O'zMU | Rasmiy kanal

0️⃣0️⃣0️⃣🏆🏆🏆🏆📊 O‘zMU innovatsiyalar bo‘yicha dunyo universitetlari reytinggida Top-150 talikdan joy oldi ⏺Kuni kecha Shvetsariyaning Stokgolm shahrida innovatsiyalar bo‘yicha dunyo universitetlari reytingining (WURI - The World University Rankings for Innovation) 2024-yilgi ro‘yxati e’lon qilindi. ⏺O'zbekiston Milliy universiteti ushbu reytingda 3 yildan buyon ishtirok etib kelmoqda va bu yilgi natijalarga ko'ra 73 pog'ona yuqorilab, Top 150 universitetlar qatoridan joy oldi. (127-o'rin) . ⏺E’tiborlisi, O‘zbekiston Milliy universiteti bir necha yo'nalishlarda dunyoning eng ilg'or, nufuzli universitetlari Yale , Garvard universiteti, MIT lar bilan bir qatorda Top-30, 50 oliygohlar ro'yxatiga kiritildi. Xususan, "Inqirozni boshqarish" yo'nalishi bo'yicha Top-30 oliygohlar (30-o'rin) hamda "Talabalarni qo'llab-quvvatlashga jalb qilish" loyihalari bo'yicha (38-o'rin), " Sanoat inqilobi" (31-o'rin) loyihalari bo'yicha esa Top-50 universitetlar qatoriga kirdi. Batafsil 👉 nuu.uz Biz shu yerdamiz: 🌐 Veb-sayt 🕊Telegram 📱Facebook 📱Instagram 📺YouTube

#fan_olimpiada “Kimyo” fani bo'yicha o'tkazilgan respublika fan olimpiadasi g'oliblari aniqlandi ⏺Shu yilning 8-iyun kuni Toshkent kimyo-texnologiya institutida “Kimyo” fanidan respublika fan olimpiadasi o’tkazildi. Kimyo fanidan Respublika fan olimpiadasi g'oliblari: 1-o‘rin: Bebitova Komila Elmurot qizi — Samarqand davlat universiteti. 2-o‘rin: Xolmatov Muzaffar Xidiraliyevich — Termiz davlat universiteti. 3-o‘rin: Yashnarov G'olibjon Obidjon o'g'li — O‘zbekiston Milliy universiteti. ⏺Olimpiadada I, II va III oʻrinlarni egallagan gʻoliblar maxsus diplom, esdalik sovg‘alari bilan birga oliy taʼlim muassasalarining tegishli yoʻnalishlari boʻyicha magistratura bosqichiga oʻqishga qabul qilish imtiyoziga ham ega bo‘ladi. Biz shu yerdamiz: 🌐 Veb-sayt 🕊Telegram 📱Facebook 📱Instagram 📺YouTube

#E’LON “Asakabank” AJ matematika fakulteti talabalari uchun “Yosh matematik” stipendiyasi tanlovini e’lon qiladi ⏺O‘zbekiston Milliy universiteti Matematika fakulteti talabalarini ilmiy faoliyatga yo‘naltirish, yoshlarni qo‘llab-quvvatlash va munosib rag‘batlantirish maqsadida O‘zR “Asakabank” AJ homiyligida “Yosh matematik” stipendiyasi tanlovi e’lon qilinadi. ⏺Ushbu tanlovda “matematika” yo‘nalishida tahsil olayotgan 3-4 kurs talabalari fanning turli sohalarida olib borilayotgan ilmiy izlanishlar asosida tanlangan ma’ruzalar bilan ishtirok etishlari mumkin. ⏺Talabgorlar 2024-yil 20-iyun sanasiga qadar quyidagi manzilga belgilangan hujjatlarni yuborishi so‘raladi 👉 [email protected] Batafsil 👉 nuu.uz Biz shu yerdamiz: 🌐 Veb-sayt 🕊Telegram 📱Facebook 📱Instagram 📺YouTube

#fan_olimpiada “Biologiya” fani bo'yicha o'tkazilgan respublika fan olimpiadasi g'oliblari aniqlandi ⏺Shu yilning 7-8-iyun kunlari O’zbekiston Milliy universitetida “Biologiya” fanidan respublika fan olimpiadasi o’tkazildi. Biologiya fanidan Respublika fan olimpiadasi g'oliblari: 1-o‘rin: Ochilov Lochinbek Xusniddin o‘g‘li — O‘zbekiston Milliy universiteti. 2-o‘rin: Ruiddinov Asilbek Xusan o‘g‘li — Qarshi davlat universiteti. 3-o‘rin: Xamidova Umida Farhod qizi — O‘zbekiston Milliy universiteti. ⏺Olimpiadada I, II va III oʻrinlarni egallagan gʻoliblar maxsus diplom, esdalik sovg‘alari bilan birga oliy taʼlim muassasalarining tegishli yoʻnalishlari boʻyicha magistratura bosqichiga oʻqishga qabul qilish imtiyoziga ham ega bo‘ladi. Biz shu yerdamiz: 🌐 Veb-sayt 🕊Telegram 📱Facebook 📱Instagram 📺YouTube

