انا والدلاهة

الف الحمدلله على الناس القادرين يبهجونا بوجودهم وبكلامهم وبمحبتهم وبدعواتهم السمحه 🌹🌹

وسايقنا لي وين يابلد 😢😢😢 لي باب الغربه .. ولا لباب القبر ورينا بس اخرك وين .. لمن تبداها بي عيشه = جنيه بكره حتختمها بشنو؟؟؟ اوعه تقولنا لقمنا حتتحسب والنفس الطالع مننا حيتحسب وخوفي بكره حتي السلام حيتحسب وكل شي حلوة وجميله تبقي بقروش ورينا بس اخرنا وين؟؟؟ .. قول لي كيف حنرجع ابو لي حضن اولادو .. ونرجع كبير البيت لي منصبو .. شوي وحتي بيوتنا ماحيبقي فيها كبير😢 شوي وكل بيوتنا حتبقي حريم وبنات وكل اسرة ليها سند حيغادرك ياوطن .. دا ما بس غلاء في الاسعار دا سكين بتحرق الجوف عارف كيف ياوطن ؟؟؟ اوريك كيف لمن تفرق حبيبين شان خاطر واحد فضل يفتش درب القرش .. وهي فضلت تعيل اسرتها من جوا النار الختيتها فيها من دردرة مواصلات وشماعه .. ومن معاكسات وقضايا تحرش ومن دوام مساء وشارع بيتهم المضلم من ومن ومن ووووالخ من دا كلو هي عايشه وصابرة عليك .. في الوكت البتكون قدرها ( دولة تانيه ) همها منكير واخر اصدار للفون وريني احساسك شنو وهي عايشه دور الراجل .. ونست انوثتها .. ونست زاتها ونست احلامها .. وست الشاي .. الكان مستحمله نار الشاي وذادت عليها النار نارين .. نار غلاء اسعارك ونار كانونها احساسك شنو ياوطن وانت شايفها وبتتفرج ؟؟؟ ... ياخ احكيلك شي 😔 كفاك حدك هنا زهجنا تعبنا وفلسنا اكتر من ماكنا اصلا مفلسين بعد كدا .. يانغترب .. يانموت وانا #اعلنت_الغربة #رساله_من_فتاة_تجاوزت_24سنه_الي_وطني_او_ماكان_وطني #علي_رصيف_الذكري #ساحرة_الشرق #الارشيف

الرجولة في الحب .. في تعريفها الأجمل تختصرها مقولة كاتب فرنسي : " الرجل الحقيقي ليس من يغري أكثر من امرأة بل الذي يغري أكثر من مرّة المرأة نفسها ".. الرجولة التي تؤمن بأنّ العذاب ليس قدر المحبّين ، و لا الدمار ممرًّا حتميًّا لكلّ حبّ ، و لا كلّ امرأة يمكن تعويضها بأخرى ، و أنّ النضال من أجل الفوز بقلب امرأة و الحفاظ عليه مدى العمر هما أكبر قضايا الرجل و أجملها على الإطلاق " و عليها فليتنافس المتنافسون ...

انتي مناسبه جدا و كفايه جدا لزول بشبهك ونقي زيك كويسة للحد البعيد للزول المناسب اوعي تخلي واحد يقلل من احترامك و يديك مساحة اقل من حقتك انتي والله تتشالي فوق الرأس و تتختي جوه العين و يابخت الاهلو نسبو بيك قيمي نفسك وحبي نفسك و افتحي ل اي زول يستهون بيك و البسألك مالك اتغيرتي قولي ليهو : " بقيت ما بحب الإزعاج "👏

