Maranatha

ከ80ሺ በላይ ኢትዮጵያውያን ወገኖቻችን በደቡብ አፍሪካ ከባድ ጭንቀት ውስጥ ናቸው። ዛሬ june 30 በመጤ ጠሎች ከሀገራችን ለቃችሁ ውጡ የተባለበት የመጨረሻው ቀን ነው። የወገኖቻችን ደም በክፉ ሰዎች ምክንያት እንዳይፈስ ማንም ሰው የልጁን ፣ የወንድም እህቱን ፣ የወላጁን... የሞት መርዶ ከሰው ሀገር በዚህ ምክንያት እንዳይሰማ እግዚአብሔር ጣልቃ እንዲገባላቸው የሐማ ምክር እንዲፈርስ ወገኖቻችን ሰላም እንዲበዛላቸው በያለንበት በጸሎት እንድናስባቸው በእግዚአብሔር ፍቅር እጠይቃችኋለሁ። #እነሆ_እኔን_ላከኝ #ተሐድሶ_ይሆናል #ክርስቶስ_ለሕዝብ_ሁሉ

በኦሮሚያ ክልል ምሥራቅ አርሲ ዞን በግፍና በአሰቃቂ መንገድ በተገደሉት ኦርቶዶክሳውያን ወገኖቻችን ምክንያት ልባችን እጅግ ተሰብሯል። ቢያንስ 13 ወገኖቻችን ሕይወታቸው ተቀጥፏል፤ ከሁለት መቶ በላይ ምእመናን ተፈናቅለዋል፤ ቤተ ክርስቲያናቸውም በእሳት ተቃጥሏል። ይህ እኩይ ድርጊት ሰውን በገዛ አምሳሉ በፈጠረው በእግዚአብሔር ላይ የተሰነዘረ ዐመፅ ነው። የርኅራኄ አባትና የመጽናናት ሁሉ አምላክ የሆንኸው እግዚአብሔር አምላካችን ሆይ፤ ሐዘንተኞችን አጽናና፤ በተመሳሳይ የሞት ጥላ ውስጥ ላሉትም ወገኖቻችን እውነተኛ እረኛና ከለላ ሁን። "ሰውን በመልካችንና በአምሳላችን እንፍጠር" ብለህ በቅዱስ ሥላሴ መለኮታዊ ምክር ሰውን ያበጀህ አምላክ ሆይ፤ እባክህ ራራልን፤ ምድራችንን ከዚህ ከጭፍን ጥላቻ፣ ከጥፋትና ከጅምላዊ መወጋገድ ታደጋት። አምላክ ሆይ፤ እባክህን ወደ እኛ ተመልከት፤ ልቅሶአችንን ስማ፤ በጽድቅህና በእውነትህም ፍረድ። በዐመፅ ዑደት ልባችን እጅግ ዝሏል፤ ዐይኖቻችንም ወደ አንተ ብቻ ናቸው። አቤቱ ሁሉን ቻይ የሆንህ እግዚአብሔር ሆይ፤ በታላቅ ምሕረትህና በማያልቀው ርኅራኄህ መጠን ጐብኘን፤ የቈሰለውን ልባችንን ጠግን፤ ምድራችንንም በሰላምህ አሳርፋት። አሜን!

ቤተክርስቲያን ውስጥ ስብከት ላይ ወጣቶችን ቴክስት መደራረግን የማያስቆም መልእክት ከሌለኝ፣ ቴክስት መደራረግ ይቀጥሉ። መልዕክታችን እየተሰበከ እንኳን ኢንተርቴይመንት ሊያምረን፣ ሰዓት ጠብቀን የምንወስደውን መድኃኒት የሚያስረሳ መሆን አለበት። አሁን እኮ ስብከታችን ይዘት የለውም፤ እኛም የምናወራው ዝም ብሎ ተደጋጋሚ ቃላት ብቻ ነው። ወላጆች ወጣት ልጆቻቸውን አስገድደው ቸርች እንዲመጡ ያደርጓቸዋል። ልጆቻቸው ወይ ግቢ ውስጥ ይጫወታሉ ወይ በግድ ይቀመጣሉ። ዛሬ ማስተካከል ካልቻልን ከስረናል ማለት ነው። ለትውልዱ መልእክት አጥተናል ማለት ነው። ይዘት ያለው መልዕክት ይፈልጋሉ። ካልተዘጋጀን ትውልዱ በጣም ያመልጠናል። ፍጥነቱ በጣም ከፍተኛ ነው። እኛ ካልሰጠነው ዓለም የምሰጠው በጣም ብዙ አለ። እኔ መልእክቴን ስዘጋጅ የሚያስጨንቀኝ አንዱ ነገር ይሄ ነው። እኔ ካልሰጠሁት፣ እኔ ካላጎረስኩት፣ ይህ ትውልድ አየር ላይ ተንጠልጥሎ አይኖርም። የሚያጎርሰው አለ። መንገዱ አማራጭ በአማራጭ ነው። ኢንተርኔት ላይ ቢገባ፣ ጎግል ቢያደርግ ብዙ የሚጠቅም ነገር ያገኛል። የኔን የማይጠቅም ነገር ለመስማት ለምን ቁጭ ይላል? ድሮ አማራጭ ስለሌለ ነው። ዛሬ ምንም የሚዘገይ ነገር የለም፤ ድሮ ጋዜጣ እንኳን በደንብ በሌለበት አገር ነበር። አሁን መዓት ነገር አለ። ሁሉን የሚያስጥል! እኛ የፈለግነውን ነገር እያደረግን ወጣቱ በጠብታ እያለቀቀው ነው። አሁን ቸርች ውስጥ ረሃብ በጣም አለ። በጣም! አንዳንድ ወጣቶች ያስታውቃሉ። ዓለም ነች የምትመግባቸው። እኛ ስላልመገብናቸው ረሃብ ዝም ብሎ አይኖርም። እውነተኛ ምግብ ካላገኘህ ቆሻሻ ያስበላሃል። መንፈሳዊ ረሃብ በጣም ስላላቸው በዚህ ይሞክሩታል፣ በዚያ ይሞክሩታል። እና ዓለም የምትሰጣቸው ጃንክ ሆኖባቸዋል፣ ሰልችቷቸዋል፤ ቸርች ደግሞ የምትሰጣቸው ብዙ ሚረባ ነገር የለም።...

“እንደ ተናገረ ተነሥቶአል” ማቴ 28፥6 ዛሬ የድል ቀን ነው። ሞት ተሸንፏል፤ ሕይወት አሸንፏል። ትንሣኤው የአዲስ ሕይወት መጀመሪያ ነው። አዲሱ ሕይወት ማለት ክርስቶስ በእኛ የሚኖረው ሕይወት ማለት ነው። አዲሱን ሕይወት በየዕለቱ በመኖር የተባረካችሁ ሁኑ። ኢየሱስ ተነስቷል! መልካም የትንሳኤ በዓል ይሁንላችሁ!

ተወዳጆች የእግዚአብሔር ሰላም ይብዛላችሁ እንኳን ለጌታችንና ለመድኃኒታችን ለኢየሱስ ክርስቶስ የስቅለት መታሰቢያ በሰላም አደረሳችሁ። ጌታችን ኢየሱስ ትልቅ ምስጢር የሆነውን ቅዱስ ቍርባን ስርዓት የመሰረተው በፋሲካ በዓል ቀን ነው። አይሁድ ንጹሕ በግ አርደው በሚያከብሩት በዓል ላይ ንጹሕ የእግዚአብሔር በግ በመሆን ራሱን ስለእኔ እና እናንተ መስዕዋት አድርጎ ያቀረበው ኢየሱስ ነው። ፋሲካችን ክርስቶስ ታርዷል ! ይህ ቀን ቀላል ቀን አይደለም። ኢየሱስ ስለ ኃጢአተኞች የታረደበት ቀን ነው። #ተባረኩ!

