Job Vacancy in Dire Dawa Harar Somali Ethiopia ️(MAK Adverts)

እንኳን ደስ አላቹሁ MAK Adverts የጅግጅጋ ዩኒቨርሲቲ ለ18 ዙር በዲግሪ እና 2ኛ ዲግሪ (ማስተርስ ዲግሪ) በተለያዩ የትምህርት መስኮች ያስተማራቸውን 662 ተማሪዎችን በዛሬው ዕለት አስመርቋል። ዩኒቨርሲቲው ለ18ተኛ ጊዜ ያስመረቃቸው ተማሪዎች 662 ሲሆኑ፤ ተመራቂ ተማሪዎቹ በመጀመሪያ እና ሁለተኛ ዲግሪ በሰዉ እና በእንስሳት ጤና ፣ በህግ ሙያ ፣ በሶፍትዌር ኢንጂነሪንግ ፣ በአካዉንቲንግ እና በሌሎች መስኮች ትምህርቶቻቸውን የተከታተሉ መሆናቸዉ ተገልጿል። በዛሬው እለት ለ18ተኛ ጊዜ በዩኒቨርሲቲው ከተመረቁት ተማሪዎች መካከል 24 በጤና ስፔሻሊስት ዘርፍ ትምህርታቸውን የተከታተሉ ተማሪዎች ይገኙበታል። በምርቃት ስነ-ሥርዓቱ ላይ የሶማሊ ክልል ምክትል ርዕሰ መስተዳድር እና የጅግጅጋ ዩኒቨርሲቲ ስራ አመራር ቦርድ ምክትል ሰብሳቢ አቶ ኢብራሂም ዑስማን ፣ በህዝብ ተወካዮች ምክር ቤት የመንግስት ዋና ተጠሪ ሚኒስትር እና የጅግጅጋ ዩኒቨርሲቲ ስራ አመራር ቦርድ ሰብሳቢ ተስፋዬ በልጅጌ (ዶ/ር) ፣ የጅግጅጋ ዩኒቨርሲቲ ፕሬዝዳንት ዶ/ር ሰኢድ መሀመድ ፣ የዩኒቨርስቲዉ የአስተዳደር ምክትል ፕሬዝዳንቶች ፣ ተመራቂ ተማሪዎች እና ጥሪ የተደረገላቸው እንግዶች ተገኝተዋል።