PAYARIQ HAYOTI | Rasmiy kanal

Tuman hokimi I.Jabborov tomonidan berilgan topshiriqlar ijrosi ta'minlanmoqda Payariq tuman hokimi I.Jabborovning "Choshtepa" mahallasi hududidagi o'rganishlari davomida tuman tibbiyot birlashmasiga qarashli "Choshtepa" OSHP da aniqlangan kamchiliklar bartaraf qilindi. Jumladan, tibbiyot muassasasining atrofi obodonlashtirilib, betonlashtirish hamda binoning ichki qismidagi ayrim joylarida taʼmirlash ishlari amalga oshirildi. Kanalga ulanish: 👇👇👇 📱Telegram   📱Instagram 📱Facebook 🌍Veb-Sayt

⚡️Xalq deputatlari Payariq tumani Kengashining navbatdagi bir yuz to'rtinchi sessiyasi bo'lib o'tdi Kengash raisi Isroil Jabborov raisligida o‘tgan sessiya ishida kun tartibidagi masalalarga aloqador hokim o‘rinbosarlari, tashkilot va muassasa rahbarlari hamda OAV vakillari ishtirok etdi. Sessiya ishini tuman hokimligining Facebook sahifasida to'liq ko'rishingiz mumkin. Videoni ko'rish: Kanalga ulanish: 👇👇👇 📱Telegram   📱Instagram 📱Facebook 🌍Veb-Sayt

Ҳоким бу мактабни нега эътироф этди? Сабаби, биринчидан, мактаб битирувчиларининг олий ўқув юртига ўқишга кириш кўрсаткичи юз фоиз. Иккинчидан, спорт ва китобхонлик бўйича мусобақа ва танловлардаги натижлари республика миқёсида алоҳида таҳсинга лойиқ. Учинчидан, ўқитувчилар ва ўқувчилар ўртасида соғлом муҳит бор.  Тўртинчидан, ободонлаштириш, тартиб-интизом дастуриламалга айланган.  Бешинчидан, мактабни ғайрати жўшган, интилувчан Жаҳонгир Рўзиев бошқаради. Гап 82-умумтаълим мактаби ҳақида бормоқда. Туман ҳокими И. Жабборов яқинда мазкур билим масканига ташриф буюриб, ана шу жиҳатларга алоҳида тўхталди. Уларнинг ютуқларини эътироф этиб, галдаги зафарли одимларга омад тилади.   Очиғи, бу билим масканидаги ўқувчиларга яратилган шароитдан ғурурланиб кетасан.  Иқтидорли ўқувчи , энг кўп китобхон дейсизми, туман, вилоят, республика чемпиони дейсизми барча-барчаси ушбу масканда мужассам. Мактаб директори Жаҳонгир Рўзиев халқ таълими тизимини тиклашдек масъулиятли вазифани бажариш учун кўп ўқиган, кўп нарсани билади. Ишининг мураккаблигидан, қийинчилигидан чўчийдиганлардан эмас.

- Шуни қувонч билан айтаманки, юртимизда халқ таълими тизимига берилаётган эътибор давлат сиёсати даражасига кўтарилган,- дейди Ж. Рўзиев. -  Бундан ташқари, Президентимиз ҳар бир йиғилишларида халқ таълими тизимига алоҳида тўхталадилар. Очиғи, Президентимиз маърузаларини эшитиб, ўқиб ишимизга янада масъулият билан ёндошиш керак эканлигини ҳис қиламиз. Айниқса,  мактабларда маънавий муҳитни тубдан яхшилаш бўйича мутлоқо янги концепция ишлаб чиқилиши айни муддао бўлди. Бугунги ўқитувчи нафақат мактабда, оилада, маҳаллада  ибрат бўлиши  куннинг талабига айланди. Ўқитувчи борган жойда маънавиятнинг, маърифатнинг ҳарорати сезилиб туриши керак.

Устоз ва шогирдларнинг ютуқларини эшитиш ва кўришнинг завқи бошқача. Ўтган ўқув йилги 30 нафар мактаб битирувчиларимизнинг олий ўқув юртларига ўқишга кириш кўрсаткичи юз фоиз бўлди. Бу йилги битирувчиларимиздан ҳам кўнглим тўқ. Насиб этса, натижа 100 фоиз. Бундан ташқари, кутубхоначимиз Дилором Муродова китоб мутоласини кенг тарғиб этганлиги учун республика болалар кутубхонаси директори ташаккурномасига сазовор бўлди. Спортнинг муайтай тури бўйича иштирок этган ўқувчимиз Ўзбекистон кубогини қўлга киритди. Президентимизнинг «Замонавий мактабларни ташкил этиш чора-тадбирлари тўғрисида»ги қарори ижросини таъминлаш мақсадида «Инновация, технология ва стратегия маркази» томонидан мактабимизга  замонавий мактаб мақоми берилди. Очиғи, ютуқларни санайверсак, айтаверсак кўп. Лекин бу ютуқларимиз хотиржамликка асос бўлолмайди. Насиб этса, янги ўқув йилида бундан ҳам залволлироқ натижалар учун ҳаракат қиламиз. Хулоса ўрнида шуни айтиш мумкинки, ҳақиқатан ҳам мактабга гап йўқ. Ишонмасангиз, сиз ҳам келинг, кўринг, ҳавас қилинг. Ҳусниддин ХОЛДОРОВ. @PAYARIQHAYOTI_UZ

