Василина Текеянова

”Күн Куо" уһуйаан үлэтэ - кэрэ, ураты ис хоһоонноох. Манна баар билии уонна алтыһыы ыраас, чэбдик уу суолталаах. Оннук сымнаҕастык, уларыппакка эрэ уларытар сырдык сабыдыаллаах ❤️ Киһи - социум сорҕото. Киһи чугас дьонуттан элбэҕи ылар. Төрөппүт, көлүөнэ, өбүгэ бэйэтин билиитин, ис туругун оҕоҕо көһөрөн иһэр. Оҕо хайдах олорорго дьонуттан уонна дьонтон үөрэнэр. Билбэккэ эрэ соннук тиэрдэн иһиэххин сөп. Ис турук - уу курдук. Ис турук - тыыннаах айылҕа, тыыннаах чувство. Ис турук - дьиҥ бэйэҥ. "Күн Куо"-ҕа бэйэбит ис турукпутун, ис "уубутун" кытта үлэлиибит. Ол тус үлэбит инникигэ, кэскилгэ туһуланар диэтэхпинэ, тугу этэрбин өйдүүбүн. Эн бэйэҥ уларыйыыларыҥ, бэйэҕин кытта үлэлэспитиҥ, бу түгэн/бу күн/бүгүҥҥү олох үөрүүтүн иҥэриммитиҥ тулаҕар барытыгар дьайар диэтэхпинэ эмиэ. Роликка көстөр. Тугу көрдүгүтүй? Манна "Күн Куо" эйгэтин туһунан тугу этэрий, эһиги санааҕытыгар? Уонна эн тус уларыйыыларгын кытта туох ситимнээх буолуон сөбүй?

Сыһыан - хардарыта үлэ. Икки киһи иккиэннэрин эрэ эйгэтэ. Иккиэн тус-туһунан буолуохтарын син. Ол да үрдүнэн, өйдөөн уонна сөбүлэһэн туран, бииргэ буолары талаллар. Бииргэ буолуу. Ол аата - төрүт этиһэн да көрбөт, куруук эн баҕарарыҥ курдук олоруу? Суох, оннук буолбатах. Бииргэ буолары талыы диэн - бэйэ-бэйэни кытта киирсии, бэйэ-бэйэни уларыта сатааһын уонна тулуйуу, тугу чувствуйдуургун кистээһин? Суох, оннук буолбатах. Бииргэ буоллаххына, сөбүлэһэн, илин-кэлин түһэн тахсаҕын? Суох, оннук буолбатах. Бииргэ буолуу уонна бииргэ буолары талыы диэн - бииргэ үүнүү, ол аата бэйэни уонна бэйэ-бэйэни истии, тугу баҕараргын уонна көҥүллүүргүн-көҥүллээбэккин билии, тус эппиэтинэскин уонна границаларгын тутуһуу.

"Күн Куо" программаларыгар оҕо уонна улахан киһи туруктарын туһунан элбэхтик кэпсэтэбит. Киһи, транзактнай анализ этэринэн, үс эго-туругу тэҥинэн илдьэ сылдьар: Ис оҕо, Ис төрөппүт уонна Ис улахан киһи. Бука бары олус наадалар, киһи олоҕор туохха эппиэттиир гына аналлаахтар. Оҕо сылдьан төһө улахан тапталы ылбытыҥ таптыыр дьоҕургар, тапталы ылынаргар, таптаһаргар тиийэ көстөр. "Скажи, как ты занимаешься любовью, и я скажу как тебя любили в детстве" диэн өйдөбүл эмиэ баар. "Шшшш" диир оҕону көтөҕө сылдьар эр киһи. Оҕо айылҕатын харах харатын курдук харыстыыр санаа, оҕоҕө көмүскэллээх эйгэни тэрийии - сарсыҥҥы саргы, кэлэр кэскил уонна киһи аймах бүттүүнүн туһугар кыһамньы диэххэ сөп. От ыйын 15-21 күннэригэр оҕону кытта сыһыаҥҥа интенсив ыытабын. Балаҕан ыйыгар төрөппүт оҕоҕо оҥорбут хоромньутуттан тахсыы туһунан 1 ыйдаах терапевтическай программаны арыйабын. Бастакылар бастакы сыанаҕа тиксэллэр🫶🏻 Хайдах буоларын сиһилии аргаайдык кэпсиэм.

Сыһыан туһунан өссө кэпсиэхпин, бу темаҕа өссө кэпсэтиэхпитин баҕарабын. ❤️ Быйылгы Бэс ыйынааҕы марафон сыһыан туһунан уопсай өйдөбүлгэ анаммыт эбит буоллаҕына, салгыы киһи уйулҕатыгар оҕо эрдэҕинээҕи кэм сабыдыалын туһунан буоллун. Оҕо хаама сылдьар таҥаралардаах. Ол - Ийэтэ уонна Аҕата. Биитэр төрөппүттэрин солбуйар суолталаах дьон. Бу кэрчиккэ соҕотохсуйуу туһунан көстөр. Киһи социальнай айылҕалаах буолан, ол аата киһи киһитэ суох сатамматынан - соҕотохсуйууну олус ыарыылаахтык ылынар. Дьонноох олорон соҕотохсуйуу диэн өссө ыарыылаах. Бу - аныгы кэмҥэ киэҥник тэнийбит көстүү. Киһиэхэ киһи наада. Киһи киһилээх хаһан баҕарар. Киһи киһи аттыгар эмти барар, дьуккуруйар уонна киһи аттыгар эрэ эмтэнэр, дьулуруйар. ❤️‼️ Куруук Дьоҥҥо бар, Киһиэхэ тиий - үөрбүт да, хомойбут түгэннэргэр.

