متاح الآن! بحث تيليغرام 2025 — أهم رؤى العام 
Tech Xtream
الذهاب إلى القناة على Telegram
موقع تيك إكستريم عبارة عن منصة تقنية نقدم من خلالها مقالات ومقاطع فيديو تقنية مميزة، بالإضافة إلى أحدث أخبار المجال. ▪️ رابط موقعنا الإلكتروني 👇 https://www.netaawy.com ▪️ صفحتنا على فيسبوك 👇 https://www.facebook.com/TechXtream
إظهار المزيد📈 نظرة تحليلية على قناة تيليجرام Tech Xtream
تُعد قناة Tech Xtream (@techxtreamx) في القطاع اللغوي العربية لاعباً نشطاً. يضم المجتمع حالياً 12 843 مشتركاً، محتلاً المرتبة 9 831 في فئة التكنولوجيات والتطبيقات والمرتبة 1 985 في منطقة مصر.
📊 مؤشرات الجمهور والحراك
منذ تأسيسه في невідомо، حقق المشروع نمواً سريعاً وجمع 12 843 مشتركاً.
بحسب آخر البيانات بتاريخ 29 يونيو, 2026، تحافظ القناة على نشاط مستقر. خلال آخر 30 يوماً تغيّر عدد الأعضاء بمقدار 4، وفي آخر 24 ساعة بمقدار 2، مع بقاء الوصول العام مرتفعاً.
- حالة التحقق: غير موثّقة
- معدل التفاعل (ER): يبلغ متوسط تفاعل الجمهور 33.63%. وخلال أول 24 ساعة من النشر يحصد المحتوى عادةً 7.40% من ردود الفعل نسبةً إلى إجمالي المشتركين.
- وصول المنشورات: يحصل كل منشور على متوسط 0 مشاهدة. وخلال اليوم الأول يجمع عادةً 950 مشاهدة.
- التفاعلات والاستجابة: يتفاعل الجمهور بانتظام؛ متوسط التفاعلات لكل منشور يبلغ 0.
- الاهتمامات الموضوعية: يركز المحتوى على مواضيع رئيسية مثل شَرِكَة, نَمُوذَج, بَيَان, جِهَاز, دُولَار.
📝 الوصف وسياسة المحتوى
يصف المؤلف القناة بأنها مساحة للتعبير عن الآراء الذاتية:
“موقع تيك إكستريم عبارة عن منصة تقنية نقدم من خلالها مقالات ومقاطع فيديو تقنية مميزة، بالإضافة إلى أحدث أخبار المجال.
▪️ رابط موقعنا الإلكتروني 👇
https://www.netaawy.com
▪️ صفحتنا على فيسبوك 👇
https://www.facebook.com/TechXtream”
بفضل وتيرة التحديث المرتفعة (أحدث البيانات بتاريخ 30 يونيو, 2026) تحافظ القناة على حداثتها ومستوى وصول مرتفع. وتُظهر التحليلات تفاعلاً نشطاً من الجمهور، ما يجعلها نقطة تأثير مهمة ضمن فئة التكنولوجيات والتطبيقات.
12 843
المشتركون
+224 ساعات
-77 أيام
+430 أيام
أرشيف المشاركات
12 848
مدينة كالابريا الإيطالية تخطط لدفع 33 ألف دولار لكل شخص يقوم بالإنتقال إليها 😯
بسبب الانخفاض السكاني المخيف في المدينة لدرجة توقع اختفاء مجمتعات بالكامل خلال السنوات القادمة تسعى إدارة المدينة إلى جلب مهاجرين للحد من نسبة الانخفاض السكاني 👪
الشروط:
▪️ الحصول على الإقامة
▪️ ألا يزيد السن عن 40 عام
▪️ الانتقال خلال 90 يوم من قبول الطلب
▪️ بدء عمل تجاري في المدينة أو قبول وظيفة بها
12 848
شركة جوجل تطرد نائب رئيس علاقات المطورين في Google Cloud المصرى عمرو عوض الله.
عمرو عوض الله واحد من أنجح الشخصيات العربية في وادي السيلكون، لكن بسبب فيديو وبوست نشره على شبكة لينكدإن من شهر تقريبا اتكلم فيه عن ماضيه السابق فيما يتعلق بكراهية اليهود بشكل مطلق ومعاداته للسامية.