ለወንጌል መልካም ልብ የነበራት እህታችን ምስጥረ መሐመድ ወደ ጌታ መሄዷን ስሰማ እጅግ በጣም ደንግጫለሁ። ወደ ሰሜን ለወንጌል አገልግሎት በምሄድበት የመጀመሪያ ጊዜ ላይ ብዙ የመከረችኝ እህቴ እና በገጠር የወንጌል አገልግሎት አብሮ ሰራተኛ እህቴ ነበረች። ለአዲስ አበባ አማኑኤል ኅብረት ቤተክርስቲያን እና ለወዳጆቿ ሁሉ ከእግዚአብሔር ዘንድ መጽናናት ይሁን።

ሰበር :- እግዚአብሔር እየረዳችሁ ትቀጥላላችሁ እንጂ ምንም አትሆኑም !

ሰሞኑን በተለምዶ የሐዋርያት ቤተክርስቲያን (only jesus) የሚባሉ የኑፋቄ ትምሕርት አራማጆች በዓመታዊ የዋራ ቤቴል ጉባዔ ላይ 12,296 ሰው ተቀላቅሎናል ብለው የጥምቀት ስርዓት ሲፈጽሙ ከርመዋል። ይህ ሁሉ ሰው የእውነት ሄዶ ከሆነ ራሱ በእርግጠኝነት አብዛኛው የሄደው ከወንጌል አማኞች ቤት ነው። እርስዎ ስለ ሐዋርያት ቤተክርስቲያን (only jesus) ምን ያህል ያውቃሉ? ዛሬ እነርሱን መጠየቅ የምፈልገውን 10 ጥያቄዎች ይዤ ቀርቤያለሁ እናንተም አብራችሁኝ ጠይቁ። 1. #አብና_ወልድ_ይዋደዳሉ ( ዮሃ 3፥35፤ 5፥20 እና 14፥31) አንድ አካል ራሱን እንዴት ሊወድ ይችላል? እኔና እኔ እንዋደዳለን ማለት ምን ማለት እንደሆነ እንዲገባን እባካችሁ አስረዱን? 2. #አብና_ወልድ_ይተዋወቃሉ ( ዮሃ 7፥28-29፣ 8፥55፣ ማቴ 11፥27 እና ሉቃ 10፥20) አንድ አካል መልሶ ከራሱ ጋር እንተዋወቃለን ሊል ይችላል? እኔና እኔ እንተዋወቃለን የሚል ሃሳብ ትርጉም ይሰጣል? እንዴት? አስረዱን? 3. #አብና_ወልድ_ይነጋገራሉ ( ዮሃ 11፥41-42፣ ማቴ 26፥26፣ ሉቃ 24፥30) ሁለት አካላት እንጂ አንድ አካል ከራሱ ጋር እየተነጋገርኩ ነው ሊል የሚችለው እንዴት ባለ ሎጂክ ነው? አንዱ ሲጸልይ ሌላው ጸሎትን ሲመልስ እያየን በምን አይነት አስተሳሰብ ነው ሁለት አይደሉም አንድ ናቸው የምንለው? አንድ አካል ራሱ ጠይቆ ዞሮ ደግሞ ራሱ እየመለሰ አይነት ለመረዳት የሚያስቸግር ሆኖብናልና ይህን ታቃርኖአዊና ኢ-ምክንያታዊ አስተምህሮአችሁን እንዲገባን በሚያስችል መንገድ የሚያስረዳን ሰው ይኖራችሁ ይሆን? 4. #አብ_ወልድን_ልኮታል (ዮሃ 17፥18፣ 20፥21፣ 3፥16-17፣ ገላ 4፥4፣ 1 ዪሃ 4፥10) አንድ አካል ራሱን ይልካል ማለት ምን ማለት ነው፣ የሚልክ ካል የሚላክ አለ ሁለት አካላት ሳይኖሩ ላኪና ተላኪ ማለት እንዴት እንችላለን? 5. #አብና_ወልድ_ይከባበራሉ ( ዮሃ 17፥1፣ 8፥54 ዕብ 5፥5፣ ማቴ 6፥9፣ ሉቃ 11፥2) አንድ አካል ይከባበራሉ በሚል ሊገለጥ እንዴት ይችላ? “እኔና እኔ እንከባበራለን” ማለት ትርጉሙ ምንድነው? 6. #አብ_ለወልድ_ይመሰክራል ( ዮሃ 5፥31-32፣ 8፥16-18፣ 12፥49) አንድ አካል መልሶ ለራሱ አካል መስካሪ መሆን የሚችለው እንዴት ነው? ምስክርነት ቢያንስ ሁለት አካላት መሳተፍ የለባቸውምን? አንዴት አንድ አካል ለራሱ አካል መስካሪ ሆኖ እንደሚቀርብ ማስረዳት ብትችሉ? 7. #አብና_ወልድ_በጋራ_ኖረዋል ( ዮሃ 1፤1 ፣ 17፥5፣ 8፥58፣ 1ዮሃ 2:1) ሁለት አካልት አብረው ኖረዋል ብንል ስሜት ይሰጣል አንድ አካልና ራሱ ያው አካል አብረው ይኖሩ ነበር ስንል ግን በትክክል የሚያስብ አዕምሮ እንዴት ነው የሚታርቀለት? 8. ወልድ ነፍሱን ለአብ ዐደራ ሰጥቷል ( ማቴ 15፥34፣ 23፥46፣ ሃዋ 7፥59) አንድ አካል ነፍሱን ለራሱ ሰጠ ማለት ምን ማለት ነው? አንድ አካል ነፍሱን ለሌላ አካል ሰጥቷል ትርጉም ያለው ንግግር ነው። አንድ አካል ለራሱ አካል መልሶ ነፍሱን አደራ ሰጠ ስንል ግን ለመረዳት አይቻልም። እባካችሁ አስረዱን 9.አብና ወልድ የተለያየ ፈቃድ ነበራቸው ( ሉቃ 22:42፣ ማቴ 26፥39-42፣ ማር 14፥35፣ ዮሃ 18፥11፣ 5፥30) አብና ወልድ አንድ አካል ከሆኑ ሁለት ፈቃድ ሊኖራቸው እንዴት ቻለ? አባት ሆይ የኔ ሳይሆን ያንተ ፈቃድ ይሁን ማለት እንዴት ይቻላል? 10 ጌታ እኔ ስሄድ ሌላ አጽናኝ እልክላችኋላው ሲል ሌላ ብሎ ሲል አይ ሌላ የለም ራሱ ነው የምትሉት ራሱን ኢየሱስን ነው የምትቃወሙት ? ኢየሱስ ሌላ ካላ አይ ሌላ የለም እሱ ራሱ ነው የምትሉን በምን ምክንያት ነው? እነዚህን ጥያቄዎች በአጠገባችሁ የሚገኙ የሐዋርያት (only jesus) አማኞች እንዲመልሱን አብራችሁኝ ጠይቁ! #እነሆ_እኔን_ላከኝ #ተሐድሶ_ይሆናል #ክርስቶስ_ለሕዝብ_ሁሉ

ስለረመዷን ጾም የመጨረሻው ምንባብ ክርስቶስ ስለእኛ ሞቷልና የመጽሐፍ ቅዱስ ምንባብ፦ ሮሜ 5 - 8

ነገር ግን ገና ኃጢአተኞች ሳለን ክርስቶስ ስለ እኛ ሞቶአልና እግዚአብሔር ለእኛ ያለውን የራሱን ፍቅር በዚህ ያስረዳል።

በዒድ አል-ፊጥር በዓል ወቅት ለሙስሊም ወዳጆች ወንጌልን ማካፈል ልዩ ጥበብንና ከልብ የመነጨ ፍቅርን ይጠይቃል። ይህ ዕለት የጾም መፈቻና የደስታ ቀን በመሆኑ፣ ምሥራቹን የምናበስረው በክርክር ሳይሆን በክርስቶስ ፍቅር በተሞላ መስተንግዶና ሰላምታ መሆን አለበት። ሐዋርያው ጳውሎስ በቆላስይስ 4:6 ላይ

