Tech Xtream

من يومين كنت نشرت إن شركة نيفيديا اتعرضت لاختراق واتسرق منها بيانات سرية عن المنتجات بتاعتها.. في أخبار انتشرت على تويتر من جروب الهاكرز إن نيفيديا قدرت توصل للأجهزة بتاعتهم وضربتها بفيروس فدية عشان تشفر ملفاتها اللي اتسرقت 👈👉

تعمل إيه لو عندك شك إن موبايلك مخترق 🤔 في البوست ده إن شاء الله هتكلم عن الخطوات اللي لازم تعملها لو عندك شك إن في حد مخترق موبايلك. ده مقال فيه أهم العلامات اللي ممكن من خلالها تعرف لو موبايلك مخترق 👇 https://bit.ly/37PfhMs ➖➖➖➖➖➖➖➖➖➖➖➖➖➖ ⭕️ الحل الأفضل (للناس اللي خارباها) - أفضل حل من وجهة نظري هو عمل سوفت للجهاز وفحص لجميع الملفات. الحل ده موجه للناس اللي عندها أكتر من علامة من علامات الاختراق اللي اتكلمت عنها أو الناس المهملة في استخدامها للموبايل وبيحملوا تطبيقات كتير من خارج المتجر. لازم تروح محل صيانة تطلب عمل سوفت للجهاز وتنقل أي ملفات من الجهاز لكارت خارجي وتعمل فحص للكارت بشكل منفصل. بعد ما يتم مسح الجهاز وعمل سوفت جديد وفحص للملفات تقدر تستخدم موبايلك بشكل طبيعي. ➖➖➖➖➖➖➖➖➖➖➖ ⭕️ الحل التاني (لو عندك شك ضعيف أو مش عايز تعمل الحل الأول) 1️⃣ امسح أي تطبيقات نزلتها من خارج المتجر زي الواتساب الذهبي وخلافه. 2️⃣ نزل برامج أنتي فيرس واعمل فحص كامل.. أنا قولت برامج مش برنامج لأن الأفضل إنك تجرب أكتر من برنامج لأن كل واحد بيختلف في طريقة الفحص وقواعد البيانات بتاعته، هتلاقوا في الرابط ده مقال عن أفضل 5 تطبيقات نزل منهم على الأقل أول تلاتة وافحص موبايلك ولو فيه أي ملفات ضارة التطبيق هيحذفها تماما. https://bit.ly/39vcCr4 3️⃣ لو عندك مشكلة في المتصفح من المشاكل اللي اتكلمت عليها في البوست اللي فات امسح تطبيق المتصفح ونزله من جديد. 4️⃣ اتأكد إن كل التطبيقات اللي على الموبايل متحدثة بآخر تحديث خصوصا التطبيقات الهامة زي المتصفحات وتطبيقات المراسلة وخصوصا واتساب لو بتستخدمه. 5️⃣ امسح أي تطبيق تلاحظ إنه استهلاكه غير طبيعي للإنترنت أو للبطارية حتى لو كنت منزله من المتجر. 6️⃣ ممكن تختصر الخطوات اللي فاتت بإنك تعمل إعادة ضبط مصنع للموبايل.. لكن ساعتها هتفقد كل إعدادات الجهاز وكل بيانات الموبايل. 7️⃣ أخيرا راجع نسخة الأندرويد اللي بتستخدمها واتأكد إن موبايلك متحدث بآخر نسخة أندرويد شركة الموبايل وفرتها.

في خطأ تقني في الصورة دي.. مين عرفه 🤔

من بداية الأزمة الحالية فيسبوك منع أكبر صفحات رسمية روسية من عمل إعلانات أو تحقيق أرباح من المحتوى بتاعها، تويتر منع الروس من تسجيل حسابات جديدة، يوتيوب قلل نسبة وصول فيديوهات القنوات الروسية وحظرها من تحقيق دخل من الإعلانات. ده بالظبط نفس اللي حصل مع ترامب لما حب يقول رأيه إن الانتخابات اتزورت، وده نفس اللي بيحصل معانا لما نتكلم عن الاحتلال.. وكلنا شوفنا في الأزمة الأخيرة اللي كان بيتكلم ولا بيشارك في هاشتاج كان حسابه بيتقيد أو بيتحظر واللي كتبه بيتمسح لانتهاك سياسة الاستخدام.. عايز تقول رأيك وتدافع عن حقوقك ومواقفك ازاي مش فاهم..

