. کانال السلام علیک یا صاحب الزمان (ع)

رای ارزشمند ای دیلیم حق سوز دانیش تا حق انکار اولماسین حقی تایید ایتگیلن ناحقه اقرار اولماسین دانش و بینشدی که هر حقی ناحق دن سئچر صاحب اندیشه اول تشخیص دشوار اولماسین کیم دانشسا وئر قولاق نه رد، نده تایید قیل تجزیه تحلیل ائله مطلب زیانبار اولماسین چوخ لاری خوش سوز دیر، اما اوزی ائتمئز عمل اولماسا كيمده عمل گفتاری معیار اولماسین خوش مثلدور بی عسل زنبوره بنذر بی عمل گوزله نیشیندن اونون تا روحه آزار اولماسین عقل و منطقدن اوزاقدی عاقل انسان آللانا عاقل اول خلقه یالانچی کیمسه غمخوار اولماسین انقلاب ائتدیک بیزیم سالاریمیز ابرار اولا انقلابی ملته سالار اشرار اولماسین دشمن ایستور ملت ایران گئدوب رای سالمیا با الها قیل کمک بو ملته خوار اولماسین قورخوری بیر عده ،چون آزادی اندیشه دن انقلابی ملتی ایستوله هوشیار اولماسین ای جماعت رای ایلن بیر انقلاب ایجاد ائدون ملت ایرانه تا که ظلم بسیار اولماسین  صادق انسانلار گرک بو ملته قانون یازا بی حمیت لر ولا ملکینده سالار اولماسین ایلیون همت برازنده نماینده سئچک مبتدی ،بی تجربه ،بو ملته یار اولماسین آختارون با تجربه صاحب تخصص کاندیدی هر گلن بو ملت مظلومه سربار اولماسین قویمیاخ ،بیر عده یکسر دولته توهین ائده سعی ائداخ،بی جا یره دولت گنهکار اولماسین بی لیاقتلر بو خلقین حقین حراج ایتدیلر سعی ائدون تا بیرده بو تاراج تکرار اولماسین بینش و اندیشه و تدبیردن بیز خط آلاخ خانه ی ملت یولی مکاره هموار اولماسین کشور ایران ولایت مولکی دور وحدت یری بو دیاره هیچ جناح و فرقه سربار اولماسین عادل  انسانلار کرک قویسون قدم بو عرصیه حامی اولسون کشوره غربه طرفدار اولماسین هم اصوله معتقد همده اولاخ اصلاح طلب هیچ جناحین وحدته افکاری دیوار اولماسین فرقه دن ، فرقه گرادن گورسنوب خلقه زیان هیچ جناح و فرقه نین راینده اصرار اولماسین لایق و شایسته اشخاصی سئچک تدبیرلن مستقل اولسون اوزی وارونه افکار اولماسین کشوری آلسون نظرده بیرده نفع ملتی فرقه بازی ایلیوب همکار اغیار اولماسین هم ده اولسون سالم و صادق، متین و با ادب جسم و روحین ده اونون ،نقصان پدیدار اولماسین اشتغال و ازدواجین مشکلین حل ایتماقا سعی قیلسین تا جوانلار چوخ گرفتار اولماسین بعضی لر میلیاردی پوللار خشلیور رای آلماقا ایستیور اندیشه دن ملتده آثار اولماسین بیلمورم هاردان او پوللاری چکوبدور کامینه اژدها خصلتدی او الله اونا یار اولماسین گور نجه پولار حسابسیز خشلنور رای آلماقا هیچ نماینده گرک پابند دینار اولماسین بعضی لر ذی نفع دور اول شخصی تایید ایلیور حیله گردی قولینه هیچ کیم خریدار اولماسین عقل و فکر و بینش و اندیشه و تحقیقلن تاپگیلان اصلح وکیلی دلده زنگار اولماسین انتخابونده رضای خالقی منظور ائله پرچم ایمان و وجدانون نگونسار اولماسین "زعفرین  "خواهشلری قلبونده گر ادسه اثر قیل دعا "زعفر " اوزی فرد طمعکار اولماسین.

