متاح الآن! بحث تيليغرام 2025 — أهم رؤى العام 
Ajoyib she'rlar
الذهاب إلى القناة على Telegram
Sheriyat olamiga xush kelibsiz. O'zbekistonda eng faol she'rlar kanali. Bizda hech qanday reklamalarsiz Sher va takliflaringiz bo'lsa admin @ILYOSBEK77 va @Isombek7 ga murojat qilishingiz mumkin. Dóstlaringizni ham taklif qiling @Sheriyat
إظهار المزيد2 084
المشتركون
+124 ساعات
-47 أيام
-6330 أيام
أرشيف المشاركات
2 084
***
Umr o'tgan sari ulgʻayganini,
Anglamay qolarkan asli odamzod.
Ko'z yumib ochguncha kunlar o'tgan-u,
Bari bir ertakdek tuyular hayhot .
Kecha ko'cha kezib yurgan bolalik,
Bugun yelkasida dunyoning yuki.
Yoshlikda yo'q degan harhashalarga,
Bugun katta bo'lib bo'lmoqda kulgi .
Umr karvoniga yanglish chiqmadik,
Taqdir aytganiga ko'ndirib qo'ydi.
Kecha dadasiga erkalik qilgan,
Jajji yuraklar ham indamay ko'ndi.
Endi katta qadam ,katta orzular,
Endi bolalarga kattalardekmiz.
Qachondir ulg'aymoq istagandigu,
Mana shu orzuga yetib ham keldik.
Endi yurak urib tursa bo'lgani,
Hayot olib ketar ,bir yo'lga boshlab .
Bolam bilan birga o'ynayabmanu,
Yosh ham ketayabdi o'ttizga qarab...
Sheʼr muallifi: Munavvara Dilroz
@Sheriyat🍃
2 084
*СИЗ ЎЗИМНИ ЁРИМСИЗ*
Сиз борлиғим, боримсиз,
Кўнгли оппоқ қоримсиз,
Эй, қалбим маликаси,
Сиз ўзимни ёримсиз.
Тушда кўрган ҳургинам,
Тонгги таъфтли нургинам,
Дилда унган гулгинам,
Сиз ўзимни ёримсиз.
Менинг оҳу кўзлигим,
Болдан тотли сўзлигим,
Сизда топдим ўзлигим,
Сиз ўзимни ёримсиз.
Керакмас сиздан ўзга,
Боқмайман бошқа кўзга,
Кўнгил қўйганман сизга,
Сиз ўзимни ёримсиз.
Сизга бўлдим маҳлиё,
Ўзгариб кетди дунё,
Умримга сочган зиё,
Сиз ўзимни ёримсиз.
Жондан ортиқ севганим,
Чап кўксимда урганим,
Шудир мени билганим,
Сиз ўзимни ёримсиз.
Сиз ўзимни ёримсиз,
Ғурур, номус, оримсиз.
Сиз бошқа бир тандаги,
Жоним, меҳрибонимсиз...
✍Абдумуталиб Эргашалиев
Тайёр қўшиқ сотилади мурожат учун ➡️@abdumutalib9408
@Sheriyat
2 084
*ОНАМНИНГ КЎНГЛИ СЕЗАР*
Жисмим чекса дард-у, ғам,
Хорғинлик руҳим эъзар.
Жонимга куйиб ҳар дам,
Онамнинг кўнгли сезар.
Бошимга ёғса тошлар,
Етмай қолса бардошлар,
Кўзимдан оқса ёшлар,
Онамнинг кўнгли сезар.
Синовлар келиб қатор,
Ҳолим танг бўлса абгор,
Жим турсам қилмай ошкор,
Онамнинг кўнгли сезар.
Ишларим юрмаса ҳеч,
Омадим кулмаса ҳеч,
Дуо қилиб эрта кеч,
Онамнинг кўнгли сезар.
Нур юзлари ой каби,
Бордир меҳрининг таъми,
Кўпайса елкам ғами,
Онамнинг кўнгли сезар.
