هذا شعوري !

صباحي وجهك اللي كل ما اشوفه ‏احس ان الليالي والزمان : بخير .

إن رقيت ارقى على راس الطويله ‏ وان دحمت أدحم بجنب ما يبالي !

في وجودك زان كل شيء وكمل .

يمر طاريك ولا أقدر اخبي بسمة اعجابي .

انت الأماني .. والمنى .. والتمني .

لو الرُضا حضنِك زعلتّ بدون أسباب .

ظني بربي واحترامي للنفوس ‏ارى بها اللي عين غيري ما ترى .

أنا خوّي اللي خويي على طول ‏ماني خوّي اللي خوّيي لـ حاجه .

اضرب بي الوقت لا من شحت سنينك ‏ماني بصاحب رخاء يا الصاحب الغالي .

الله ليا منه عط العبد القبول ‏حبوه خلق الله وزانت نيته .

عسى الجمال اللّي نبرّكها وتشتال الثقال ‏يبرالها يوم السعد ، ويقودها الحظ العفر .

إليا جلس يوقف العالم على شانه ‏وإليا وقف يقلب الدنيا ويعدلها .

عن صدة الراضي وعن جية المُكره ‏تنبيك الايام لاحجت حجايجها .

أهل الردى لو تملك المال والنوق ‏مكروه مجلسها ومطلب نسبها .

الشجاعه عز والموت ما منه نجاه ‏والكرامه تغني الشخص لو إنه فقير .

سريرة الآدمي تحت كنف ذِكره ‏نارٍ يكافح لجل صيته وهايجها .

من تجمّل فالرفاقه تعلاٌ مستواه ‏ومن تردّا ما يطرَّا ولا يذكر بخير .

فينا من العز ، مايجعل خواطرنا ‏تسمح من الحاجه اللي ودنا فيها .

بين كساب الجمايل وبياع الكلام ‏ مثل مابين الثريا ومابين الثرى ‏ㅤ ㅤ ‏واحدٍ في حزة الضيق والشدة حزام ‏ وواحد تدفعه قدام ويعود ورى .

صبح الأماني لا زهيته بنورك ‏يصير أجمل صبح مر بحياتي .