سانجاق SANCAQ
«مهد تمدن» گۆننامهسینین تۆرکجه صفحهلری بیزیمله بو آدرسدن ایلگی قۇرا بیلرسینیز: @Susenrazi @Buqday @tansu6252 تۆرکجه تایپ، کؤچۆرمه ترجمه سفارشلرینیز قبول اوْلونور. @Susenrazi
إظهار المزيد723
المشتركون
لا توجد بيانات24 ساعات
-47 أيام
+230 أيام
- المشتركون
- التغطية البريدية
- ER - نسبة المشاركة
جاري تحميل البيانات...
معدل نمو المشترك
جاري تحميل البيانات...
Repost from کانال روزنامه مهد تمدن
■ 2220 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز شنبه 22 تیرماه 1403
🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper
🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews
03-04-23 (2220).pdf2.50 MB
👍 3
Photo unavailableShow in Telegram
«#سانجاق»، سیاسی- اجتماعی مهدتمدن گۆندهلیگینین ۲۲۲۰. سایینداکی تۆرکجه صفحه
@SancaqDergisi
🌐 https://www.instagram.com/sancaq2
🌐 https://instagram.com/asanews.ir
👍 5
⭕️هفتهلیک فالینیز
✍حاضیرلایان: #اوْلجای_مرآتی
🔸آزر (یای ، آذر): سؤز و عمللری بیر اوْلمایان آداملارلا ایشبیرلیک ائدیرسیز. بیرآز دقت ائتمکله بونو آنلایا بیلرسیز. لوطفاً دقّتلی اوْلون و ایشین سوْناوجونو شانسا بوراخمایێن. ایشلری برنامه ایله قاباغا آپارێن و آنلاشمازلێقلارا گؤره قارشێ طرفله آنلاشماغا چالێشین. اجبار ایله هئچ بیر ایش گؤرمک اوْلماز. گلیرلریزله چێخارلارێزی مدیریت ائیلیین و یئرسیز هزینهلری آزالدێن. اۆزوموزه گلن گۆنلر مالی احتیاجلارێز چوْخ اوْلاجاق.
🔸چیلله (اوْغلاق، دی): بو هفته بیر عزیزله اوْلان فاصلهنی حدّن آرتێق سانێب، یئرسیز دارێخیرسیز. بئله دۆشونمکله روحیهزی الدن وئریب، اؤزۆزو پیس دوروما سالێرسیز. آما ایچیزده اوْلان محبّت و سئوگی ایله، آرادا اوْلان مسافهنی چوْخ حسّ ائتمییه بیلرسیز. بیر آلێش- وئریش فکریندهسیز، آما جدّی قرار وئره بیلمیرسیز و گۆنو گۆنه سالێرسیز. منجه بو مورد ده کسگین قرار وئرین و بئلهلیکله بیر مقدار ذهنیزی آراملادێن. آرتێق سیز حیاتێزا لازم اوْلوب- اوْلمایان هرزادێ بیلیرسیز، بو قدر فکرلشمک یئرسیزدیر.
🔸دوْندۇران آی (قوْوا، بهمن): عزیز و یاخێن یوْلداشێزین هر زماندان آرتێق سیزین محبت و حمایهزه احتیاجی وار. توتاجاغێز تصمیم اۆچون صداقتلی اوْلون و بیر- بیریزین سؤزۆنو دینلهمکله دوْغرو- دۆزگون قرار وئرین. اؤنۆزده اوْلان ایشلری چوْخ یوباتمایێن. ایندی اقدام ائلهمهسز، سوْنرا پشیمان اوْلارسێز. بیریندن انتقاد ائتمک ایستهسز، بونا بیر یوْل تاپێن. آجێ دانێشماغێن فایداسێ یوْخدور. آتالار دئمیشکن، «بیر کۆنۆلو دیکمیرسنسه، ندن اوْنو یێخیرسان؟!»