بالرغم من إن هدفه من الفيديو كان توضيح إنه كان مخطئ، وفيه دعوة للسلام والمحبة مع شيء من التمييع لأهمية الصراع العربي ضد الاحتلال، لدرجة عنوان الفيديو بتاعه "We are one" !؟ لكن الموظفين اليهود في جوجل راسلوا الإدارة عن تخوفهم من إدارة عوض الله بسبب ماضيه السابق، وطبعا كانت النتيجة فصله من عمله في جوجل.
12 848
الصين عاملة قانون قانون جديد بيجبر الباحثين الأمنيين والشركات الموجودة داخل أراضيها على إبلاغ الحكومة بأي ثغرات Zero-Day فور اكتشافها !!
ثغرات الزيرو داي من أخطر أنواع الثغرات لأنها بتكون غير معروفة للشركة صاحبة المنتج نفسه وحتى بعد اكتشافها بتكون الشركة محتاجة وقت لإيجاد حل لإصلاح الثغرة، والنوع ده من الثغرات في شركات بتشتريه زي شركة Zerodium وممكن تدفع فيه حتى 2.5 مليون دولار للثغرة الواحدة.
استغلال النوع ده من الثغرات في الغالب بينتج عنه كارثة، زي فيروس الفدية الشهير WannaCry اللي ضرب أكثر من ربع مليون كمبيوتر في 99 دولة خلال ساعات فقط من إطلاقه واللي كان بيستغل ثغرة Zero-Day في بروتوكول SMB على ويندوز، وده بردو نوع من أنواع الثغرات اللي اعتمد عليها فيروس Stuxnet الشهير اللي استخدمته وكالة المخابرات المركزية الأمريكية والموساد لضرب المفاعل النووي الإيراني.
قانون زي ده هيمكن الحكومة من تسليح واستغلال الثغرات دي قبل ما الشركات يكون عندها القدرة على إصلاحها وهو المطلوب إثباته ☑️
ده مقال مهم عن ثغرات الـZero-Day ومدى خطورتها على الأمن الرقمي للشركات والأفراد 👇
https://bit.ly/3lwHSeT
12 848
مجموعة مهندسين يابانيين نجحوا في كسر الرقم القياسي لأعلى سرعة إنترنت بعد ما نجحوا في الوصول لسرعة 319 تيرابت في الثانية 😮
المهندسين نجحوا في الوصول للسرعة دي باستخدام كابلات الألياف الضوئية المستخدمة بالفعل لكن مع بعض التعديلات.
تم استخدام أربع أنوية "أنابيب زجاجية داخل الألياف" في نقل البيانات باستخدام تقنية Wavelength-Division Multiplexing (WDM) أو مضاعفة تقسيم الطول الموجي لزيادة حجم البيانات اللي ممكن يتم حملها.. بالإضافة إلى استخدام تقنيات التضخيم البصري Optical Amplification لتعزيز الإشارة في المسافات الطويلة.
السرعة دي تم تحقيقها على امتداد بمسافة 3,000 كم، وبكدة تم كسر الرقم القياسي السابق اللي كان 178 تيرابت في الثانية بس 🙂
12 848
الشرطة الماليزية وهي بتعذب أكتر من 1000 جهاز ASIC اللي بيستخدم في تعدين العملات الرقمية.. جمعتهم بعد غارات على مجموعة من مزارع التعدين الغير قانونية.. وكالعادة كانوا سارقين كهربا 😂
12 848
من أسبوعين تقريبا في شخص مجهول اشترى المقعد الأخير على متن رحلة "جيف بيزوس" للفضاء اللي هتنطلق الأسبوع القادم الأسبوع القادم ودفع تمنه 30 مليون دولار مقابل 3 دقايق فقط مدة وجود الصاروخ في الفضاء الخارجي 🚀
المهم النهاردة تم الإعلان إن الشخص ده تم استبداله لأنه مش هيقدر يسافر في الرحلة عشان حصله تضارب في جدول المواعيد وقرر يأجلها لمرة تانية.
اشتغل على نفسك لحد ما تلغي رحلة تمنها 30 مليون دولار عشان وراك مواعيد مهمة..
12 848
الجهاز القومي المصري لتنظيم الاتصالات يعتمد استخدام تقنية VoLTE 📶
تقنية VoLTE أو Voice over Long-Term Evolution هي تقنية متطورة لتمرير المكالمات الصوتية باستخدام شبكات الجيل الرابع 4G.
