Tech Xtream

شركة آبل وسعت من حجم المساحة التخزينية اللي بتستخدمها من شركة جوجل لتصل إلى 8 مليون تيرابايت 😯 شركة آبل متقدرش تتعامل مع كمية البيانات الخاصة بمستخدميها وبالتالي بتعتمد على خدمات من طرف تالت زي جوجل كلاود.. وبينما مستخدم أجهزة آبل مفكر إن الشركة بتوفر له خدمة تخزين سحابي تحت سيطرتها اسمها آي كلاود iCloud هي في الحقيقة بتخزن بياناته عند جوجل 📁📁📁 اللي فات كوم واللي جاي كوم تاني.. آبل دفعت السنة دي 300 مليون دولار مقابل الحصول على مساحة تخزينية من جوجل كلاود حجمها 8 مليون تيرابايت.. ده معناه إن آبل بتدفع 1$ شهريا لتأجير مساحة بحجم 320 جيجابايت.. بعد كدة لو مستخدم الآيفون مثلا عايز يشتري مساحة إضافية على جهازه من خدمة آي كلاود (اللي هي بتاعت جوجل) شركة آبل بتبيعله المساحة دي بأضعاف السعر ده.. يعني عشان المستخدم ياخد مساحة 50 جيجا إضافية بيدفع 1$ في الشهر وده نفس المبلغ اللي آبل بتدفعه مقابل 320 جيجابايت.. يعني الشركة بتسمسر على المستخدمين وبتاخد ربح أكتر من 80% على قفاهم من خدمة مش بتاعتها أصلا 😀

المضاربة على الهاردوير 🥊 بعد إعلان مايكروسوفت ضرورة وجود شريحة TPM2.0 على الكمبيوتر عشان يقدر يشغل ويندوز 11 ارتفع سعر الشريحة من متوسط 25$ إلى 100$ ↗️↗️ الحقيقة إن مفيش أزمة نقص في الشرائح دي، ولكن ده جزء من مشكلة كبيرة موجودة في سوق الهاردوير اسمها المضاربة Scalping 📈 المضاربة باختصار شديد إنك بتشوف منتج معين فيه نقص في السوق أو زاد الطلب عليه فجأة وتشتريه وبعد كدة تبيعه بسعر أعلى من سعره الحقيقي. المضاربين أو الـScalpers بيعتمدوا على برمجة أدوات آلية بتزحف على مواقع التسوق المشهورة بشكل دوري وبتشتري الكمية المطلوبة من منتج معين بمجرد نزول المنتج على موقع التسوق. منصة Driscoll كانت نشرت في بداية السنة تقرير عن عمليات المضاربة على كروت الشاشة وتحديدا كروت RTX 3000 وحسب التقرير المضاربين نجحوا في شراء وبيع أكتر من 50 ألف كارت وحققوا ملايين الدولارات من الأرباح. المضاربة مش مقتصرة على سوق الهاردوير فقط، أي حاجة بيكون عددها محدود وعليها طلب ومتوفرة أون لاين بيحصل عليها مضاربة زي تذاكر المباريات المهمة والحفلات وغيرها. حتى الآن مفيش أي حل فعّال قدرت مواقع البيع أون لاين تستخدمه لمنع عمليات المضاربة ❌

هاكرز ماليزيون نجحوا في اختراق شركة Academe الصهيونية المتخصصة في مجال توظيف الخريجين ☠️ جروب الهاكرز الماليزي المعروف باسم "DragonForce" سرب قاعدة بيانات الشركة بعد اختراقها واللي احتوت على أكثر من بيانات أكثر من 280 ألف شخص من ضمنها: ▪️ رقم الهاتف ▪️ كلمات مرور ▪️ الاسم بالكامل ▪️ عنوان الإقامة ▪️ البريد الإلكتروني قبل هذا الهجوم وتحديدا يوم الجمعة الماضي نجح نفس الجروب في شن هجوم حجب الخدمة DDoS على بنك "مزراحي تفحوت" وبنك "لئومي" ونجح الهجوم في تعطيل خدمات البنكين لفترة قصيرة. جروب DragonForce واحد من أشهر مجموعات الهاكرز المناصرة لفلسطين ومن أكثرهم نشاطا في الهجوم على الكيان المحتل. في الشهر الماضي نجحوا في اختراق 126 موقع ويب بالإضافة لأكثر من 5000 كاميرا CCTV داخل الكيان المحتل.

