Тарихий карточка. Футбол

2024-yilgi Yevropa chempionati oʻyinlarini payme bilan kuzatib boring! Sizning futbol olamidagi hamrohingiz — bu payme'dagi yangi vidjet. Yangi, payme vidjeti bilan real vaqt rejimida jadval va natijalarni tekshirib, futbol oʻyinlarini kuzatib boring. Futbol olamidagi yangiliklardan doimo xabardor boʻlish uchun payme ilovasini oʻrnating.

Ўзбекистон Олий Лигасининг 1999 йилги мавсумида 5-туридан сўнг мусобақа жадвалида 13 очкодан тўплаган "Дўстлик" (Тошкент вилояти) ва "Самарқанд" жамоалари пешқадамлик қилган, учинчи ўринни эса 12 очко билан "Хоразм" эгаллаган. Ҳозирги Суперлигада ўша вақтда мусобақада қатнашган жамоалардан "Навбаҳор", "Нефтчи", "Насаф", "Андижон", "Сурхон", "Динамо" (Самарқанд), "Сўғдиёна", "Металлург" ва "Пахтакор" бор. "Халқ сўзи" газетасининг 1999 йил 15 апрель сонидан @histball

"Халқаро Тошкент турнирининг иккинчи тур учрашувлари бўлиб ўтди... Ўзбекистон ва Қозоғистон терма жамоаларининг учрашувини биринчи ўрин учун норасмий учрашув деса ҳам бўлади...". "Тошкент оқшоми" газетасининг 1994 йил 15 апрель сонидан @histball

- Ўйингоҳга кириш чипталари ҳақида тўхталсангиз. - Чипталар тахт қилиб қўйилди. Уларнинг ўтган йилги нархини сақлаб қолдик. Баҳоси 400 сўмдан бўлади. Шунингдек, болалар учун 100 сўмлик чипталарни жорий этдик. Йиллик абонементлар 8000 сўмдан бўлади. Абонементларни корхона ва ташкилотлар пул ўтказиш йўли билан сотиб олишлари мумкин. «Ўзбекистон футболи» газетасининг 2004 йил 27 январь сонидан @histball

- Футболчиларнинг кайфияти қандай? - Жуда ҳам аъло деб бўлмайди. Сабаби шуки, ҳали футболчиларга ўтган йилги маошлари тўлиқ ҳисоб-китоб қилинмаган. “Ўзбекистон футболи” газетасининг 2004 йил 23 январь сонидан @histball

“Трактор” мураббийи Валерий Лёткин сўзга чиқиб, футбол ривожланган мамлакат амалиётига амал қилиб, ҳафтасига битта, яъни дам олиш кунлари ўйнаш кераклиги ва жамоалар бир марта сафрада, бир марта ўз майдонларида тўп суриш тартибини таклиф қилди. Лёткиннинг таклифи анча тортишувга сабаб бўлди ва кўпчилик унга қарши чиқди” “Ўзбекистон футболи” газетасининг 1994 йил 26 январь сонидан @histball

«[Самарқанд вилоят] футбол мактаб-интернатининг бугунги аҳволи талаб даражасида эмас. Дарслар кунига икки маҳалда ўтказилади. Ëтоқхонанинг битта хонасида 20-29 тагача бола ётади. Санитария-гигиена талабларига ҳам риоя этилмайди. Спорт жиҳозлари ҳам етарли эмас. Энди ўйлаб кўринг, четдан олиб келинадиган ўйинчига бериладиган маблағнинг ҳеч бўлмаганда ярми ана шу муаммолар ечимига сарфласак, фойдали бўлмасмиди?» «Ўзбекистон футболи» газетасининг 2004 йил 27 январь сонидан @histball

“Динамо” (Киев) аъзоси Сергей Арслонов Москвада сафимизга қўшилса, “Челси” (Англия) клуби футбол мактабида таҳсил олаётган Даут Жатдоев эса, мана, ўн кундирки ўқув-йиғин машғулотларимизда иштирок этмоқда”, - Рауф Инилеев, Ўзбекистон ёшлар терма жамоаси бош мураббийи. “Ўзбекистон футболи” газетасининг 2004 йил 13 январь сонидан @histball

“Мирзаобод туманида истиқомат қилаётган Рустам Қаршибоев... икки нафар набирасига Ривалдо ва Роналдо деб исм қўйган. Отахон Ривалдо ҳамда Роналдо Рустамовларнинг тўйларига икки бразилиялик машҳур футбочлиларни таклиф этишни ният қилибди” “Ўзбекистон футболи” газетасининг 2004 йил 6 январь сонидан @histball

Журналист: - Одатда ҳар бир инсоннинг ўзи шиори бор. Сизда-чи? Жасур Ҳасанов: - Ҳеч қачон ортга қайтмаслик. - Лекин бу шиорга майдонда амал қилмасангиз керак? - Аксинча, майдонда ҳам амал қиламан. - Аммо бу баъзида салбий ҳолатларни юзага келтириши мумкин-ку? - Бундай ҳолга ўрганиб қолганман. Балки бу менинг камчилигимга кирар... “Ўзбекистон футболи” газетасининг 2004 йил 16 январь сонидан @histball

Qanday qilib onlayn to‘lovlar pul va vaqtni tejashga yordam beradi? Shahnoza, yakka tartibdagi tadbirkor va uy bekasi. Ba’zilar uchun ish bilan bog‘liq xarajatlarni to‘lash jarayoni bo‘lishi mumkin, ayniqsa biznes va oilani bittada olib boradigan ayollar uchun. Lekin Shahnoza uchun bunday ish Payme bilan osonlashdi. Davomini o‘qish