التقنية دي بتوفر مميزات أفضل بكتير من التقنيات المعتمدة على شبكات الجيل التاني والتالت زي:
▪️ توصيل المكالمات بسرعة تصل للضعف
▪️ وضوح ونقاء الصوت لدرجة تمييز نبرة الطرف الآخر
▪️ تغطية أكبر وحل لمشكلة عدم وجود تغطية للشبكة
▪️ تقدر تستخدم إنترنت 4G في نفس وقت عمل المكالمة
▪️ استهلاك أقل للشحن لعدم الحاجة للتنقل بين شبكات 2G | 3G | 4G
عشان تستفيد من التقنية دي لازم يكون الشركة أو مشغل الشبكة بيدعمها وكمان لازم يكون موبايلك بيدعمها ✅
12 848
برنامج الـBug Bounty الخاص بشركة فيسبوك قرر يعمل حاجة لطيفة لتشجيع الباحثين الأمنيين على اكتشاف وإبلاغ الثغرات الموجودة في منتجاته 🕷
فريق فيسبوك ممكن ياخد وقت طويل للاستجابة للثغرات اللي بيتم إبلاغها وده معناه تأخر دفع المكافأة للباحث الأمني.. الفريق علل النقطة دي إنهم ممكن بيفحصوا تقرير الثغرة أول وبعد كدة بيحاولوا يكتشفوا إذا كان ممكن يتم استغلال الثغرة دي بطرق مختلفة عن الطريقة المذكورة في تقرير الباحث الأمني، ده طبعا بيخلي استجابة الفريق للتقرير بتتأخر في بعض الأحيان لأكتر من 30 يوم، لكن في نفس الوقت ممكن لو تم اكتشاف مشاكل أمنية أخطر من اللي الباحث ذكرها بسبب الثغرة اللي اكتشفها يحصل على مكافأة أكبر بكتير من اللي كان هيحصل عليها مقابل الثغرة بتاعته.
الحاجة اللطيفة اللي عملها البرنامج إنه هيمنح بونص إضافي للمكافآت اللي بتتأخر عن 30 يوم كنوع من التعويض للباحثين:
▪️ بونص 5% في حالة تأخير الدفع أكثر من 30 يوم
▪️ بونص 7.5% في حالة تأخير الدفع أكثر من 60 يوم
▪️ بونص 10% في حالة تأخير الدفع أكثر من 90 يوم
12 848
من كام يوم كدة لعبة Resident Evil Village تم قرصنتها بنجاح وأصبحت متاحة بشكل مجاني على الويب بالرغم من استخدامها حماية Denuvo V11 🛡
المشكلة إن النسخة المقرصنة من اللعبة قدمت أداء أفضل وأسرع وعدد فريمات أعلى، وحلت مشاكل كانت موجودة في النسخة الأصلية ✅
دي واحدة من الأمور اللي بتعاني منها شركات الألعاب وإن دمج تقنيات الحماية ضد القرصنة بتأثر بشكل ملحوظ على أداء اللعبة وممكن تسبب فيها مشاكل.. عشان كدة في ستوديوهات بتنزل ألعابها بدون حماية عشان تتجنب وجود المشاكل دي، وطبعا الألعاب دي بيتم قرصنتها يمكن من أول يوم من إصدار اللعبة، ومع ذلك الألعاب دي بتحقق مبيعات ضخمة 📈
أشهر ستوديو بينزل ألعابه بدون حماية هو ستوديو CD Project Red مطور ألعاب The Witcher 3: Wild Hunt | Cyberpunk 2077
12 848
منتديات الهاكرز مقلوبة بقالها كام ساعة بعد ما الموقع الرسمي لجروب الهاكرز الشهير REvil وقف عن العمل 😯
الموضوع ده مش مشكلة لوحده لأن الموقع ممكن يكون فيه عطل فني.. لكن كل المواقع اللي كان الجروب بيستخدمها اتمسحت، وحساباتهم على منتديات الدارك ويب الشهيرة تم تعطيلها ❌
فيه كلام كتير منتشر حاليا إن الجروب هويتهم ممكن تكون اتكشفت عشان كدة مسحوا كل حاجة وهربوا، وفي ناس تانية بتقول إن الحكومة الروسية بعتتلهم أمر بمحو بيانات الخوادم بتاعتهم والاختفاء فورا 🏃♂️🏃♂️🏃♂️
12 848
شركة Talen Energy الأمريكية تبدأ في عملية بناء محطة لتعدين العملات الرقمية باستخدام الطاقة النووية بطاقة 300 ميجاوات في بداية إنشاء المحطة، ووصولا إلى 1 جيجاوات بعد الانتهاء من المحطة بشكل كامل 💯
دي واحدة من الأفكار اللي بتحاول تتفادى مشكلة من مشاكل التعدين وهو الإضرار بالبيئة بسبب استهلاك الطاقة الغير نظيفة والانبعاثات اللي بتسببها.. وسبق وفكرت فيها وزارة الطاقة الأوكرانية.