هاكرز ماليزيون نجحوا في اختراق شركة Academe الصهيونية المتخصصة في مجال توظيف الخريجين ☠️ جروب الهاكرز الماليزي المعروف باسم "DragonForce" سرب قاعدة بيانات الشركة بعد اختراقها واللي احتوت على أكثر من بيانات أكثر من 280 ألف شخص من ضمنها: ▪️ رقم الهاتف ▪️ كلمات مرور ▪️ الاسم بالكامل ▪️ عنوان الإقامة ▪️ البريد الإلكتروني قبل هذا الهجوم وتحديدا يوم الجمعة الماضي نجح نفس الجروب في شن هجوم حجب الخدمة DDoS على بنك "مزراحي تفحوت" وبنك "لئومي" ونجح الهجوم في تعطيل خدمات البنكين لفترة قصيرة. جروب DragonForce واحد من أشهر مجموعات الهاكرز المناصرة لفلسطين ومن أكثرهم نشاطا في الهجوم على الكيان المحتل. في الشهر الماضي نجحوا في اختراق 126 موقع ويب بالإضافة لأكثر من 5000 كاميرا CCTV داخل الكيان المحتل.

🔥 شرح كيفية تعدين عملة الإيثريوم مجانا 🔥 https://youtu.be/uwdWPXmcgBA

🔥 أهم مميزات التحديث الأخير في تيليجرام 🔥 ⭕️ مكالمات الفيديو الجماعية ⭕️ دلوقتي تقدر تعمل مكالمات فيديو عبر التطبيق بدعم حتى 30 شخص وممكن تحول المكالمة الصوتية لمكالمة فيديو بالضغط على أيقونة الكاميرا.. ممكن كمان يتم مشاركة شاشة الموبايل أثناء المكالمة وده بيكون مفيد لو محتاج تعرض معلومة أو حد بيساعدك في مشكلة. ⭕️ إلغاء الضوضاء Noise Suppression ⭕️ لو في مكان زحمة أو بتعمل مكالمة في مكان مفتوح الميزة دي هتساعدك على تحسين جودة الصوت ومنع الضوضاء من الوصول للطرف الآخر. ⭕️ تقسيم الشاشة ⭕️ ميزة كويسة لمستخدمي الكمبيوتر والأجهزة اللوحية بتساعدهم على التحكم بشكل كبير في الشاشة وتقسيمها عموديا أو أفقيا، ودي بتكون ميزة مهمة جدا في مكالمات الفيديو. ⭕️ المشاركة الانتقائية ⭕️ لو حابب تشارك حاجة من جهازك مع طرف آخر تقدر تختار التطبيق اللي عليه الحاجة اللي عايز تشاركها وبكدة تقدر تستخدم جهازك بشكل طبيعي والطرف الآخر مش هيشوف إلا التطبيق اللي اخترته. ⭕️ الخلفيات المتحركة ⭕️ تقدر دلوقتي تختار خلفية متحركة عبارة عن مجموعة ألوان متناسقة بتتغير بشكل لطيف في كل مرة تبعت فيها رسالة.. تقدر تختار الألوان بنفسك. ⭕️ تأثيرات الاستيكرز ⭕️ تم إضافة مجموعة تأثيرات أنيميشن على الاستيكرز.. وتقدر دلوقتي تعمل ستيكر خاص بيك بسهولة من بوت تيليجرام stickers@ وتوصلك إحصائيات استخدام الاستيكر.. وكمان تم إضافة مجموعة من الوجوه التعبيرية الجديدة. ⭕️ قوائم البوتس ⭕️ هيكون في قائمة موجود عليها كل الأوامر الخاصة بالبوتس لتسهيل التواصل معاه وكتابة الأوامر بدون أخطاء.