دئمورم الده اولان عزّتیوه ناز ائلمه دئمورم پرچم ایرانی سرافراز ائلمه دیورم فرعی دوتوب اصلیدن اعراض ائلمه قافیه عیبینی دوتما هنر ابراز ائلمه شعریده قافیه گرداندی محرم دهه سی آقاما قربان اولوم ایرانی پیروز ائلدی باشی دالدان کسیلوب ایمانی پیروز ائلدی نِی ده قرآن اوخودی قرآنی پیروز ائلدی بلی اسلامی حسینون قانی پیروز ائلدی بیل اُؤ شمشیری یخان قاندی محرم دهه سی فَجر حسین نُور حسین جلوهء مَنهاج حسین دوغولان گون ائلین گویلره معراج حسین شهدا باشینه قانیله قویان تاج حسین وئردی جان وئرمدی اهل ستمه باج حسین اُؤ اُوجا هُمّته بُرهاندی محرّم دهه سی دلده عالم بویی سؤز وار گچورم سوزلردن عشق مولا آییرار اَیری لَری دُوزلردن ائتمدی شرم اوخ آتان بیر جوت آخان گوزلردن گوزیاشی چاتدی ربابه گجه گون دوزلردن ننه احوالی نه حیراندی محرم دهه سی اوندا که الدن اباالفضل علمی دوشدی یره اوخلانان مشگی حسین گتدی ئوزی خیمه لره العطش دلده هامی تیکدی گوزین صود امره گوردولر گوزلر آخور جانی دوشوبدی خطره اؤ غمه ایندیده سوزاندی محرم دهه سی خیمه لرده دئدی مولا ندی شیون بیلورم وئردون اول طفلی منه دردینی دلدن بیلورم ای رباب آغلاما من غنچه وی گلشن بیلورم سن ئوزون یورما بالامون دیلینی من بیلورم غمه دؤز دهّهء هجراندی محرم دهه سی سیردن کاش قالیدون اؤ گون ای چرخ کُهن گور هارا چکدی حسینون ایشی ایام مُحن سسینه وئرمدی سس چول دولوسی اهل فتن صودامر بیر بالا اولدی اونا لبّیک دیین گویده قوشلار آقاما یاندی محرم دهه سی سس دوشوب لشگر آرا ناظر اولون جریانه باغبانِ علوی گل گتورور میدانه قونداق اوخشوردی قوجاقدا وَرق قرآنه دئدی بیر آز سو وئرون بو دوداقی عطشانه دیلی یوخدی سیزه مهماندی محرم دهه سی کاش سعد اوغلی دییدی آقا گئت باخما سووا آب دریا قوتارار جرعه سو وئرساخ بالووا سسلدی حرمله نی تا قانی قانیله یووا دئدی چوخ ضربه گوروب هاشمی لردن بو قوا اوخون آت موقع جبراندی محرم دهه سی حرمله دیزلرینی وردی یره یوخ دئمه دی شیر خواره بالیا نیلیه جاق اوخ دئمه دی اوخ گلوب دگدی بوغازدان بالا هئچ اوخ دئمه دی دوداقی گولدی بیر آز، آغلامارام چوخ دئمه دی عالم اول گولماقا گریاندی محرم دهه سی کیم گوروب جانی چیخاندا اوشاقین گول ماقینی کیم گوروبدی سو یانیندا بالیقین ئول ماقینی گوردی زهرا آقامین قان یارادان سیل ماقینی بالانین دردینه پیکانی دوا بیل ماقینی دئدی اوغلوم بالان اوخلاندی محرم دهه سی جان بالا غملی بالا اوغلوی آز باغریوا باس فاطمه سس وئره نوندی بو ندایه قولاق آس دئمه عباسیم ئولوب ایلمه تکلیق احساس آلا بیلمز قوجاقا اوغلووی قولسوز عباس منه وئر جان سنه قرباندی محرم دهه سی جان بالا صبریوه گویده متعجّب دی ملک بیر اووج قان گویه سپدون بزنوب قانلا فلک مرحبا عشقیوه عاشق لریوی ائتدون الک مین سپاهه دَگَر عشق عالمی بو قانلی بَلَک اصغرون عالمه سلطاندی محرم دهه سی وئر منه گوهریوی غملی آنان گوهری دی گوهرون سیندی ولی الله اونا مشتری دی وئر باسیم سینمه سینم شهدا دفتری دی ئوز نوه مدی اؤ بالا محسنی مون بنذری دی اونا محسنده نواخواندی محرم دهه سی کانال السلام علیک یا صاحب الزمان

