Дилга мактублар!..

Лайлаклар ҳеч қачон кекса лайлакларга ҳужум қилмас экан. Патлари қалин қарға ўзидан заиф бўлган қарғани совуқдан ҳимоялар экан. Филлар қанчалик кучли бўлмасин, бирор душман ҳужумига учраса, аввало тўдадаги кекса, кучсиз ва ярадор филларни хавфсиз жойга олиб ўтишар экан... Ажабланарлиси нима, биласизми? Ажабланарлиси, улар яхши ва ёмонни ажратолмайди. Уларда мана бу иш савоб, буниси эса гуноҳ бўлади, деган тушунча йўқ. Улар бу ишларни бирор мукофот учун ёки эътироф эшитиш учун бажармайди. Улар ҳеч қачон "ҳайвонгарчилик қилдим", деб бир-бирига мақтанишмайди...     Мен... Мен жониворларни жуда-жуда ҳурмат қиламан... Байрам АЛИ «Мен билган очун»дан. https://t.me/dilgamaktublar

*** Shivirlaydi barglar sekin, Va mahzun kuy boshlaydi oqshom. Yashay deyman odamday, lekin, Boshqa hislar chulğar batamom. Yuragimni ochaman asta, Yulduzlarga boqib shikasta. Intilaman oliy ishq tamon, Men pastdaman, men hamon pastda. Ravshan Haqmurod https://t.me/dilgamaktublar

Қайғули табассум ёки сўнгги актёр ҳақида У мени севмайди! Яхши биламан. Лек, аъло ўйнайди ошиқ ролини. Менам мийиғида кулиб қўяман: Кўнглини севаман, кўнглини! Ҳаётим саҳнаси жозиб кўринар, Гарчи сингган унга бир улуғвор ғам. Фақат билмайдики, бу мумтоз ролни, Бошқалар ўйнаган ундан олдин ҳам. Лекин... Маним саҳнам тоборо ғариб, Уни чорлар жозиб бошқа саҳналар. Мени эса чорлар чорасиз, мунглиғ, Даҳмалар! Билади, кўнглимни азал ишқ, хўрлик, Тўфонлар емириб еганлигини. Ва яна билади, бу  ролда ўзи, Энг сўнгги актёрим эканлигини. У мени севмайди, яхши биламан... Гулжамол Асқарова https://t.me/dilgamaktublar

Антилопа омон қолиши учун леопарддан тез югуриши шарт эмас, бошқа антилопалардан тезроқ югуришининг ўзи кифоя... https://t.me/dilgamaktublar

*** Синди. Синмайди, деб ўйлаган эдим, фалак, Тинди. Тинмайди, деб ўйлаган эдим, юрак. Етди. Етмайди, деб ўйлаган эдим, йўллар, Кетди. Кетмайди, деб ўйлаган эдим, йиллар. Қолди. Қолмайди, деб ўйлаган эдим, кўнглим, Олди. Олмайди, деб ўйлаган эдим... Тангрим. Алибек Анварий https://t.me/dilgamaktublar

ЎЗБЕКИСТОН О, ота маконим, Онажон ўлкам, Ўзбекистон, жоним тўшай соянгга. Сендай меҳрибон йўқ, Сенингдек кўркам, Римни алишмасман бедапоянгга. Бир гўша сув бўлса, бир гўша қирлар, Қанча юртни кўрдим, қанча тақдирлар. Қайга борсам суяб, бошни тик тут деб, Тоғларинг изимдан эргашиб юрар. Кўрдим сулувларнинг энг фарангларин, Ё худбинман ё бир содда касман мен: Парижнинг энг гўзал ресторанларин, Битта тандирингга алишмасман мен. На гапга кўнайин, На тил билайин, Кўздан уйқу қочди, дилдан ҳаловат. Уч кунда соғинсам нима қилайин?.. Чала қолар бўлди ҳамма саёҳат. Билдимки, баридан улуғим ўзинг, Билдимки, яқини шу тупроқ менга. Баҳорда Бахмалда туғилган қўзинг Араб оҳусидан азизроқ менга. Сен билан ўтган ҳар кун байрам-базм, Сенсиз бир он қолсам ваҳмим келади. Сени билганларга қиламан таъзим, Сени билмасларга раҳмим келади. Муҳаммад Юсуф https://t.me/dilgamaktublar

МУҲАББАТНИНГ ТАБИАТИ Тунлар оромидан ачинмай кечдим. Кўнглимни сен билан этдим мунаввар. Сонсиз чигалликка урилдим, ечдим. Англадим: сен менга қисмат муқаррар. Ўзимни минг марта қатл айладим, Минг марта ўзимга ҳадя этдим жон. Совуқ бир тош эдим, қўшиқ бошладим... Айт, яна нимани айлайин қурбон? Гулларга бурканган баданин очиб, Кўзимга термулар бир малак — Ҳаёт! Унинг оғушидан мен кетдим қочиб, Сен — гўзал шеъримни айлагани ёд. Мени хароб этди бетўхтов ғулу, Чорасиз ҳижроннинг гапига кўндим. Олис-олислардан учиб келдию Қўлларинг оҳиста кифтимга қўнди... Усмон Азим https://t.me/dilgamaktublar

* * * Муҳаммад Сиддиққа Бу ўксиз кунларнинг ибтидоси бор, интиҳоси бордир – вақтдан ташқари. Заминда безамин кезар умидвор кўзлари киртайган Ҳақнинг қушлари. Қушларки, тасвирин чекмамиш ҳеч ким кимсасиз ҳужранинг деворларига. Улар учаверар, парвози – босим, боқмай ўтар Ажал туғдорларига. Эй дўст, бу қушларнинг кумуш патидан тўралган қаламлар ишқни битгайдир. Кўзида музлаган руҳунатидан таралган сас ичра жонлар йитгайдир. Эй дўст, ўксикларнинг ҳарир ғуссаси жилоланиб борар бармоқларимда. Ранжима, бир ҳикмат, бир саодат бор сендан кетиб сенга бормоқларимда. Бу ўксиз кунларнинг интиҳоси бор... Мирзоҳид Музаффар https://t.me/dilgamaktublar

ЁЛҒИЗ АЁЛ Еганин ош деманг, ёлғиз аёлнинг. Шайтон товоғига қўлин солади. Дастурхон бошида дадасин қўмсаб, Ё ўғли, ё қизи йиғлаб қолади. Юрганин, йўл деманг, ёлғиз аёлнинг, Кифтига маъломат ботиб боради. Қўша жон қийналиб тортолмай қолган, Аравани ёлғиз, тортиб боради. Тунларин тинч деманг, ёлғиз аёлнинг, Йўқотган уйқусин излаб толади. Алаҳлаб дадасин, чақирса қизи, Аламдан ёстиқни тишлаб олади. У аёл-да деманг, ахир унинг ҳам. Ўз идроки бордир, югурик қони, Тил теккиза кўрманг унинг шаънига, Қуёшга тенглашиб бормоқда жони. Жумагул Сувонова https://t.me/dilgamaktublar

ТИЛЛА БАЛИҚЧА Тухумдан чиқди-ю, келтириб уни Шу лойқа ҳовузга томон отдилар. Ташландиқ ушоқ еб ўтади куни, Хору хас, хазонлар устин ёпдилар. Дунёда кўргани шу тор ҳовузча Ва гавжум толларнинг аччиқ хазони. Менга алам қилар, тилла балиқча Бир кўлмак ҳовуз деб билар дунёни! Абдулла Орипов https://t.me/dilgamaktublar