الكمبيوتر الفائق لشركة Sportradar توقع فوز التشيك ببطولة أمم أوروبا 😯 الكمبيوتر الفائق بيعتمد على قاعدة بيانات ضخمة من البيانات التاريخية عن المنتخبات واللاعبين، وباستخدام الذكاء الاصطناعي وتعلم الآلة بيقدر الكمبيوتر يعمل محاكاة لعدد كبير من المباريات لمحاولة الوصول لدقة أكبر في التوقع. حتى الآن قدر الكمبيوتر يتوقع نتائج 10 مباريات بشكل صحيح وكمان توقع عدد الأهداف في 5 مباريات. الكمبيوتر توقع إن النهائي هيكون بين الدنمارك والتشيك وتوقع فوز التشيك بالبطولة.. النهاردة التشيك قدرت تحقق مفاجأة بعد إقصائها هولندا.. لكنها هتقابل الدنمارك في المبارة القادمة في الدور ربع النهائي ⚽️

الكمبيوتر الفائق لشركة Sportradar توقع فوز التشيك ببطولة أمم أوروبا 😯 الكمبيوتر الفائق بيعتمد على قاعدة بيانات ضخمة من البيانات التاريخية عن المنتخبات واللاعبين، وباستخدام الذكاء الاصطناعي وتعلم الآلة بيقدر الكمبيوتر يعمل محاكاة لعدد كبير من المباريات لمحاولة الوصول لدقة أكبر في التوقع. حتى الآن قدر الكمبيوتر يتوقع نتائج 10 مباريات بشكل صحيح وكمان توقع عدد الأهداف في 5 مباريات. الكمبيوتر توقع إن النهائي هيكون بين الدنمارك والتشيك وتوقع فوز التشيك بالبطولة.. النهاردة التشيك قدرت تحقق مفاجأة بعد إقصائها هولندا.. لكنها هتقابل الدنمارك في المبارة القادمة في الدور ربع النهائي ⚽️

بنهاية عام 2021 جوجل هتوفر ميزة على الأندرويد مشابهة لميزة "App Tracking Transparency" في الآيفون.. ودي الميزة اللي هتسمح للمستخدم بمنع التطبيقات من التجسس على نشاطه على المواقع والتطبيقات الأخرى من خلال منعهم من الحصول على معرف الإعلان للجهاز Advertising ID 🕵️ الميزة مش هتكون عبارة عن نافذة منبثقة لكل تطبيق زي ما في الآيفون، ولكن هيكون خيار واحد في الإعدادات في حالة تفعيله هيمنع جميع التطبيقات بالكامل من التجسس على نشاط المستخدم 🛡

في مؤتمر آبل الأخير الشركة كانت أعلنت عن ميزة جديدة في الآيفون اسمها "Private Relay" الميزة دي عبارة عن حاجة زي الڤي بي إن كدة هدفها حماية خصوصية المستخدم ومنع مزود الخدمة من معرفة المواقع اللي بيزورها، وكمان منع المواقع من جمع بيانات المستخدم. لما المستخدم يفتح موقع الموبايل هيبعت الطلب لسيرفر تابع لشركة آبل، السيرفر هيحذف الآي بي الخاص بالمستخدم من الباكت أو حزمة البيانات ويحولها لسيرفر خاص بشركة خارجية (ده عشان آبل نفسها متعرفش المستخدم عايز يدخل لأي موقع).. السيرفر الخارجي ده هيضيف آي بي من عنده ويبعت الحزمة للموقع اللي المستخدم طلب دخوله. المهم لسبب ما آبل أعلنت إن الميزة دي مش هتكون متوفرة في بعض الدول زي: ▪️ الصين ▪️ مصر ▪️ السعودية حد عارف السبب 😏