بالنسبة لطريقة إلغاء متابعة الصفحات الغريبة اللي بتلاقيها موجودة في حسابك بدون ما تشترك فيها.. الطرق اللي تقدر تلغي المتابعة من خلالها بشكل أسرع سواء باستخدام خاصية (مراجعة النشاطات بسبب تعرض الحساب للاختراق) أو حتى من خلال إضافة للمتصفح ممكن تضر حسابك.. أنسب طريقة تقدر تستخدمها للحذف الصفحات دي من الحساب هي من خلال قسم (الصفحات التي أعجبتك) واللي منه تقدر تعمل فلترة لأحدث صفحات تم الاشتراك فيها من خلال الحساب. توضيح بسيط للطريقة تقدر تتابعه من خلال المقال ده 👇 https://bit.ly/3hkvoXY

بعد ما أوكرانيا عطلت التحويلات البنكية الرقمية ضمن مجموعة الأحكام العرفية اللي صدرت بعد الغزو.. لجأت الدولة للعملات الرقمية لاستقبال التبرعات ونشرت عناوين محافظ لعملات البتكوين، الإيثريوم، التيثر. غريبة حل الأزمة من خلال العملات الرقمية؟ مش دي اللي بيستخدموها المجرمين لتنفيذ أعمالهم الشريرة !؟ بالمناسبة.. من سنين وحركة حmاس بتعتمد على العملات المشفرة لاستقبال التبرعات خصوصا في أوقات الحصار على غzة بسبب طبعا شبه استحالة تحويلها عبر البنوك.

امبارح منتدى التسريبات الشهير RaidForums أعلن إنه هيتم حظر أي شخص متصل من روسيا، مع استمرار سماحه بنشر قواعد البيانات المسربة للجيش والحكومة الروسية دعما لأوكرانيا. النهاردة أدمن جروب المنتدى على تليجرام أعلن إن دومين الموقع اتصادر من جهة غير معروفة.

