Xoji ota Jome Masjidi

Намунали оила Ҳазрати Фотима розияллоҳу анҳо ҳижратдан беш ой кейин Ҳазрат Али ибн Абу Толиб розияллоҳу анҳуга никоҳландилар. Ҳижратнинг иккинчи йилида Бадр жангидан кейин тўй бўлди. Уҳуддан кейин бўлди деган ҳам ривоятлар бор. Ҳазрати Фотиманинг сепи ва уй ашёлари: 1. Умайс қизи Асмо тайёрлаган уч кўрпача. 2. Попукли бир гилам. 3. Ичига хурмо пўстлоғи тўлдирилган ёстиқ. 4. Иккита қўл тегирмони. 5. Бир дона меш. 6. Битта кўза. 7. Теридан қилинган битта пиёла. 8. Бир дона элак. 9. Бир дона сочиқ. 10. Ошланган қўчқор териси. 11. Бир бўйра. 12. Хурмо япроғидан тўқилган бўйра. 13. Икки кўйлак. 14. Бир жун ёпинчиқ. Ошланган қўчқор терисини тўшак қилиб ишлатишар, ёпинчиқ эса икки кишининг устини тамоман ёпмас эди. "Жаннат василаси" китобидан. Дўстларингизга ҳам улашинг!!! •┈•┈•┈•❁imonuz❁•┈•┈•┈•

Қиёмат куни тўрт тоифа инсон тўрт зотга муҳтож бўлади: 1. Бойлар Сулаймон ибн Довуд алайҳимассаломга муҳтож бўлишади. Бойлар: “Эй Раббимиз, бизнинг бойлигимиз кўп эди, бойлигимиз бизни Сенга ибодат қилишдан тўсиб қўйди”, дейишади. Шунда Аллоҳ таоло: “Сулаймон сизлардан ҳам бой эди, лекин унинг бойлиги Менга ибодат қилишдан тўсмади”, дейди. 2. Қуллар Юсуф алайҳиссаломга муҳтож бўлишади. Улар Аллоҳ таолога: “Бизнинг қуллигимиз Сенга ибодат қилишдан тўсди”, дейишади. Аллоҳ тало: “Юсуф ҳам қул эди. Лекин унинг қуллиги Менга ибодат қилишдан тўсмади”, дейди. 3. Фақирлар Исо алайҳиссаломга муҳтож бўлишади. Улар Аллоҳ таолога: “Бизнинг фақирлигимиз Сенга ибодат қилишдан тўсди”, дейишади. Аллоҳ таоло: “Исо жуда фақир эди. Лекин унинг фақирлиги Менга ибодат қилишга моне бўлмади”, дейди. 4. Касаллар Айюб алайҳиссаломга муҳтож бўлишади. Улар: “Касаллигимиз туфайли сенга ибодат қила олмадик”, дейишади. Аллоҳ таоло: “Айюб ҳам жуда оғир хаста эди, лекин унинг хасталиги Менга ибодат қилишга ғов бўлмади”, дейди. Қиёмат куни ҳеч бир баҳона, важ, узр қабул қилинмайди. Шу боис ҳар бир банда охират тадоригини кўриб бориши, эзгу ишларнинг пайида бўлиши зарур. Умар ибн Хаттоб розияллоҳу анҳу: “Ҳисоб-китоб қилинмасдан аввал ўзларингизни ҳисоб-китоб қилинглар”, деган. "Мусулмон учун 30 ваъз" китобидан. Дўстларингизга ҳам улашинг!!! •┈•┈•┈•❁imonuz❁•┈•┈•┈•

ЗИНОГА ЯҚИНЛАШМА!.. Зино – оиладаги баракани кетказиб, фаришталар ўрнига ёвуз инс-жинсларни олиб киради. Хонадон у туфайли, файзсиз, кўрксиз, нотинч бир маконга айланади. Зеҳн ва кўнгилга шаҳвоний хаёллар келишини тўхтатиб, раҳмоний хаёлларга жой бериш зарур. Зинони қуйидаги турларга бўлиш мумкин: 1. Тана зиноси – бутун танани нопок қилади ва бутун қалбга қора доғ бўлиб ёпишади. 2. Кўз зиноси – у кўздан бошлаб, жон йўлига кириб, имон бекатигача етиб боради. 3. Қулоқ зиноси – қулоқнинг ҳаё пардасини йир тади. Кўз зиноси тавбасида собит турувчи инсон, барча ҳолатда Аллоҳ учун муроқаба этиб, Ундан ҳаё қилувчи, ёлғизликда ва жамоатда ҳаромдан тийилувчи, қалб ва жасад кўзини ҳаром нарсалардан беркитувчи бўлади. Дўстларингизга ҳам улашинг!!! •┈•┈•┈•❁imonuz❁•┈•┈•┈•