ما تخجلي 🌹... _ماتخجلي عشان عندك حدود في الكلام و مستحيل تتكلمي كلمات ما مؤدبة مع رجل. _ما تخجلي عشان إنت الوحيدة في صاحباتك اللي ما مرتبطة بشكل مارسمي. _ماتخجلي عشان لسه في حاجز نفسي جواك بينك و بين كلمات معينة و مابتقوليها حتى بينك و بين نفسك. _ماتخجلي عشان لسه بتسمعي كلام والدينك و بتعملي اعتبار لكلمة راجلك و أخوك. _ماتخجلي عشان ما بتوصلي شعرك ولا بتعملي شي يمنع الوضوء أو أي شكل من أشكال الزينة ما يرضاه ربنا. _ماتخجلي عشان بتتوقفي عند حدود ربنا و ممكن تتراجعي عن أي شي ما بيرضي الرسول عليه الصلاة والسلام. الخجل الحقيقي لما نقيف قدام ربنا... قبول الناس للحرام ما معناها انه بقى حلال. كثرة المخطئين مابيعني انه ماحيتحاسبوا كل وحدة حتتحاسب براها والمقياس يوم القيامة الدين و ليس قبول الناس و التسلية و عدد الإشعارات. دينك أخلاقك، قيمك و التزاماتك كلها جزء من شخصيتك ماتخجلي منها ♥.. قال الرسول صلى الله عليه وسلم : لَيَلْقَيَنَّ اللَّهَ أحَدُكُمْ يَومَ يَلْقَاهُ، وليسَ بيْنَهُ وبيْنَهُ تَرْجُمَانٌ يُتَرْجِمُ له، فَلَيَقُولَنَّ له: ألَمْ أبْعَثْ إلَيْكَ رَسولًا فيُبَلِّغَكَ؟ فيَقولُ: بَلَى، فيَقولُ: ألَمْ أُعْطِكَ مَالًا وأُفْضِلْ عَلَيْكَ؟ فيَقولُ: بَلَى، فَيَنْظُرُ عن يَمِينِهِ فلا يَرَى إلَّا جَهَنَّمَ، ويَنْظُرُ عن يَسَارِهِ فلا يَرَى إلَّا جَهَنَّمَ، فاتَّقُوا النَّارَ ولو بشِقَّةِ تَمْرَةٍ فمَن لَمْ يَجِدْ شِقَّةَ تَمْرَةٍ فَبِكَلِمَةٍ طَيِّبَةٍ.. ما المفروض نخجل من اننا بنعمل الصح واللي مقتنعين بيه الخجل الفعلي حيكون لما نقيف قدام ربنا ونواجه أعمالنا و حقيقتنا وكيف كان كريم معانا طول العمر واحنا قصرنا و أخطئنا. عند النهاية سيسألنا الله وحدنا عن كل فعل و قول حينها نرجو ألا يغمرنا الخجل. اللهم لا نضل مع من لا يعلمون، و ألا نخجل إلا من الإثم ، أن نستقيم و أهلنا و من نحب، أن نعي أحكامك، و نلتزم جنابك و ألا نستحي إلا منك و أن نلزم جوارك، راضيات، طائعات ، #تقيات برحمتك ياكريم ♥. #Jasmeen_Ali

وفي اللحظة التي تقررين فيها أن تفلتي يدك من كل شيء وتختارين البقاء في أحد الأركان المظلمه حتى تلتقطين انفاسك يباغتك هو ❤ يشبه وثيقة صلح مع حاضرك كأنما الحياة تغمزك مشاغبه فارع الطول يحتويك انعكاس ظله ❤ ك اغنية كلاسيكيه يشبه النفس العميق الذي ناخذه حين ننهي طريق طويل #لقائلته

من فترة طويلة في حياتي .. اتعودت اني اتعامل مع الفقد كحدث عابر .. زيه وزي وقعة قروش من جيبك في عز فلسك .. بتاخد بكيتك كده ونفسيتك تقع الواطه وتقوم تتنفض وتكمل باقي حياتك وتشوف معايشك بوين الحاجة دي اسوأ ما فيها انها بتخليك بارد للغاية .. لوح تلج ومرات سغيل .. خصوصاً لو كانت مربوطة بفقدان ناس عزيزة .. بتقال عليك بارد لو ما اتفهمت ليه من البداية انت اتعاملت مع الحاجات دي كده ..!! ممكن عادي تتضحك وتتونس وتتطعمج في غيرك .. وانت من جوة عبارة عن فراااغ .. ليه فراغ ؟ لان في الاساس محل الاحساس المسؤول من الاوجاع بكون باظ وما لاقين ليه أسبير .. الحاجة دي بتجي من هول اول صدمة بتجيك .. بالذات لما تكون الصدمة جاياك من زول انت ماااااا كنت متوقع منه الحاجة دي .. وبتبدأ من هنا سلسلة الفقد .. انت بتخاف تتعمق في التواصل مع اي زول عشان انت في عقلك الباطن بتسترجع حاجات قديمة هاردة فشفاشك .. فشوية شوية ببدأ يتغير لانه شايفك زول غامض فببدأ يبعد منك فأنت بتكسر الحنك مع مطة خشمك وتبدأ تعيد زحك الببدأ من جاكسون وبنتهي بحافلات شقلة شرق وقد يكون الكلام ده ما مفهوم ليك لو انت ما جربت ضربة ع الدماغ من عزيز حولك لزومبي سوداني مفلس الشمس وجاكسون وحاجات تانية حامياني كده مجهجهاه الخلاصة من النقنقة الما ليها اي لازمة دي في هذا البوست الطوووويل ده اكتر الناس محبة هم اكثرهم جفاء .. كيف ما تسألني الفرزدق

