Tech Xtream

مارك زوكربيرج خسر 7 مليار دولار من ثروته منذ بداية الأزمة 😲

المشكلة الأكبر حاليا أنه لا يمكن إصلاح هذا الخطأ من الداخل، ولا بد للمتخصصين من التوجه إلى مراكز البيانات لإعادة تهيئة وضبط الإعدادات الصحيحة لأجهزة التوجيه لاستعادة النظام. وسائل إعلامية حاليا تؤكد أن موظفي فيسبوك فشلوا في الدخول إلى المبنى المتواجد به أجهزة الراوتر المسئولة عن المشكلة لأن الشارات الخاصة بهم مرتبطة بشبكة فيسبوك الداخلية التي هي أصلا لا تعمل !!!

تطبيقات فيسبوك الحالية غير قابلة للوصول بسبب مشاكل في خدمة الـDNS. الدي إن إس هي الخدمة المسئولة عن ترجمة روابط المواقع إلى عناوينها الحقيقية وهي الآي بي Internet Address. مثلا إذا كتبت google.com يقوم الدي إن إس بترجمة الرابط إلى هذا الآي بي 142.250.203.238 حتى يتم تحويلك إلى الموقع الذي تريد الدخول إليه. مشكلة فيسبوك الحالية لا تقتصر على ذلك، لأن هناك خدمات مستضافة على خدمات خارجية مثل انستجرام المستضاف على خدمة أمازون ويب. المشكلة الكبرى التي أدت إلى هذا الانقطاع المطول هي في بروتوكول التوجيه Border Gateway Protocol وهو عبارة عن نظام يسمح للشبكات بمعرفة أفضل طريق لشبكة أخرى، وهو النظام المستخدم في الشركات الكبرى ذات الشبكات المعقدة. بدون توفر طرق المرور الخاصة ببرتوكول BGP لا يمكن الوصول من الخارج إلى نظام الـDNS الداخلي الخاص بتطبيقات ومواقع فيسبوك، أي أنه ربما التطبيقات تعمل بدون مشكلة؛ لكن لا يمكن للمستخدمين الوصول إليها بسبب مشاكل في شبكة فيسبوك الداخلية.

عملت ريستارت كام مرة للراوتر قبل ما تعرف إنها مشكل عامة 😂😂😂

هل تواجه مشكلة في الوصول إلى تطبيقات فيسبوك؟ لست وحدك.. فيسبوك وإنستجرام وواتساب يعانون من مشكلة في الوقت الحالي ولا يمكن استخدام المواقع أو التطبيقات ⬇️⬇️

باحث أمني يحصل على مكافأة مليون دولار مقابل ثغرة أبلغ عنها 😯 شركة Belt Finance دفعت للباحث الأمني Alexander Schlindwein مكافأة قدرها مليون دولار مقابل ثغرة أبلغها للشركة كان يمكن استغلالها لسرقة أصول تُقدر بـ10 مليون دولار. شركة Belt Finance هي شركة متخصصة في تطوير بروتوكول تبادل لا مركزي معتمد على نظام سلسلة "بينانس" الذكية وبعض الأنظمة الأخرى لتبادل الأرصدة وربح عوائد من خلال استخدام المنصة. بالإضافة إلى مكافأة Belt Finance حصل الباحث أيضا على مكافأة 50 ألف دولار من برنامج المكافأت الخاصّ بمنصة بينانس؛ ليصبح إجمالي المكافأة 1,050,000 دولار، ودي أكبر مكافأة في مقابل ثغرة تم الإعلان عنها حتى الآن. نفس الباحث ده حصل في شهر مايو الماضي على مكافأة 800 ألف دولار من شركة Fei Protocol لاكتشافه ثغرة حرجة وإبلاغها للشركة.