🍁﷽🍁 ✨اَللّهُمَّ عَجِّل لِوَلیِّکَ الفَرَج✨ در وصف مادر دهـریده هر بالانیـن دردینـه درمـان ننـه دی عالم  عشقیـده بیـر درّه  درخشـان  ننـه دی دوقّوز آی زحمتیـنی بطنیـده عشقیـله چکن دوزن هر درده  او ساعتـده پریشـان ننـه دی بالا گر دیـل آچا قلبی آنانیـن چوخ  سووینـر اولان اول لحضه ده چوخ شاد و خرامـان ننه دی آغلویـانـدا  اوشاقی  تـز  آلار  آغوشـه  اوپـر وئرن ئوز شیرهء جانین دییَن ای جان نَنـه دی بالاسـی یول  یئریینـده  یی خیـلا قلبی  یانـار ائـدن اولادیـنـه هـر مشکلـی آسـان ننـه دی بالا گـر  نـاخوش اولا آتـش تب ایچره یانـا اونـا هـرآن ایدن ئوز جانیـنی قـربان ننـه دی یوخوسی گلمه سه طفلین اونا لایلای اوخویـار یـاتا بیـلمز گجـه نی طیفـله نـگهبـان ننـه دی اوقَدَر باغرینـا طیفلیـن باساجـاق تاکی یاتـا اوشـاقیـن قلبـینـه آرامـشِ پـنـهان ننـه دی بـالا نم نـم بوی آچونـجا سویـنـر صبـح و مسـا بـاغبان تـک گولـه ارزیـش وئـرن انـسان ننـه دی خاطیـرین ساخـلا عزیـز اولسون اورَکـده هـرآن ایاقیـن اوپ سن ایچون مکتـب ایمـان ننـه دی حورمتیـن سـاخلا فراموش الـمـه زحمتینـی چون قدمگاهی اولار جنّـت و رضـوان ننـه دی ئولسه ده روحی بالانـی‍ـن دولانار دوره سیـنه یعنـی بــرزخـده ده اولاده دعـا خوان ننـه دی بِلـه بیللـم کی یقیـن قبـریده طیفلین چاغیـریـر بالا قـربانیـن اولـوم، حـالینـه گـریـان ننـه دی سن (علی اصغر) ئوزون خدمت ائلـه چوخ آنـاوا چون دعاسین ائلیـن حالیـوه احسـان ننـه دی ✍:علی اصغرعباسعلی نژاد(کیوج)سراب اَللّهُمَّ عَجِّل لِوَلیِّکَ الفَرَج التماس دعا... 🌹به ما #بپیوندید

‍ سینه زنی ‍ شهادت حضرت علی اکبریم      یاره       دگوب        پیکریوه باشیووین      قانی   دولوب     گوزلریوه منی    دیندیر   ئورگیم    قاندی   اوغول نه      گلوب      قامت      جان   پروریوه گوزلیم   یاتما   اویان               منی   آغلاتما   اویان سینووی    آخدوقیجان     قان     بزیوب قان    دیمه    قرمزی    مرجان    بزیوب بورا        صحرای        منادی        بابووا سنی    ئوز   حجّینه      قربان      بزیوب سن     گیدورسن   ئورگیم    درده  گلور گیت     دالونجاق    علی  اصغرده   گلور گوزلیم   یاتما   اویان               منی   آغلاتما   اویان دئمورم     عشقوی        ابراز        ایلمه گویلره     قوش کیمی      پرواز      ایلمه چگدیگیم        زحمتیمون         خاطرینه قوی     ئوپوم     لبلریوی    ناز        ایله باجیوا     خیمه ده     آیا     نه       دئیوم خبر      آلسا    سنی    لیلا     نه    دئیوم گوزلیم   یاتما   اویان               منی   آغلاتما   اویان آغلاماقدان      بابووا      یوخدی     امان آرزو      گُللریمه           اسدی       خزان ئولمگون    یادیمه      سالدی        ننمی ئولدی    زهراده    