🙋‍♂️🙋‍♀️👩‍🏫💬🙋‍♂️🙋‍♀️👩‍🏫💬🙋‍♂️🙋‍♀️👩‍🏫💬 Ijtimoiy fanlar fakultetida uchrashuv tashkil etildi ⏺O‘zbekiston Milliy universiteti Ijtimoiy fanlar fakultetida "Siyosatshunoslik" yo'nalishi talabalari, tyutorlar va professor-o'qituvchilar uchun Omazor tumani IIB profilaktika katta inspektori Jannatbibi Haydarova, universitet huquqshunos-maslahatchisi Guli Yaxyayeva, yoshlar bilan ishlash, ma'naviyat va ma'rifat bo'limi mas'uli Dilfuza Vafoyeva va boshqa mas’ullar ishtirokida uchrashuv tashkil etildi. ⏺Mas’ullar tomonidan talabalar o‘rtasida huquqbuzarlik va jinoyatchilikning oldini olish, uning sodir etilish sabablari, yuzaga keltiruvchi shart-sharoitlarni bartaraf etish, talabalarning turar joyini o‘rganish, tyutorlar, tarbiyachi-pedagoglar tomonidan doimiy tushuntirish va nazorat qilish ishlarini olib borish bo‘yicha ko‘rsatmalar berildi. ⏺Talablar tomonidan universitetning ichki tartib, odob-axloq qoidalari va boshqa ichki me’yoriy hujjatlariga qat’iy rioya qilish, sog‘lom turmush tarziga amal qilish zarurligi ta'kidlandi. Biz shu yerdamiz: 🌐 Veb-sayt 🕊Telegram 📱Facebook 📱Instagram 📺YouTube

Avstriyaning Zalsburg universiteti doktori Dr. Shahnavaz O‘zbekiston Milliy universitetida bo‘ldi ⏺Yevropa Ittifoqining Erasmus+ K171 dasturi doirasida 2022-2026-yillarga mo‘ljallangan OTMlararo kelishuvga muvofiq Avstriyaning Zalsburg universiteti “Geoinformatika va GIS markazi” kafedrasi doktori Dr. Shahnavaz O‘zbekiston Milliy universitetiga tashrif buyurdi. ⏺Ushbu tashrif davomida Geografiya va geoaxborot tizimlari fakulteti xodimlari bilan uchrashuv bo‘lib o‘tdi hamda u “Globus” o‘quv-metodik xonasidagi ishlar bilan tanishib, mehmonlar kitobiga o‘zi taassurotlarini yozib qoldirdi. ⏺Shuningdek, Dr. Shahnavaz universitetning Geografiya va geoaxborot tizimlari fakulteti talabalari uchun “Chorbog‘” o‘quv-dala amaliyoti bazasida “Amaliy geoinformatika” yo‘nalishi bo‘yicha ma’ruza mashg‘ulotlar olib bordi. Batafsil 👉 nuu.uz Biz shu yerdamiz: 🌐 Veb-sayt 🕊Telegram 📱Facebook 📱Instagram 📺YouTube ✅Talabalar kanali

O‘zbek filologiyasi fakultetida bitiruvchi talabalarning malakaviy diplom ishlari himoyasi bo‘lib o‘tdi ⏺“Filologiya va tillarni o‘qitish (o‘zbek tili)” yo‘nalishi bitiruvchilarining malakaviy diplom ishlari himoyasi o‘tkazildi. Unda o‘quv ishlari bo‘yicha prorektor Shuhrat Toshmatov ishtirok etib, jarayon bilan tanishdi. ⏺Bitiruvchi talabalar tilshunoslik va adabiyotshunoslik, kompyuter lingvistikasi, o‘zbek tili va adabiyotining o‘qitish metodikasiga oid mavzularda amaliy-nazariy o‘rganish va tadqiqot natijalarini taqdim qildi. ⏺Ma’lumot o‘rnida, O‘zbek filologiyasi fakultetini mazkur yilda jami 359 nafar bitiruvchi tamomlaydi. Shundan 138 nafari “Filologiya va tillarni o‘qitish (o‘zbek tili)”, 129 nafari “Rus tili” hamda 92 nafari esa “O‘zga tilli guruhlarda rus tili” yo‘nalishlari bitiruvchilaridir. Biz shu yerdamiz: 🌐 Veb-sayt 🕊Telegram 📱Facebook 📱Instagram 📺YouTube ✅Talabalar kanali