🔸بایرام (بالیقلار، اسفند): عزیز یوْلداش هر سوْرونا بیر چؤزۆم وار. الله تعالی حکمت اۆزویله بیر قاپێنی باغلاسا، رحمتدن باشقا بیر قاپێ آچاجاق؛ بو اۆزدن بو قدر نگران اوْلمایێن. اۆزوموزه گلن گۆنلر یاشادێغیز سئوینجی عائله ایله پایلاشێن. تنبللیڲی بوراخێن و اؤنۆزه گلن فرصتلرین هامێسی دڲرلندیرین. ایش یئرینده اوْلان دوروم هله- هله اله دۆشمز، اوْنون قدرینی بیلین و یئرسیز گیلئیلیک و شکایتی بوراخێن. انسان چالێشدیغی قدر قازانار. آتالار دئمیشکن ایشلهمیین، دیشلهمز.
@SancaqDergisi
https://t.me/Sancaq_media/6513
Sancaq Media
👍 4🙏 1
⭕️هفتهلیک فالینیز
✍حاضیرلایان: #اوْلجای_مرآتی
🔸قۇیرۇق دوْغان (آسلان، مرداد): بو هفته بیر جمعین ایچینده اوْلاجاقسێز، سیزدن آز دانێشیب، داها چوْخ دینلهمک ایستییرم. سسسیز- سمیرسیز قالا بیلسز، باشقالارێنین سیزین سؤزۆزو دانێشدیغیندان چاش- باش قالاجاقسێز! اوْندا اۆرهڲیزده سئوینه بیلرسیز. بو گۆنلر عقل و دویغو آراسێندا اولان مجادلهدن سارسێلیبسیز. اۆمودوم وار اؤزۆزو چوْخ یوْرمادان گلهجڲه دوْغرو گئدهسیز. بیر نفردن ائشیدهجڲیز یوْخ جوابێندان چوْخ اۆزولمهیین، بو ایشین سوْنو سیزین نفعیزه اوْلاجاق.
🔸زۇمار (باشاق، شهریور): بو هفته ایچیزدن گلن سسی دینلهیین، اؤزۆز هر کسدن یاخجێ نیازلارێزی بیلیرسیز. بعضی ایشلر و آنلاشمازلێقلارا گؤره اۆزوزو چوْخ اۆزمهیین. زمان گئچدیکجه سوْرونلارێن هامێسی بیتر و ایشلر یوْلونا دۆشر. تانرینین هر زمان سیزنیله اوْلدوغونا اینانێن و اۆمودوزو الدن وئرمهیین. بو هفته بیر هدیه الیزه چاتدێقیندا بو هدیهنی آللاهدان گلمیش بیر پاێ ساناراق سئوینه بیلرسیز. تانرێ اؤزۆ گلیب آدامێن گؤیلۆنو گؤرمز کی، واسطه و وسیلهلری گؤندرمکله بو ایشی گؤرر.
🔸خزل (ترازی، مهر): بیر قوْنو حاقدا ماراقلانێب، نظریزی دیله گتیرمک ایستییرسیز، آنجاق حاشیه مسائل سیزی بو ایشدن ساقێندیریر. منجه دۆز ایش گؤرمورسوز. بوگۆنون ایشینی یارێنا سالمازلار. بلکه داها فرصت اوْلمایێب، چوْخ گئج اوْلدو. ایش یئرینده آز دا اوْلسا اوغورلارێز وار، سیز بو قازانجێ گؤرمزدن گلمهیین، اساسلی ایشلرین بینؤورهسی کیچیک و نظره گلمهین ایشلرله باشلانار. یوْلداشلیق اوْرتاملارێندان اوزاق گزمهیین. بئله توْپلوملاردا هم دانێشیب بوْشالارسێز، هم ده ایچیزده بیر دینجلیڲه چاتا بیلرسیز.