Чин муҳлиси, санъатим,
Пойдевори қудратим,
Сиз ва отам давлатим,
Сизлар бор умрим безар.
✍Абдумуталиб Эргашалиев
Тайёр қўшиқ сотилади мурожат учун ➡️@abdumutalib9408
@Sheriyat
2 084
*ЗЎР БЎЛИБ КЕТАМИЗ*
Йўқчилик йигитга синов дегани,
Шукур дейман ноним бордир егани,
Ҳали шундайин бир кунлар келади,
Зўр бўлиб кетамиз, Ҳудо ҳохласа.
Йигит ризқи доим кўчада бўлар,
Уйда уймалаган кўкармай синар,
Ният яхши бўлса ортиғин берар,
Зўр бўлиб кетамиз, Ҳудо ҳохласа.
Билакда куч тўла, мия ғич ақл,
Муҳими ҳаракат, ишонч ва сабр,
Ҳалол бўлиб доим, бўлмасак бахил,
Зўр бўлиб кетамиз, Ҳудо ҳохласа.
Ота онам қилиб турсалар дуо,
Ишларим ўнгидан келар доимо,
Ҳаракат қилганга беради Ҳудо!
Зўр бўлиб кетамиз, Ҳудо ҳохласа.
Йигит кўрки, лафзи, сўзи биландир,
Дадил қадам босган изи биландир,
Йигитни омади ўзи биландир,
Зўр бўлиб кетамиз, Ҳудо ҳохласа.
Виждонни унутмай, иймондан кечмай,
Юрган тўғри йўлдан сира адашмай,
Адо этар фарз-у, қарзни унутмай,
Зўр бўлиб кетамиз, Ҳудо ҳохласа.
✍Абдумуталиб Эргашалиев
Тайёр қўшиқ сотилади мурожат учун ➡️+998903040075 Akramjon @abdumutalib9408
@Sheriyat
2 084
*ЛАФЗИ БИЛАН ГЎЗАЛДИР ЭРКАК*
Базилар инсонни қилади эрмак,
Қулоғига қуйиб айтади эртак,
Эй, дўстим унутма шуни ҳеч қачон!
Лафзи билан доим гўзалдир эркак.
Айтилган сўзинг бу, отилган ўқдир,
Номардларни қилар хатоси кўпдир,
Сўзда турмаганнинг вафоси йўқдир,
Лафзи билан доим гўзалдир эркак.
Эркакларнинг фарқи эмас кучида,
Озғин ё, келишган қоматлигида,
Эркак фарқланади, эркак ичида,
Лафзи билан доим гўзалдир эркак.
Майда гапиришлик аёлларга ҳос,
Бир сўзли одамда, обрў беқиёс,
Кўриб бир ҳаётдан қилдим, иқтибос,
Лафзи билан доим гўзалдир эркак.
Ўйнаб гапирмайди, ўйлаб гапирар,
Ортдан эмас юзга шартта гапирар,
Эркак киши доим битта гапирар,
Лафзи билан доим гўзалдир эркак.
✍Абдумуталиб Эргашалиев
Тайёр қўшиқ сотилади мурожат учун ➡️ @abdumutalib9408
@Sheriyat
2 084
КЎЗЛАРИНГДА СЕҲР БОР
Пошналаринг баланд жуда,
Ноз-у, карашма авжида,
Бир кўришда ошиқ бўлдим,
Сеҳр бордир кўзларингда.
Тақ-туқ, юрагимдан урдинг,
Дук-дук, қара нима қилдинг,
Қайга боқсам, хаёлимга,
Фақат ўзинг келавердинг.
Бир бор қара, менга қара,
Юрагимни қилма яра,
Севиб қолдим беихтиёр,
Сендан ўзга йўқдир чора.
Бир бор қара, менга қара,
Қарагинда қил ишора,
Қалбим сен деб урар мудом,
Мендакаси борми яна.
Ўжарсанда ўжаргинам,
Лек, чиройлисанда бирам.
Бошқасига йўқдир ҳушим,
Оҳ ўзимни биттагинам.