جوان    سنده   جوان ننم        اولسیدی      باخاردی     بویووا نقشه لر     طرح      ایلیردی       طویووا گوزلیم   یاتما   اویان               منی   آغلاتما   اویان مرحبا               عشقیوه            حریّتیوه آفرین               همّتیوه             غیرتیوه گیدیگون      جامه     مبارکدی     اوغول یاراشور     رخت      شرف         قامتیوه دعوت        حقّی        اجابت       ایلدون خنجر     آلتیندا       عبادت         ایلدون گوزلیم   یاتما   اویان               منی   آغلاتما   اویان سنه      من      لالة     رضوان       دیرم سینوه         قانلی      گلستان       دیرم ایسته  سون     جانیم     قربان     دیرم جانیم    اولسون    سنه    قربان    دیرم قالمیشام    موجلی    طوفاندا      اوغول منی  تک   قویما   بو   میئداندا    اوغول گوزلیم   یاتما   اویان               منی   آغلاتما   🌹به ما #بپیوندید

✔️ حضرت علی اکبر علیه السّلام زبانحال حضرت لیلا (س) هنگام وداع حضرت علی اکبر (ع) اکبریم گیتمه جهاده قلبیم اولدی قان اوغول دوغریار قربان مثالی جسمووی عدوان اوغول گیتمه میدانه  علی جان   آتما من بی یاوری گور آتوب هانسی اوغول بحران زمانی مادری راضی اولما تا  سالوم منده  باشا غم معجری ایلمه هجرونده سن قلبیم ایوین ویران اوغول من سنون   عشقونله  گلدیم بو دیار محنته باخماسام  بیر گون  اگر آیدان   منوّر صورته بی گمان جانیم چیخار یوخدور توانیم فرقته راضی اولما لیلی اولسون مونس افغان اوغول سن منیم دنیا بویی دار و نداریم سن  علی عزتیم  جاهیم  جلالیم  اعتباریم سن علی بو   بیابان    بلاده    غمگساریم سن  علی لیلی نون هرآن سنیدون دردینه درمان اوغول خاطر   پیغمبره   گیتمه   پیمبر   بنذری گیتمه رحم  ایتمز   سنه  آل امیّه لشکری بس نیه جانه آلورسان زخم تیر و خنجری ایلیر اعدا  وجودون  قانینه  غلطان  اوغول آسمان  عشقیده  ای آیدان  انور  اولدوزوم هانسی مادر بو غمه آیا دوزوب منده دوزوم قویما  بو  قد  دل آرایه  قالا حسرت گوزوم ایلمه بو غم اسیرین بی سر وسامان اوغول عمرومه  زینت   یاراتمیش  خالق  یکتا سنی آتمیوب آتماز گوزوندن هیچ  زمان لیلا سنی گیتمه  میدانه  بالا گوزلور باجون صغرا سنی داشینی آتسون ئولر اول خواهر نالان اوغول بو جهانون هیچ کیمه ذرّه وفاسین  گورمدیم چوخ جفاسین  گوردوم  امّا بیر عطاسین گورمدیم قامتونده حیف اولا بَی لیک لباسین گورمدیم کاخ  آمالیم  اولوبدور  خاکیلن یکسان اوغول چوخ مراده عمروده ای غمگساریم یتمه دیم من  بو دنیاده  سنه  یاخجی  آنالیق ایتمه دیم سانما  میدانه  علی  سنله  برابر   گیتمه دیم سن ئولنده منده ئولّم ای گل رضوان اوغول دوزدی اکبر جان شهید اولماق لیاقت ایستیر مانع  اولسا  گر  آنا  یاخجی  دلالت   ایستیر وار دلیلیم هجرووه دوزمکده  طاقت  ایستیر یوخدی لیلاده بو طاقت روحیمه ریحان اوغول چون حسین امر ایلیوبدور گیت بو  میدانه ولی حافظ  اول  قرآنیدن  روشن  قالا  دین  مشعلی عرصه ده بحرانه دوشسون سسله محکم یاعلی تا علی اولسون سنه میدان دا پشتیبان اوغول واردی  میلون زندگینی یارووه سخت ایتمگه نه  شتابون   واردی  لیلانی  قرا بخت  ایتمگه قاره بختیم تک منی اوغلوم قرا رخت ایتمگه اولمارام سندن سورا بیردم لبی خندان اوغول ✍ کربلایی نوید آسال اردبیلی