🔸قیروْو (عقرب، آبان): بوْینوزدا بیر ایش یا بیر بوْرج وار. تئزراق بو بوْرجو اؤدهمک یا گؤرهویزی یئرینه گتیرمکله یۆنگوللهشرسیز. ظاهری گؤرۆنوشون گؤزل اوْلماسێ چوْخ یاخجێدیر، آنجاق چوْخ بو قوْنودا حساسیت گؤرستمهیین. بیر نفرله تانێشلیق، ایستهدیڲیز کیمی ایرهلی گئتمیر و سیزه یئرسیز استرس وئریر. بو قایغێ هفته سوْنونا کیمی بیتهجک و یئرینی سئوینج توتاجاق. بو سئوینجین چوْخلوغونا اؤزۆز ده اینانا بیلمیرسیز. صدقه وئرمهڲی اونوتمایێن.
#آردی_وار...
@SancaqDergisi
https://t.me/Sancaq_media/6513
Sancaq Media
❤ 3
⭕️هفتهلیک فالینیز
✍حاضیرلایان: #اوْلجای_مرآتی
🔸آغلار- گۆلر (قوْچ، فروردین): دئمهیین چارهم یوْخدور یا باشقا بیر یوْل قالمایێب! سێنیب، یئنیلمک اؤنجه بیزیم دهنیمیزده باش وئریر. یالنێز ایشین سوْناوجو اؤنملیدیر. بو اۆزدن اؤزۆزه و لازم اوْلان هر نهیین اوْلدوغونا اینانێن، یوْلوزو دڲیشدیرین، باشقا بیر یوْل سئچین و اراده ایله ایرهلی گئدین. بیر سؤزۆ ده بیلمهڲیز یاخجێدیر، هر کسین بیر چێخاری وار و چالێشدیغی قدر اوْلانلاردان فایدالانا بیلر. نه بیریندن گیلئلهنین نه ده یئرسیز ایستکلریز اوْلسون، بیری بیر ایش گؤردۆکده ، محبتینی گؤرسهدیر، یوْخسا بیری بیزه بوْرجلو دڲیلدیر.
🔸گۆلنآی (بۇغا، اردیبهشت): موبارک و سئوینج دوْلو دڲیشم و یئنیلیک اؤنۆزده وار و اوْنون آردێنجا هر زمان پئشینده اوْلدوغوز دینجلیڲه چاتێب، حیاتێزین اصلی یوْلونو سئچهجکسیز. گاهدان یاشامێن سێخینتیلاری آدامێ سارسێلدیر، آنجاق اؤزۆز ده بیلیرسیز بو دوروم اؤتریدیر و یامان گۆنون عؤمرۆ آز اوْلار. طالعیزده سیزه سئوینج دوْلو گۆنلر گؤرۆرم. باشلادێغیز ایش یاواش و آداق- آداق اوْلسا دا، سیزی آماجێزا دوْغرو آپاراجاقدێر. هر حالدا بو یوْلدا بیرآز داها جدّی اوْلماغێز توصیه اوْلونور.
🔸قیزاران آی (ائکیزلر، خرداد): خوْشلوق و اڲلنجهنین لازم اوْلدوغونو هامێ بیلیر، آنجاق بو یوْلدا دا تعادل اوْلمالێدیر. بیر چوْخ لازم اوْلمایان سوْزلر دانێشیب، لازم اوْلمایان ایشلر گؤرۆرسوز! بونو اصلا سیزدن گؤزلهمزدیم، سیز هر زمان عقل و منطقیزله اؤزۆزو اثبات ائدیبسیز، ایندی بیلمیرم ندن دویغولارا تسلیم اوْلورسوز؟ اصیل آماجلارێزی اونوتمایێن و ندن یوْلا چێخدیغیزی هر زمان نظرده ساخلایێن. هر کس سیزنله ائله داوراناجاق کی، سیز اؤزۆزله داورانێرسیز، سیز اؤزۆزه سایقیسیزلیک ائتدیڲیز حالدا، نئجه اوْنون سیزه قارشێ سایقێلی اوْلماغێنی بلکلهییرسیز؟!
