«Көмеш кыңгырау»

Хөрмәтле әдәбият сөючеләр! Сезне 14 июль көнне 20:00 сәгатьтә https://t.me/+349gjrOevGtiY2Ri адресы буенча Телеграм'да шагыйрә, язучы, Саҗидә Сөләйманова кызыксындыру премиясе, Шәүкәт Галиев премиясе иясе Лилия Фәттахова белән туры эфирга чакырабыз! Туры эфирда Лилия Фәттахованың үзе һәм иҗаты белән якыннан танышу, шагыйрәгә сораулар бирү мөмкинлеге, балалар әдәбияты темасына бергә фикер алышу көтелә. ТУРЫ ЭФИР ВАКЫТЫ: 14.07.2024, 20:00 сәгатьтә УРЫНЫ: https://t.me/+349gjrOevGtiY2Ri Яшь чикләүләре юк.

Чөгендердән тәмле һәм бик файдалы бу салатны ясап кара әле.😊 Ниләр кирәк? 👇🏻 ✅3 баш чөгендер,1 яшел алма, 2 баш сарымсак, 0,5 стакан йогурт, 1 чәй калагы бал,1 аш кашыгы чикләвек. Тоз, борыч – тәменчә. ✅Эш барышы: ✅Чөгендерне чистартып эре «Корея» кыргычыннан чыгарасың. Суын түксәң әйбәтрәк. Алманың тышын чистартып, шулай ук эре кыргычтан чыгарасың. ✅Сарымсакны ваклап турыйсың һәм йогурт белән кушасың. Барлыкка килгән соуска тәменчә тоз, бал һәм борыч кушасың. ✅Чөгендерне алма һәм чикләвек белән, аннары йогуртлы соус белән болгатасың. ✅Берәр сәгатькә суыткычка куеп алсаң, ничек ашап бетергәнеңне сизми дә калырсың! Чып-чын!

Питрау көнне яңа бәрәңгене алып карау гадәте бар. Яңа бәрәңге пешереп карадыгызмы кичә?

— Абыйлар, егерме тиен акча бирегез әле? Тулырак: https://chelny-rt.ru/news/dbi-shif/naiannar

Тарихи вакыйга: Равил абый Фәйзуллин Балык Бистәсенә яшь иҗатчыларны җыйды. Тулырак: https://chelny-rt.ru/news/sezne-yaalyklar/tarixi-vakyiga-ravil-abyi-faizullin-balyk-bistasena-ias-iatcylarny-yidy

😂😂😂

Бу клипта газетаның актив хәбәрчеләре. Видео авторы - быел 11нче сыйныфны тәмамлаган ӘМИР ФӘРХУЛЛИН. Әлеге җырга шигырьне дә ул язган. Ә көен Илвир Габдрахманов исемле талантлы егет иҗат итте. Үзе башкара да. Ул 9нчы сыйныфта иде. Без аның турында язган идек тә. Нинди сәләтле егетләр! Дөресен әйткәндә, күңелләр тулды. Видеодагы хәбәрчеләребезнең күбесе быел мәктәпне бетерде. Зур тормыш юлына аяк бастылар. «Көмеш кыңгырау» аларның һәрбер хатына, хәбәренә, фото-видеоларына сөенеп яшәде. Уңышлар, балалар!

Әмир Фәрхуллинның повесте "Мәйдан" журналында дөнья күрде. Котлыйбыз!

Актанышның җиләген җыеп бетергәч, Казанга килеп җыйдым. Тутырып кына булмады, караңгы төште, ди Ләйлә Нуриева. 😂

Мөслим районы Метрәй авылындагы Исмагыйль мәчетендә ял һәм әхлак лагеры эшли. Балалар намаз укырга, тәртипкә өйрәнәләр, догалар ятлыйлар. Шимбә СВО дан кайткан солдат һәм җирле шагыйрь Рүзәл Минһаҗев белән очрашу булачак. Малайлар чиратлашып өйлә намазына матур итеп азан әйтәләр.