Шошма тутиб олай сени,
Бунча қийнадинг-а, мени,
Ўзгага бермайман ишон,
Унутмагин ҳўпми шуни.
✍Абдумуталиб Эргашалиев
Тайёр қўшиқ сотилади мурожат учун ➡️@abdumutalib9408
@Sheriyat
2 084
*ЗЎР БЎЛИБ КЕТАМИЗ*
Йўқчилик йигитга синов дегани,
Шукур дейман ноним бордир егани,
Ҳали бизларга бир давр келади,
Зўр бўлиб кетамиз, Ҳудо ҳохласа.
Йигит ризқи доим кўчада бўлар,
Тиним билмаганлар роҳатин кўрар,
Ният яхши бўлса ортиғин берар,
Зўр бўлиб кетамиз, Ҳудо ҳохласа.
Билакда куч тўла, мия ғич ақл,
Муҳими ҳаракат, ишонч ва сабр,
Ҳалол бўлиб доим, бўлмасак бахил,
Зўр бўлиб кетамиз, Ҳудо ҳохласа.
Ота онам қилиб турсалар дуо,
Ишларим ўнгидан келар доимо,
Ҳаракат қилганга беради Ҳудо!
Зўр бўлиб кетамиз, Ҳудо ҳохласа.
Йигит кўрки, лафзи, сўзи биландир,
Дадил қадам босган изи биландир,
Йигитни омади ўзи биландир,
Зўр бўлиб кетамиз, Ҳудо ҳохласа.
Виждонни унутмай, иймондан кечмай,
Юрган тўғри йўлдан сира адашмай,
Адо этар фарз-у, қарзни унутмай,
Зўр бўлиб кетамиз, Ҳудо ҳохласа.
✍Абдумуталиб Эргашалиев
Тайёр қўшиқ сотилади мурожат учун➡️+998903040075 Akramjon
@abdumutalib9408
@Sheriyat
2 084
*ÖZLEDIM*
Özlemek nasıl bir sevda?
Doluyor içime hasret,
Tek ilaç, bu dertlerime,
Bu sensin, bu sensin elbet,
Görüyorum rüyalarımda
Sen varsın dualarımda
Ne kadar görmek istesemde
Bulamam dünyalarımda,
Özledim seni yar
Özledim tekrar tekrar
Özledim her şeyden çok
Çiçekaçınca bahar,
Sana bu şarkılarım
Dinle ne zaman kursan
Ah, benim en sevdiğim
Seni özledim bilsen,
Aşk bize zor geliyor
Zaman akıp gidiyor
Seni nasıl özledim
Birtek kalbim biliyor
Sevecyim o gözlerini
Sevecyim o sözlerini
Anlarsın güneş gibiyim
Sana nur saçtıklarımı
Getirir kokunu rüzgar
Hadi gel üzülmeden yar
Ben seni inan unutmadım
Özledim tekrar tekrar
✍Абдумуталиб Эргашалиев
🎙Abdumutalib Ergashaliyev
Тайёр қўшиқ сотилади мурожат учун ➡️@abdumutalib9408
@Sheriyat
2 084
Bugun qubon xayiti
Qalblariz nurga to'lsin
Musulmon chin bayrami
Hayit muborak bo'lsin
Man esa shuni aytay
Ajoyib tush ko'ribman
Qalbim quvonchga to'lib
Makka tomon yuribman
Bor emish akam ukam
Amakim bilan o'zim
Yana yuztacha odam
Yig'lamoqdadir ko'zim
Kaba emish oldimda
Tavof qilib yuribmiz
Hajar al-aswad o'pib
Goh yig'lab goh kulibmiz
Yonimda amakim bor
Oldimda ukam akam
Yig'lamayin desam ham
Keldi yig'i chinakam
Kabani silab o'pib
Yig'labman xub baqirib
Allohim kechirgin deb
Chin qalbimdan chiqarib
Kabaga ko'p tikildim
Ajib bir xid tanasi
Xech bormagan bo'lsam xam
Sog'inibman chamasi
Maqomi ibrohimni
Ko'rishga navbat tutti
Shu payt kichkina o'g'lim
Yig'lab yig'lab uyg'otdi
Bugun qubon xayiti
Qalblariz nurga to'lsin
Musulmon chin bayrami
Hayit muborak bo'lsin
Isombek
@Sheriyat
2 084
«ҚУРБОН ХАЙИТИНГИЗ МУБОРАК БЎЛСИН»
Мўмин-у муслима ахли мусулмон,
Пок қалби тўрида яшайди қурон,
Аллохга ишонган эй азиз инсон,
Қурбон хайитингиз муборак бўлсин!