🔸قوْرا پیشیرن (یئنگج، تیر): بیر خبر و قارشێ طرفدن بیر حرکت بکلهییرسیز؛ منجه بو گؤزلهمکدنسه اؤزۆز اقدام ائلییهسیز، بئلهلیکله داها یاخجێ بیر سوْناوجا وارا بیلرسیز. لوطفاً بو یوْلدا دویغولارێزی آبارتمایێن و عقل ایله منطقی داها چوْخ نظرده توتون. هر نه قدر دقتلی اوْلساز، بیر او قدر چئشیدلی هدفلرین آردێنی توتا بیلرسیز. ایلک اؤنجهدن نه دئییب، نه ایستهدیڲیزی بیلسز، بو بوداقدان او بوداقا آتێلماق یئرینه بیر دفعه ایستهدیڲیز دالا قونا بیلرسیز.
#آردی_وار...
@SancaqDergisi
https://t.me/Sancaq_media/6513
Sancaq Media
👍 2
⭕️سهندآوا ناغێللارێ
🟣«اؤزۆ بیر قارێج، ساققالێ مین قارێج»
✍یازانلار: #علی_غفاراوغلی، #سهیلا_نظری
اۆچونجو بؤلۆم
زمرّد سوْروشدو، هارا؟
اوْغلان باشێنا گلنی، هاردان گلمهگین، نئجه گلمهگین بو قوشا آنلاتدێ.
قوش دئدی:
«اوْرا گئتمک چوْخ گۆج ایستهییر، منیم اوْرا گئده بیلمهگیمه گرک منه اؤزل بیر یئمک سهمانلایاسان»
اوْغلان سوْرۇشدو، نمنهدی اوْ اؤزل یئمک؟
قۇش دئدی:
«یئددی تۇلوق سۆت، یئددی تۇلوق دا خالص ات، بۇنلار اوْلسا من سنی ایستهدیگین یئره آپارێب یئتیره بیلرم.»
اوْغلان دئدی:
«من بو یئمگی هاردان تاپاجاغام؟»
زمرّد دئدی:
«بۇ اؤلکهنین بیر پادشاهی وار، بیر اوْندان ایستهیه بیلرسن.»
اوْغلان پادشاهێن یانێنا گئتمگه یوْللاندێ، یوْلدا گئدیردی، گؤردۆ بیر یئرده هامێ یێغیشیب، بۇنلار یێغیشان یئرده ده بیر گؤزل چای گئدیردی، سوْرۇشدو:
«نه اوْلۇب؟ بۇرا نییه یێغیشیبسیز؟»
بیری دئدی:
«بو سویون یوْلون اژدها باغلایێب، هر گۆن گرک بو اؤلکهنین آدملریندن بیرین آتالار اژدها یئییب قێراغا چکیله، بیز سو گؤتۆره بیلک.»
اوْ گۆن ده پادشاهێن اوْغلونون نوبتی ایدی، ایستهییردیلر شاهێن اوْغلون سویا آتالار،
اوْغلان دئدی:
«ال ساخلایێن، من ایستهییرم اژدهانێن قارنێنا گئدم!»
پادشاهێن اوْغلونون نوبتین صباحا ساخلادێلار، اوْغلان اۆز تۇتوب اوْردا اوْلان انسانلارا دئدی:
«گؤرسز سۇ اۆستونده قان گلیر، بیلین من اژدهانی اؤلدۆرموشم. قان دا گلمهسه، بیلین اژدها منی یئییب.»
مردم بونو تشویق ائلهدیلر، اوْغلان اؤزۆن سویون ایچینه آتدێ، قێلینجی دا یانێندایدی، اژدها اوْغلانێ اوتدو، بیر آزدان گؤردۆلر سودا قان گلیر، بیلدیلر اوْغلان اژدهانێ اؤلدۆروبدو، اوْغلان اؤزۆ ده سودان چێخیب گلدی.
هامی سئویندی بو خبر پادشاها چاتدێ:
«پادشاه ساغ اوْلسون، بیر نفر جوان اژدهانێ اؤلدۆردو سنین اوْغلووون دا جانێن قورتاردێ.»