كنت نشرت من يومين بردو عن محطة "ميشنيسفيل" أقدم محطة لتوليد الطاقة الكهرمائية واللي قررت تستخدم الطاقة دي كطاقة نظيفة في التعدين لأن أرباحها هتكون أعلى من بيعها لشركة الكهرباء ↗️↗️
دولة السلفادور بردو بعد ما اعتمدت عملة البتكوين كعملة رسمية بتخطط دلوقتي لبناء محطة تعدين تعمل بالطاقة البركانية 🌋🌋
12 848
شركة آبل تهدد بالخروج من السوق البريطاني بعد رفضها دفع 7 مليارات دولار مقابل استخدامها براءات اختراع بدون رخصة 🗒
شركة Optis Cellular Technology رفعت قضية انتهاك براءات اختراع ضد شركة آبل لاستخدامها مجموعة من براءات الاخترع الخاصة بالشركة متعلقة باتصال الهواتف بالشبكات الخلوية.. بعد رفضها دفع القيمة اللي حددتها شركة Optis مقابل استخدام آبل لبراءات الاختراع الخاصة بها.
في الغالب القضية هتنتهي بحكم لصالح Optis وهتكون آبل مجبرة على دفع مبلغ ضخم، وفي حالة رفضها هتكون مجبرة على الخروج من السوق البريطاني.
الشهر القادم هيتم النظر في قرار إجبار آبل على التوقيع على تعهد بدفع الغرامة اللي هيتم تحديدها من قبل القضاء البريطاني، وفي حالة الرفض هيتم منعها من بيع الأجهزة اللي بتنتهك براءات الاختراع "زي الآيفون" في بريطانيا لحين البت في القضية ❌❌
السنة اللي فاتت محكمة أمريكية حكمت ضد آبل في قضية انتهاك براءات اختراع ملك لشركة PanOptis متعلقة بتقنيات الجيل الرابع 4G ودفعت آبل غرامة "نصف مليار دولار 💲💲
12 848
نسخة غير مفتوحة من لعبة Mario 64 كسرت الرقم القياسي لأغلى لعبة فيديو على الإطلاق بعد ما اتباعت لمشتري مجهول مقابل 1.56 مليون دولار 😯
اللعبة اللي صدرت عام 1996 كانت ثورة في ألعاب الفيديو وقتها، وكانت أول ظهور لماريو في عالم الألعاب ثلاثية الأبعاد 🧊
الرقم القياسي السابق كانت بتحمله نسخة أصلية غير مفتوحة من لعبة The Legend of Zelda إصدار سنة 1987 مقابل 870 ألف دولار.. واللعبتين من إصدار نينتندو 🕹
12 848
الملياردير البريطاني "ريتشارد برانسون" نجح في هزيمة أغنى رجل في العالم "جيف بيزوس" وأصبح أول ملياردير يسافر للفضاء ✈️
ريتشارد برانسون هو مؤسس شركة "فيرجن جالاكتيك" اللي أصبحت متخصصة في الرحلات الفضائية للترفيه بعد نجاح رحلة مؤسسها.
برانسون استخدم طائرة مزوجة للسفر للفضاء عبارة عن طائرة حاملة وطائرة صاروخية.. الطائرة الحاملة نقلت الطائرة الصاروخية لارتفاع 13 كم، وبعد تحليق لمدة 45 دقيقة انفصلت الطائرة الصاروخية ونجحت للوصول إلى ارتفاع 85 كيلومتر وبكدة يكون تجاوز خط كارمن حسب المعايير الأمريكية.