"ለእያንዳንዱ እንዴት እንድትመልሱ እንደሚገባችሁ ታውቁ ዘንድ ንግግራችሁ ሁልጊዜ በጨው እንደ ተቀመመ በጸጋ ይሁን"

እንደሚለው፣ ንግግራችን የሚስብና ለልብ የሚቀርብ ሊሆን ይገባል። በመጀመሪያ፣ የዒድ በዓል የቤተሰብና የርኅራኄ ቀን እንደመሆኑ መጠን፣ እውነተኛ ክርስቲያናዊ መስተንግዶን ማሳየት ትልቅ በር ይከፍታል። ሙስሊም ጎረቤቶቻችንን ወይም ጓደኞቻችንን ለምሳ በመጋበዝ ወይም አብሮ በማሳለፍ፣ በቃላት ብቻ ሳይሆን በተግባር የወንጌልን ብርሃን ማሳየት እንችላለን። 1ኛ ጴጥሮስ 3:15

"በእናንተ ስላለ ተስፋ ምክንያትን ለሚጠይቋችሁ ሁሉ መልስ ለመስጠት ዘወትር የተዘጋጃችሁ ሁኑ፥ ነገር ግን በየዋህነትና በፍርሃት ይሁን"

እንደሚለው፣ የእኛ ደግነትና ትሕትና እነርሱ ስለ እምነታችን ጥያቄ እንዲጠይቁ ምክንያት ይሆናቸዋል። በውይይት ወቅት ትኩረታችንን በክርስቶስ በኩል በሚገኝ የኃጢአት ስርየትና የልብ ሰላም ላይ ማድረግ ይገባል። ሙስሊም ወዳጆቻችን አላህን ለማስደሰትና ጽድቅን ለማግኘት የሚጥሩ በመሆናቸው፣ ኢየሱስ ክርስቶስ በእኛ ፋንታ የከፈለውን ፍጹም መሥዋዕትነትና የሚሰጠውን ዋስትና ማካፈል የልባቸውን ጥማት ሊያረካ ይችላል። በሮሜ 5:8 ላይ እንደተጻፈው

"ነገር ግን ገና ኃጢአተኞች ሳለን ክርስቶስ ስለ እኛ ሞቶአልና እግዚአብሔር ለእኛ ያለውን የራሱን ፍቅር በዚህ ያስረዳል።"

ይህ መለኮታዊ ፍቅር ለበዓሉ እውነተኛ ትርጉም የሚሰጥ ታላቅ ስጦታ ነው። በመጨረሻም፣ ወንጌልን ማካፈል በመንፈስ ቅዱስ ኃይልና በጸሎት የሚደገፍ መሆኑን መዘንጋት የለብንም። ከወዳጆቻችን ጋር ከመገናኘታችን በፊትና በኋላ፣ እግዚአብሔር የልባቸውን ዓይን እንዲከፍትና የሰሙት ቃል በውስጣቸው እንዲሰራ መጸለይ ይገባል። ጌታ ኢየሱስ በዮሐንስ 14:27 ላይ

"ሰላምን እተውላችኋለሁ፥ ሰላሜን እሰጣችኋለሁ፤ እኔ የምሰጣችሁ ዓለም እንደሚሰጥ አይደለም"

እንዳለው፣ በበዓሉ ደስታ መካከል የማይጠፋውንና እውነተኛውን የክርስቶስ ሰላም እንዲያገኙ መመኘትና መጸለይ የወንጌል አገልግሎታችን ዋነኛ ክፍል ነው። ጸሎት፦ የሰላም አምላክ ሆይ፣ በዚህ በዓል ወቅት ለሙስሊም ወዳጆቼ ያንተን ፍቅር የማሳይበትን ጥበብና ትሕትና ስጠኝ። ንግግሬ በጸጋ የተቀመመና ወደ አንተ የሚመራ ይሁን። በልባቸው ውስጥ እውነተኛውን ሰላምህንና የድነትህን ብርሃን አብራ። አሜን። #እነሆ_እኔን_ላከኝ #ተሐድሶ_ይሆናል #ክርስቶስ_ለሕዝብ_ሁሉ

ረመዷን ጾም ቀን 30 ከሥርዓት ፍጻሜ ወደ ዘላለም ሕይወት የመጽሐፍ ቅዱስ ምንባብ፦ ዩሐንስ ወንጌል 4፡14

እኔ ከምሰጠው ውኃ የሚጠጣ ሁሉ ግን ለዘላለም አይጠማም፥ እኔ የምሰጠው ውኃ በእርሱ ውስጥ ለዘላለም ሕይወት የሚፈልቅ የውኃ ምንጭ ይሆናል እንጂ አላት። ዩሐንስ ወንጌል 4፡14

በዚህ በረመዳን 30ኛው ቀን፣ ሙስሊም ወዳጆቻችን የአንድ ወር ጥብቅ ጾምና ጸሎታቸውን አጠናቀው ለታላቁ የኢድ በዓል ዋዜማ ላይ ይገኛሉ። በዚህ ዕለት ጸሎታቸው ሁሉ "ያለፈው ድካማችን ተቀባይነትን አግኝቶ ይሆን?" በሚል ጥልቅ ተስፋና ስጋት የታጀበ ነው። ብዙዎቹ ኃጢአታቸው እንዲሰረይላቸውና በቀጣዩ ዓመት በሰላም እንዲያደርሳቸው አምላካቸውን ይማጸናሉ። መጽሐፍ ቅዱስ በዕብራውያን 10፥14 ላይ

"በአንድ መሥዋዕት የሚቀደሱትን ለዘላለም ፍጹማን አድርጎአቸዋልና"

እንደሚለው፣ እኛ ክርስቲያኖች በየዓመቱ ከሚደገም ሥርዓት ይልቅ፣ በክርስቶስ አንድ ጊዜና ለሁልጊዜ በተደረገው ቤዛነት ያገኘነውን ፍጹም እርካታ ልናስብላቸው ይገባል። ሙስሊሞች በዚህ ቀን ጾሙን ሲያጠናቅቁ የሚሰማቸውን መንፈሳዊ ድካም፣ እኛ ደግሞ በክርስቶስ ስላገኘነው የጸጋ ስጦታ ለማካፈል እንደ መልካም አጋጣሚ ልንጠቀምበት እንችላለን። እነርሱ "በሥራ" ጽድቅን ለማግኘት ሲደክሙ፣ እኛ ግን በቲቶ 3፥5 ላይ ያለውን እውነት እናስታውሳቸዋለን፦

"እርሱ እንደ ምሕረቱ መጠን በአዲስ ልደት መታጠብና በመንፈስ ቅዱስ በመታደስ አዳነን እንጂ፥ እኛ ስላደረግነው ስለ ጽድቅ ሥራ አይደለም።"

እውነተኛው መዳን ከእኛ ጥረት ሳይሆን ከእግዚአብሔር ምሕረት የሚመነጭ መሆኑን፣ ለሙስሊም ወዳጆቻችን በታላቅ ትሕትናና ፍቅር ልናበስራቸው ይገባል። በዛሬው ጸሎታችን ደግሞ፣ እግዚአብሔር በዚህ የመዝጊያ ቀን በሙስሊሙ ማህበረሰብ ልብ ውስጥ አዲስ ጥማትን እንዲፈጥር እንለምናለን። ጾሙ ሲያልቅ የሚመጣው ደስታ ጊዜያዊ ሳይሆን፣ የነፍሳቸው ጥማት በዘላቂው በሕይወት ውኃ እንዲረካ እንጸልያለን። በዮሐንስ 4፥14 ላይ ጌታ ኢየሱስ

"እኔ ከምሰጠው ውኃ የሚጠጣ ሁሉ ግን ለዘላለም አይጠማም"