پادشاه، اوْغلانێ یانێنا چاغێریب دئدی:
«هیچ کس بو ایشی ایندییه کیمی گؤرنمهمیشدی، مندن نمنه ایستهییرسن؟»
اوْغلان دئدی:
«من سندن ائله بیر شئی ایستهمیرم، منه یئددی تولوق ات، یئددی تولوق دا سۆت وئرهجکسن.»
پادشاه، اوْغلان ایستهدیگی کیمی، یئددی تولوق ات، یئددی تولوق سۆتو سهمانلاتدێریب، یانێنا دا آیرێ انعام، خلعت قوْیوب اوْغلانا وئردی.
اوْغلان بونلارێ آلێب، پادشاهدان وداعلاشێب زمرّد قوشون یانێنا گلدی، قوش دئدی:
«یئددی تولوق اتی قوْیاجاقسان بیر طرفیمه، یئددی تولوق سۆتو ده اوْبیری طرفیمه، من دئینده قاندێم! اتدن کسیب آغێزیما قوْیاجاقسان، دئینده، یاندێم، منه سۆتدن وئرهجکسن.»
اوْغلان اتلری ساغا، سۆتلری سوْلا قوْیۇب اؤزۆ ده قوشون اوْرتاسیندا اوْتوروب گؤیه قالخدێلار، یوْلدا گئده-گئده، قوش قاندێم دئینده اتدن، یاندێم دئینده سۆتدن وئریردی.
آز قالێردیلار یئتیشهلر، بیردن قالێب قولان ات، قوشون اۆستوندن زۆووب یئره تۆشدو، بو حالدا، قۇش دئدی، قاندێم!
اوْغلان ناچار قالێب اؤز بودوندان کسیب قوشون آغێزینا قوْیدو، قوش گؤردۆ، اتین دادێ قاباق یئدیگی ات ایله فرق ائیلهییر! اتی دیمدیگینده ساخلادێ یئمهدی.
گلیب یئتیشدیلر، قوش یئره اوْتوروب اوْغلانا دئدی:
«تۆش دا، یئتیشتیک، بورا سنین دنیاندی»
قوش باخدێ گؤردۆ اوْغلان تۆشنمیر، بیلهسین ده قان گؤتۆرۆب!
قوش حال قضیهنی سوْروشدو
اوْغلان، اوْلوب-کئچهنی قوشا دئدی.
قوش، دیمدیگینده ساخلادێغی اتی اوْغلانێن بودونا قوْیوب، آغێزینین سویوندان اوْ یارانێن اۆستونه تؤکدۆ، اوْغلانێن یاراسێ بیتیشیب قێچی توْختادێ.
اوْغلان قوشلا حلاللاشێب آیرێلدی، گلیب گؤردۆ قێز ائله قویونون باشیندا اوْتوروب، یانێندا دا اۆچ دنه توْیوق اوْتلایێر. قێز، اوْغلانێ گؤرجک سئوینیب آیاغا قالخدی. اوْغلان باخدی گؤردۆ قێزین یانێندا اۆچ توْیوق اوْتلایێر، یوْلداشلارێن گؤرنمهینده سوْروشدو:
«منیم یوْلداشلارێم هایاندا؟ بۇ توْیوقلار هاردان گلیبلر؟»
قێز دئدی:
«سنین یوْلداشلارێن منی گؤرجک، وسوسهلهنیب ایپی یارێ یوْلدا قێردیلار سن اؤلهسن، سوْنرا ایستهییردیلر منه ال آتالار، من ده سِحر اوْخویوب بیلهلرین توْیوق شکلینه سالدێم»
اوْغلان دئدی:
«بونلارێ اؤز شکللرینه قایتار.»
قێز بیر آیرێ سِحر اوْخودو، یوْلداشلار اؤز شکللرینه دؤندۆلر، اوغلان اوْنلارا دئدی:
«سیز نییه ایستهییردیز منی اؤلدۆرهسیز؟ بو یوْلداشلێغین رسمیدی؟ قێزا نییه ایستهییردیز ال آتاسێز؟ سیزه هیچ یاراشێر بئله بیر چیرکین ایش؟»
یوْلداشلار دئدیلر یاخجی ائیلهمیشیک، اوْغلانێن اۆستونه جومدولار، بیلهسین اؤلدۆرمک ایستهینده، اوْغلان تئز قێلینجی چکیب اوْنلارێن اۆچون ده اؤلدۆردو.