۰ السلام علیک یا اباعبدالله الحسین یا حسین احوالووه انهار رضوان آغلادی قطعه قطعه جسمووه آیات قرآن آغلادی یاره لردن  قتلگاهه  سوزدی خون  اطهرون گل کیمین پرپر اولوب  میداندا زیبا پیکرون قانیلن مکسوف  اولوب مقتلده  روی  انورون انبیانی  غرق  در ماتم  ایدوب  محنت لرون یوسف اولدی نوحه خوان یعقوب کنعان آغلادی لبلروندن   جاری  اولدی  کلمه ی ارحم لنا بحر غمده  سویلدون   یارب  رضیت  بالقضا دل  آچوبدور   یاره لر   سسلندیلر  انی  فدا عرش رحماندان ندا گلدی حسینجان مرحبا گوردی قان ایچره سنی موسی بن عمران آغلادی گودی  گوداله  سالدون   قانیلن  بیر جانماز سینوون قانیلن آلدون مقتل  ایچره دستماز نیته   ال   قوزادون  تا   باشلانا  راز  و  نیاز حمد منان ایلدون عشقیله قیلدون سن نماز عشقووه  ایثارووه   ختم   رسولان    آغلادی سن دوشن یر قبله گاه و   کعبه عرفانیدور قانوون بیر قطره سی جان جهانه   جانیدور جسموون هر یاره سی بیر صفحه ی قرآنیدور عشقووی درک ایتمیین دنیا بویی نادانیدور تپراق اوسته جسمووه گوگلرده  جانان آغلادی خنجر الده   مقتله   ناگه   گلوب   شمر   زبون ایسته دی اول خنجریلن ایتسون عرشی واژگون کسدیقیجن  باشووی  ال  چالدیلار  اشرار  دون سسلدی   جبریل    او   دم     انا الیه  راجعون حنجروندن  سوزدیقیجن تپراقا    قان  آغلادی ✍#کربلایی_نویدآسال ✍

زینیدن اندی او پرورده سلطان نجف ماردون کسدی باشین قهریله اول کان شرف بیلدی زینب سوئونور آتدی اونی تلّه طرف نیزه نی چالدی قوی پیکرینی قیلدی هدف دئدیلر ایندی نه دور فکری نه پندار ایلیور   گوردولر قوش کیمی قالخیزدی نگون سار تنی آتدی سعد اوغلونا ساری او کثافت بدنی خوار ائدوبدور اونی بو جنگی نمایش علنی علی اوغلی دئدی تپراقه سالور هر گئدنی صحنه عرصه بدری بیزه تکرار ایلیور   بی توقّف چاپاراخ وئردی جلو مرکبینه سعی ائدوب راه صفاده یتیشه مطلبینه آلدی دریانی سودان ورمادی امّا لبینه قویدی قیمت ئوزی ئوز عشقینه ئوز منصبینه عشقه باخ ایچمگه سو ناز او سردار ایلیور   نهریدن چخدی اورکده غمی یوخ مشگ دولی علمی الده قلج الده سلامتدی قولی باخدی اطرافه ورانداز ایله دی صاق و صولی انتخاب ایله دی مقصودینه نزدیک یولی دل تمنّای حرم خانه دلدار ایلیور   قویسا اهریمن اگر درک سلیمان ائدرم سو آغیر قیمتن اولوب قیمتین ارزان ائدرم غشّ ائدن قیزلارا مشگین سویون احسان ائدرم صود امر اصغزیمون دردرینه درمان ائدرم تشنه لر غصّه سینی تشنه علمدار ایلیور   حمله ور اولدی او سایسیز نفره فرد رشیبد دفتر رزم و شهامتده آچوب فصل جدید ما و من اهلینی شمشیر ائدوبدور تهدید کوفیه ساری فرار ایله دی افراد پلید الحذر الحذر اول فرقه کفّار