🌸أسميتُها الرُّوح🌸

مساء الخير .. بتراودني افكار اني امسح القناه .. عارفه انكم بتحبوها وبتحبو المواضيع البتنطرح ، بس حاسه انو خلاص مابقى عندي شي اقدمو تاني .. ماحاجه سهله علي طبعا في النهايه انا بنيت القناه دي من الصفر وشاركتكم وشاركتوني كتير من الزكريات والحاجات السمحه ، ماعارفه بس بحس خلاص لحد كده .. شكرا لكل حد قال لي كلمه حلوه في يوم لأي زول علق على منشوراتي واداني رايو ، شكرا ليكم شديد ، وماتنسوني من الدعوات ❤️ دمتم بخير . #لينا_عوض

في حاجات بسيطه كده نحنا بننسى نشكر ربنا عليها وهي فعلا حلم لناس غيرنا .. الوضع الانت قاعد فيهو في السودان ده وماعاجبك ،وطبيعي مايعجبك ماف زول قال انك قاعد في قصر وابسط مقومات الحياه عندك يعني ، لكن لو ترجعو بزاكرتكم لورا شويه ، عدم الشكر قبل وبعد الحرب هو هو ما تغير عند الناس ، كنا بنشوف كل شي صعب وماحلو والدنيا غاليه وهسي بنتمنى لو يرجع الوضع زي زمان بس ! ، وبرضو مستمرين نتضايق ونشتم في البلد والناس الفيها ! انك تتعلم تشكر ربنا دي حاجه بتجي بالممارسه ، زي ما اتعودت تخلي نظرتك للامور سوداويه ،اتعلم تشوف الجانب الكويس في الانت فيهو لانو ده الطبيعي والامرك بيهو ربنا اصلا ! ولانو ربنا قال ليك ان مع العسر يسر ، يعني اكيد في خير في الانت فيهو ده ! ماف كهربا ماف مويه بتتنقلو من مكان لمكان صح ده كلوو ، عليك بالصبر وتحتسب اجرك عند الله لانو ماعندك خيار تاني ! وبرضو اظن انك مفروض تكون عرفت بعد كده انو الناس مادايمه ليك حتى البحبوك ما دايمين ولا فاضيين ليك طول الوقت ، ف استند على رب العالمين وحسن علاقتك بيهو .. انا عارفه احيانا الشيطان بخش ليك من الحته الناقصه في حياتك ويقول ليك ربنا ماسامعك ومابحبك ، اوعك تسمع الصوت ده حيدمر حياتك ونفسيتك صدقني ، ودايما وابدا خلي بينك وبين ربنا باب يرجعك ليهو ، لو بتعمل ذنوب الارض ،اعمل اي شي خير يكون واصل بينك وبين ربنا .. واهم حاجه تعملها ماتقارن وتحسد غيرك على وضع هم احسن منك فيهو ، انت ماعارف التحديات اللي هم عايشنها والحاجات الناقصه في حياتهم ومتوفره عندك انت ، غير انو حسدك عمرو ماحيوصلك للي هم فيهو ابداا .. في ناس ما اضررت من الحرب بأي شي ، لا نزحو ولا حصل ليهم شي ، ده ماعشان ربنا ظالم ، بس بكل بساطه ربنا بيدي التحديات للناس المحتاجنها ويستحقوها ، مابتعرف الزول الماحصل ليهو شي ده عمل شنو في حياتو عشان ربنا يجازيهو كده ، ف بختصار ركز في نفسك ثم نفسك وبس واحمد ربنا واصبر على الانت فيهو لغاية ماتُفرج وحتُفرج بإذن الله . #lena

Eid Mubarak 💜

كوميديا سوداء ..

كان بكون نفسو الاخ الفاضل😂😂😂😂💔

❤️

نحنا اتخلقنا برانا وحنموت برانا .. ماف حد حيكون معاك في القبر ولا في حد حيتحاسب بدلك ، ولا في واحد حيشيل شيلتك ويزعل لزعلك ويبكي لحزنك طول الوقت ، ف بالتالي لازم تقتنع بفكرة انو وجود الناس في حياتك حلو ، بس مالازم تموت لو اختفو ! ، يعني عاين ليهم انهم فعلا زملائك في اختبار الدنيا ده ، ف ماتتوقع اصلا شي من حد ، واعتمد على الله وتوكل وبس .. كل ما الواحد يكبر كل مايفهم حقيقة انو قربك من ربنا ما هدفو بس انك تخش الجنه في الاخره بقدر ما هو هدفو كمان انك ترتاح في الدنيا دي وتكون سعيد ! بإنك شايف ربنا قدامط وبس ، متوكل وواثق ومطمن انو مهما كان الحيحصل ف هو خير ،غير انو في النهايه الدنيا دي كلها حتُفنى وماحيبقى في شي اصلا خلاص .. ف ريح نفسك ، اعمل مجهود وقري من ربنا .. اعرف ربنا ، اعرف انت بتعبد منو ، ابعد من كلام الناس واتعرف على ربنا بعيونك انت من خلال كتابو اللي فيهو كل شي ، اكيد حتلاقي حاجه ماسمعت بيها في حياتك البكون مع الله مابضيع .. استغلو الايام الجايه في العبادات والدعاء والصدقه ، وربنا يحقق كل امانينا يارب . #lena

يعني انا بسس فكرت ، فكرت بس على طول ظهرت قدامي 😂😂😂، والله نحنا مع التلفونات دي حياتنا كلها مكشوفه ليهم اعوذ بالله ياخي 😂🤦🏻‍♀

البيعرف يرسل لي

نخلي الجرسه شويه ونركز في السؤال ده يا شباب لناس كسسلاا لينه عايزاك تسألي لي اذا في زول في كسلا بعرف د.سامي جلال شغال في مستشفى المبارك ، عايزة رقمو لحوجة ضروريه جدا

يعني انا لو كلبه ، لووو كلبه مابقعد في شغل من الصباح للمسا والله 😭😭😭💔

الراجل ده بيشرح معاناة ناس المجال الطبي حرف حرف والله والنكته انو الموقف القالو ده قريب ليهو شي حصل لي امبارح والله😂 يااخيي الم الم ماطبيعيييي نحنا بنتبببهددلللل😂😂

الحمدلله دائماً وابداً ❤️

بالله اقترحو لي اغاني سودانيه نفس النمط ده خلوني اكتشف تراثنا الرهيب ده ❤️❤️

سبحان الله الاغاني القديمه دي بترجعك مية سنه لورا بجدد ،وغصب عنك بتخليك تتاثر ويمكن تبكي وانت بتشتاق لكل حاجه في بلدك والناس اللي فيهو💔

What about thessss😭???

ياجماعه ليه ماف زول قال لي عن الغنيه الحلوه دي ؟ بتزكر سمعتهاا زمااان شدديدد وهسي بالصدفه سمعتها تاني ، ياخي الغنيه فنانه عديل والفنان ده خطير عدييل ياناس