İctimai TV

Azərbaycan Prezidenti İlham Əliyev Belarusun lideri Aleksandr Lukaşenkonu ölkənin dövlət bayramı olan Müstəqillik Günü münasibətilə təbrik edib.

Tramp Putinlə razılaşma üçün NATO-nun şərqə doğru genişlənməsindən imtina edə bilər ABŞ-ın keçmiş prezidenti Donald Tramp Ağ Evə qayıdarsa, Rusiya prezidenti Vladimir Putinlə razılaşma naminə Şimali Atlantika Alyansının genişlənməsindən imtina edə bilər. Tramp Putinə NATO-nun şərqə doğru genişlənməməsi, Gürcüstan və Ukraynanı alyansa qəbul etməməyi öhdəsinə götürdüyü saziş təklif etmək istəyir. Tərəflər həmçinin, Moskvanın Ukraynanın hansı hissəsini qoruyub saxlaya biləcəyi ilə bağlı danışıqlar aparacaqlar.

❗🇷🇺Dağıstanda niqab qadağan olunub. Bu barədə Dağıstan müftisinin müavini Abdulla Səlimov bildirib. Onun sözlərinə görə, respublika ərazisində niqab müvəqqəti qadağan olunub. Müftiyyat bu qərarın Respublikanın dinlər üzrə milli siyasət nazirliyinin müraciəti əsasında verildiyini açıqlayıb. Səlimov niqabın müvəqqəti qadağan olunmasının səbəbini Dağıstan əhalisinin təhlükəsizliyinə təhdidlərin mövcud olması ilə əlaqələndirib.

Rusiya Prezidenti Vladimir Putin iyulun 3-də Şanxay Əməkdaşlıq Təşkilatının Astana sammitində Azərbaycan Prezidenti İlham Əliyevlə danışıqlar aparacaq. TASS: Rusiya liderinin köməkçisi Yuri Uşakovun sözlərinə görə, eyni zamanda, Vladimir Putinin sammit çərçivəsində Türkiyə, Monqolustan, Çin, Pakistan və Qazaxıstan lideri ilə görüşləri nəzərdə tutulub. Uşakov əlavə edib ki, Vladimir Putin İran Prezidentinin səlahiyyətlərini icra edən Məhəmməd Moxber ilə də danışıqlar aparacaq. Qeyd edək ki, Şanxay Əməkdaşlıq Təşkilatının sammiti 3-4 iyul tarixlərində Qazaxıstanın Astana şəhərində keçiriləcək.

🇺🇸❗🇦🇿🇦🇲Cənubi Qafqaz məsələsi Dövlət Departamenti, dövlət katibi və digər rəsmi şəxslər üçün prioritet məsələdir. Bunu ABŞ Dövlət Departamentinin mətbuat katibinin müavini Vedant Patel Vaşinqtonda keçiriləcək NATO sammiti çərçivəsində Azərbaycan və Ermənistan xarici işlər nazirlərinin görüşü ilə bağlı suala cavab verərkən bildirib. “Cənubi Qafqazdakı məsələyə dair geniş kontekstdə onu deyə bilərəm ki, bu, bizim üçün, dövlət katibi və Dövlət Departamentinin digər rəsmiləri üçün prioritet məsələdir. Şübhəsiz ki, sammit çərçivəsində biz bu istiqamətdə işləməyə davam edəcəyik. Bu, sammit çərçivəsində xüsusi görüşlər və ya hansısa digər təmaslar şəklində ola bilər”,- deyə o, vurğulayıb.

ABŞ Prezidenti Co Bayden iyulun sonunda Vaşinqtonda İsrailin Baş naziri Benyamin Netanyahu ilə görüşəcək. Bu barədə “Reuters“ Ağ Evdəki mənbəsinə istinadən məlumat yayıb. Məlumata görə, bu görüş Netanyahunun Vaşinqtona səfəri çərçivəsində baş tutacaq. Səfər fonunda iyulun 24-də İsrail Baş nazirinin ABŞ Konqresində çıxış edəcəyi gözlənilir.

Rusiya Prezidenti Vladimir Putin Qazaxıstanın paytaxtı Astanaya gəlib. Rusiya Prezidenti burada keçiriləcək Şanxay Əməkdaşlıq Təşkilatının (ŞƏT) Dövlət Başçıları Şurasının 24-cü qurultayında iştirak edəcək. Hava limanında Putini Qazaxıstanın Baş naziri Oljas Bektenov qarşılayıb.

⚡️Avropa çempionatında 1/4 final mərhələsinin cütləri müəyyənləşib. · İspaniya - Almaniya · Portuqaliya - Fransa · İngiltərə - İsveçrə · Niderland – Türkiyə

⚡️Avropa çempionatında 1/4 final mərhələsinin cütləri müəyyənləşib. · İspaniya - Almaniya · Portuqaliya - Fransa · İngiltərə - İsveçrə · Niderland – Türkiyə