እንዳለው፣ የረመዳን ወር ፍለጋቸው ወደ እውነተኛው የሕይወት ምንጭ እንዲመራቸው ጽኑ ልመናችን ይሁን። በተለይ በዚህ ሰዓት ለሚፈልጉት "የምሕረት ዋስትና" መንፈስ ቅዱስ በልባቸው ውስጥ ስለ ክርስቶስ እንዲመሰክርላቸው እንማጸናለን። በመጨረሻም፣ ይህ ቀን ለእኛም ለአማኞች የፍቅር ተልእኳችንን የምናድስበት ይሁን። ሙስሊም ወዳጆቻችን ለበዓል ሲዘጋጁ፣ እኛም በደስታቸው አብረን በመሆንና ስጦታዎችን በመለዋወጥ የክርስቶስን ፍቅር በተግባር ልናሳያቸው ይገባል። በ1ኛ ጴጥሮስ 4፥8 ላይ

"ፍቅር የኃጢአትን ብዛት ይሸፍናልና ከሁሉ በፊት እርስ በርሳችሁ አጥብቃችሁ ተዋደዱ"

እንደሚለው፣ በጸሎታችንና በምስክርነታችን የክርስቶስን መዓዛ ለነርሱ የምናሳይበት ጸጋ እንዲበዛልን እየለመንን ቀኑን እንጀምር። ይህ ወር እግዚአብሔር ለሙስሊም ወገኖቻችን የእውነተኛ መንፈሳዊ ብርሃን በልባቸው ላይ እንዲያበራ ይህም በልጁ አምነው እንዲድኑ ወደ ክርስቶስ ኅብረት ድነው የሚጨመሩ ሙስሊሞች እንዲበዙ አጥብቀን የምይጸልይበት ወር ይሁን። #እነሆ_እኔን_ላከኝ #ተሐድሶ_ይሆናል #ክርስቶስ_ለሕዝብ_ሁሉ

ረመዷን ጾም ቀን 29 ከስንብት ወደ ዘላቂው ግንኙነት የመጽሐፍ ቅዱስ ምንባብ፦ ዩሐንስ ወንጌል 7፡37 – 38

ከበዓሉም በታላቁ በኋለኛው ቀን ኢየሱስ ቆሞ። ማንም የተጠማ ቢኖር ወደ እኔ ይምጣና ይጠጣ። በእኔ የሚያምን መጽሐፍ እንዳለ፥ የሕይወት ውኃ ወንዝ ከሆዱ ይፈልቃል ብሎ ጮኸ። ዩሐንስ ወንጌል 7፡ 37 - 38

በዚህ በረመዳን 29ኛው ቀን፣ ሙስሊም ወዳጆቻችን የጾሙን ወር በመጨረሻው ሰዓት ላይ ሆነው በታላቅ ስሜት ይሸኙታል። በዚህ ዕለት ጸሎታቸው ሁሉ "ያለፈው ወር ጾማችንና ጸሎታችን ተቀባይነት አግኝቶ ይሆን?" በሚል ጉጉትና ስጋት የታጀበ ነው። ብዙዎቹ ኃጢአታቸው እንዲሰረይላቸውና ከገሃነም እሳት ነጻ እንዲወጡ (ዒትቁን ሚነናር) አጥብቀው ይለምናሉ። መጽሐፍ ቅዱስ በሮሜ 8፥1 ላይ

"እንግዲህ በክርስቶስ ኢየሱስ ላሉት አሁን ኩነኔ የለባቸውም"

እንደሚለው፣ እኛ ክርስቲያኖች በሥራ ሳይሆን በክርስቶስ ደም ያገኘነውን ፍጹም የደህንነት ዋስትና በማሰብ ለነርሱም ይህ እውነት እንዲበራላቸው ልንማጸን ይገባል። ሙስሊሞች በዚህ ቀን ጾሙን ሲያጠናቅቁ የሚሰማቸውን የሥራ ድካምና የፍርሃት ስሜት፣ እኛ የክርስቶስን ወንጌል ለማካፈል እንደ መልካም አጋጣሚ ልንጠቀምበት እንችላለን። እነርሱ "ከአላህ ጋር ታረቅን ይሆን?" ብለው በሚጠይቁበት በዚህ ወቅት፣ እኛ ግን በ2ኛ ቆሮንቶስ 5፥19 ላይ ያለውን የምሥራች እናስታውሳቸዋለን፦

"እግዚአብሔር በክርስቶስ ሆኖ ዓለሙን ከራሱ ጋር ያስታርቅ ነበርና።"

እርቅ የተፈጸመው በእኛ ጥረት ሳይሆን በእግዚአብሔር ፍቅር መሆኑን፣ ለሙስሊም ወዳጆቻችን በደግነትና በምሕረት በተሞላ ንግግር ልናሳያቸው ይገባል። በዛሬው ጸሎታችን ደግሞ፣ እግዚአብሔር በዚህ የመዝጊያ ቀን በሙስሊሙ ማህበረሰብ መካከል ታላቅ መንፈሳዊ መነቃቃትን እንዲያመጣ እንለምናለን። ብዙዎች በረመዳን ወር ውስጥ የጀመሩት አምላክን የመፈለግ ጉዞ ጾሙ ሲያልቅ አብሮ እንዳያበቃ፣ ይልቁንም ወደ እውነተኛው የሕይወት ምንጭ ወደ ኢየሱስ እንዲመራቸው እንጸልያለን። በዮሐንስ 7፥37 ላይ ጌታ ኢየሱስ

"ማንም የተጠማ ቢኖር ወደ እኔ ይምጣና ይጠጣ"

እንዳለው፣ የነፍሳቸው ጥማት በሃይማኖታዊ ሥርዓት ሳይሆን በሕያው ውኃ እንዲረካ ጽኑ ልመናችን ይሁን። በተለይ በዚህ ሰዓት ለሚፈልጉት "የምሕረት ማረጋገጫ" እውነተኛውን ምስክር መንፈስ ቅዱስ እንዲሰጣቸው እንማጸናለን። በመጨረሻም፣ ይህ ቀን ለእኛ ለክርስቲያኖች የፍቅር ተልእኳችንን የምናድስበት ይሁን። ሙስሊም ወዳጆቻችን ለኢድ በዓል (የጾም መፍቻ) ሲዘጋጁ፣ እኛም በደስታቸው አብረን በመሆን የክርስቶስን ፍቅር በተግባር ልናሳያቸው ይገባል። በ1ኛ ጴጥሮስ 3፥15 ላይ

"በእናንተ ስላለ ተስፋ ምክንያትን ለሚጠይቋችሁ ሁሉ መልስ ለመስጠት ዘወትር የተዘጋጃችሁ ሁኑ፤ ነገር ግን በገርነትና በፍርሃት ይሁን"

እንደሚለው፣ በትሕትና ተሞልተን የምስክርነት ሕይወታችንን እናቅርብ። ዛሬ ቀኑን ስንጀምር፣ ጌታ ኢየሱስ በንግግራችንና በባሕርያችን ታይቶ ለብዙዎች የሕይወት በር እንዲሆንላቸው እየጸለይን እንሰማራ። ይህ ወር እግዚአብሔር ለሙስሊም ወገኖቻችን የእውነተኛ መንፈሳዊ ብርሃን በልባቸው ላይ እንዲያበራ ይህም በልጁ አምነው እንዲድኑ ወደ ክርስቶስ ኅብረት ድነው የሚጨመሩ ሙስሊሞች እንዲበዙ አጥብቀን የምይጸልይበት ወር ይሁን። #እነሆ_እኔን_ላከኝ #ተሐድሶ_ይሆናል #ክርስቶስ_ለሕዝብ_ሁሉ

ረመዷን ጾም ቀን 28 ከድካም ወደ እውነተኛው ዕረፍት የመጽሐፍ ቅዱስ ምንባብ፦ ዩሐንስ ወንጌል 17፡3

እውነተኛ አምላክ ብቻ የሆንህ አንተን የላክኸውንም ኢየሱስ ክርስቶስን ያውቁ ዘንድ ይህች የዘላለም ሕይወት ናት። ዩሐንስ ወንጌል 17፡3