اوْغلان، قێزی آلێب بیر گؤزل یاشایێش باشلادێلار.
«یئدی، ایچدی، یئرینه کئچدی»
«گؤیدن اۆچ آلما تۆشدو، بیری سنین، بیری منیم، بیری ده ناغێل دئیهنین.»
#سون
@SancaqDergisi
https://t.me/Sancaq_media/6510
Sancaq Media
😍 4👍 3
⭕️آذربایجان فوْلکلور ناغێللاریندان
🟣پالاندوز-ون قێزی
✍️یازان: نورالدین سالمی
تۆرکجهیه چئویرن: #سوسن_نوادهرضی
ایکینجی بؤلۆم
فرّاش سوْروشدو:
- آتاز هاردادێر؟
پالاندوزون قێزی دئدی:
- آتام بیر ایش دالێسیجا گئدیب، بیر آز اوْتورساز تاپێلار گلر.
هاندان - گئجدن پالاندوز هێنقینا - هێنقینا یوْلدان یئتیشدی. فرّاش ماجرانێ پالاندوز کیشییه تعریفلدی. پالاندوز دئدی:
- منیم دنیادا تک بیر وارێم بو قێزیمدیر، اوْنو سیزه وئره بیلمهرم مگر اینکی اؤزۆنۆن گؤیلۆ اوْلا.
پالاندوزون قێزی اۆزونو توتوب آتاسێنا دئدی:
- آتا جان! منیم چوْخ گؤیلۆم ایستیر قصره گئدم و پادشاهێن قێزینی گؤرم. آما سنین گؤیلۆن اوْلماسا گئتمهرم.
آتاسێ دئدی:
- قێزیم من سنین خوْشبخت اوْلماغیوی ایستیرم. سنین گؤیلۆن ایستهسه گئده بیلرسن، من راضێیام.
فرّاش خیلک خلعت - خندان و هدیه وئردی قوْجا کیشییه، قێزی اؤزۆیله گؤتۆرۆب آپاردێ قصره.
*
ائیله کی، قصر دریلیب دؤشندی، قێرخ قێزلار و شاهزاده خانێم اۆچون حاضێرلاندی، شاهێن قێزی اۆزونو توتدو قێرخ قێزلارا دئدی:
- قێزلار! بیزیم قوْنشولوغوموزدا قێرخ حرامیلر یاشایێرلار. اوْنلار هامێسی قوْرخماز و بیرحم (آجێماسیز)دیرلار. منیم اجازهم اوْلمادان هئچ بیریزین حقّی یوْخدور آیاغێنی بو قصردن ائشیڲه قوْیسون.
قێزلار هامێسی قبول ائیلهدیلر و بیرلیکده گئتدیلر قصره.
قصرده قێزلارین گؤزل یاشایێشلاری وار ایدی؛ یئییردیلر، ایچیردیلر، چالێب اوْینایێردیلار، یاتێب دوروب بیرلیکده خوْش گۆنلر یاشایێردیلار.
بیر مدّت بئلهجه گئچدی. آنجاق پالاندوزون قێزی هر زامان قوْنشو قصرین فیکرینده ایدی، همیشه ماراق ائدیردی گؤرسۆن اوْرا کیمیندیر، اوْردا نه وار، نه یوْخ..! اؤز - اؤزۆنه دئییردی، گرک بو اوْغرولارێن ایشیندن باش چێخاردام. آخێ بونلار کیمدیلر کی، شاهزاده خانێم بو قدر بونلاردان قوْرخور؟!