Шукрона келтириб шундай кунларга,
Қиблага юзланиб ўқилар намоз,
Кимга насиб яна армон кимларга,
Дуо қилиб тангрим қилмоқлик эъзоз.
Саодатли кунда савоб яхши амаллар, Бир-бирин юқламоқ керак шу дамлар, Қурбингиз етса гар фарз билинг шуни, Жонлик атаб эхсон қилинг одамлар.
Кексалар холини сўранг аввало,
Етимлар бошини силанг беминнат,
Қилган яхшиликни айтманг мутлоқо, Охиратда насиб бўлгуси Жаннат
Шундай юртда яшамоқлик бахт,
Шу бахтни бут айлар оила давраси,
Кўнгилда мустахкам иймон этиқод,
Қадр топмоқликни айни палласи.
Эй уммати Мухаммад дуо қил дуо,
Тинчлик хотиржамлик айласин ато,
Келаси шу кунга етайлик омон,
Равнақ топсин азиз шу она макон!
Мўмин-у муслима ахли мусулмон,
Пок қалби тўрида яшайди қурон,
Аллохга ишонган эй азиз инсон,
Қурбон хайитингиз муборак бўлсин!
✍Абдумуталиб Эргашалиев
@Sheriyat
2 084
Yigit boshing bo'lib qolar xam,
Topolmaysan dardingga malham,
Chidaysanda bu dunyo bir kam
Omad seni tark etganida,
Xatto ota onang suymaydi,
Yaqinlaring do'stdek ko'rmaydi,
Hurmat e'tiboring bo'lmaydi,
Omad seni tark etganida.
Barcha yo'llar berkilib qolar,
Ko'zlaringdan kulgu yo'qolar,
Qayda ketti ulfat jo'ralar,
Omad seni tark etganida.
Tushar mardu nomardga ishing,
Qiziqmas hech kimga tashvishing,
Qay devorga urarsan boshing,
Omad seni tark etganida.
Yordam so'rsang topilmas bir do'st,
Maslahatdan ochisharlar so'z,
Alamlardan yoshlanadi ko'z,
Omad seni tark etganida.
Soxtalarni bilib olasan,
Kunda ming bor o'yga tolasan,
Kulganda ham yolg'on kulasan
Omad seni tark etganida.
Yolg'iz qolib ketsangda shu on,
Bandasidan kutma hech qachon,
Najot berar, Allohga ishon,
Omad seni tark etganida.
#Boburiy
@Sheriyat
2 084
*МАКТАБДАГИ СИНФДОШЛАРИМ*
Бир партада ўтирдик бизлар,
Синфдошим ўғил-у, қизлар,
Эсдан чиқмас қадирдонсизлар,
Мактабдаги синфдошларим!
Кўзларимдан оқар ёшларим,
Эй дўстларим, қадрдонларим,
Сизлар билан ўтган онларим,
Мактабдаги синфдошларим!
Кулгулари шарқироқ сойдек,
Юзлар ширмон, тенгсиз чиройдек,
Эй синфдош қизларим ойдек,
Мактабдаги синфдошларим!
Жонимга жон, жигарим бари,
Чин елкадош, дўстларнинг сари,
Кўздан ўтар кетса сал нари,
Мактабдаги синфдошларим!
Йиқилганда қўлим тутгансиз,
Ҳафалашсак тез унутгансиз,
Туғишгандек бўлиб кетгансиз,
Мактабдаги синфдошларим!