በዚህ በረመዳን 28ኛው ቀን፣ ሙስሊም ወዳጆቻችን የጾሙን ወር ሊያጠናቅቁ ጥቂት ቀናት ብቻ ቀርተዋቸዋል። በዚህ ወቅት ብዙዎቹ በከፍተኛ ድካም ውስጥ ቢሆኑም፣ የቀሩትን ጥቂት ቀናት በጸሎትና በልመና በመትጋት "ተቀባይነትን" ለማግኘት ይጥራሉ። ትኩረታቸውም ያለፉትን ቀናት ጉድለት ለመሙላትና የእግዚአብሔርን ምሕረት ለማረጋገጥ መማጸን ነው። መጽሐፍ ቅዱስ በማቴዎስ 11፥28 ላይ

"እናንተ ደካሞች ሸክማችሁ የከበደ ሁሉ፥ ወደ እኔ ኑ፥ እኔም አሳርፋችኋለሁ"

እንደሚለው፣ የሰው ልጅ በሃይማኖታዊ ሥርዓትና በሥራ ሊያገኘው የማይችለውን እውነተኛ ዕረፍት የሚሰጠው ክርስቶስ ብቻ መሆኑን እናስባለን። ሙስሊሞች በዚህ ቀን "ተቀባይነት አገኘሁ ይሆን?" በሚል ጥርጣሬና ተስፋ መካከል ሆነው ሲጸልዩ፣ እኛ ክርስቲያኖች ደግሞ በክርስቶስ ስላገኘነው ፍጹም እርግጠኝነት ልናበስራቸው ይገባል። በሮሜ 5፥1 ላይ

"እንግዲህ በእምነት ከጸደቅን በእግዚአብሔር ዘንድ በጌታችን በኢየሱስ ክርስቶስ ሰላምን እንያዝ"

ተብሎ እንደተጻፈው፣ ሰላም የሚገኘው በገዛ ሥራችን ሳይሆን በክርስቶስ በተከናወነው ሥራ መሆኑን ማሳየት አለብን። ይህን የምሥራች ስናካፍል፣ በፍርሃት ሳይሆን በፍቅርና በልጅነት መንፈስ ወደ እግዚአብሔር መቅረብ እንደሚቻል በሚያሳይ ትሕትና ሊሆን ይገባል። በዛሬው ጸሎታችን ደግሞ፣ እግዚአብሔር ለሙስሊም ወገኖቻችን የልባቸውን አይን እንዲከፍትላቸው እንማጸናለን። በጾም ወራት የፈለጉት አምላክ ራሱን በኢየሱስ ክርስቶስ በኩል እንዲገልጥላቸው እንለምናለን። በዮሐንስ 17፥3 ላይ

"እውነተኛ አምላክ ብቻ የሆንህ አንተን የላክኸውንም ኢየሱስ ክርስቶስን ያውቁ ዘንድ ይህች የዘላለም ሕይወት ናት"

 ተብሎ እንደተገለጠው፣ እውነተኛው እውቀትና ሕይወት ወደ እነርሱ እንዲመጣ ጽኑ ልመናችን ይሁን። በተለይ በዚህ የድካም ወቅት፣ የመንፈስ ቅዱስ መጽናናትና ብርሃን በቤቶቻቸው ውስጥ እንዲበራ እንጸልያለን። በመጨረሻም፣ ይህ ቀን ለእኛም ለአማኞች በጸጋው ለመመላለስ ታላቅ መነቃቂያ ይሁን። ጾሙ ሊያልቅ ሲል ሙስሊሞች የሚያሳዩት ትጋት፣ እኛም ወንጌልን ለጠፉት ለማድረስ ያለብንን አጣዳፊነት ሊያሳስበን ይገባል። በ2ኛ ቆሮንቶስ 5፥20 ላይ

"ከእግዚአብሔር ጋር ታረቁ ብለን ስለ ክርስቶስ እንለምናለን"

እንደሚለው፣ የእግዚአብሔር አምባሳደሮች መሆናችንን አስበን በዙሪያችን ላሉት ሙስሊሞች የምሕረትና የፍቅር ድምፅ እንሁን። ዛሬ ቀኑን ስንጀምር፣ ጌታ ኢየሱስ በሕይወታችን ታይቶ ብዙዎችን ወደ እርሱ የሚስብበት ጸጋ እንዲበዛልን እየለመንን ወደ ተግባር እንሰማራ። ይህ ወር እግዚአብሔር ለሙስሊም ወገኖቻችን የእውነተኛ መንፈሳዊ ብርሃን በልባቸው ላይ እንዲያበራ ይህም በልጁ አምነው እንዲድኑ ወደ ክርስቶስ ኅብረት ድነው የሚጨመሩ ሙስሊሞች እንዲበዙ አጥብቀን የምይጸልይበት ወር ይሁን። #እነሆ_እኔን_ላከኝ #ተሐድሶ_ይሆናል #ክርስቶስ_ለሕዝብ_ሁሉ