الفيروس المدمر كان مصممًا للانتقال من جهاز إلى آخر بحثًا عن الهدف "أجهزة الطرد المركزي".. هذا التصميم أدى في النهاية إلى انتشار الفيروس إلى معظم دول العالم.. حتى أنه أصاب منشآت هامّة في الولايات المتحدة نفسها. بسبب تسرب الفيروس وتورط الولايات المتحدة في الهجوم على منشأة نووية في بلد ذو سيادة (في حالة كانت دولة أخرى غير إيران كان سيعتبر ذلك الأمر هجومًا عسكريًا بمثابة إعلان حرب) ثم الفضيحة التي حدثت لاحقًا بعد الرد الإيراني بالهجوم على شركة آرامكو السعودية واختراق 30 ألف حاسوب ومحو جميع بياناته، ثم اختراق مجموعة بنوك أمريكية وتعطيل خدماتها بشكل كامل.. كل ذلك أدى إلى قيام بعض العملاء الغاضبين في أجهزة CIA وكذلك NSA للحديث للصحافة من أجل لوم "الموساد" على كل هذه الكوارث، لأنه كان المسئول عن إصابة المنشأة الإيرانية بالفيروس، لكن بدلًا من ذلك وبعد تسلمه من الاستخبارات الأمريكية قام بتعديل شفرة الفيروس لجعلها أكثر عدوانية من أجل إصابة أكبر عدد من الأجهزة في أقل وقت ممكن، ما يضمن وصول الفيروس إلى أجهزة الطرد المركزي الإيرانية في أسرع وقت.. وهو ما أدى في النهاية إلى انتشار الفيروس لدول حول العالم ومن ثم اكتشافه. في خضم هذا الإفصاح ذكر مسئول في وكالة الأمن القومي الأمريكي NSA أن الوكالة عملت على مشروع أخطر بكثير من فيروس Stuxnet (الذي يعتبر بالفعل الهجوم الإلكتروني الأخطر والأشد تدميرًا حتى الآن). المسئول تحدث عن عملية تسمى نيترو زوس "Nitro Zeus". هذه العملية كان عبارة عن الخطوة الأولى في حالة دخلت الولايات المتحدة في حرب مع إيران، وهي باختصار ضرب جميع شبكات البنى التحتية لإيران باستخدام فيروسات متطورة شبيه بفيروس ستوكس نت. تخيل أن تبدأ الحرب فتجد في لحظات انهيار شبكات الاتصالات، شبكات الطاقة، شبكات الدفاع الجوي، الأنظمة البنكية.. وغيرها من الأجهزة الحسّاسة في الدولة. على مدار سنوات قامت أجهزة الاستخبارات في الولايات المتحدة بإنفاق مليارات الدولارات من أجل إيجاد واستغلال ثغرات تقنية من أجل إصابة شبكات البنى التحتية في إيران تحت مسمى العملية "Nitro Zeus" بحيث تستطيع شلّ إيران تقنيًا في حالة القيام بأي عمل عسكري. ربما كانت إيران على علم بتلك العملية ومدى انكشاف أنظمتها؛ وهو ما دفعها إلى القبول بالاتفاق النووي في عام 2015م وتفكيك جزء كبير من برنامجها. ➖➖➖➖➖➖➖➖➖➖➖➖➖➖➖➖➖ يمكنكم مراجعة المقال التالي للتعرف أكثر على قصة فيروس Stuxnet، وكيف يمكن لفيروس إلكتروني إحداث دمار يوازي دمار القنابل 👇 https://bit.ly/3vnIjOG

خلال الأيام الماضية تناقلت وسائل الإعلام الأمريكية شائعات عن طرح أجهزة المخابرات (NSA/CIA/وزارة الدفاع) خيارًا لجو بايدن من أجل شن هجوم واسع النطاق على البنية التحتية الروسية (شبكات الإنترنت - وسائل المواصلات - شبكات الطاقة) لتعطيل الهجوم الروسي، فهل يمكن لهجوم إلكتروني أن يشلّ حركة دولة بالكامل لهذه الدرجة؟ تجيبنا عملية Nitro Zeus عن هذا التساؤل. ➖➖➖➖➖➖➖➖➖➖➖➖ منذ أكثر من أحد عشر عامًا قامت الولايات المتحدة بالتعاون مع بعض أجهزة الاستخبارات الخارجية بتطوير فيروس Stuxnet الذي تم استخدامه كمحاولة لتدمير أجهزة الطرد المركزي وتعطيل البرنامج النووي الإيراني. بالرغم من أن هذا الفيروس كان مصممًا للعمل بخفاء، حتى أنه كان يحتوي على تاريخ معين عند الوصول إليه سيقوم الفيروس بتدمير نفسه ذاتيًا، إلا أن صعوبة إصابة أجهزة منشأة "نطنز" النووية بالفيروس عن بعد (لأن نظام المنشأة معزول عن الإنترنت) أو حتى بشكل يدوي عبر أحد العملاء أدت إلى اللجوء إلى حيلة يتم من خلالها إصابة أجهزة العاملين في الشركات الصناعية المتعاقدة مع المنشأة والتي لديها القدرة على الوصول إلى أجهزة المنشأة النووية أملًا في إيجاد الطريق نحو المنشأة المستهدفة.

