Andijonnoma Расмий канал

#биласизми? Боғдорчилик - стресс ва хавотирдан халос бўлишнинг ажойиб усули ҳисобланади. Тоза ҳавода жисмоний фаоллик эндорфинларни ишлаб чиқаришга ёрдам беради. Эндорфин – кайфият ва умумий фаровонликни яхшилайдиган, баъзи касалликларнинг ривожланиш хавфини камайтирадиган ва уйқуни нормаллаштирадиган «бахт гормонлари».

Яхшилик ҳам, ёмонлик ҳам қайтади Инсон ҳаёт йўлидан фақат бир марта ўтади. Умримизнинг ҳар бир они ғанимат. Ўтаётган ҳар бир дақиқа ўз эгасидан маъно-мазмун сўрайди. Энг қиммат бойлик – вақтдан унумли фойдаланиш керак. Инсон умрининг ҳар лаҳзасини мазмун билан тўлдириш, оиласи, меҳрибонлари, халқи учун яхшиликлар қилишга интилиши лозим. Ёшим саксон бирга кирганда ҳаёт тўғрисида чиқарадиган энг қисқа хулосам шуки, дунёга бир марта келадиган одам эзгулик билан умр кечириши шарт. Негаки, ёмонлик қайтгани каби яхшилик хам кутилмаган жойдан ва кутилмаган одамлардан қайтади. ​©️ Пиримқул Қодиров. Хайрли тонг, яхшилар!!!

⚡️"O'zbeklar kitob o'qimaydi" deb kim aytdi? Bilmadim yana nima deyish mumkin. Bu raqamlarni ko'rib, millat uchun, yoshlar uchun nimadur qila olayotganimdan faxrlanaman. @mutolaaxona

#қизиқарли_маълумотлар 1930 йиллардан бошлаб Япониянинг Хашима ороли Ер юзидаги энг зич жойлашган жойга айланди. Тахминан 1 километр қирғоқ чизиғига эга бўлган ҳудудда кўмир қазиб олиш билан шуғулланадиган 5 мингдан ортиқ одам яшаган. Бироқ, 1974 йилга келиб, минерал захиралар тугаганлиги сабабли, барча аҳоли оролни тарк этишди. Энди Хашима ташландиқ биноларга эга арвоҳ шаҳар бўлиб, унинг хавфсиз яшаш учун махсус жиҳозланган қисмигина сайёҳлар учун очиқ.

26-27 май кунлари Тошкент шаҳрида кенг миқёсдаги халқаро тадбирлар ўтказилиши ҳамда айрим кўчаларда ободонлаштириш ва қурилиш-монтаж ишлари давом этаётганлиги муносабати билан транспорт воситаларининг ҳаракати вақтинча чекланади. Ички ишлар вазирлиги Жамоат хавфсизлиги департаменти зарурат бўлмаганда ҳайдовчиларга Тошкент шаҳрига ҳаракатланмасликни тавсия қилмоқда. Эслатиб ўтамиз, Шавкат Мирзиёев таклифига биноан Владимир Путин 26–27 май кунлари давлат ташрифи билан Ўзбекистонда бўлади.

🇺🇿 Ўзбекистон ҳарбий ҳаво кучлари.

Хитой компанияси Ўзбекистон чиқиндиларини қайта ишлашга тайёр Ўзбекистон Атроф-муҳитни муҳофаза қилиш вазирлиги Хитойнинг Shanghai SUS Environment компанияси билан чиқиндиларни энергияга қайта ишлаш бўйича ҳамкорлик меморандумини имзолади. Бу ҳақда Экология вазири Азиз Абдуҳакимов компания раҳбари Жишен Лонг билан учрашувда муҳокама қилди. Хитой компанияси қаттиқ маиший чиқиндиларни ёқиш заводларини етказиб бериш ва қаттиқ маиший чиқиндиларни бошқаришнинг интеграциялашган тизимларини ишлаб чиқиш билан шуғулланади. Ўзбекистонда бу йўналишда ишлашга Хитой компанияларидан ташқари Жанубий Корея ва Россия компаниялари ҳам қизиқиш билдирмоқда.

#Иқтибослар Одатда кимнингки фаҳми ожиз бўлса, кўп биламан деб ўйлайди. Бутунлай бефаросатлар эса ҳамма нарсани биламан деб ўйлайди. ✍ Жордано Бруно Ёмонлардан яхшилик кутмоқ, ҳайвон шохида гул унмагини орзу қилмоқ билан баробардир. ✍ Алишер Навоий Сиз шундай яшашингиз керакки, ўлим кунида ҳатто гўрков ҳам хафа бўлсин. ✍ Марк Твен

#одамийлик Бу инсон тақдири жуда ҳам қизиқ. Ёшлигида кўзидан олган жароҳати Понтрягинни сўқир қилиб қўйди. У учун бари тугагандай эди. Бироқ бу фақатгина бошланиши эди. Барча яқинлари болакай учун бирлашдилар. Синфдошлар навбатма-навбат болакайни мактабга олиб келишар, унга паст овозда дарсларни тушунтиришар ва уйига кузатиб ҳам қўйишарди. Понтрягин мактабни олтин медалга битирди. Инсититутга киргач янги дўстлар орттирди. Кучли ақлий салоҳияти сабаб Понтрягин тез орада бутун жаҳонга таниқли математик олим ва академик сифатида танилди. У 14 ёшида йўқотган кўз нурини бошқа дўстлардан топди. Лёв Понтрягин ХХ асрнинг чинакам даҳоларидан бири. Дифференциял ҳисоблаш устида олиб борган ишлари илм-фан ривожига улкан хисса қўшган.

Саида Мирзиёева ўзи ўқиган лицейга бориб, устози билан кўришди ⭐️"Роса соғинган эканман, маза қилиб гаплашдик, лицейда ўқиган йилларимни хотирладик, эски расмларни томоша қилдик... Ҳаётда ўз ўрнимизни топишга ёрдам берган инсонлар билан, устозлар билан тез-тез кўришиб туриш, унутилмас воқеаларни эслашиб туриш керак экан. Бу йилги учрашувда шу нарса роса сезилди", — деди Саида Мирзиёева.