الوثائق التي تم تسريبها هذا العام بلغت 12 مليون وثيقة كشفت عن حجم الأموال المهربة وثروات قادة العالم المخفية عن الجميع. أهم الأسماء الورادة في التسريبات: ▪️ عبدالله الثاني ملك الأردن ▪️ الرئيس الروسي فلادمير بوتين ▪️ الرئيس الكيني أوهورو كينياتا ▪️ رئيس الإكوادور غييرمو لاسو ▪️ عائلة علييف الحاكمة في أذربيجان ▪️ الرئيس الأوكراني فولوديمير زيلينسكي ▪️ تميم بن حمد آل ثاني أمير دولة قطر ▪️ حسان دياب رئيس وزراء لبنان سابقا ▪️ نجيب ميقاتي رئيس وزراء لبنان الحالي ▪️ رئيس الوزراء الباكستاني عمران خان ▪️ محمد بن راشد آل مكتوم حاكم إمارة دبي ➖➖➖➖➖➖➖➖➖➖➖➖➖➖➖ الاسم العربي الأبرز في تسريبات أوراق باندورا هو اسم ملك الأردن عبدالله الثاني الذي ذكرت الوثائق أنه أنفق -عبر شركات وهمية- أكثر من 100 مليون دولار في بريطانيا والولايات المتحدة لشراء المنازل الفاخرة. حجم وثائق باندروا لعام 2021 فقط بلغ ما يقرب من 12 مليون وثيقة بحجم 3 تيرابايت تقريبا. تتضمن التسريبات مستندات وصور ورسائل إلكترونية ومقاطع فيديو وتسجيلات صوتية. ما زالت هناك مفاجآت قادمة عن الكثير من الشخصيات الهامّة خصوصًا "عائلات غنية" في الشرق الأوسط سيتم الكشف عن ثرواتها المهربة والمخفية خلال الأيام القادمة. معلومات مهمة موجودة في التعليقات يجب مراجعتها. كما يمكنكم متابعة التفاعل الضخم حول هذا التقرير الصحفي على تويتر عبر وسم: #وثائق_باندورا #PandoraPapers

فضيحة مدوية لمجموعة من أغنى وأهم الشخصيات في العالم 😯 منذ ساعات قليلة تم نشر أحد أكبر التحقيقات الصحفية اللي تمت على مستوى العالم إن لم يكن الأكبر. التحقيق الذي قاده "الاتحاد الدولي للصحفيين الاستقصائيين ICIJ" شارك فيه أكثر من 600 صحفي في 171 دولة حول العالم للتحقيق في دفعة جديدة من وثائق باندورا The Pandora Papers. وثائق باندورا هي عبارة عن وثائق سرية عن عمليات إخفاء وتهريب الأموال التي يقوم بها شخصيات بارزة على مستوى العالم عبر الشركات الوهمية والدول التي توفر ملاذات ضريبية.

شهر أكتوبر من الشهور اللي سوق العملات الرقمية بيتفائل بيها وبيكون بداية ذروة ارتفاع في أسعار العملات والوصول إلى قمم جديدة ↗️↗️ الصورة دي فيها أسعار بعض العملات في آخر 24 ساعة.. في عملات سعرها زاد بنسبة 20% في يوم واحد 🔥🔥 ده مقال فيه ترشيحات لأفضل عملات بأسعار رخيصة متوقع زيادة أسعارها.. وتم تحديث المقال النهاردة بترشيحات جديدة لعام 2022 👇 https://bit.ly/2RroCqh وده شرح لأفضل موقع ممكن الاعتماد عليها لشراء العملات بالفيزا 👇 https://youtu.be/ddCpoGyKO8o

في شركة اسمها Compound عاملة نظام زي بنك كدة لكن بالعملات الرقمية.. ناس بتعمل إيداع لأرصدة وبتاخد عليها فايدة وناس تانية بتقترض وتدفع فايدة.. المهم امبارح كانوا بيعملوا تحديث للنظام بتاعهم وأثناء التحديث حصل خطأ أدى إلى توزيع 90 مليون دولار من أرصدة الموقع على المستخدمين. هما دلوقتي عاملين عرض اللي يرجع الفلوس اللي وصلته بالخطأ يقدر يحتفظ بنسبة 10% من المبلغ !

