هیئت دیوانگان دمشق

صاحب وجدان مسلّم حکم دیوان ایسته مز دادگاه عدلده سوگند قرآن ایستمه مز ذات انسان معرفت تاپسا اگر خلاقینه آند اولا معبودینه کبری بوانسان ایستم مز چونکی حق روشندی اول انسانه مثل آفتاب اهل ایمان واریقین فتوای پنهان ایسته مز گه اولور پیدا بودوران ظاهراً انسان نما دهریده آلاتماقا انسانی شیطان ایسته مز بیلمورم آیا ندور مقصد بئله رفتاریده بوشلیوب وجدانی شیطان مثلی ایمان ایسته مز حتماً ارزشدن دوشر انسانیتدن دوراولان عالمه ثابتدی بو چون آیری عنوان ایسته مز ساخلا یادونده همیشه قارداشیم بونکته نی مجلسه لازمدی انسان یوخسا نادان ایستمه مز صادق انسان دهریده چیخمازطریق حقّدن بوفنا دنیاده هیچ موجودی خجلان ایستمه مز محنت معشوقیده بیمار اولان عاشق یقین دردینه بیگانه دن هرگز اودرمان ایسته مز عاشق صادق وئرر جانین ره جانانیده بی گمان دارونداریندن کچر جان ایستمه مز کیم حسین بن علینون مکتبیندن درس آلوب آیری مکتبدن یقینیم واردی فرمان ایسته مز ذلّته اگمز باشین مانند شاه کربلا واریقینیم مردئولر نامردیدن نان ایسته مز عاقل اُول تیموری کیم بیلسه حسینون حرمتین تا نقدری عمری واردی آیری سلطان ایستمه مز علی تیموری اشعار ناب در کانال زیر⬇⬇ https://t.me/majmaol_ashaar

السلام علیک یا ابا عبدالله الحسین(ع) سوزوم گریزه چاتوب شعره جان گلور نه گلور گوزومنن اشک روان بی امان گلور نه گلور سفیر عشق چکور شعری قتلگاهه ساری یانیقلی سوز قلمیمنن روان گلور نه گلور خدا بیلور نه قیامت قوپوبدی مقتلده صدای ناله گلور الامان گلور نه گلور/ جنازه لر ییخیلیب یان یانا ولی باشسیز خیامیدنده صدای فغان گلور نه گلور حسینی قان آپاروب یاره لر چیخیب ساندان ننه سی مقتله یاهو زنان گلور نه گلور ئورگ اوخین کورگیندن کناره تازه چکوب اونون زیارتنه قدسیان گلورنه گلور اوحالیلن هله ده ربّنا دیور سورونور ئورکده که یارادان ایستی قان گلورنه گلور نفس که تازه لیور بیرباخورفراته ساری گوزیندن اشک محن خونچکان گلورنه گلور دیور هایانداسان عباس گوزلرندن ایراق الینده حرمله تیر و کمان گلور نه گلور قیامت عرصه سی دور اوخ وران ورور قییدور دالیجا نیزه وران داش وران گلور نه گلور اوجالدی نعره حسین فکر ائدیب خیام یانور باخاندا گوردی قوجا قهرمان گلور نه گلور ✍سید تقی سیفی اردبیلی اشعار ناب در کانال زیر⬇⬇ https://t.me/majmaol_ashaar

یاحسین هرنازوغمزون واریقین یار ئورگدوب یاریعنی،حضرت معبود دادارئورگددوب مرحبا پیکر تراشه تاسنی خلق ایلیوب خلفی مجنون ایتمگه اولده اسرار ئورگدوب سن ئوزون گرچه بشرسن گوزلرون حورالره گللری مست ایلمکده شیوه کارئورگدوب خارج ازنیروی درک وفهمیدورعشقون سنون غیرتون یوسف لره سودای بازارئورگدوب نیلسون عقلیم،جمالونده گوزلیک سایماقا خلقت استادی،نه ارقام و نه آمارئورگدوب قالمشام حیرتده،سرمه ساتماقی مژگانوه نیزه لراوستونده آیا،هانسی عطارئورگدوب آتمش ایل آختارمشام،آخربوسری تاپمشام نینوا درسین سنه،بیرقانلی دیوارئورگدوب استاد سیفی اردبیلی اشعار ناب در کانال زیر⬇⬇ https://t.me/majmaol_ashaar

