ده‌گاو بزڵانه‌ی

مەرحەبا وەتەن سەرسەرای غیرەت سەرچاۆکەی حەیاوو ، نادرەی عزەت شلێر شەرەفت بەگیان بەیان کەرد ئاۆازەی بەرزت جەبەرزان ویەرد شەهیدەن ئەۆکەس تۆشەش حەیا بۆ گۆڵ غۆنچەی ئابڕوش نەژاکیا بۆ شەهدەن ، سەربەرزین‌ ، معراجەن مەردەی حەیاێ نەژاکیای بەگڵکۆ بەردەی ( 🖌 جمشید بزڵانە ) ڕۆحو ڕەوانوخاتو شلێرەی شاد ، خۆای گەورە سەبوری بەبنەماڵەو کەسو کاریش عەتا کەرۆ 🌑🌑🌑🌑🌑 🥀🥀🥀🥀🥀

ـ🔵🔷🔵🔷🔹🔵🔷🔹🔵 ـ🔷🔵 #کاناڵ_فەرهەنگی_ژان ـ🔵 سڵام و هەزاران سڵامێ پەی #خاتوو_شلێرەی، پەی پاکدامنەتەرین و زاڵەڐارتەرین خاتوونەو وەڵاتی، (مەحاڵوو ژاوەرۆی و دەگاو چەشمیەری) کە جە ئەوپەرو قەداسەتی و پاکینە وێش کەردەن فیداو نامووسی. ئی خاتوونە گەورێ چەو پەڕوو دلێری و یەهەردارینە بە گیان بەخشاو وێش جە وەرانوەروو نالایەقتەرین و ڕەزڵتەرین سیفاتی بەشەری( گۆران قادری"نە) حازرە نەبیەنە دامنەش لەکەڐارە بۆ،  نیازەن، موازۆ ئێمە ئاواجەمی خەڵکوو ژاوەرۆی هامدەنگ و هامڕنگ پشتگیری وێما چی خاتوونێ و ماباقی خاتوونەکاتەری ئیعلام کەرمێ و نماد و یا پەیکەریە جە ڕەشادەت و بانامووسی خاتوو شلێرەی جە سەروو سێ ڕاو لەنگەرێزی وەشکریۆ. هەرتا ئی مریەمە مۆقەدەسێ، ئی خاتوونە بانامووسێ پەی هەتا هەتاین غیرەت و نامێش ماندگار بمانۆ . ئیمە پێسەو جەمعیە جە فەعالین ئەدەبی و فەرهەنگی و مەدەنی مەحاڵوو ژاوەرۆی جە شاروو سنەی بێزاری و ناڕەزایەتی وێما جە وەرانوەرو ئی هەرمانە قیزەونێ و نائێنسانانێ ئاشکرا مەکەرمێ و دەنگما مەوزمێ پاڵوو ماباقی دەنگەکا و هەر پاسە دەنگو قانونی پەی بە سزا یاوناو گۆران قادری. #انجمن_مامۆستا_بێسارانی   #سنە #انجمن_قەڵەموو_هەورامانی  #سنە ✍ #جەواد_حەمزە (فێــــراق) ‌✍🏻 #کانال_مردم_ژان ┏━━━━🍃🌸🍃━━┓   @KanalZhan ┗━━🍃🌸🍃━━━━┛ ✔️با فوروارد پست‌ها حامی #کاناڵ_ژان باشید.😊🙏❤️

هەواێ پائیزان زەردیش ئارد پەی چەم چەم بی بەڕاۆچی ، پەی ڕاۆکەردەی خەم دیسان تێکەڵ بی ، سەردچەنی زەردی داش وەدەماخم بۆی کزەی سەردی سەوزەی سەرپۆپەی بەرزە درختان کەم کەم داش وەسەر سەرپۆشی خەزان چ شیرین پاییز بەتحفەی وای سەرد زەردیش پەی چهرەی نەمامان ئاۆەرد چۆڵ بیەن جەخێڵ هەوار چوون ساڵان سەۆزس بی بەزەرد شۆن پاێ یاران داخۆم کێ وینۆ ساڵیوتەر جەنۆ شۆنی پاێ یاران ، سەوزەی ژاکنۆ ( 🖌 جمشید بزڵانە )