ایلیور   تیز حملیدی ئوزی مرکب رهواری برو گه وئروبدور آتا مهمیز گهی وئردی جلو ایلدیریم تک قشونون خرمنینه توکدی الو باشلاری داس اجل تک قلجی ائتدی درو روبرو هر کیم اولور فوری نگونسار ایلیور   الحق الحق نه گوزل خدمت ائدوب قارداشینا فرصت جنگی فلک حیف اولا وئردی قوشینا آغلا آغلا آناسی مشتری دور گوزیاشنا یازمازیدوم نه بلا گلدی او السیز باشینا حضرت صادقون امری منی ناچار ایلیور   بشرون الدی خطر وقتی نگهبان گوزونه الّلری اولسا مواظب اولار انسان گوزونه السیزه چاره نه دور اوخ کچه پرّان گوزونه یاریلا باش یاراسیندان توکوله قان گوزونه سیلمه سه گوزلرینی باخماقی دشوار ایلیور   لخته قانیله دولان گوز گورر آیا هارانی گوز دوتولموشدی قبول ایلدی هر بیریارانی نه گلن نیزه اوخی گوردی نه یاره ورانی نه یانندان گچنی گوردی نه یولدا دورانی دونور هر سمته هدف سینه سین اوخلار ایلیور   باغلیوب امّ بنینون یرینه قان گوزونی ایتیروبدور یولی میداندا ایتیرمور ئوزونی گلدی بیر ظالم اونون تار ایلدی گوندوزونی دئمرم آهن عمودیله آچیق باش سوزونی صبر و طاقت او غمه هانسی عزادار ایلیور   بیلمورم اولدی نه رفتار او قوی پیکریله اوجاقامت اوجا یردن یخلیوب لنگریله باشینون اوسته گلوبدور آناسی حیدریله فاطمه سیلدی گهی گوزلرینی معجریله گه سیو تکلیفی اونا حیدر کرّار ایلیور   سسلنوب معرکه دن گل منی ائت شاهیم شاهسن سن منه شاهد بیر اولان اللهیم قوتاروب الده کی سرمایم اوجالمش آهیم سر خونین تن خونین دی قالان تنخواهیم اوندا مقدمووه نوکرون ایثار ایلیور   گرد راه قدمون فخریدی ایجاد ائوینه شاه عادل سن آقا عدل ائوینه داد ائوینه آغلاما لطف ائله گل قارداشوون شاد ائوینه سنی دعوت ائدورم عشقیمون آباد ائوینه ائوی آباد اولا عشقون یوخ ائوی وار ایلیور   انورم نوحه ده صرف ایلمیشم همّتیمی آرتیروبدور آقامون لطفی منیم شهرتیمی نیّتیم قلبیده خدمتدی بیلور نیّتیمی وار امیدیم وئره موعود جزا خلعتیمی موری تشویق سلیمان کرم دار ایلیور ✍ #استاد_انور (ره)

تلّیدن اندی عقابی پر آچوب مثل عقاب حکم تمکین وئروب توسنه ناگه او جناب مسلک ابلیس سیاهه یتیشوب تیز شهاب موسی تک سامری سیرت قوشونا قیلدی خطاب بی بصیرت سپهه بند اولوالابصار ایلیور   ای سپاه اموی حیله مراموزدی سیزون ننگ تاریخ بشر ننگ قیاموزدی سیزون ظاهرا کلمه حق تکیه کلاموزدی سیزون دینوز اولسا شه لب تشنه اماموزدی سیزون ئوز امامینده مگر دینی اولان خوار ایلیور؟   دولدورورب قلبوزی عشق زر وسیم عشق جهان مرغ زیبا پر حرّیت اوخا اولدی نشان قورخودوبدور سیزی عفریت محیط خفقان قابل نفرت و لعنت دی یزید نادان نه حکومت دی سیزه مردک میخوار ایلیور     عار اولا اون ایکی مین نامه یازان ملّتوزه عرا اولا عاطفوزه نیّتوزه غیرتوزه لطمه وردوز ئوزوز ئوز ارزش و حیثیّتوزه نه سبب اولدی قیدّوز گنه وحشیّتوزه روبرو اولماقا انسان سیزیلن عار ایلیور   هانسی مسلکده سویی تشنیه ایلوبله حرام؟ سارالوب ختم نبی گلشنی ای قوم ظلام یوخدی سو شدّت گرماده یانور اهل خیام نه کیچیک لرده رمق وار نه بیوک لرده دوام سعدون اوغلی نیه آل اللهه اجبار ایلیور گلمیشم نهری آلام سو آپارام تشنه لره اعتنا ایلمرم یوز بئله سایسیز نفره چکسه شمشیرینی هر کیم الین آتسا سپره روبرو اولسا منه جنگیده سالّام خطره نجه که کاهی فنا برق شرر بار ایلیور   انتخاب ایله دی هرکیم جدل تن به تنی شاغر مرگی ایچوب تپراقا دوشدی بدنی گورمیوب دیده دنیا بئله شمشیر زنی فی المثل طیرا ً ابابیل پر آچموش علنی اَبرهه قومینی سجّیله گرفتار ایلیور   گوردولر جنگیده ماهر دی او عالی هدفی اختیار ایلدی ابطال عرب پشت صفی بیلدی عبّاس علی تک باشا یوخدور طرفی خیمیه باخدی صورا سسلدی شاه نجفی کارزار اهلینی اوغلون نجه گور زار ایلیور   هر نه عّاسی ده واردور باباجان سن دن دور منده که صدق و صفا نام و نشان سن دن دور بو قوی پنجه بو بازوی توان سن دن دور رگ قلبیمده روقیمده کی قان سن دن دور سن اوپن قولدی بوگون صفلری طومار ایلیور   بیر نبرد ایله دی میدانیده اول یکّه سوار قلب لشکر ده یول آچدی قوشونا وئردی فشار سوروشوب مارد بد خو نه قیامتدی بو نه وار بیخبرسن دیدیلر جنگیدن ای فتنه شعار مرتضانون اوجابوی اوغلیدی پیکار ایلیور   خیمه سین ترک ایله دی فوری او غول اموی گورید میداندا علمدار سپاه علوی قول اوزون پرچم اوجا قامت اوجا پنجه قوی ماردون خیمه سینه فوری ائدور پیشروی برق شمشیری آخور مارده اخطار ایلیور   عصبی ائتدی صدیف اوغلونی کابوس اجل مرکبه وئردی جلو اولدی مهیّای جدل فنّ رزمیله آتوب نیزه سین عبّاسیه اول اوجالاندی او اوجا نیزه نی دوتدی اوجا ال بونمایش دئدی مارد سنی بیدار ایلیور   منیم استاد نبردیم اسدالله علی ایلیوبدور منه تعلیم رموز جدلی ناقصون خچدی سنون رشته دعواده ولی مردسن نیزه وی آل سن،دالی قیتر بو الی اشقیا قدرت سرپنجه وی معیار ایلیور   نیزه سین آلماغا مارد چالشوب قدرتیله زور بازوسی نی وئردی عصبانیّتیله اولدی ناکام سنانه یاپشوب خفّتیله نیزه سین آلدی علی اوغلی اونون همّتیله منتطر دی هامی گورسونله نه رقتار ایلیور   ماردون مرکبینی پیله دی عبّاس شریف عرصه رزمی ده سر در گم اولوب کهنه حریف پنجه شیر ده روبه تک ئوزین گوردی ضعیف دی آچوب عجزه ابوالفضلی ائدوبدی تعریف منی عفو ایله بیوک عفو خطاکار ایلیور   ایسته دی مارده مرکب گتوره قوم ضلال اسدالله بالاسی وئرمدی بو امره مجال اونون ئوز نیزه سین عباس برازنده خصال بوغازیندان ائله وردی کسیلوب راه مقال گوردیلر ترک لاشه مردار ایلیور   جان وئرور مارد نامرد قشون وحشت ائدور تّلون اوستونده حسین زینبیله صحبت ائدور باجی قارداش او گوزل قارداشینا دقت ائدور ارزش جنگینی زهراده گلوب قیمت ائدور غبطه بومنطریه جعفر طیّار ایلیور  