⭕️ تطور الآيفون ⭕️ آبل دايما متأخرة في أغلب المميزات اللي بتقدمها عن الشركات المنافسة.. يعني في الوقت اللي مستخدمي الأندرويد بيكونوا بقالهم سنين بيستخدموا ميزة معينة وبيدورا على حاجة جديدة بتبدأ آبل تضيفها في نظامها زي ما حصل مع الـWidgets / Picture-in-Picture / Swipe to type. لو اتكلمنا عن القدرة على تخصيص الموبايل فنظام iOS نظام عقيم حرفيا من الناحية دي.. يعني لحد فترة قريبة كان الحاجة اللي ممكن تغيرها في الآيفون هي الخلفية وتبقى كدة اتعشت يعني وآبل عاملة واجب معاك.. في حين إنك على الأندرويد تقدر تشقلب نظام التشغيل وشكل الموبايل وتتحكم في كل حاجة في النظام زي ما انت عايز. بالنسبة لتصميم الموبايل في الوقت اللي الشركات كلها صغرت النوتش بشكل متناهي وفي اللي استغنت عنه تماما لسه بنشوف نوتش بحجم غريب في عام 2021. ➖➖➖➖➖➖➖➖➖➖➖➖➖➖➖ ⭕️ البطارية ⭕️ مفيش مستخدم للآيفون إلا وهو بيعاني مع البطارية اللي من الحاجات المضحكة إن آبل مش بتعلن عن السعة بتاعتها، وبنعرف حجم بطارية كل موبايل لما في حد يتطوع إن يفكك الموبايل عشان يعرف حجم البطارية. ده غير استنزاف الهيلث الخاص بالبطارية بشكل سريع والشاحن اللي بتشتريه بشكل منفصل عن الموبايل وليلة كبيرة سعاتك.. ➖➖➖➖➖➖➖➖➖➖➖➖➖➖➖ ⭕️ الحماية والخصوصية ⭕️ بالمقارنة مع الأندرويد فالمميزات والخصائص اللي الآيفون بيمنعها عن المستخدم بغرض حمايته أصبحت صفقة خاسرة مقابل الحماية اللي بيحصل عليها المستخدم. خلال الـ3 شهور اللي فاتوا نشرت كتير عن ثغرات أمنية في الآيفون تم استخدامها للتجسس على المستخدمين وسرقة بياناتهم، وأنا مقتنع إن آبل مش بتبذل جهد كفاية لتأمين نظامها.. خصوصا مع سوء تعاملها مع بلاغات الباحثيين الأمنيين وتأخرها في علاج الثغرات اللي تم الإبلاغ عنها.. وده نشرت عنه قبل كدة. كذلك البدعة الأخيرة اللي حاولت تعملها بإنها تعطي لنفسها الحق في البحث داخل صور المستخدم عشان تعرف لو على حسابه صور مسيئة للأطفال.. وطبعا بعد انتقادات شديدة قررت إنها تأجل النظر في الموضوع. لو شوفنا كل العيوب ده في نقطة الحماية والخصوصية وعملنا مقارنة مع الصلاحيات اللي بتتسرق من المستخدم في المقابل هنلاقيها صفقة خاسرة. ➖➖➖➖➖➖➖➖➖➖➖➖➖➖➖ ⭕️ أسعار مبالغ فيها ⭕️ السنة اللي فاتت موقع Nikkei Asia بالتعاون مع شركة يابانية اسمها Fomalhaut Techno Solutions فككوا آيفون "12 برو" حتة حتة عشان يعرفوا التكلفة الحقيقية لنسخة High End.. وكانت النتيجة إن تكلفة الموبايل الحقيقية لا يمكن أن تتخطى 406 دولار.. شركة آبل كانت بتبيعه بكام بقى؟ أقل نسخة منه كانت بتتباع بـ999 دولار !! دي كانت أرباح الشركة من كل موبايل على قفا الزبون..