Ҳоким бу мактабни нега эътироф этди? @PAYARIQHAYOTI_UZ

TADBIRKOR AYOLLARNING SHASHTI BALAND "Turkibola" mahallasida ham islohotlar jadallik bilan tadbiq etilib, samarali ishlar amalga oshirilmoqda. Soʻnggi yillarda, odamlar turmush tarzini tubdan oʻzgartirish, bandlik masalasida, aholi daromadlarini oshirish maqsadida kichik biznes va tadbirkorlikni rivojlantirishga alohida e'tibor qaratilmoqda. Ushbu mahallada ham fuqarolar taklif va tashabbusidan kelib chiqqan holda tadbirkorlik subʼektlari faoliyati yoʻlga qoʻyilgan. Parvina Abdiyeva ishbilarmon xotin-qizlardan biri, oʻz mablagʻi hisobidan qandolat mahsulotlari ishlab chiqarish sexini ishga tushirdi. Oila aʼzolaridan 4 nafarini ish bilan band qildi. Bugungi kunda, aholi dasturxoniga tortiq qilib, oilaviy byudjetiga sezilarli darajada foyda keltirmoqda. Turli xil shirinliklarning, ajoyib tarzda bezatilganligi, beqiyos ta'mi xaridorda oʻzgacha taassurot qoldiradi.

— Mahallamizda tadbirkorlik yoʻnalishida qilingan ishlar xususida toʻxtalganda, albatta natijadorlik muhimligiga ishonch hosil boʻladi, — deydi mahalla xotin-qizlar faoli Nargiza Noriyeva. — Davlatimiz tamonidan yaratilayotgan imkoniyatlardan unumli foydalanib kelayotgan Dilorom Toʻrayeva, Zebo Abdunazarova, Sayyora Otaboyeva, Larisa Xoʻjaqulovalar nodavlat oilaviy maktabgacha ta'lim muassasalari faoliyatini yoʻlga qoʻydi. Tomorqa madaniyatini shakillantirish, tomorqadan unumli foydalanishda Dilorom Odilova mahalladoshlariga chinakam oʻrnak boʻlishmoqda. 2 sotixdan 2 ta issiqxonadan yaxshigina daromad qilmoqda. Shuningdek, tomorqasidagi turli xil mevali daraxtlar, sabzavotlar, poliz ekinlari va boshqa roʻzgʻorbop ekinlarni koʻrib kishini havasi keladi.

"Turkibola" mahallasida intiluvchan, izlanuvchan ayollar koʻp, Madina Jumasheva ana shunday zamonaviy ayollardan desak, mubolagʻa boʻlmaydi. U xotin-qizlarga qulaylik yaratish maqsadida "Sogʻlomlashtirish fitnes klub" faoliyatini yoʻlga qoʻydi. Bu orqali sogʻlom turmush targʻibotiga, aholi salomatligi yoʻlida oʻzining munosib hissasini qoʻshmoqda. Bugungi kunda nafaqat tuman markazida, balki chekka qishloqlarda ham tadbirkorlik sohasida koʻplab tumandoahlarimiz, biznes rejalarini amalga oshirmoqda. Bu orqali jamiyat va yurt taraqqiyotida munosib oʻrin tutayotganligini bildiradi. Shirinboy MAMADALIYEV.

Олим бобонинг олимлиги нимада? Олимжон Ёқубжонов «Жавшар ота» маҳалласида истиқомат қилади. Дангал одам. Кўп ўқиган, кўп нарсани билади. Умрининг 33 йилини ёшларга таълим-тарбия беришдек масъулиятли вазифага сарфлаган. Халқ таълими аълочиси. Нафақага чиққан бўлса-да, жамият тараққиёти учун фаол. «Нуроний» жамоатчилик Кенгашининг забардаст аъзоларидан ҳисобланади. Куни кеча Олимжон бобони Пайариқ марказий истироҳат боғида учратиб қолдим. Кайфияти йўқдай. Ҳа, нима бўлди, Олимжон бобо!