بیر گۆن سحر تئزدن، هله هاوا تماماً ایشێقلاشمامیشدان، پالاندوزون قێزی یوخودان دوروب، سسسیز - سمیرسیز یئریندن قالخدێ. پالتارلارێنی گئیدی، باخدێ گؤردۆ قێزلار خوْررا - خوْر یاتێبلار. یاووهجه قصرین قاپێ آچارێنی گؤتۆردۆ، آیاقلارێنی دَره - دره گئتدی چێخدی قصرین دامێنا. دامدان بوْیلانێب، قێرخ حرامیلرین قصرینه باخدێ. گؤردۆ چوْخ بؤیۆک، گؤزل و تماشالی بیر قصردیر کی، شاهزاده خانێمین قصری اوْنون یانێندا هئچ گؤزه گلمز، آنجاق غریبه بیر سسسیزلیک وار ایدی اوْردا، هئچکیم یوْخ ایدی، قوو وێریردین قولاق توتولوردو. قێز خِیلک باخدێ - باخدێ، یوْرولدو ایستیردی قایێتسین، گؤردۆ بیر آرێق، اوجا قوْجا کیشی قصرین ایچیندن چێخیب گئتدی قویونون باشێنا، قویودان سو چکمهڲه. قێز گؤردۆ یاخشی فرصت الینه دۆشوب کی، قێرخ حرامیلرین ایشیندن باش چێخارتسین. تئز گلدی دامێن قێراغیندان اَڲیلیب دئدی:
- سلام عمی جان!
قوْجا کیشی سسی ائشیتجک تعجب ایله باشێنی قوْوزادی باخدێ داما. گؤردۆ آی پارچاسی کیمی گؤزل - گؤیچک قێز اوْتوروب دامێن قێراغیندا. قوْجا کیشی گۆلومسونوب دئدی:
- سلام قێزیم. سن کیمسن؟ اوْردا نه قاییریرسان؟
پالاندوزون قیزی دئدی:
- عمی جان من سیزین قوْنشوزام. اجازه وئریرسن گلم حیطیزه؟
قوْجا کیشی دئدی:
- البته کی گله بیلرسن قێزیم. سئوینرم گلسن.
قوْجا کیشی گئدیب نردووان گتیردی، قێز دیواردان ائندی اوْنلارێن حیطینه. قێز سوْروشدو:
- عمی جان! بورا کیمین قصریدیر؟
قوْجا کیشی دئدی:
- بورا قێرخ حرامیلرین قصریدیر. بوردا قێرخ دانا اوْغرو، باشچێلاری، حرامیباشی ایله یاشایێرلار.
پالاندوزون قیزی دئدی:
- بللیدیر قێرخ حرامینین ایش - گۆجلری بَتردیر کی، بؤیله جلاللی قصرلری واردێر!
قوْجا کیشی دئدی:
- هن قێزیم! ایش - گۆجلری چوْخ یاخشیدیر. سحر گۆن چێخمامیش آتلارێنا مینیب، چؤللره گئدرلر، کروانلاری، قافیلهلری سوْیوب تالارلار. گئجه اوْلونجا خِیلک مال - پول، قێزیل - جواهیر ایله قصره قایێدارلار. قێرخ حرامیلر چوْخ قوْرخماز و شجاعتلیدیرلر. هئچ نهدن قوْرخمازلار. من ده اوْنلارین نؤکرییم، اوْنلارا پیشمیش پیشیررم، ایشلرینی گؤررم.
قیز دئدی:
- عمی جان! منی آپاراسان قصرین ایچینی منه گؤسترهسن؟!
قوْجا کیشی دئدی:
- البته کی آپارارام، نیه آپارمیرام!
#آردی_گلن_سایێدا....
@SancaqDergisi
https://t.me/Sancaq_media/6508
Sancaq Media
❤ 5👍 1
Repost from کانال روزنامه مهد تمدن
■ 2219 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز پنجشنبه 21 تیرماه 1403
🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper
🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews
03-04-21 (2219).pdf2.70 MB
❤ 2
اختر خطة مختلفة
تسمح خطتك الحالية بتحليلات لما لا يزيد عن 5 قنوات. للحصول على المزيد، يُرجى اختيار خطة مختلفة.