❌❌ ليه متشتريش آيفون ❌❌ بعد ما اتكلمنا في بوست امبارح عن "ليه تشتري آيفون" هنتكلم دلوقتي عن الجزء التاني وهو أبرز عيوب الآيفون وليه لازم تبعد عنه ➖➖➖➖➖➖➖➖➖➖➖➖➖➖➖ ⭕️ موبايلك مش بتاعك ⭕️ الآيفون موبايل انت بتشتريه بفلوسك "نظريا" لكن شركة آبل بتفضل محتفظة بالجزء الأكبر من السيطرة على الموبايل. أولا نظام التشغيل iOS نظام مغلق المصدر.. يعني مفيش أي جهة غير آبل تقدر تعدل، تطور، تأمن نظام التشغيل غيرها. عشان تستخدم تطبيق على موبايلك لازم آبل توافق عليه ويبقى موجود على المتجر.. مفيش وسيلة تانية تقدر تعمل Sideloading لتحميل التطبيق من خارج المتجر. مسموح لك تستخدم الموبايل بالصلاحية اللي بتسمحلك بيها الشركة وتعدل على أي حاجة على الموبايل طالما بتسمح بيها الشركة.. مفيش وسيلة عشان تبقى Superuser أو توصل لصلاحية الروت زي الأندرويد وتعمل جيلبريك للموبايل.. اللهم إلا في حالات نادرة جدا. ممكن تبقى قاعد في أمان الله لا بيك ولا عليك وتلاقي تحديث اتبعتلك عشان يخلي جهازك بطيء أو تحديث يفتش في صورك على الآي كلاود عشان يعرف لو انت مخبي صور كدة ولا كدة على حسابك.

في 2018 الاتحاد الأوروبي فرض أكبر غرامة في تاريخه على شركة بتهمة الاحتكار لما غرّم شركة جوجل 5 مليار دولار بسبب الهيمنة على نظام الأندرويد واستغلاله لجعل منتجاتها زي محرك جوجل ومتصفح كروم مهيمنة على المجال. الشركة حاليا بتعمل استئناف على القرار وعشان تثبت إن المستخدم بيختار منتجاتها بكامل إرادته قدمت وثائق بتثبت إن أكتر كلمة بيتم البحث عنها في محرك بحث Bing المنافس هي كلمة "Google"..

بكرة إن شاء الله هيتم إصدار نسخة لعبة PES الجديدة تحت مسمى eFootball 2022 اللي هتكون مجانية للمرة الأولى 🎮 ➖➖➖➖➖➖➖➖➖➖➖➖➖➖➖ أهم التغيرات الجديدة: ▪️ تغير الاسم إلى eFootball ▪️ أغلب أجزاء اللعبة هتكون مجانية ▪️ بعض الأطوار في اللعبة هتكون مدفوعة ▪️ مش هيكون في نسخة كل سنة ولكن هينزلها تحديثات ▪️ اللعبة قادمة لجميع المنصات والكونسولز والموبايلات ▪️ هتدعم Cross Play.. يعني اللاعبين على أي منصة يقدروا يواجهوا بعض ▪️ تم تغيير محرك اللعبة بمحرك Unreal Engine 4 لدعم أوسع وأداء أفضل بعد بكرة إن شاء الله يوم الجمعة هيتم إصدار لعبة FIFA 22 🔥

في لقطة في أحد مسلسلات نتفلكس الحديثة ممثل بيمنح ممثل آخر بطاقة مكتوب عليها رقم موبايل يقدر يتصل بيه لو عايز يشترك في لعبة الفائز فيها هيكسب 45 مليار وون كوري. الغريب إن رقم الموبايل اللي ظهر في المسلسل رقم حقيقي بيمتلكه أحد الأشخاص في كوريا.. ومن وقت عرض المسلسل وهو بيتم إزعاجه بأكتر من 4000 اتصال يومي من غير ما يعرف السبب لحد ما واحد منهم قاله إن الرقم ظهر في مسلسل مشهور. صاحب الرقم حسب ما قال بيمتلك الرقم ده من 10 سنوات وكمية الإزعاج دي منعته من استخدام الرقم وممارسة أعماله اليومية من وقت عرض المسلسل. نتفلكس لما عرفت بالخبر عرضت على صاحب الرقم 850 دولار كتعويض.. أيوة 850 دولار بس من غير ألف 🙂