عارف ليه بندعي نقول " اللهم أرنا الحق حقاً " لان أحيانا يتخت غمامة على عنين الواحد وم يشوف ان الحق حق . يغيب ادراكهُ عن الحقيقة ويشوف الحق باطل والباطل حق . والباطل هنا هي "النفس" اللي بتحور الباطل عشان صاحبها يشوفهُ حق بس عشان دا الهي عايزاه . الناس دي اسوأ من ال بيعملوا الباطل نفسهم ، لأن ال بيعمل الباطل وعارف انه باطل بيعملهُ على استحياء ، ومصيرهُ يرجع للحق ، اما ال شايف الباطل حق . م بس حيعملهُ . دا حيتمسك بيه وحيدافع عنهُ بإستماتة وكأنه بيدافع عن الحق وهوا متخيل انه ليه اجر كمان عليه .. وكلنا معرضين لدا . عشان كدا كلام ربنا واضح لما اراد يوصفلنا الناس ديل بأنهم ﴿قُلْ هَلْ نُنَبِّئُكُمْ بِالْأَخْسَرِينَ أَعْمَالًا * الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا﴾ صدق الله العظيم - سورة الكهف أيه ١٠٣ اللهم امحوا الغمامة من على اعيننا لنرى الحق حقاً ثم ارزقنا اتباعهُ ، ولنرى الباطل باطلاً ثم ارزقنا اجتنابهُ ...🌹🌹🌹 #عمرو_منتصر

قال ليك يوم مميز وتاريخ مميز 11/11/2020 اها يعدي كدا ساي من قدامي زي مرور الكرام؟؟؟ طبعا لع ولع كبيره كمان.. وعايزه اتكلم ونخوض مع الجماعه مؤكد يعني😌 وحابه اقول ليكم انتو مابتحتاجو يوم مميز شان تعبرو لاصحابكم واحبابكم وتوروهم قدر شنو بتعزوهم وتحبوهم والتواريخ ماكل حاجه علي فكره.. هي مجرد ارقام متطابقه.. وزيها وزي اي يوم.. لاوقع القمر والشمس سوا ولا جات الشمس من مغربها ياهو يوم بكل تفاصيلو بنفس الروتين بنفس السخانه او البروده بنفس زحمه المواصلات بنفس الوشوش البنشوفها في الجامعه في الشغل ما اتغير شي سوا التاريخ يعني ببساطه التاريخ الخلاك مبسوط دا هو مجرد تفكير من نسيج كدوبتك دي😌 ( عقلك يعني) فوسع تفكيرك وخت الامل دايما واصحي كل يوم وانت خاتي انو دا يوم مميز وانو مشاعرك اتجاه حبيبتك او صحبك ماحتتغير وانو حتلاقيهم بنفس منشرحه مهمي ضغطت عليك الدنيا وعموما احنا عايشين بالبساطه فماشرط الهدايا الاوفر الكلمه الطيبه هديه برضو 🤗 والاهتمام.. والابتسامه.. والوش البشوش.. كلها هدايا ممكن توزعها عسي ولعلي تصادف سيدها.. وتصادف زول أدنيا عصرته ومحتاج دعم ولو من غريب خليك دايما الزول اليدخل لقلب غيرك السعاده.. سواء بتعرفه او لا #جوطة_كلام #ساحرة_الشرق

بفتش ليك الأعذار وبتجاوز عشان كلنا بنغلط لكن .. لمَّن ألقاك مبسوط مع كل الناس ومكشِّر لي براي بتتونس معاهم وساكت معاي .. بتكتب سطور وانت بتتكلم معاهم .. وبتكتفي بي قليل الكلام لو خلاص رديت عليّ في الحالة دي أنا مفروض اتصرف كيف؟ وأنا بكون سألتَ روحي ألف مرة ..هل غلطت في حقك؟ هل قصّرت؟.. هل أنا ما كفاية؟.. #ساحرة_الشرق #علي_رصيف_الذكري