Mikrofon ko‘targan ayol

Nega bunday musobaqalar zarur? Dunyo bugun bir necha og’ir kimyoviy muammolar girdobida qolgan: okeanlarni bosib borayotgan plastik chiqindilar, tabiatda deyarli parchalanmaydigan “abadiy kimyoviy moddalar”, havo va suvni zaharlayotgan sanoat chiqindilari, iqlim o’zgarishini kuchaytirayotgan uglerod gazlari, antibiotiklarga chidamli bo’lib borayotgan bakteriyalar va hali davosi topilmagan saraton kasalligining ko’plab turlari. Bu muammolar kimyogarlarning ham zimmasida turgan vazifa. Hozir probirka ushlab, formulalar ustida bosh qotirayotgan bolalardan umid katta. Qutqarsa, shular bu sayyorani qutqaradi. Xalqaro kimyo olimpiadasi mana shunday yosh miyalarning dunyo bilan ilk “ilmiy muloqoti” desak bo’ladi. Maktabida, o’z mamlakatida ochib ulgurmagan qobiliyatlarini olimpiada masalalari erta aniqlashi mumkin: muammoni tahlil qilish, noodatiy yechim topish, tanqidiy fikrlash bo’yicha eng zo’rlar saralanadi. G’olib bo’lgan o’quvchi oldida dunyoning eng nufuzli universitetlari — MIT, Oxford, Cambridge eshiklarini ochadi. U bu musobaqada o’z tengdoshlari, dunyoning turli burchagidan kelgan iqtidorli bolalar bilan tanishadi, hamkorlik qiladi, kelajakdagi ilmiy hamkorlik uchun ko’prik quradi. Agar o’quvchilarimiz dunyo tanlovida medal olsa, O’zbekiston ta’lim tizimining xalqaro darajada, shu tor yo’nalishda raqobatbardosh bo’lib borayotganini ham isbotlaydi. O’zbekistonda g’oliblar shunday taqdirlanadi: 🥇 Oltin medal — 1 mlrd 30 mln so’m (o’quvchi), o’qituvchiga — 185,4 mln so’m 🥈 Kumush medal — 618 mln so’m, o’qituvchiga — 103 mln so’m 🥉 Bronza medal — 412 mln so’m, o’qituvchiga — 61,8 mln so’m 57-Kimyo olimpiadasida Daler va Mirjahonlar 1 mlrd+ mukofot olishgandi. Ustozlariga ham yaxshigina rag’bat beriladi. Qariyb 1 mlrd so’m mukofot olgan Mohira Boltaboyeva esingizdadir. Nega bizga ilm-fanga, yosh, bo’lajak olimlarga pul yo’q, faqat artist-sportchiga beriladi deydiganlar bunday xabarlarni o’qishmaydida afsuski.