سعر عملة CHIA يوم 5/15: 1600 دولار ↗️↗️ سعر عملة CHIA يوم 9/28: 152 دولار ↘️↘️ انهيار كبير لعملة Chia اللي كان بيطلق عليها البتكوين الأخضر لاعتمادها على التعدين باستخدام وحدات التخزين HDD & SSD. انهيار المشروع ليه عدة أسباب منها معدل إهلاك سريع جدا للهاردوير.. الهارد اللي ممكن يشتغل 10 سنين باستعمال طبيعي بيصبح تالف في خلال من 40-80 يوم فقط أثناء تعدين العملة ! طريقة التعدين نفسها فيها صعوبة على أصحاب الهاردوير القليل في المشاركة في التعدين والحصول على العملة، وبالتالي معدل الربح بيكون شبه منعدم. أخيرا وقت ظهور العملة وانتشارها أدى إلى زيادة الإقبال على شراء وسائط التخزين وده بدوره رفع سعرها بمتوسط من 100$-300$.

شرح كيفية إنشاء شركة رسمية في بريطانيا أون لاين بأسهل طريقة وأرخص تكلفة ممكنة 👇 https://youtu.be/8kkhN8AFKDo

شركة Stronghold Digital Mining اشترت محطة توليد كهرباء بالكامل عشان توفر احتياجتها اللازمة من الطاقة لتعدين البتكوين ⚒ موضوع استهلاك الطاقة المفرط ده من أسوء سلبيات البتكوين.. في المتوسط معاملة بتكوين واحدة ممكن تستهلك حتى 1700 كيلو وات/ساعة عشان يتم التحقق منها وتسجيلها في بلوك داخل البلوك تشين. شبكة الإيثريوم بتعاني من نفس المشكلة.. لكن في التحديث الرئيسي القادم للعملة هتتحول إلى إثبات الحصة Proof of Stake بدل من إثبات العمل Proof of Work وده هيلغي استهلاكها للطاقة لإثبات المعاملات.

شركة آبل هددت فيسبوك بطرد تطبيقاتها من المتجر ❌ في 2019 كان في تحقيق عملته BBC عن عمليات إتجار بالبشر بتتم عبر فيسبوك وانستجرام. أغلب المنشورات كانت من مستخدمين في السعودية والكويت وكان بيتم تداول منشورات "العبودية" مع هاشتاج معين لبيع الخادمات الأفارقة بمقابل مادي ! المنشورات كانت بتضم صورة للخادمة مع وصف عنها.. زي ما يكونوا سلع بالظبط !! فيسبوك كان عنده علم بالموضوع ده قبل تقرير BBC ولكن بعد صدور التقرير شركة آبل هددت فيسبوك في حالة لم تتخذ إجراءات صارمة هيتم طرد تطبيقاتها من المتجر.. وقتها الشركة قررت تتعامل مع الموقف وتحظر الهاشتاج والحسابات المشاركة فيه. الموضوع ده اتعرف دلوقتي بعد ما نشرت عنه جريدة WSJ اللي قدرت تحصل على عدد ضخم من الوثائق السرية من فيسبوك وبقالها أسبوع بتنشر فضائح عن الشركة.

هل كنت تعلم هذا 🤔 تطبيق تروكولر بيوفر أوبشن لإزالة معلوماتك من قاعدة البيانات الخاصة بيه حتى لو مش بتستخدم التطبيق.. لو رقمك بيظهر باسم مضحك على التروكولر تقدر تحذف الاسم وأي معلومات بتظهر مع الرقم من غير ما تحتاج تعمل حساب على التطبيق؛ وحتى بدون ما تحمل التطبيق. تقدروا تشوفوا الطريقة من الفيديو البسيط ده 👇 https://youtu.be/3v3vrPa4SCo