99% من النرجسية في العالم موجودة في الفيديو ده 😂😂

على الجانب السيبراني.. ▪️ وسائل إعلام أمريكية تحدثت عن طرح أجهزة المخابرات (NSA/CIA/وزارة الدفاع) خيار لجو بايدن لشن هجوم واسع النطاق على البنية التحتية الروسية (شبكات الإنترنت - وسائل المواصلات - شبكات الطاقة) لتعطيل الهجوم الروسي. ▪️ الحكومة الأوكرانية دعت الهاكرز بمختلف فئاتهم للدفاع عن البنية التحتية للدولة والتجسس على روسيا وإمدادهم بالمعلومات، بعد استهداف وحدات الهاكرز الروسية مؤسسات حساسة في الدولة بهجمات غرضها محو جميع بيانات المؤسسة وإيقافها عن العمل. ▪️ جروب أنونيموس (أو ما تبقى منهم) دخلوا في عمليات تخريبية ضد روسيا، وبعدها توقفت عدة مواقع كبرى في روسيا عن العمل زي موقع شبكة RT وموقع الكرملين الرسمي.

الوضع الحالي للهجمات السيبرانية ☠️

موقع FlightRadar24 لتتبع رحلات الطيران عمل قائمة انتظار لدخول الموقع من كتر الترافيك اللي جاله بعد الهجوم على أوكرانيا.

هجوم سيراني ضخم على مواقع البنوك والمؤسسات الحكومية والعسكرية في أوكرانيا.ش الهجوم اعتمد على تقنيات حجب الخدمة DDoS لمنع المستخدمين من الوصول للمواقع. روسيا تمتلك سمعة سيئة في تنفيذ هجمات إلكترونية ضد أوكرانيا أشهرها في أعوام 2015/2016 لما تم مهاجمة عدة محطات كهرباء وعانى من الهجوم عشرات الآلاف من السكان.. لكن يبقى هجوم فيروس الفدية Petya هو أسوء هجوم استهدف أوكرانيا ومنها انتشر لـ65 دولة حول العالم. هجمات روسيا السيبرانية هي أقوى سلاح بتمتلكه، لأنه قادر على إحداث أضرار ضخمة بدون خسائر بشرية وبدون وجود دليل ملموس يدينها.

امبارح شخص عمره 27 سنة هجم على متجر لشركة آبل في أمستردام - هولندا، وخد رهينة من داخل المتجر وطالب الشرطة بدفع 200 مليون دولار وتوفير طريقة هروب من المتجر مقابل سلامة الرهينة. الشرطة فضلت تتفاوض معاه 5 ساعات لغاية ما الشخص المحتجز نجح في الهروب ونجحت الشرطة بعد كدة في القبض على المهاجم. الغريب في الموضوع إنه طلع يجري ورا الرهينة لغاية ما خرج من المتجر عشان يرجعه في الوقت اللي كان في ناس موجودة جوة المتجر كانوا مستخبيين طول الخمس ساعات من غير ما يعرف..

موبايل وان بلس 10 برو في اختبار التحمل.. الصين واللي منها

في بدعة جديدة من بدع مايكروسوفت المطورين لاحظوا في النسخة التجريبية الحديثة من ويندوز 11 برو إن خيار تثبيت ويندوز أوفلاين تم إزالته.. ودلوقتي لازم عشان تثبت النظام يكون عندك حساب مايكروسوفت وطبعا لازم تكون متصل بالنت عشان تقدر تسجل دخول وتثبت النظام على الكمبيوتر 🙄

😂😂😭

أوبر دلوقتي بقت تسمحلك تشوف تقييمات السائقين لسلوكك وكام مرة حصلت على نجمة واحدة 👎 الشركة لفترة طويلة كانت بتسمح بالتقييم المتبادل بين السائق والراكب، لكنها كانت بتخفي تقييمات السائقين للركاب.. لكن دلوقتي بقى متاح تشوفها. من قسم الإعدادات Settings ادخل على إعدادات الخصوصية Privacy وبعدها مركز الخصوصية Privacy Center.. بعد كدة اسحب لليمين واختار: هل ترغب في الاطلاع على ملخص لكيفية استخدامك لأوبر؟ بعد كدة انزل لغاية خيار "تصفح بياناتك" Browse your data وبعدها عرض تقييماتي View my ratings وشوف كام واحد غلست عليه وعملك نجمة واحدة..