اقتباسات ❤️

ـ" أغلب البنات مساكين، دايماً محتاجين لحد يهتم بيهم ويكون حنين عليهم ويسْمَعْهُم، قلوبهم بِتْمِيل دايماً للشخص اللي بيجبر خاطرهم ويسَمَّعْهُم كلمة حلوة.. ـ وغالبا اللي بيقوم بالدور ده ناس من بره البيت بحكم مطحنة الحياة وأن البيوت محدش فيها واخد باله ان إشباع المشاعر قي البيوت أهم من إشباع البطون.. ــ فده بيوجب عليك كولد وكراجل حاجتين مهمين جدًا... ــ أولًا : "متحاولش تبقى لطيف زيادة عن اللزوم وحنين وكلك أذان صاغية مع بنت أجنبية عنك" ، علشان متفتنهاش وتعلق قلبها بيك سواء بقصد أو بدون قصد.. ــ ثانيًا "خليك ذوق وحنين مع أختك ومع مراتك ومع بنتك وإخلقلهم وقت تسمعهم وتدلعهم فيه" ، علشان لو الحاجات دي جاتلهم من بره متكونش حاجة جديدة ومبهرة بالنسبالهم، ويكون عندهم إكتفاء منها ميتقبلوهاش من حد تاني.. ــ ستسأل عن إفراطك في الأولى وتقصيرك ف الثانية.." ــ [نسأل الله العافية والسلامة]

الاختيار لو مكنش صح من الاول ، هتفضل طول عمرك تدفع من حزنك عليه وعلي نفسك ، مش كل اللي تقابله هينفعك ومش كل اللي بيلمع من بره بيلمع من جوه .

يا رب لي حبيبه عندك ، فـ اللهم آنس وحدتها و أرحم غربتها

،دكتور محمد الغليظ كتب تقسيمة حلوة للدعوات يوم عرفة منعا للتشتت ♥️ خلاص يا شباب جينا لوقت الجد.. يوم عرفة هو اليوم اللي ممكن حياتك بعده تتغير جدًا ومش كلام طب أعمل إيه؟ 1- تتوب لله عز وجل. لأن الإنسان قد يحرم الخير كله بذنب فابدأ يومك بالتوبة والاستغفار ‏2- تصوم يوم عرفة طبعا. عندما سئل النبي عن صيام يوم عرفة قال: ( يكفر السنة الماضية والسنة المقبلة) 3- تحفظ سمعك وبصرك ولسانك يعني لو قدرت تقضي اليوم بين البيت و المسجد أو أي عمل صالح تبقى فزت بإذن الله النبي قال: (إن هذا يوم من ملك فيه سمعه وبصره ولسانه غفر له). ‏4- تكثر من الذكر.. النبي -صلى الله عليه وسلم- قال: "خير الدعاء دعاء يوم عرفة، وخير ما قلت أنا والنبيون من قبلي لا إله إلا الله وحده لا شريك له، له الملك وله الحمد وهو على كل شيء قدير". ‏5- الدعااااء العام النبي قال: (خير الدعاء دعاء يوم عرفة ) اقعد دلوقتي جهز كل اللي نفسك فيه من خيري الدنيا والآخرة متضيعش ولا لحظة قسم دعواتك عشان ما تتشتتش -دعوات الآخرة -دعوات للدنيا -دعوات لمن تحب -دعوات للآخرة: نفسك تكون إنسان صالح إنسان متدين قريب من الله ‏نفسك تخشع في صلاتك وتحسن إقامتها نفسك تحفظ كلام ربك وتفهمه وتعمل بيه نفسك ربنا يستعملك لنصرة دينه نفسك ربنا يهديك ويأخذ بقلبك إليه نفسك في قلب سليم نفسك ربنا يتوب عليك من المعاصي أو من معصية معينة مش قادر تسيبها نفسك ترزق بحسن الخاتمة نفسك قبرك يبقى روضة من رياض الجنة ‏نفسك تدخل الجنة بغير حساب ولا عذاب نفسك تشوف النبي و تحشر معه نفسك تشوف الله جل جلاله نفسك في الفردوس الأعلى .. - دعوات للدنيا .. ادعي بالتفصييييل .اطلب كل اللي انت عايزه نفسك تتجوز .. نفسك تتخرج .. نفسك تنجح.. نفسك تتفوق نفسك تنجب من البنين والبنات .. نفسك ف صحبة صالحة .. ‏عندك مشكلة في شغلك... في دراستك .. في عملك ... عندك أزمة مالية أو أسرية.. متخانق مع زوجتك أو زعلانة من زوجك.. خايف على عيالك ونفسك ربنا يحفظهم وتأمن حياتهم ومستقبلهم.. نفسك تكون حياتك أفضل أو تحسن من مؤهلاتك أو وظيفتك نفسك ربنا يشفيك.. خايف من حاجة .. بتتمنى حاجة.. ‏- دعوات لمن تحب : هات قلم وورقة ويلا اكتب أسامي صحابك وقرايبك وأهل الفضل عليك وأهل الحقوق عليك ومن وصاك بالدعاء.. خلي ليهم وقت مخصوص ادعيلهم وقلبك متعلق بالله أنه يحقق لهم اللي يتمنوه وأنه يغفر لهم ويجمعكم في الجنة. وما تنساش تدعي لمن مات ولم يدرك اليوم مثلك وتدعي للمسلمين ولأمة الإسلام .. وأن يفرج عن إخوانك المستضعفين في المشارق والمغارب أن يفتح لهذه الأمة وأن يفرج كربها. ولا تنسوني من صالح دعائكم ♥️

يا رب لا تنقضي العشر الأوائل إلا وقد فرجت همومنا وغفرت ذنوبنا وجبرت قلوبنا.

أنا ماشيه أصبّر نَفسي الفتره دي بجُملة واحدة بس يوم عَرفة قرب

يارب المعجزات أجبر بخاطرى

قاعد يتخيِّل يوم عرَفة بالليل ودعواته مُستجابة وبيتجهز لـ إن العيد هيكُون عيدين، والفرح يُزور بيته ويرددِّ: " كان كُلِّي يقين بـ إن وما ذَلك على الله بعزيز"! دعواتكم بالتيسير، هكُون مُمتنَّة جدًّا والله! 💗

‏العلاقه اللي بسكت فيها تبقي انتهت بالنسبالي

في سن معين هتكتشف إن أهلك دول أهم وأعظم شيء ربنا اداهولك يمكن قبل كده متبقاش مدرك قيمة النعمة دي بحكم ان سنك لسة صغير واهتمامك كله لأصحابك والخروجات واللمة الحلوة لكن مع الوقت بتلقى ناس بتخرج من حياتك وناس بتدخل وهما زي ما هما بيفضلوا يحبوك مهما كانت عيوبك.