https://t.me/+2tozhR4lwaU3MTY0 #کانال_اشعار_مرحوم_قمری_دربندی #آمدن_جبرئیل_به_قتلگاه __ __                                                         ✍ دلیل راه وفا جان نثار جاده ی عشق وئروب مذاکره بزمینده عالمه سرمشق چو نور دیده ی زهراشهنشه حرمین شهیدلاله رُخ کربلا امام حسین قوری یر اوسته جگر داغلی جسمی صد پاره آخاردی قان یاراسیندان مثال فوّاره دییردی درد دلین کردگار یکتایه نه گوردی باشینون اوسته گوروندی بیر سایه سؤال قیلدی که ای قیدیمه قالان کیمسن بو گونده سایه باشیم اوستونه سالان کیمسن او سایه صاحبی عرض ایلدی که یا مولا منم بو گونده سنه نوکر اولماقا اولیٰ او کیمسه یم که بو عالمده خون دل یمیشم گئجه گونوز گلوبن لای لایووی دئمیشم او کیمسه یم که اطاعت بئلینی باغلامیشام بو دوغرانان بدنی سینه ام اوسته ساخلامیشام که ای اولان آدی عرش خدایه پیرایه او کیمسه یم وئروب اللّه منی سنه دایه مقرّب حرم خالق جلیلم من اولیدی کاش گوزوم کور جبرئیلم من بویوردی حضرت روح الامینه شاه اُمم بو سایه سالماقووا بیل یقین رضا دگلم گوتور قنادوی لازم دگل منه سایه رواق عرشیده جدیم دوروب تماشایه گوتور قنادوی قوی چشمه چشمه قان آخسون آتام یارالاریما ساق عرشیدن باخسون محبوبیمون منیله محبت بناسی وار معلوم اولور شفقت و مهر و وفاسی وار معشوقیدن گرک یتشه عاشقه بلا عاشق دگل او کیمسه بلادن هراسی وار هر نه بلا گله ائدرم جانیله قبول البته بو بلالرینون مدّعاسی وار جانان یولوندا هر یارا بیر گُلدی عاشقه گلزار سینه مون نه عجایب صفاسی وار دورت مین یارا دگوب گینه آزدور بو سینیه مین دفعه جانیله چکرم هر جفاسی وار قیل بیرجه قتلگاه تماشاسی جبرئیل باخ گور حسین تشنه لبون نه اساسی وار قربانگهه خلیل آپاروب بیر فدا اگر اما حسینه باخ نجه یتمیش فداسی وار عباس نامداریمی قربان کسوبدولر قولسوز دوشوبدی قانه بویانمیش لواسی وار طوی دوتموشام بو دشتیده شهزاده قاسمه یاخمیش الینه قانیله الوان حناسی وار صدپاره دوغرانوبدی علی اکبریم سوسوز تپراقلار اوستی نعشی دوشوب چوخ یاراسی وار من قوی یانوم بو گون قباقیندا کباب تک سال اکبر اوسته کولگه اوغلسوز آناسی وار بیلمم سبب ندور منی گوزدن آتوب آنام میدانه زینبیم گله بیلمز حیاسی وار دورما اوزون یتور نجفه سؤیله یاعلی اوغلون حسین ئولور سنه چوخ چوخ دعاسی وار گل کربلایه باشیمی آل بیر دیز اوستونه گورسونلر اهل کوفه علی تک آتاسی وار غم گلشنینده«قمری»بی یار و خسته نون فریاد وا حسینیله شور و نواسی وار کانال السلام علیک یا صاحب الزمان

زبانحال حضرت صغری(س) محبتون آزالوب بیلمورم زمانه دونوب ورملیوب اور گیم گوزیاشیم دا قانه دونوب سنون گوزوندن ایراق قامتیم کمانه دونوب قوری نفسدی قالان بوگونی قرادن علی منی بوشهرده اولمور سایان باخوب یانورام عیادته گلنیم اولمیور آلولانورام گوزوم یولوندا قالوبدور بوش ایوده گون سانورام قادون منه, منی قورتار ابتلادن علی اسنده یل نجه تترر ساری گلون بوداقی منیمده قلبیم ایله تترور ای اورک دایاقی باتاندا گون غمیم آرتور غریبلر سایاقی گلور گجه, باشیما کول یاغور هوادن علی قسم خانم بی بیمون گل توکن دوداقلارینا قبیله مون ائلیمون حسرتم اوشاقلارینا گوزوم دوشنده بنی فاطمه اطاقلارینا اسور الیم ایاقیم ,دل دوشور قوادن علی استاد تقایی