ረመዷን ጾም ቀን 28 ከሺህ ወራት የሚበልጠው እውነተኛ "ውሳኔ" የመጽሐፍ ቅዱስ ምንባብ፦ ኤፌሶን 1፡4

ዓለም ሳይፈጠር፥ በፊቱ ቅዱሳንና ነውር የሌለን በፍቅር እንሆን ዘንድ በክርስቶስ መረጠን። ኤፌሶን 1፡4

በዚህ በረመዳን 27ኛው ቀን፣ በመላው ዓለም የሚገኙ ሙስሊሞች "ለይለተል ቀድር" ወይም "የመወሰኛዋ ሌሊት" ብለው በሚጠሯት እጅግ የተቀደሰች ምሽት ላይ ይገኛሉ። በዚህ ዕለት ትኩረታቸው ሁሉ የቀጣዩ ዓመት እጣ ፈንታቸው እንዲባረክ፣ ኃጢአታቸው እንዲሰረይና ከአላህ ምሕረትን ለማግኘት ሌሊቱን ሙሉ በጸሎትና በልመና መትጋት ነው። መጽሐፍ ቅዱስ በኤፌሶን 1፥4 ላይ "ዓለም ሳይፈጠር በፊቱ ቅዱሳንና ያለ ነቀፋ በፍቅር እንሆን ዘንድ በክርስቶስ መረጠን" እንደሚለው፣ የሰው ልጅ እጣ ፈንታና ውሳኔ አስቀድሞ በእግዚአብሔር ዘላለማዊ ፍቅር የተከናወነ መሆኑን እናውቃለን። ሙስሊም ወዳጆቻችን በዚህ ምሽት ለሚፈልጉት "የሕይወት መለወጫ" ውሳኔ፣ እኛ ክርስቲያኖች እውነተኛው የሕይወት ለውጥ የሚገኘው በክርስቶስ ቤዛነት መሆኑን ልናስብላቸው ይገባል። በዚህ ዕለት ሙስሊሞች "መላእክትና መንፈስ ወደ ምድር ይወርዳሉ" ብለው በሚያምኑበት ጊዜ፣ እኛ አማኞች ደግሞ እግዚአብሔር ራሱ በልጁ በኩል ወደ እኛ እንደወረደና ከእኛ ጋር መሆኑን ልናበስራቸው ይገባል። በዮሐንስ 1፥14 ላይ "ቃልም ሥጋ ሆነ፤ ጸጋንና እውነትንም ተመልቶ በእኛ አደረ" ተብሎ እንደተጻፈው፣ እግዚአብሔርን ለማግኘት እኛ ወደ ሰማይ የምናደርገው ጥረት ሳይሆን እርሱ ወደ እኛ የመጣበት ፍቅር ትልቁ የምሥራች ነው። ሙስሊም ወዳጆቻችን በዚህ ምሽት ለሚደክሙበት የሥራ ትጋት፣ እኛ ግን በክርስቶስ የተገኘውን ፍጹም ዕረፍትና የጸጋ ወንጌል በሕይወታችን ልናሳያቸውና ልናካፍላቸው ይገባል። በጸሎታችን ደግሞ፣ በዚህ የፍለጋ ምሽት እግዚአብሔር ራሱን በታላቅ ብርሃን እንዲገልጥላቸው እንማጸናለን። ብዙዎች በጭንቀትና በተስፋ መካከል ሆነው ምሕረትን በሚፈልጉበት በዚህ ሰዓት፣ ጌታ ኢየሱስ በዮሐንስ 14፥6 ላይ "እኔ መንገድና እውነት ሕይወትም ነኝ፤ በእኔ በቀር ወደ አብ የሚመጣ የለም" በማለት የተናገረው ቃል ልባቸውን እንዲነካው እንጸልያለን። የመዳን እርግጠኝነት በሌለበት ሃይማኖታዊ ትጋት ውስጥ ለሚገኙ ወገኖቻችን፣ መንፈስ ቅዱስ የልባቸውን መጋረጃ ገፎ በክርስቶስ ያለውን የዘላለም ሕይወት ዋስትና እንዲያሳያቸው ጽኑ ልመናችን ይሁን። በመጨረሻም፣ ይህ ቀን ለእኛ ለክርስቲያኖች ታላቅ የመነቃቂያ ጥሪ ነው። ሌሊቱን ሙሉ ለሚተጉት ሙስሊም ወዳጆቻችን ያለን ፍቅር በጸሎትና በምስክርነት እንዲገለጥ ጌታ ይርዳን። በሮሜ 10፥1 ላይ ሐዋርያው ጳውሎስ "የልቤ መሻትና ስለ እስራኤል ወደ እግዚአብሔር ጸሎቴ እንዲድኑ ነው" እንዳለው፣ የእኛም የጠዋት ጸሎትና መሻት ሙስሊሞች ከሃይማኖታዊ ቀንበር ወጥተው ወደ እግዚአብሔር ልጆች ነጻነት እንዲመጡ ይሁን። ዛሬ ቀኑን ስንጀምር፣ በንግግራችንና በሥራችን ሁሉ የክርስቶስን መዓዛ ለነርሱ የምናሳይበት ጸጋ እንዲበዛልን እየለመንን ወደ ተግባር እንሰማራ። ይህ ወር እግዚአብሔር ለሙስሊም ወገኖቻችን የእውነተኛ መንፈሳዊ ብርሃን በልባቸው ላይ እንዲያበራ ይህም በልጁ አምነው እንዲድኑ ወደ ክርስቶስ ኅብረት ድነው የሚጨመሩ ሙስሊሞች እንዲበዙ አጥብቀን የምይጸልይበት ወር ይሁን። #እነሆ_እኔን_ላከኝ #ተሐድሶ_ይሆናል #ክርስቶስ_ለሕዝብ_ሁሉ

ረመዷን ጾም ቀን 25 እውነተኛውን ብርሃን መፈለግ የመጽሐፍ ቅዱስ ምንባብ፦ ኤፌሶን 2፡8

ጸጋው በእምነት አድኖአችኋልና፤ ይህም የእግዚአብሔር ስጦታ ነው እንጂ ከእናንተ አይደለም፤ ኤፌሶን 2፡8

በዚህ በረመዳን 26ኛው ቀን፣ በብዙ ሚሊዮን የሚቆጠሩ ሙስሊሞች "ለይለተል ቀድር" ወይም "የመወሰኛዋ ሌሊት" ተብሎ የሚታሰበውን ታላቅ ምሽት ለመቀበል በከፍተኛ ዝግጅት እና ጸሎት ላይ ይገኛሉ። በዚህ ዕለት ትኩረታቸው ሁሉ ኃጢአታቸው እንዲሰረይ፣ ሰላም እንዲወርድላቸው እና የወደፊት ሕይወታቸው እንዲቃና አምላካቸውን መማጸን ነው። መጽሐፍ ቅዱስ በሐዋርያት ሥራ 17፥27 ላይ

"እግዚአብሔርን ይፈልጉ ዘንድ፥ ምናልባትም እየዳበሱ ያገኙት እንደ ሆነ..."

እንደሚል፣ ይህ ቀን የሰው ልጅ ፈጣሪውን ለማግኘት ያለውን ጥልቅ ናፍቆት የሚያሳይ ነው። እኛ ክርስቲያኖች ይህን ልባዊ ፍለጋ ስንመለከት፣ እነርሱም እንደ እኛ ከእግዚአብሔር ጋር የሚታረቁበትን እውነተኛ መንገድ እንዲያገኙ ልባችን ሊራራላቸው ይገባል። ሙስሊም ወዳጆቻችን በዚህ ዕለት የምሕረት ደብዳቤን ለማግኘትና ከእግዚአብሔር ጋር ለመገናኘት ሲተጉ፣ እኛ ደግሞ በመካከላቸው ያለውን መጋረጃ የሚገፍፈውን የክርስቶስን ወንጌል ልናበስራቸው ይገባል። እነርሱ "በሥራ" ምሕረትን ለማግኘት በሚደክሙበት በዚህ ወቅት፣ እኛ ግን በኤፌሶን 2፥8 ላይ ያለውን እውነት እናስታውሳቸዋለን፦

"ጸጋው በእምነት አድኖአችኋልና፤ ይህም የእግዚአብሔር ስጦታ ነው እንጂ ከእናንተ አይደለም።"

እውነተኛው ምሕረት በሰው ጥረት ሳይሆን በክርስቶስ ኢየሱስ ቤዛነት የተገኘ ነጻ ስጦታ መሆኑን፣ በፍቅር እና በደግነት ለሰዎች የምናካፍልበት ታላቅ አጋጣሚ ነው። በዚህ ልዩ ቀን ለሙስሊሙ ማህበረሰብ ስንጸልይ፣ እግዚአብሔር በቃሉና በመንፈሱ ራሱን እንዲገልጥላቸው እንማጸናለን። ብዙዎች በዚህ ምሽት "ብርሃንን" እንደሚጠባበቁ ሁሉ፣ እኛም ጌታ ኢየሱስ በዮሐንስ 8፥12 ላይ

"እኔ የዓለም ብርሃን ነኝ፤ የሚከተለኝ የሕይወት ብርሃን ይሆንለታል እንጂ በጨለማ አይመላለስም"

በማለት የተናገረው ቃል በልባቸው እንዲበራ እንጸልያለን። ጸሎታችን በሕልም፣ በራእይ ወይም በክርስቲያን ወዳጆቻቸው በኩል የእግዚአብሔር ፍቅር እንዲደርሳቸውና በሃይማኖታዊ ሥርዓት ውስጥ የማይገኘውን ሰላም በክርስቶስ እንዲያገኙ ይሁን። በመጨረሻም፣ ይህ ቀን ለእኛም ለአማኞች ትልቅ የተልእኮ ጥሪ ነው። በዙሪያችን ያሉ ሙስሊም ጎረቤቶቻችንን በክርስቶስ ፍቅር እንድንወዳቸውና እንድንጸልይላቸው አምላካችን ያሳስበናል። በ1ኛ ጢሞቴዎስ 2፥4 ላይ እንደተጻፈው እግዚአብሔር "ሰዎች ሁሉ ሊድኑና እውነትን ወደ ማወቅ ሊደርሱ" ይወዳልና። ዛሬ ጠዋት ስንነሳ፣ ልባችን ለጠፉት ነፍሳት በሐዘኔታ ተሞልቶ፣ የእግዚአብሔር መንፈስ በሙስሊሙ ዓለም ላይ እንዲፈስ እና ብዙዎች ወደ እውነተኛው የሕይወት መንገድ እንዲመለሱ እየለመንን የቀኑን ጉዞ እንጀምር። ይህ ወር እግዚአብሔር ለሙስሊም ወገኖቻችን የእውነተኛ መንፈሳዊ ብርሃን በልባቸው ላይ እንዲያበራ ይህም በልጁ አምነው እንዲድኑ ወደ ክርስቶስ ኅብረት ድነው የሚጨመሩ ሙስሊሞች እንዲበዙ አጥብቀን የምይጸልይበት ወር ይሁን። #እነሆ_እኔን_ላከኝ #ተሐድሶ_ይሆናል #ክርስቶስ_ለሕዝብ_ሁሉ