Бири кўз-у, бири қошларим,
Бугун кўзда тинмас ёшларим,
Оқибатли қадрли доим,
Мактабдаги синфдошларим!
✍Абдумуталиб Эргашалиев
Қўшиқ ва идея учун муаллиф рухсатини олинг(руҳсатсиз қилинган қўшиқлар қонунан жавобгарликка тортилади) ➡️@abdumutalib9408
@Sheriyat
2 084
Alloh uchun kechirgin-u kulib qo'ygin
Do'stlar qalbing tilka pora qilsalar
Haq gapingni yolg'onlarga yoysalar
Qilgan bo'lsa kesatig'-u zardalar
Shaytonchani og'ziga bir urib qo'ygin
Alloh uchun kechirgin-u kulib qo'ygin
Qarindoshdan bordi keldi uzilsa
Ginalardan to'da boshi tuzilsa
Barakaham bo'lmas mehr buzilsa
Jannat sari qadamingni tashlab qoygin
Alloh uchun kechirgin-u kulib qo'ygin
Aybsiz bo'lmas,har bandada bordir ayb
Ne nelarga majbur qilmas axir taqdir
Yashayabmiz o'lmog'imiz albat haqdir
Qabrdaki azobimiz o'ylab qo'ygin
Alloh uchun kechirgin-u kulib qo'ygin
Turmush bersa mushlarni shoshilmagin
O'zga sanam sochlariga osilmagin
Zahar sochib,kongillarni sovutmagin
Alloh bergan yoring axir ko'nib qo'ygin
Alloh uchun kechirgin-u kulib qo'ygin
Jaxil chiqsa ne so'zlamas be suyak til
Shirin so'zga oshiq bo'lgan doimo dil
Sen Rasululloh (S.A.V) tutgan yolin qil
Yomonlarga yaxshiliging qilib qo'ygin
Alloh uchun kechirgin-u kulib qo'ygin
✍ ILYOSBEK
Muallif huquqisiz olinmasin
@Sheriyat
2 084
.
Охирги манзилинг, уйинг— қабристон
Бу дунё ўткинчи, ўтгайдир бари,
Вақтинг ўтиб борар, кун ўтган сари,
Кимдир кеч боргайдир, кимдир илгари,
Охирги манзилинг, уйинг — қабристон
Бориб зиёрат қил, обод қил инсон!
Бир кун англагайсан хатоларингни,
Фойда бермас зар-у матоларингни,
Ҳеч ким эшитмайди садоларингни,
Охирги манзилинг, уйинг— қабристон,
Бориб зиёрат қил, обод қил инсон!
Қара, бу шаҳарнинг уйларин кўргил,
Даҳлизи, айвони, ётоғи бир хил,
Ўйла, бу сўзларим маъносини бил,
Охирги манзилинг, уйинг — қабристон
Бориб зиёрат қил, обод қил инсон!
Шоҳу гадога ҳам улови битта,
Оломон кўтариб боради кифтда,
Тушунсанг, бу гапнинг маъноси катта,
Охирги манзилинг, уйинг — қабристон
Бориб зиёрат қил, обод қил инсон!
У ерда бозор йўқ, савдо қилинмас,
Бойми ё камбағал, парво қилинмас,
Савобингдан ўзга молинг билинмас,
Охирги манзилинг, уйинг— қабристон
Бориб зиёрат қил, обод қил инсон!
✍️ Ҳаким Рўзиев
🏡 Қашқадарё вилояти Миришкор тумани Ободон маҳалласи
@Sheriyat
2 084
*АЁЛИМДАН ЧИРОЙЛИГИ ЙЎҚ*
Ширин-ширин ўйга толдирган, Ҳаёлимдан чиройлиги йўқ, Суюб-суюб мени суйдурган, Аёлимдан чиройлиги йўқ.
Вужудимни титратиб бир ҳис,
Бир кўришда юрак этган жиз, Мана шуда, шуда ўша қиз,
Аёлимдан чиройлиги йўқ.