وداع حضرت اباعبدالله الحسین (ع) مرحوم تقایی اردبیلی اهل حرم یاراتدیلار صحنه محنت آفرین چوخ چتین اولدی حضرته یعنی وداع آخرین هر بالانی سویوندوروب سیلدیله دیدۀ ترین قاره هوروکلرین آچوب سالدیلا قاره معجرین کهنه عبا گییندیریب باغلادیلار کمرلرین واعتصموا بحبل ده ذکر اولونان طنابدن . واردی یری اِلی الاَبد جامۀ اشکی گوز گیه موج بلادن آز قالوب عرش تزلزل ایلیه محور چرخ کج روش سنمادی بیلمورم نیه زینب ایشین تمام ائدوب وا ابتا دیه دیه قزلار اسیره اوخشیوب نوبه چاتوب رقیّیه توکدی سرشکی ایسلانوب دامن گل گلابدن . سبط رسول اکرمون زینب آلوب اشاره سین توکدی یوزه اورک قانین کسدی زمانه چاره سین گوردی کی سولدوروب فلک باغ غمون بهاره سین وئردی گونون قوجاقینه برج بلا ستاره سین سوگولوون آلانمارام من دئدی گوشواره سین سن اوزون آل طلالرین غنچۀ آفتابدن . رأفتیله حسین چکوب باشینه ال او دخترین هی دئدی نازنین بالام سیلدی سرشک گوهرین دوتدی دیله قزیم دئدی سویدی لباس و معجرین تا ال آتوب قولاقینه آلماقا زیب و زیورین بیر بابا سویلدی او قز بیرده چاغیردی اکبرین اسدی سارالدی آغلادی طاقت آلوب ربابدن . گئتدی طلاسی گرد غم دوتدی اونون یاناخلارین گوز یاشی توکدی دولدوروب گوزلرینون بولاخلارین ایومیزی ایستورم دئدی دوؤدی یره ایاخلارین دل دئدی کوس حسین سویوب فاطمه نین اوشاخلارین عشق دئدی اوجال بیر آز اوپ بابانین دوداخلارین عشق سوزیله بوسه نین فیضینی آلدی بابدن . دوردی چکیلدی دال دالی سَسلدی ماحصل بابا درک ائلیور بو سؤگولون نیّتووی ازل بابا عشق بو نوعی حکم ایدوب قویما منه محل بابا بیرده قوجاقه آل ایله امر حقه عمل بابا باشیمه بیرده چک الون قوی یره گئت گوزل بابا شامه کیمین خمار اولوم بو عمل ثوابدن . باغرینا باسدی اول قیزی زادۀ سیّد البشر آغلاما ویرما قلبیمه اود دئدی ایلورم سفر سنماکی گوشوارووی آلمیشام ای فرشته فر گچدی عزیز گونون داخی قلبووی دوتماسون کدر فکر زر ائتمه سؤگولوم چون سنه دردسردی زر کیمده قزیم زر اولماسا راحت اولار عذابدن . من الی بوش (تقائیم) باب حسین ده نوکرم قرخ ایل اولار او حضرته شعریله خدمت ایلرم فاطمه اوغلی شاکرم چوخ منه ایلیوب کرم هر کس ایدر مفاخره ظاهری جاهه لاجرم فخر ایدورم بو منصبه منده گدای اصغرم هرنه واریمدی آلمیشام من او کرملی بابدن اشعار ناب در کانال زیر⬇⬇ https://t.me/majmaol_ashaar