— Мен айтмай, сиз эшитманг, — дея гап бошлади бобо. — Жанжалли оиладан келаяпман. Иккинчи турмуш. Яна ажрашармиш. Униси у дейди, буниси бу. Бош оғриқ. Нарса талаш. Униси «буни мен олиб келганман деса, буниси шу уйники» дейди. Қай бирига бўлишни ҳам билмайсан. Очиғи, бундай ажримлар маҳалла оқсоқолларига яхшигина бош оғриқ бўлаётир. Ўзингизча ўйлаб кўринг. Ҳеч қандай ҳужжати бўлмаган оилани қандай яраштириш мумкин?

Ҳақиқатан ҳам О. Ёқубжонов тиниб-тинчимайдиган тоифалардан. У кишининг бевосита саъй-ҳаракатлари билан 2018-2024 йилларда маҳалладаги ажрим ёқасига келиб қолган 26 та оилаларни яраштиришда бош-қош бўлди. Бугунги кунда бу оилалар тинч-тотув яшаб келмоқдалар. Олимжон аканинг хизматлари бесамар кетаётгани йўқ. 2018 йилда «Маҳалла ифтихори» кўкрак нишони, 2022 йил Ўзбекистон Республикаси фахрийларини ижтимоий қўллаб-қувватлаш «Нуроний» жамғармаси васийлик кенгашининг қарорига асосан 2-даражали меҳнат фахрийси кўкрак нишонлари билан тақдирланган. — Бундай фарахбаҳш кунларнинг қадрига етиш керак, -дейди Олимжон Ёқубжонов. — Одамларнинг турмуш тарзи ҳам кундан-кунга ривожланиб бораяпти. Иккита уйнинг биттасида машина бор. Тадбиркорлик қиламан деган кишига барча йўл очиқ. Фақат оқилона йўл тутиши керак. Аммо баъзиларимиз тўқликка шўхлик қилиб юбораяпмиз-да. Масалан, тўйларимизни олайлик. Қанчалик бу борада тарғибот ишлари олиб борилмасин, айримлар ўз билганидан қолмаяпти. Тўйлар ким ўзарга айланиб кетаяпти. Бундай ортиқча дабдаба кимга керак ўзи? Икки соатлик тўй учун борини сочиш шартми? Шунча сарф-харажатни кўкка совургунча фарзандларининг иқболини, ўқишини ўйласа бўлмайдими? Ҳа, майли бу ҳам ўткинчи давр. Вақт ўтиб, изига тушиб кетар. Очиғи, мен бугун бир нарсадан хурсандман. Юртимизда ёшларга берилаётган эътибор ва ғамхўрликни кўриб жўшиб кетаман. Ўқийман, изланаман десанг, ҳамма шароит бор. Олдинги замон билан ҳозирги замонни таққослайдиган бўлсангиз, осмон билан ерча фарқни кўрасиз. Шуни қувонч билан айтаманки, бугунги ёшларнинг ғайрат- шижоатини кўриб, барча соҳаларда илдамлик, ривожланиш кундан-кунга ошмоқда. Олимжон бобонинг яна бир қизиқ одати бор. Отахон ўтган умри давомида мингга яқин турли кўринишдаги медалларни тўплаб келди. Ҳозирда унинг уйида ана шу медалларнинг 576 таси сақланиб келинмоқда. — Оилам тинч, юртимиз осмони мусаффо, бундан ортиқ бахт бўлиши мумкинми, — дейди Олимжон Ёқубжонов. — Фарзандларим, набираларим менга қувват, далда беради. Шунинг учун доим бардам ва тетикман. Ҳусниддин ХОЛДОРОВ.

Олим бобонинг олимлиги нимада? Олимжон Ёқубжонов «Жавшар ота» маҳалласида истиқомат қилади. Дангал одам. Кўп ўқиган, кўп нарсани билади. Умрининг 33 йилини ёшларга таълим-тарбия беришдек масъулиятли вазифага сарфлаган. Халқ таълими аълочиси. Нафақага чиққан бўлса-да, жамият тараққиёти учун фаол. «Нуроний» жамоатчилик Кенгашининг забардаст аъзоларидан ҳисобланади.

"Burqut" mahallasi hududidagi asosiy yo'l bo'ylarida o'sgan begona o'tlar o'rilib, obodonlashtirilmoqda. Kanalga ulanish: 👇👇👇 📱Telegram   📱Instagram 📱Facebook 🌍Veb-Sayt

Акбарали Очилов ижросида "Келасанми дердим хайрлашар чоғ." @PAYARIQHAYOTI_UZ