Дунёда кўп чиройли қизлар,
Сочи сумбул, жодули кўзлар,
Қанча гўзал бўлмасин улар,
Аёлимдан чиройлиги йўқ.
Меҳр бериб қадр топганим,
Турмуш қуриб бахти чопганим,
Пешонамга тақдир битганим,
Аёлимдан чиройлиги йўқ.
Ортмас рўзғор юмушларидан,
Елиб хизмат қилишларидан,
Айланай шу туришларидан,
Аёлимдан чиройлиги йўқ.
Аразлаб тез ярашадиган,
Бир иш қилсам қарашадиган,
Мени сўзсиз тушунадиган,
Аёлимдан чиройлиги йўқ.
Кўзим очиб кўрган ҳалолим,
Бошимда гир, парвона доим,
Бахтимга соғ бўлсин илохим,
Аёлимдан чиройлиги йўқ.
Ширин-ширин, ўйга толдирган,
Ҳаёлимдан чиройлиги йўқ.
Сулувлардан сулув мен учун,
Аёлимдан чиройлиги йўқ.
✍️Абдумуталиб Эргашалиев
Қўшиқ ва идея учун муаллиф рухсатини олинг(руҳсатсиз қилинган қўшиқлар қонунан жавобгарликка тортилади) ➡️@abdumutalib9408
@Sheriyat
2 084
*ОНАМНИНГ КЎНГЛИ СЕЗАР*
Жисмим чекса дард-у, ғам,
Хорғинлик руҳим эъзар.
Жонимга куйиб ҳар дам,
Онамнинг кўнгли сезар.
Бошимга ёғса тошлар,
Етмай қолса бардошлар,
Кўзимдан оқса ёшлар,
Онамнинг кўнгли сезар.
Синовлар келиб қатор,
Ҳолим танг бўлса абгор,
Жим турсам қилмай ошкор,
Онамнинг кўнгли сезар.
Ишларим юрмаса ҳеч,
Омадим кулмаса ҳеч,
Дуо қилиб эрта кеч,
Онамнинг кўнгли сезар.
Нур юзлари ой каби,
Бордир меҳрининг таъми,
Кўпайса елкам ғами,
Онамнинг кўнгли сезар.
Чин муҳлиси, санъатим,
Пойдевори қудратим,
Сиз ва отам давлатим,
Сизлар бор умрим безар.
✍Абдумуталиб Эргашалиев
Қўшиқ ва идея учун муаллиф рухсатини олинг(руҳсатсиз қилинган қўшиқлар қонунан жавобгарликка тортилади) ➡️@abdumutalib9408
@Sheriyat
2 084
****
Bu ko'ngildan ko'chgan muhabbatingiz,
Sevgi saroyingiz haroba bo'm bo'sh.
Meni haydayevrib toliqmaysiz- u,
Kechalar ko'rasiz men haqimda tush .
Intizor kutganim sogʻinchga qasam,
Visolku olisga uchib ketgan qush.
Xatto ,xayoliga kirgizmaydigan,
Sizchi bir yuraksiz,misoli bir qish.
Kuzning yaprogʻiga berkinasiz jim,
Mendagi tuygʻular shunchalar homush.
To'rt fasl birdekmi bilmadim sizga?
Ko'ngilni sovutish eng oliy yumush .
Na bir dard chekmaysiz va na bir alam,
Sizdan kelgan dardlar holi faromush.
Holimga hayronda qolgan oshiqlar,
Telba deb yaqinda chiqaradi mish.
Mendan bir muhabbat,sizdan ko'p ozor,
Hayot kitobimni ishq qildi taftish.
Meni ming suydirib ,ming bir o'ldirgan,
Muhabbat bir dardi - u, muhabbat tashvish .
✍ Munavvara Dilroz ✍
@sheriyat
2 084
*МЕНИ ЯХШИ БИЛМАЙСИЗ-ДА*
Кутсам йўллар келмайсиз-да,
Тутсам гуллар олмайсиз-да,
Сизга ошиқ бўлганман мен,
Мени яхши билмайсиз-да.