خط كارمن هو "خط معيار فاصل بين الغلاف الجوي للأرض والفضاء الخارجي" وحسب التصنيف الأمريكي فارتفاعه عند 80 كيلومتر، بينما المعيار الدولي 100 كيلومتر.
بعد انفصال الطائرة الصاروخية وتحليقها نجحت في العودة والهبوط على مدرج أرضي للطائرات.
ريتشارد برانسون قدم ميعاد الرحلة دي عشان يهزم بيزوس مخصوص واللي من المفترض هيسافر للفضاء هو كمان في رحلة على مركبة من تصميم شركته Blue Origin الأسبوع القادم لكنه خلاص مش هيكون أول ملياردير 😢
12 848
محطة "ميشنيسفيل" قررت تستخدم الطاقة اللي بتولّدها في تعدين البتكوين بدلا من بيعها لشركة الكهرباء ⚒
محطة "ميشنيسفيل" تم إنشائها في عام 1897م، وتعتبر أقدم محطة لتوليد الطاقة الكهرمائية ما زالت تعمل حتى الآن، الشركة المسئولة عن إدارتها بتستخدم الكهرباء المولدة في تعدين البتكوين لأنه بيكسب أكتر من بيعها لشركة الكهرباء 😃
12 848
مجموعة من الهاكرز اخترقوا سيستم القطارات في إيران وسببوا فوضى كبيرة بعد ما رحلات كتير اتأجلت ورحلات تانية اتلغت ❌❌
الهاكرز اللي اخترقوا السيستم عرضوا رسالة تنبيه على الشاشات في محطات القطارات بحصول اختراق للنظام، ومع الرسالة كتبوا رقم للشكاوى ولما المسافرين اتصلوا على الرقم اتفاجئوا إنهم كان بيتصلوا على رقم المرشد الأعلى للثورة الإسلامية "علي خامنئي" 😂
12 848
الاستحواذ عملوا صفقة مع المدعيين ودفعوا 60 مليون دولار مقابل استبعادهم من الدعوى، ويبقى ماسك بيواجه القضية لوحده.
يوم الاتنين ماسك هيكون موجود في المحكمة عشان يشهد في القضية، وفي حالة تم الحكم ضد تيسلا هيكون ماسك مطالب بدفع الجزء الأكبر من التعويض من ماله الخاص، وحسب التوقعات فالتعويض هيكون في حدود 2 مليار دولار 💰💰
12 848
إيلون ماسك مهدد بدفع غرامة قيمتها 2 مليار دولار 😯
في سنة 2016 شركة تيسلا بتوجيه من المدير التنفيذي "إيلون ماسك" استحوذت على شركة ناشئة في مجال الطاقة الشمسية اسمها SolarCity مقابل 2.6 مليار دولار.
الصفقة دي وقتها حصل عليها جدل كبير لأن أولا شركة SolarCity كانت متعثرة وعليها ديون تقارب 3 مليار دولار بدون وجود أي أمل إن الشركة تقدر تنقذ نفسها أو تجذب استثمارات جديدة.
ثانيا إن إيلون ماسك كان بيمتلك 22% من أسهم SolarCity، وكمان مجموعة من أفراد عائلته كانوا بيمتلكوا حصة من أسهم الشركة.
ثالثا إن الشركة بعد الاستحواذ عليها تم ضمها لتيسلا واتحولت لقسم الطاقة داخل الشركة لكن بدون تقديم فائدة للشركة تستحق دفع 2.6 مليار دولار.
➖➖➖➖➖➖➖➖➖➖➖➖➖➖➖➖➖➖➖
بعد الصفقة المشبوهة دي اتجهت مجموعة من حملة أسهم تيسلا لرفع قضية على إيلون ماسك ومجلس إدارة تيسلا وتم اتهامهم بإن الصفقة كانت لخدمة ماسك وأقاربه وليست لصالح الشركة.
12 848
طريقة تعدين عملة SHIBA ⚒
عملة SHIBA واحدة من العملات الرقمية الحديثة ومنافسة لعملة DOGE.. العملة تعدينها سهل ومناسب لمعظم الأجهزة، كمان سعرها ما زال رخيص جدا ومتوقع يرتفع في المستقبل، وتقدر تعدن باستخدام كارت الشاشة أو المعالج حتى وانت بتستخدم الجهاز 👇
https://youtu.be/hCRPHzSPwQc
