Beisenali Olzhas

Шейх Мухаммад Хассан (сәләфи) өз мазһабынан қайтпаған екен. Соңғы видеосында оны ашық, анық айтып жатыр Басында күмәнданған едім оның қайтқанына, дәл солай болып шығыпты Алла һидаят берсін! Өз хақ жолынан бізді адастырмасын!

Ұлы хадис ғалымы Абдулла ибн Дауд әл-Хурайби имам Әбу Ханифа жайлы былай дейді: "Мұсылмандар Әбу Ханифа үшін намаздарында дұға етулері қажет. Себебі имам оларға сүннет пен фиқты қорғап сақтап берді". Тарих Бағдад, 13/344

Ұстаз Әнәс Ғиззат Аға шейх Фахруддин Қабауаның дәрісіне 6 жыл тоқтамай барған. 6 жылдың ішінде 3-ақ дәрісті қалдырған. Оның өзінде үлкен үзір себепті дәріске бармауға зәру болды. Бұған қоса Әнәс ұстаздың шейх Фахруддин Қабауаның дәрісіне басқа қаладан келетін, екеуі бір қалада тұрмағандықтан. Міне, білімге деген “һимма” қандай болу керек.

Суда шомылғанда әурет жердің жамылып тұрғаны жеткілікті емес. Әуреті ашық жандардың дәл сол суда шомылмауы да маңызды мұсылман адам үшін Осыны ескеріп жүріңіздер, әуретім жабық қой әйтеуір демей

Ілім алуға жігер беретін нәрселер: 1. Үй. (Яғни, үйдегі ғылыми атмосфера); 2. Үлгі болатын ұстаз; 3. Білімге деген шынайы махаббат; 4. Ғұламалардың өмірбаянын оқу. Шейх Хасан Осман

Мына дүние кетіп бара жатса, ақырет жақындап жатыр. Әрқайсысының балалары бар. Сендер ақыреттің баласы болыңдар, дүниенің емес. Себебі бүгін амал етуге мүмкіндік бар, есеп-қисап жоқ. Ал ертең есеп-қисап болады, амалға мүмкіндік жоқ. Али (оған Алла разы болсын), Сахих Бұхари

Жеке дәрістер жайлы Айтпақшы, араб тілінен менімен жеке дәріс өтуге алдағы жарты жылға орын болмай тұр. Айына бір рет менторлыққа ғана қабылдай аламын. Менторлық – ол менімен жеке дәріс өту емес. Оның не екенін біліп алу, интернеттен қиын емес деп ойлаймын. Менторлыққа қабылданған шәкірт 1-2 ай сынақтан өткеннен кейін ғана, жеке дәріс алуға өтеді. Жүйені әзірге солай. Күзде тағы да өзгерісттер болуы мүмкін жұмыс орныма сай

Өзіме бір мақсат қойғаным бар. Османдық жүйе бойынша барлық кітаптарды оқып, солардан сабақ беремін деген. Әлхамдулилля, өзім индо-пакистандық жүйемен сарф ілімін оқысам да, Османдық жүйені қатты ұнатамын. Ол жүйе бойынша "Әмсилә", "Бинә", "Мақсұд", Ғиззи және "Марахул әруах" кітаптары өтіледі. Алланың қалауымен алғашқы 4 бойынша шейх Али Һаниден иджаза алып, 100 астам шәкіртке дәріс беріп келе жатырмын. Алла қаласа, енді "Марахул әруахты" өтуге ниет бар. Бүгін индо-пакистанда танымал "Илму әс-сиға" кітабын бір шәкіртіммен бітірдім. Ол жақта алдымен "Мизан", "Муншағиб", "Сарф мир" секілді кітаптар алдымен оқытылады. Кейін "Илм әс-сиғаны" өтеді. Кейбір медреселерде "Марахул әруахта" оқытылады. Алайда мен оқыған медреседе, тек "Марахул әруах" оқытылмады. Қалғанын бәрін оқыдық, әлхамдулилля. Араб елдерінде болса, жүйелер әртүрлі. Қазірдің өзінде араб ұстаздарым ұсынған кітаптарды да тоқтамай оқып келемін. Дәл қазір ұстазым шейх Али Һанидің "Тайсир әл-иғләл уә әл-ибдәл" кітабы бойынша берген дәрістерін өтіп жатырмын. Тал бесіктен жер бесікке дейін...

Сарфты мықты оқыған бауырлар (ұл/қыз) бар ма? Әмсилә, Бинә, Мақсұд және Иззиді жақсы бітіргендер төменге + қалдырып кетіңіздер

Мына каналыма жазылып үлгеруге 5-10 мин беремін, сосын сілтемесін өшіремін