ተልእኳችን ማለዳ መጋቢት 5 – 2018 ዓ.ም ወደ ፍቅሩ መንግስት ፈለስን የመጽሐፍ ቅዱስ ምንባብ፦ ወደ ቆላስይስ ሰዎች 1፡13

እርሱ ከጨለማ ሥልጣን አዳነን፥ ቤዛነቱንም እርሱንም የኃጢአትን ስርየት ወዳገኘንበት ወደ ፍቅሩ ልጅ መንግሥት አፈለሰን። ቆላስይስ 1፡ 13

በ25ኛው የረመዷን ቀን የሚቀርበው ዱዓ (ጸሎት) ትኩረቱ "የአምላክን ወዳጆች መውደድና ጠላቶቹን መጥላት" ላይ ነው። ሙስሊሞች በዚህ ቀን እግዚአብሔር ከመልካም ሰዎችና ከነቢያት ፈለግ ጋር እንዲያቆራኛቸው አጥብቀው ይለምናሉ። እኛ ክርስቲያኖች ይህንን መነሻ በማድረግ፣ እውነተኛው የእግዚአብሔር ወዳጅነትና የነቢያት ሁሉ ፍጻሜ የሆነው ኢየሱስ ክርስቶስ መሆኑን ልንጸልይላቸው ይገባል። መጽሐፍ ቅዱስ በየዮሐንስ ወንጌል 15፡15 ላይ እንዲህ ይላል፦

"ከእንግዲህ ወዲህ ባሮች አልላችሁም... ወዳጆች ግን ብያችኋለሁ።"

ይህ የክርስቶስ ወዳጅነት ለእነርሱ እንዲገለጥላቸው እንጸልይ። ሁለተኛው የጸሎት ነጥብ ሙስሊሞች በዚህ ቀን "የነቢያትን ፈለግ (ሱና) መከተል" ላይ ያተኩራሉ። ቅዱሳን የተጓዙበትን ቀጥተኛ መንገድ ለመከተል ኃይልን ይለምናሉ። እኛም ይህንን ፍለጋቸውን ወደ እውነተኛው መሪ ወደሆነው ወደ ክርስቶስ ልንመራው እንችላለን። እግዚአብሔርን መምሰል የምንችለው በገዛ ጥረታችን ሳይሆን በክርስቶስ ሕይወት ውስጥ ስንኖር እንደሆነ ልንነግራቸው ይገባል። በ1ኛ የጴጥሮስ መልእክት 2፡21 ላይ እንደተጻፈው፦

"ክርስቶስ ደግሞ ፈለጉን እንድትከተሉ ምሳሌ ትቶላችሁ ስለ እናንተ መከራን ተቀብሎአልና።"

እውነተኛ ፈለግ ክርስቶስን መከተል መሆኑን እንዲረዱ በጸሎት እንትጋ። ወንጌልን ለሙስሊም ወዳጆች ለማካፈል በ25ኛው ቀን የሚነሳውን "ከክፉዎች መንገድ መለየት" የሚለውን ሐሳብ እንደ ድልድይ መጠቀም እንችላለን። ሰው በገዛ ጥረቱ ከኃጢአት መንገድ ማምለጥ እንደማይችልና ክርስቶስ ግን ከጨለማ ወደ ብርሃን ሊያወጣን እንደመጣ ማብራራት ይቻላል። በወደ ቆላስይስ ሰዎች 1፡13 ላይ፦

"እርሱ ከጨለማ ሥልጣን አዳነን፥ ወደ ፍቅሩም ልጅ መንግሥት አፈለሰን።" ይላል።

ይህንን እውነት በመጠቀም፣ እውነተኛ መለየትና መዳን የሚገኘው በክርስቶስ ቤዛነት ብቻ መሆኑን በፍቅር ልንመሰክርላቸው ይገባል። በመጨረሻም፣ 25ኛው ቀን የመጨረሻዎቹ አሥር ቀናት (የፍቺ ቀናት) አጋማሽ በመሆኑ ሙስሊሞች "ጥበቃንና ጽናትን" (ኢስቲቃማ) ይለምናሉ። ክርስቲያኖች ደግሞ እውነተኛው ጽናትና ዋስትና የሚገኘው በክርስቶስ በኩል ከእግዚአብሔር ጋር ስንታረቅ መሆኑን ልናበስራቸው እንችላለን። በወደ ሮሜ ሰዎች 8፡38-39 ላይ እንደተጻፈው፦

"በክርስቶስ ኢየሱስ ካለው ከእግዚአብሔር ፍቅር ሊለየን እንዳይችል ተረድቻለሁ።"

ይህንን ጥቅስ በመጠቀም፣ ክርስቶስ የማይለወጥ መሠረት መሆኑንና እርሱን በማመን የዘላለም ጽናት ማግኘት እንደሚችሉ በማሳሰብ የወንጌልን ተስፋ ልናካፍላቸው እንችላለን።

ረመዷን ጾም ቀን 24 የእግዚአብሔር ልጅ የመጽሐፍ ቅዱስ ምንባብ፦ ማቴዎስ ወንጌል 3፡ 17

እነሆም፥ ድምፅ ከሰማያት መጥቶ። በእርሱ ደስ የሚለኝ የምወደው ልጄ ይህ ነው አለ። ማቴዎስ ወንጌል 3፡ 17

በ24ኛው የረመዷን ቀን የሚቀርበው ዱዓ (ጸሎት) ትኩረቱ "የአምላክን ደስታ (ውዴታ) መፈለግና ከቁጣው መጠበቅ" ላይ ነው። ሙስሊሞች በዚህ ቀን አምላክ የሚወደውን ነገር እንዲያስመኛቸውና እርሱን ከሚያስቆጣ ነገር ሁሉ እንዲጠብቃቸው አጥብቀው ይለምናሉ። እኛ ክርስቲያኖች ይህንን መነሻ በማድረግ፣ እውነተኛውና ሙሉ የእግዚአብሔር ውዴታ የተገኘው በልጁ በኢየሱስ ክርስቶስ በኩል መሆኑን ልንጸልይላቸው ይገባል። መጽሐፍ ቅዱስ በየማቴዎስ ወንጌል 3፡17 ላይ እንዲህ ይላል፦

"እነሆም፦ በእርሱ ደስ የሚለኝ የምወደው ልጄ ይህ ነው የሚል ድምፅ ከሰማይ መጣ።"

በእርሱ በማመን እኛም የእግዚአብሔር ወዳጆች መሆን እንደምንችል እንጸልይ። ሁለተኛው የጸሎት ነጥብ ሙስሊሞች በዚህ ቀን "ለታዛዥነት" (Obedience) ስኬትን መፈለጋቸው ነው። እግዚአብሔርን ለመታዘዝ ኃይልና እርዳታን ይለምናሉ። እኛም ይህንን ፍለጋቸውን ወደ እውነተኛው የመታዘዝ ምንጭ ወደሆነው ወደ ክርስቶስ ልንመራው እንችላለን። እግዚአብሔርን መታዘዝ የምንችለው በገዛ ጥረታችን ሳይሆን በውስጣችን በሚኖረው በመንፈስ ቅዱስ እርዳታ እንደሆነ ልንነግራቸው ይገባል። በወደ ዕብራውያን ሰዎች 5፡9 ላይ እንደተጻፈው፦

"ለሚታዘዙትም ሁሉ የዘላለም ደኅንነት ምክንያት ሆነላቸው።"