✍منزوی او دم کی حرمله ننگین اله تیر و کمان آلدی ملک‌لر ضجه چکدی شیعه‌لر خط امان آلدی خبـر وئـر هر مریضه ناامید اولسا معالجدن بو طفله آغلاسون تا بهره‌مند اولسون نتایج‌دن علاجون ایسته‌سون بوسودامر باب‌الحوائج‌دن کیمه ائتدی طبابت مزدینه اشک روان آلدی حقیقت گورسنـر قلب سلیم و چشم بینایه ازلدن حرمله کور اولدی ساتدی دینی دنیایه خریـدار بهشته بیـر اووج قان الده سرمایه حسینون سودامر سربازی جان وئردی جنان آلدی دیزین برکیتدی یئرده اوخ آتان بیر پهلوان مثلی کمان پرتاب و زه تابیده اوخ برق جهان مثلی هدف بیر آلتی آیلیق سودامر برگ خزان مثلی حسینون خیری اولسون غنچه وئردی گلستان آلدی گؤر اوچ پر اوخ سودان آیـری دوشن بیرماهیه نیلر دگــه دیــوار مسجــدده قانادسیز یاهویا نیلر ابوالفضلی ییخان بیراوخ گؤرون شش ماهیه نیلر باش آیریلدی بدندن قلب زهرادن توان آلدی اوخی چکدی بـوغازیندن آتوب قان مثل فواره دمادم دولدوروب اؤوجین ائدوب عرضه خریداره جنــازه اللــری اوستـه قالوب میداندا آواره ندای احسن احسن ذات حقدن ناگهان آلدی آتانون اللری قان، یوز گؤزی قان، آغ محاسن قان بالانون ایسلادوب آغ دوشلوگین زیبا لباسین قان اولوب باب الحوائج ایلدی تضمین بقاسین قان عموسی حضرت عباس تک نام و نشان آلدی نظر اطرافینه سالدی اوزین تک گوردی میداندا دئدی قارداشلاریم اوغلوم خدا غرق اولموش آلقاندا قالان بیــر سودامـر سربازیمیـدی ذیل پیماندا اودا صدساله درسی آلتی آیدا بی‌زبان آلدی بو غمدن پارچالانمیشدی نه طاقتده داغ اولسیدی بهارون فصلی سولمیشدی نجه عالی باغ اولسیدی بالام ال اوسته قالمازدی ابوالفضلیم ساغ اولسیدی گوروب قارداش‌سیزام اطرافیمی بو قوم کوفیان آلدی اؤزون محشر گونی ای منتقم قیل عدلیلن دیوان بو مـن او حرمله بو اصغر مظلوم او ناحق قان ساتان من مشتری سن قان متاعیم قیمتی رضوان اوزون وئر خیرینی یارب ساتان ساتدی آلان آلدی بالا از بسکه چیرپیندی آتانون سینه‌سی اوسته وئروب جان مرغ بسمل تک ولیکن قول قاناد بسته قویوب یوز خیمیه ساری آتا خسته بالا خسته اوزاقـدان رمـزی اوّل زینب بی‌خانمــان آلدی ئوره‌کلندی دئدی قارداش گل خندانوه قربان سووا عطشان گئدوب عطشان گلن مهمانوه قربان الـون اوستـه ملک‌لـر آغلیـان قربانووه قربان بودیلسیز نیلمیشدی دشمن آخر قانه قان آلدی دئدی سن اولماسیدون خیمیه باجی گلنمزدیم آناسـی خیمه‌دن باخسیدی من تَلّی اننمزدیم بو حالیله کی سن گوردون گؤزونه گورسننمزدیم ربابه درسی سن وئردون فلک سخت امتحان آلدی وداعین وقتی دور باجی فراقه قوی ائدوم تمکین عیـادت ایلیـوم سجادیدن دردی تاپا تمکین مریضـون یاننه گئتمکده اما وارگوزه‌ل آئین گوررسن هـر کسی بیر هدیه در حد توان آلدی مریضه دسته‌گل باغلالا بیرخوش رسم و عادتدی اودور سجـاده گتـدیم بـو گلی وقت عیادتدی آپار وئر ایلسون وئرسون سیزه بو یاخشی فرصتدی مریض ایلر گلی اوندان گوررسن دیگران آلدی وئرنــده هــر قیــزا امــا دئنن آرام آل آغوشه یواش باس باغریوا دیسگینمسین الان گئدوب هوشه آتـوب دوتما بوغازیندن دوباره قان گلر جوشه وئـرون الــدن الـه بلکـه ربـاب مهـربان آلدی آلوبلا قانلـی قنداقـی اؤپـن الـدن اله وئردی بوغازینون یاراسین کیم گوروب زلفین یئله وئردی ربابـه نوبـه چاتدی شاعیره مولا صله وئردی سیزیلتیلان ایله نوحه دئدی فیض کلان آلدی دئدی گر چه غموندن اؤلمدیم من زنده‌یم اوغلوم نقدری کی آدون اوستومده وار پاینده‌یم اوغلوم قصوریم اولدی سندن حشره‌جک شرمنده‌یم اوغلوم منیم سینم‌ده‌سن بخت اولدوزیدون آسمان آلدی یقینیمدور گجه چوخ اینجیمیشدون ایندی دینجلدون یانوردون صبحه‌جک آهون اُوخیله قلبیمی دلدون ائوون آباد کوسموشدون گینه آغوشیمه گلدون کأنـّـه آلتــی آیلیــق دستمزدیـن باغبان آلدی مرحوم منزوی اردبیلی اشعار ناب در کانال زیر⬇⬇ https://t.me/majmaol_ashaar

@majmaol_ashaar @majmaol_ashaar کانالمون انتقال یافت از این پس در کانال جدید به کارمون ادامه میدیم @majmaol_ashaar @majmaol_ashaar @majmaol_ashaar

@majmaol_ashaar @majmaol_ashaar کانالمون انتقال یافت از این پس در کانال جدید به کارمون ادامه میدیم @majmaol_ashaar @majmaol_ashaar @majmaol_ashaar

@majmaol_ashaar @majmaol_ashaar کانالمون انتقال یافت از این پس در کانال جدید به کارمون ادامه میدیم @majmaol_ashaar @majmaol_ashaar @majmaol_ashaar

@majmaol_ashaar @majmaol_ashaar کانالمون انتقال یافت از این پس در کانال جدید به کارمون ادامه میدیم @majmaol_ashaar @majmaol_ashaar @majmaol_ashaar

@majmaol_ashaar @majmaol_ashaar کانالمون انتقال یافت از این پس در کانال جدید به کارمون ادامه میدیم @majmaol_ashaar @majmaol_ashaar @majmaol_ashaar