في تطبيق موبايل اسمه Premise موجود على متجر آبل وجوجل.. التطبيق ده عبارة عن تطبيق ظريف وديع بيمنح المستخدمين مكافآت مالية مقابل القيام ببعض الأعمال البسيطة زي المشاركة في استطلاع رأي، التقاط صورة لمكان في مدينتك وحاجات بسيطة زي ما احنا شايفين.. جريدة The Wall Street Journal عملت تقرير في منتهى الخطورة عن التطبيق ده بعد ما اكتشفوا إنه عبارة عن أداة مراقبة وتجسس بيتم استخدامها لجمع معلومات عن أكتر من 43 دولة حول العالم. حسب التقرير فالشركة عرضت على فرقة العمليات الخاصة الأمريكية في في أفغانستان عام 2019 قدرتها على تجنيد مواطنين واستخدامهم في التجسس وجمع معلومات بدون حتى ما يعرفوا إنهم بيجمعوا معلومات للعدو ولا يعرفوا إن المعلومات دي ليها أهمية أصلا. التطبيق كان بيعتمد على جمع معلومات حساسة زي تصوير أماكن معينة، الحصول على إجابات من سكان مدينة معينة بتساعدهم على جمع معلومات بدقة عن شيء معين داخل المدينة دي، كان بيتم الطلب من المستخدمين المشي لمكان معين من خلال طريق معين بهدف جمع البيانات من أبراج الاتصالات. ده نموذج لحرب البيانات اللي دايما بتكلم عنه وازاي من خلال تطبيق ممكن يتم تجنيد مواطنين للتجسس على بلدهم.

شركة أفاست نشرت تقرير مطول امبارح عن مالوير (برمجية خبيثة) اسمها "Crackonosh" كان المطورين بتوعها بيدمجوها مع نسخ مكركة من الألعاب عشان يستخدموا أجهزة الضحايا في تعدين عملة المونيرو ⚒ وقت ما الضحية يحمل اللعبة ويسطبها وبعد سلسلة من الخطوات المتقدمة كانت بتقدر المالوير إنها تعطل برامج الأنتي فيروس، توقف تحديثات الويندوز، بالإضافة لبعض الخطوات الظريفة زي إنها كانت بتستخدم ميزة Safe Mode في الويندوز عشان تحذف ويندوز ديفندر وتنزل مكانه برنامج شبه بالظبط لكن مش بيعمل أي حاجة غير إنه بيظهر أيقونة الويندوز ديفندر وعليها علامة الصح.. ويكأن يعني البرنامج شغال وجهازك محمي وكله في السليم 😃 دي أبرز الألعاب اللي تم اكتشاف المالوير في نسخها المكركة: ▪️ NBA 2K19 ▪️ Grand Theft Auto V ▪️ Far Cry 5 ▪️ The Sims 4 Seasons ▪️ Euro Truck Simulator 2 ▪️ The Sims 4 ▪️ Jurassic World Evolution ▪️ Fallout 4 GOTY ▪️ Call of Cthulhu ▪️ Pro Evolution Soccer 2018 ▪️ We Happy Few المالوير دي أصابت أكتر من 220 ألف جهاز وحققت أرباح لمطوريها من عمليات التعدين حوالي 2 مليون دولار 💸