እውነተኛ መታዘዝ ከፍቅርና ከእምነት የሚመነጭ ስጦታ መሆኑን እንዲረዱ በጸሎት እንትጋ። ወንጌልን ለሙስሊም ወዳጆች ለማካፈል በ24ኛው ቀን የሚነሳውን "ከእግዚአብሔር ቁጣ ማምለጥ" የሚለውን ሐሳብ እንደ ድልድይ መጠቀም እንችላለን። ሰው በኃጢአቱ ምክንያት ከእግዚአብሔር ቁጣ በገዛ ሥራው ማምለጥ እንደማይችልና ክርስቶስ ግን ቁጣውን በእኛ ፋንታ በመስቀል ላይ እንደተቀበለ ማብራራት ይቻላል። በወደ ሮሜ ሰዎች 5፡9 ላይ፦

"ይልቁንስ እንግዲህ አሁን በደሙ ከጸደቅን በእርሱ በኩል ከቍጣው እንድናለን።" ይላል።

ይህንን እውነት በመጠቀም፣ ከፍርድ የምናመልጠው በክርስቶስ ቤዛነት ብቻ መሆኑን በፍቅር ልንመሰክርላቸው ይገባል። በመጨረሻም፣ 24ኛው ቀን "የልግስናና የቸርነት" ቀን ስለሆነ ሙስሊሞች ለእግዚአብሔርና ለሰዎች ቸር ለመሆን ይጥራሉ። ክርስቲያኖች ደግሞ ትልቁ የእግዚአብሔር ቸርነት ራሱን ለእኛ አሳልፎ መስጠቱ መሆኑን ልናበስራቸው እንችላለን። በ2ኛ ወደ ቆሮንቶስ ሰዎች 8፡9 ላይ እንደተጻፈው፦

"የጌታችንን የኢየሱስ ክርስቶስን ጸጋ አውቃችኋልና፤ ባለጠጋ ሲሆን እናንተ በእርሱ ድህነት ባለጠጎች ትሆኑ ዘንድ ስለ እናንተ ድሀ ሆነ።"

ይህንን ጥቅስ በመጠቀም፣ እውነተኛ ባለጠግነት በክርስቶስ በኩል የሚገኝ የጸጋ ስጦታ መሆኑን በማሳሰብ የወንጌልን ተስፋ ልናካፍላቸው እንችላለን።

ታሳ... ታናሞ!! ታሳ.. ጋሞ 😭 የጋሞ ህዝብ የወገን አለኝታነትን ይሻል! ‎ ‎የጋሞ ልማት ማህበር (CBE) ‎የባንክ ሂሳብ ቁጥር የኢትዮጵያ ንግድ ባንክ 1000021467174 እና ‎​የጋሞ ዞን አደጋ ስጋት ‎የባንክ ሂሳብ ቁጥር የኢትዮጵያ ንግድ ባንክ 1000321312865

ረመዷን ጾም ቀን 23 የሚያነጻ ደም የመጽሐፍ ቅዱስ ምንባብ፦ 1ኛ ዩሐንስ መልእክት 1፡ 7

ነገር ግን እርሱ በብርሃን እንዳለ በብርሃን ብንመላለስ ለእያንዳንዳችን ኅብረት አለን፥ የልጁም የኢየሱስ ክርስቶስ ደም ከኃጢአት ሁሉ ያነጻናል። 1ኛ ዩሐንስ መልእክት 1፡ 7

በ23ኛው የረመዷን ቀን የሚቀርበው ዱዓ (ጸሎት) ትኩረቱ "ከኃጢአት መንጻትና ልብን ከነውር ማጠብ" ላይ ነው። ሙስሊሞች በዚህ ቀን አምላክ የልባቸውን ጉድለት እንዲመረምርና ከበደል ሁሉ እንዲያነጻቸው አጥብቀው ይለምናሉ። እኛ ክርስቲያኖች ይህንን መነሻ በማድረግ፣ እውነተኛውና ዘላለማዊው የልብ መንጻት የሚገኘው በኢየሱስ ክርስቶስ ደም ብቻ መሆኑን ልንጸልይላቸው ይገባል። መጽሐፍ ቅዱስ በ1ኛ የዮሐንስ መልእክት 1፡7 ላይ እንዲህ ይላል፦

"የልጁም የኢየሱስ ክርስቶስ ደም ከኃጢአት ሁሉ ያነጻናል።"

ይህ የማንጻት ኃይል በልባቸው እንዲገለጥ እንጸልይ። ሁለተኛው የጸሎት ነጥብ ሙስሊሞች በዚህ ቀን "በእግዚአብሔር ፍርሃትና ቅድስና (ተቅዋ) መመላለስን" መፈለጋቸው ነው። ይህ ወቅት "ሌይለተል ቀድር" (የመወሰኛዋ ሌሊት) ሊሆን ይችላል ተብሎ ከሚገመቱት ታላላቅ ሌሊቶች አንዱ በመሆኑ፣ ሌሊቱን ሙሉ በጸሎትና በንስሐ ያሳልፋሉ። እኛም ይህንን ፍለጋቸውን ወደ እውነተኛው የቅድስና ምንጭ ወደሆነው ወደ ክርስቶስ ልንመራው እንችላለን። እግዚአብሔር ቅድስናን የሚሰጠው በሕግ ሥራ ሳይሆን በእምነት እንደሆነ ልንነግራቸው ይገባል። በወደ ሮሜ ሰዎች 3፡22 ላይ እንደተጻፈው፦

"እርሱም ለሚያምኑ ሁሉ የሆነ በኢየሱስ ክርስቶስ በማመን የሚገኘው የእግዚአብሔር ጽድቅ ነው፤ ልዩነት የለምና፤"

ጽድቅ በእምነት የሚገኝ ስጦታ መሆኑን እንዲረዱ በጸሎት እንትጋ። ወንጌልን ለሙስሊም ወዳጆች ለማካፈል በ23ኛው ቀን የሚነሳውን "የልብ ንጽሕና" የሚለውን ሐሳብ እንደ ድልድይ መጠቀም እንችላለን። ሰው በገዛ ጥረቱና በውኃ መታጠብ ውስጣዊ ማንነቱን መቀየር እንደማይችልና ክርስቶስ ግን አዲስ ልብ እንደሚሰጠን ማብራራት ይቻላል። በሕዝቅኤል 36፡26 ላይ፦ "አዲስም ልብ እሰጣችኋለሁ አዲስም መንፈስ በውስጣችሁ አኖራለሁ፤" ይላል። ይህንን እውነት በመጠቀም፣ እውነተኛ ለውጥ ከውስጥ ወደ ውጭ የሚመጣው በክርስቶስ ማደስ መሆኑን በፍቅር ልንመሰክርላቸው ይገባል። በመጨረሻም፣ 23ኛው ቀን "የእግዚአብሔርን ይቅርታ" (መግፊራ) በከፍተኛ ሁኔታ የሚለምኑበት ቀን ስለሆነ ሙስሊሞች በተስፋና በፍርሃት መካከል ይሆናሉ። ክርስቲያኖች ደግሞ እውነተኛው ይቅርታና የአእምሮ ሰላም የሚገኘው በክርስቶስ በኩል ከእግዚአብሔር ጋር ስንታረቅ መሆኑን ልናበስራቸው እንችላለን። በየዮሐንስ ወንጌል 8፡36 ላይ እንደተጻፈው፦

"እንግዲህ ወልድ አርነት ካወጣችሁ በእውነት አርነት ትወጣላችሁ።"

ይህንን ጥቅስ በመጠቀም፣ ክርስቶስ ከኃጢአት ባርነት ነፃ የሚያወጣ አዳኝ መሆኑንና እርሱን በመቀበል የዘላለም ዕረፍት ማግኘት እንደሚችሉ በማሳሰብ የወንጌልን ተስፋ ልናካፍላቸው እንችላለን።