan yana biri Tirion - Robert Barateon, qirolning qaynukasi, Lannisterlar oilasining Iblisidir. Umuman olganda ushbu qahramon o’z tafakkuri, o’tkir tili, maslahatlari va tahlil/tanqidiy fikrlashlari bilan boshqalardan ajralib turadi. Yana bir qahramonimiz ajdar hisoblanmish Targariyenlarning so’nggi avlodi Deni bo’ronzot (qisqa ismini aytish yoqadi). Rosti kitobni birinchi o’qiganimda ushbu qahramonni yoqtirmaganman, qayta o’qiganimda esa aynan yoqtirmagan qahramonlarimga mehrim tushdi. Endi esa kitobning o’zi haqida gaplashsak. Sevgi, xiyonat, sadoqat, taxt uchun kurash. Bari aynan bir joyda yig’ilgan. Toponimlar, simvollar yog’dusi desak mubolag’a bo’lmaydi. Qizlarni obyekt sifatida - yaxshi erga berish, omadli erga berish, taxt obyekti sifatida foydalanish, yosh turmushga berishlarni ko’rishimiz mumkin. Bu narsa alohida muhokama va tahlilga ham arziydi. Aryaning onasi boshqa bir oilaning o’g’li Robbga eshiklarini ochib, qo’shinni o’tkazib yuborish uchun voyaga yetganida (gullaganida) uzatishi yoki 13 yashar Denining akasi tomonidan 35 yashar khal Drogoga “sotilishi” bunga misol bo'la oladi. Siyosiy o’yinlar, haromi farzandlar ham asarda ahamiyatga ega. Siyosiy o’yin deganda aynan xalqni o’ylaydigan g’ulom, taxt va hokimiyat kuchiga egalarga suvilondek eshiladigan Jimjiloqlarni nazarda tutyapman. Oilalar (Lannisterlar, Starklar, Mormont, Targariyen, Barateon va boshqalar) haqida o’qir ekansiz avvaliga o’zingizning oilangiz ko’z oldingizga keladi, keyin mahalla, viloyat, mamlakat. Atrofda sodir bo’layotgan qurolli va sovuq urushlar, ta’siri, siyosiy harakatlarni barini chamalab, ko’z oldingizga keltiraverasiz. Nima deb o’ylaysiz kuch nimada? Kuch - hokimiyatdami? Aql yoki kuchi borda? Taxtlar o’yinida kim g’olib bo’ladi? Taxt o’zi nima? Ser Mormont aytganidek xalq uchun yaxshi hosil, to’q qorin va tinch hayot yetarli, hokimiyat kimning qo’lida ekanligini muhim emasmi yoki? @mahinsworld