Эй оҳу кўз, сарви ниҳол,
Сурмоқдасиз кимни ҳаёл,
Рашким ёмон, ишқим мисол,
Мени яхши билмайсиз-да.
Ўт бўлсангиз куйдираман,
Кўзларингиз кулдираман,
Сизни ўзим суйдираман,
Мени яхши билмайсиз-да.
Майли қийнаб жоним олинг,
Минг хижрон, минг кўйга солинг,
Лек, қайтиш йўқ билиб олинг,
Мени яхши билмайсиз-да.
Ранжитмасин шўхликкинам,
Десам, сизни оҳ жонгинам,
Менга жуда моссиз бирам,
Мени яхши билмайсиз-да.
Эритай муз қалбингизни,
Олиб ўзим дардингизни,
Забт этаман қалбингизни,
Мени яхши билмайсиз-да.
✍Абдумуталиб Эргашалиев
Қўшиқ ва идея учун муаллиф рухсатини олинг(руҳсатсиз қилинган қўшиқлар қонунан жавобгарликка тортилади) ➡️@abdumutalib9408
@Sheriyat
2 084
Тугамас эканда инсон ташвиши
Йиллар ўтган сари англаркан киши,
Бунчалар қизиқ-а, дунёнинг иши,
Ҳаммаси бирма-бир тугар экану
Тугамас эканда инсон ташвиши.
Эртадан кечгача чопар ҳар томон,
Кунлар ўтар яхши, баъзида ёмон
Тунда ҳам бемалол ухлаши гумон
Тугамас эканда инсон ташвиши.
Кимдир интилади битта нон учун
Бошқаси машина, хонадон учун,
Айтинг, бу дунёга келганмиз нечун,
Тугамас эканда инсон ташвиши.
Кўз очиб юмгунча ўтади йиллар
Бунданда яхшисин истар кўнгиллар
Ортга термулганча хулоса қилар
“Тугамас эканда инсон ташвиши”.
Ким учун қувончли, кимдир учун ғам
Бу ҳаётнинг ўзи энг олий ҳакам
Ҳатто тугар экан ризқи, умри ҳам
Тугамас эканда инсон ташвиши.
✍ Хаким Рузиев
🏡 Кашкадарё вилояти Миришкор тумани
2 084
"Нима бера олдинг ота-онанга"
Ортингга назар сол, етук ёшингда,
Кимлар келиб кетди, кўнгил хонангга.
Балким бор, балким йўқ улар қошингда,
Нима бера олдинг ота-онангга?!
Ўзи киймаганни сенга кийдирган,
Баъзан оч бўлса-да, сени тўйдирган,
Ақиқангга совлиқ, қўйлар сўйдирган,
Нима бера олдинг ота-онангга?!
Эмаклаб бошласанг, тутишиб секин,
Юришни, сўзлашни ўргатдилар чин,
Бугун сен доносан, мағрурсан, лекин,
Нима бера олдинг ота-онангга?!
Улғайдинг, кўпайди улфат-у жўра,
Умринг ишда ўтди, уйингдан кўра,
Ўзингга савол бер, ўзингдан сўра,
Нима бера олдинг ота-онангга?!
Отангнинг даврида давронлар сурдинг,
Дўстлар даврасида бойлардек юрдинг.
Севган ёринг учун борингни бердинг,
Нима бера олдинг ота-онангга?!
Мансабинг, давлатинг — бари ўткинчи,
Сенгадир уларнинг дуо-ўтинчи.
Шу ёшга етибсан, ўйлаб кўргин-чи,
Нима бера олдинг ота-онангга?!
Ҳолидан хабар ол, қилгин эҳтиёт,
Кун келиб бефойда чекмагин фарёд,
Бахтли инсондурсан, бўлсалар ҳаёт,
Борингни бахш этгил, ота-онангга!!!
Шеър муаллифи: Ҳаким Рузиев
Қашқадарё вилояти Миришкор тумани
@Sheriyat