Бу бээтинсэҕэ от ыйын 5 күнүгэр эмоция-чувство айылҕатын туһунан практикумнаахпыт, ким кэлэр? Бу сырыыга буруй чувствотын туһунан ыытабын, оттон аныгыскы көрсүһүү - өһүргэнии процеһын, феноменын, хайдах гынар туһунан буолуоҕа. Эмоциялар биир үксүн оҕо туругуттан үөскээн-төрөөн тахсыбыт буолаллар. Билиҥҥи эрэ сааспыт киэнэ диэн эмиэ баар. Оҕо курдук хомойуу/үөрүү/кыыһырыы уонна улахан киһи курдук хомойуу/үөрүү/кыыһырыы - атын-атыттар. Бары чувстволар-эмоциялар бэйэлэрэ айылҕалаахтар. Били, "кимтэн кииннээххин, хантан хааннааххын?" диэн баар дии, оннукка ханыылыы буолаллар - төрүт сирдээхтэр, силис тардыбыт эйгэлээхтэр. Быйылгы #2024 сыллааҕы программа кыттааччылара бу чааһыгар элбэҕи үлэлии, иҥэринэ, билэ сылдьаллар. Санатыым, бу алтыһыыга хайдаҕын билэ-көрө таарыйа киириэххитин, көххө-күргүөмҥэ кыттыһыаххытын син. Ол бэйэтэ туһунан үөрүү буоллаҕа. Үөрүү диэбиккэ дылы, салгыы кэпсээтэххэ, өрөбүллэргэ айылҕаҕа баран эрэбит: икки сыллааҕы программа кыттааччылара түмсэммит. Саныырга астык, оттон илэ-чахчы көрүстэххэ?😃 Билии тарҕатар, сырдыгы саҕар учуутал дууһам батарбакка инники күөҥҥэ түһэр, үүнү-тэһиини тутар. Эмтиир-томтуур, өйүүр-убуур психолог-терапевт диэн анал идэлээх-үөрүйэхтэрдээх сорҕолорум ону утарбаттар диэххэ. Бу салайа тутар суолбар итинник тандем баар. Ол иһин тугу билии гынан үллэстибитим - имэрийэ тутар эмп-томп суолталаах. Оттон өйүү-убуу иһиллээбитим тэҥинэн билиини уһугуннарардаах. Инньэ гынан, барыбытыгар абыраллаах. Буолбаат? Эһиги туохтан көнньүөрэн, көтөн-мөҕөн сылдьаҕыт? Үөрбүпппүттэн үөрэн, баҕар, эһигини үөрдүбүт буоллахпына онтон эмиэ үөрэн, үөрүү көтөллөөх иһит сууйа барыым. Ол кэннэ алаадьы сырдьыгынатыам.

Бу күннэр эмоцияларын манна салгыы киллэриим😄 “Переживание и проживание эмоций” - бу хас биирдии киһиэхэ олус суолталаах. Үөрдэххэ - үөрэр. Кэмэ суох үөрдэххэ - кэмэ суох үөрэр, төһө бириэмэ наадатынан. Үөрүү толору проживайданарын курдук. Префикс, суффикс, постфикс диэбит курдук, үөрүү диэн өйдөбүл киириитин, орто сүнньүн, ону арыаллыыр киллэһик чаастарын уонна бүтүүтүн барытын. Сахалыы эттэхэ, баһын, иһин-таһын, кутуругун бүтүннүү. "Үөрдэххэ ытыыгын" эҥин диэн интроекциялары манна киллэрбэккэ, ол аата - куттаммакка, баар/кэлэр эмоцияны бэйэ нөҥүө аһардабыт. Ол эбэтжр, "подмена понятий" буолар суоллары кыттыһыннарбакка, ырааһынан уонна хайдах баарынан "проживайдыыбыт" (собо үөһүн алдьаппакка ылан, хоргуннаах, ахтылҕаннаах собо миинин иһэбит дии, эмоция "миинэ" биир оннук; үөһүн тэстиҥ да мииҥҥэ барытыгар барарын амтаныттан тута билэбит - эмоция-чувство амтана диэн биир оннук) Сатаан үөрбэт диэн - эрэй. Сатаан үөрэр диэн - дьол.

Үчүгэйиин!🥰 Махтанабын бука барыгытыгар! Хас биирдиигитигэр ыал олоҕор үксүү турар үөрүүлээх түгэннэри баҕарабын🎉

Вадиммыт Автодорожнай техникуму бүтэрэр дьоро күнэ барыбыт бырааһынньыга буолла. 🎓🎈 Дьиэбит иһигэр бастакы кыһыл диплом. Оҕолорбутугар эрэлбит саҥаттан саҥа суолу арыйдын, эрчими эбэ турдун❤️