ملخص مؤتمر مايكروسوفت للإعلان عن ويندوز 11.. أخيرا هتنزل تطبيقات الموبايل على الويندوز 😍 المؤتمر اللي بدأ بمشكلة فنية في البث الرسمي على موقع مايكروسوفت بشكل عام ركز على أكتر حاجة اتغيرت عن النسخة اللي فاتت في نظام ويندوز وهو التصميم وإمكانية تخصيص النظام بسهولة وسلاسة عشان يناسب احتياجات كل مستخدم 👌 ⭕️ التصميم ⭕️ ▪️ إضافة قائمة للمصغرات (Widgets) ▪️ تغيير في تصميم شكل شريط المهام وقائمة ابدأ ▪️ إضافة ثيمات جديدة منها اللي بيوفر الوضع المظلم ▪️ إمكانية تقسيم الشاشة بسهولة ليناسب أصحاب المهام المتعددة ▪️ إمكانية عمل أكثر من نافذة لسطح المكتب وفتح تطبيقات معينة لكل نافذة ⭕️ تغيرات النظام ⭕️ ▪️ تم دمج تطبيق الشات Microsoft Teams مع ويندوز 11 وهيكون متوفر بشكل افتراضي، ده هيوفر سرعة وجودة أفضل ▪️ إزالة مجموعة من التطبيقات الافتراضي زي Cortona | Skype | Paint 3D ▪️ تطبيقات الأندرويد هتكون متوفرة للتحميل بشكل مباشر على ويندوز 11 ومايكروسوفت هنا اعتمدت على متجر التطبيقات الخاص بأمازون ▪️ النظام أصبح أكثر أمانًا والتحديثات حجمها هيقل بنسبة 40% ▪️ ويندوز 11 هيستهلك طاقة أقل وده هيكون مفيد جدا لمستخدمي اللاب توب ▪️ لو معاك نسخة مفعلة من ويندوز 10 هتقدر ترقي لويندوز 11 مجانا الترقية هتكون متوفرة قريبا من خلال تحديثات ويندوز.. تقدر تشتري مفتاح تفعيل بأرخص طريقة من الفيديو ده 👇 https://youtu.be/qViYRD9KeH8 ▪️ النظام متوافق تماما مع الشاشات القابلة للمس مع سلاسة في الكتابة والتحكم في النظام عبر الشاشة ⭕️ الألعاب ⭕️ المؤتمر اهتم بشكل كبير بالجيمرز ودي أبرز الحاجات اللي تم الإعلان عنها: ▪️ تحسين سرعة تحميل الألعاب ورفع أداء المعالج مع النظام أثناء اللعب ▪️ نظام التشغيل هيوفر بشكل افتراضي Automatic HDR وده هيوفر إضاءة وألوان أفضل وأكثر وضوحا ▪️ الترويج لخدمة Xbox Game Pass ودي عبارة عن مكتبة ألعاب ضخمة باشتراك شهري ▪️ تشجيع المطورين لتوفير تطبيقاتهم وألعابهم على المتجر وإضافة وسائل دفع خاصة بهم بعمولة تصل إلى 0% لمتجر مايكروسوفت ⭕️ المتطلبات الدنيا لتشغيل ويندوز 11 ⭕️ ▪️ 4 جيجابايت رام ▪️ معالج 1 جيجاهرتز ثنائي النواة ▪️ مساحة 64 جيجابايت لتثبيت النظام ▪️ بطاقة رسوميات متوافقة مع DirectX 12 دي نظرة سريعة لطريقة تجربة النسخة المسربة في انتظار صدور النسخة الرسمية 👇 https://youtu.be/UsbnuGWLtc4

تطبيقات الأندرويد هتكون متاحة على ويندوز 11 بدون محاكي 🔥 هيكون فيه متجر لتطبيقات الأندرويد لتثبيت تطبيقات الموبايل على ويندوز 11 مباشرة 🔥🔥

مؤتمر شركة مايكروسوفت للإعلان عن ويندوز 11 بدأ 🔥 https://bit.ly/2UoEquT

اختفاء مؤسسي شركة Africrypt بعد سرقة 3.6 مليار دولار 😯 الشقيقين "أمير & رئيس كاجي" مؤسسا منصة تبادل العملات الرقمية الجنوب إفريقية Africrypt نجحوا في الهروب بعد سرقة أرصدة العملاء والمستثمرين. الأخوين أخبرا المستثمرين في شهر أبريل عن تعرض المنصة للاختراق وطلبوا منهم الحفاظ على سرية الحادثة لمحاولة استرداد الأرصدة المسروقة بدون تدخل الشرطة ! اليوم تم الكشف عن اختفاء الأخوين ومعهم أكثر من 69 ألف عملة بتكوين قيمتها تتجاوز 3.6 مليار دولار 💸

انتحار المبرمج البريطاني الشهير "جون مكافي" واحد من أوائل مطوري برامج مكافحة الفيروسات ومطور الأنتي فيروس الشهير "McAfee". جون مكافي كان مسجون في إسبانيا وعلى وشك الترحيل للولايات المتحدة لمواجهة تهم تتعلق بالتهرب الضريبي. مكافي كان نشر أكتر من تغريدة على تويتر بوصول تهديدات ليه بالقتل من مسئولين أمريكيين؛ وقال للمتابعين لو سمعوا خبر انتحاره يعرفوا إنه اتقتل ولم ينتحر. أمن السجن النهاردة دخل زنزانة مكافي لقوه مشنوق.. وتم اعتبار الحادثة انتحار.