“Ҳа, ростдан қарздор клубларимиз талайгина. Масалан, Олий Лигада “Трактор”, “Дўстлик”, Қўқон-1912”, Биринчи Лигада эса “Гулистон”, “Навбаҳор-2”, “Шўрчи”, “Шаҳрихон” жамоалари ўз қарзларини узмаса, янги мавсумда мусобақаларда иштирок этмайди”, - Алишер Никимбаев, ЎФФ мусобақаларни ўтказиш бўлими бошлиғи “Ўзбекистон футболи” газетасининг 2004 йил 6 январь сонидан @histball

“Баъзи бир оммавий ахборот воситалари Ривалдонинг “Ал-Иттиҳод” жамоаси билан 6 ойлик шартнома имзолаганини ёзишмоқда... Эслатиб ўтамиз, “Ал-Иттиҳод” Осиё Чемпионлар Лигасида Фарғонанинг “Нефтчи” жамоаси билан бир гуруҳдан жой олган. Агар бразилиялик футболчининг араб жамоаси ўтганлиги рост бўлса, биз уни Фарғонада кўришимиз мумкин” “Ўзбекистон футболи” газетасининг 2004 йил 6 январь сонидан @histball

“Ўзбекистоннинг халқаро миқёсда тан олиниши юксак шараф билан бирга жиддий синов ҳамдир. Энди биз қўшчемпионлик ва келишилган ўйинлар каби иллатлардан воз кечишимиз керак. Халқаро майдонда нафақат мураббий ва футболчилар, балки мухлислар ҳам маданиятли блишлари лозим” “Ўзбекистон футболи” газетасининг 1994 йил 5 январь сонидан @histball

«Ўзбекистон футбол федерацияси ижроия қўмитаси йиғилишида бир гуруҳ футбол мутасаддиларининг таклифлари ўқиб эшиттирилди. Улар Самарқанднинг “Динамо” жамоасини Олий Лигада... сақлаб қолиш, шунингдек, Хоразм вилоятидан биттадан жамоани Биринчи Лигага киритиш ҳақида ЎФФ президенти, республика бош вазири Абдуҳошим Муталовга юборилган илтимосномалардан иборат эди. Бош вазир... қонун ҳамма учун баробар эканлигини айтиб, ғалабага фақат меҳнатлар эвазига эришмоқ лозимлигини таъкидлади» «Ўзбекистон футболи» газетасининг 1994 йил 12 январь сонидан @histball

«Яқинда бир танишим ўғлига футбол ўйнайдиган бирор оёқ кийим топиб беришимни илтимос қилди. “Мен бир-икки спорт буюмлари дўконини ахтариб топа олмадим, сен эса ҳар ҳолда спортга яқин одамсан”, деб қўшиб қўйди. Унга бундай пойабзални оддий спорт журналисти бир четда турсин, машҳур футболчи Миржалол Қосимов ўзи излаб топа олмаётганини айтганимда, ҳанг-манг бўлиб қолди...» «Ўзбекистон футболи» газетасининг 1993 йил 21 июлда чоп этилган энг биринчи сонидан @histball

«Ватан туйғусидан-да бойлик орттиришни афзал кўрган Валерий [Кечинов] ҳам рухсатсиз [«Пахтакор»]ни тарк этди. Бу ҳақда Ўзбекистон футбол федерацияси ФИФА ва УЕФАни огоҳлантирганди. Куни кеча Халқаро футбол федерацияси бош котиби Зепп Блаттер томонидан федерациямизга факс орқали хабар келди. Унга кўра, Кечинов масаласи бўйича «Спартак» ва «Пахтакор» жамоалари мутасаддилари тез орада бир қарорга келишлари керак» «Ўзбекистон футболи» газетасининг 1993 йил 21 июлда чоп этилган энг биринчи сонидан @histball

«Беларус олимпия термаси билан ўтказилган учрашувда асосий таркибни синаб кўрдик. Футболчиларимиз бемалол ҳаракат қилишди. Натижа ҳам шунга яраша бўлди. Ҳар иккала тўпни терма жамоага яқиндагина қабул қилинган Арслон Толипов киритди... Беларус сафарига кимлар ҳомийлик қилди? Республика футбол федерацияси ҳамда ТИБЦ фирмасидан миннатдормиз. Харажатларимизни шулар қоплади. Чиройли кийим-кечаклар тайёрлашди. ТИБЦ фирмаси 1,5 миллион сўм ўтказди» «Ўзбекистон футболи» газетасининг 1993 йил 21 июлда чоп этилган энг биринчи сонидан @histball

«Чемпионлик учун курашда бу йил ҳам асосий баҳс “Пахтакор” ва “Нефтчи” ўртасида бўлишига ҳеч ким шубҳа қилмаганди. Фақат ўтган мавсумдан фарқи, бу йил бизда қўш чемпион бўлмайди. Ҳар ҳолда, ҳозирча шундай дейишимизга асос бор. Қисқаси, футболи ривожланган мамлакатлар сингари бизда ҳам чемпион битта бўлади» «Ўзбекистон футболи» газетасининг 1993 йил 21 июлда чоп этилган энг биринчи сони 3-саҳифасидан @histball

«Ўтган қисқа даврда республикамиз барча соҳаларда дунё миқёсига чиқа бошлади. Фурсат келди, энди ўзбек футболи ҳам жаҳонда ўз мавқеини топиши керак», - президент Ислом Каримов. «Ўзбекистон футболи» газетасининг 1993 йил 21 июлда чоп этилган энг биринчи сонидан @histball