من ماچوون،ئەوکەس سیرەتش دووڕوون دیمیوش وەرگوو ، ئەودیمش ئاهوون ئەوکەس یاخەریک تەفرەقەی خەڵکەن جەدوور مشەوەق ، چەمدارجە کەڵکەن زۆان بەهەسان بەڐی تێژکەردەن ئاۆڕووش بەزەڕ بەدەس ئاۆەردەن یانەش وەڕووی ئاۆ دیوارش چنیان داری کۆڵەکێش بەڐجۆر پرتووکیان ئەرسکەی ئارۆش ڕووبە ڕەۆاجەن سۆاحی شێۆەش ، سیاوی ساجەن ئەحیانەن ئەرمن ناحەق کەردم باس داۆەری بەروون لای چەندفەردخاس ئانەسەیدەن،حۆسەینی ڕیشەن ئانەیاشێخەن تەریقەت پێشەن ئەوکەس یاچوون وێم ناسک خەیاڵەن بەزری شعوورش بەقەڵەم کاڵان ئانەساحرەن جەغەیب مەوانۆ وێش بەئەمیری ئەجنەی زانۆ ئانە حەکیموو ، ئەفلاتوون ئاسان گیواۆ شناسوو ، عەتاروو ، زانان فەهیموو،ڕاناس، عەدنان جەپاۆە فێراقوو،عەوداڵ ناحیەی سەوڵاۆا ژیارجە ڕۆار ، سەجادی کەلجی پەی منوو پەی ئەو ، کەران میانجی وەلحاسڵ گردین گۆرووی خاسووعام بنیشان وەشۆر ، بنویسان ئەحکام چوون قازیوو قۆزات ، قەزاۆەت کەران فتواێ عەقڵانی ، وەلەب باۆەران پەرێ هیچ کاممان کەتمان نەکەران ڕاس واتەی ڕەۆیەی ،دینی ئەنبیان ئەرناحەقم وات‌، گۆشتم بڐەن سێخ ئێمەیچ چوون سەیدی سەربڕن بەتێخ ( 🖌جمشید بزڵانە )

خاکی هەورامان بەقۆربان مەعدەنی حۆجبوحەێان جاموو ئاوێنەی شعوری ،کردگاروو ئەنبیان ئەی کۆڕی قامەت چناروو ، ئەی کناچەی لالەڕوو یاگەڐاری ، خێڵوو عێلی پەی حەیاوو پەی ئاۆڕوو ڕەۆتی ئەغیاران نەگێری بانەواڕیۆ شێۆەکەت بانەبۆ گۆم ڕەۆتو گۆفتو ڕەسمی باشی خێڵەکەت شاڵو دەسماڵێ وەشو چۆخەی مەرەز چەرمەکڵاش لارەپوشینی سیاۆو سەڵتەوکەوای مەخمەڵ نماش ئەی کۆڕی شیرین جەماڵو ئەی کناچێ چەم سیاۆ تۆکەرەکۆڵت فەرەجیوو ، تۆیچ نەسەر فیسووکڵاۆ پۆشە سەرتاپات بەشێۆەی ئەۆقەڐیم خێڵخانەکەت باکە وەرچەمبۆ جەدنیا ، خێڵی هەورامانەکەت ( 🖌 جمشید بزڵانە )

خاکی هەورامان بەقۆربان مەعدەنی حۆجبوحەێان جاموو ئاوێنەی شعوری ،کردگاروو ئەنبیان ئەی کۆڕی قامەت چناروو ، ئەی کناچەی لالەڕوو یاگەڐاری ، خێڵوو عێلی پەی حەیاوو پەی ئاۆڕوو ڕەۆتی ئەغیاران نەگێری بانەواڕیۆ شێۆەکەت بانەبۆ گۆم ڕەۆتو گۆفتو ڕەسمی باشی خێڵەکەت شاڵو دەسماڵێ وەشو چۆخەی مەرەز چەرمەکڵاش لارەپوشینی سیاۆو سەڵتەوکەوای مەخمەڵ نماش ئەی کۆڕی شیرین جەماڵو ئەی کناچێ چەم سیاۆ تۆکەرەکۆڵت فەرەجیوو ، تۆیچ نەسەر فیسووکڵاۆ پۆشە سەرتاپات بەشێۆەی ئەۆقەڐیم خێڵخانەکەت باکە وەرچەمبۆ جەدنیا ، خێڵی هەورامانەکەت ( 🖌 جمشید بزڵانە )

شاخی هەورامان بەواتەی قانعی شیرین سۆخەن یاڐگاری پیری پیران،حۆجرەیی دینی کۆهەن حافزی، ناموسو،خاکو، باۆڕی هەورامیەن دەفتەری خامەو زۆانی خێڵەکەی گۆرانیەن من ئەگەر پەیکانی ئەغیار زامڐارکەرۆ لاشەوتەنم سوورکەرۆ لافاوی هوونم جامەوو پیراهەنم یائەگەربەنێشی تیشە،لەت لەت کەران خۆلاشەکەم یاجەبێخ بەربەی گلێنەی ئەوچەمی چون واشەکەم حەربەدڵ ڕۆیێ هەزار جار واتەنش پەیم عارنیەن ماچوو من گۆرانەخێڵم ، لەفزەکەم هەورامیەن ( 🖌 جمشید بزڵانە )

شۆکرم جەکاریت خالقی بێ گەرد داناێ،تەۆاناێ،تاکی تەنیاێ فەرد گەردوونی! ئەیام شەۆبەڕۆکەردە گردین کائنات بەتۆ جۆش واردە گەردانەندەی! ساڵ چوارفەسڵ بەمیزان وەهاروو،هامن،پاییزوو،زمسان پەی دۆعاوتاعەت !زۆان وازکەردە وسواسەی شەیتان جەدڵ لابەردە پەی سۆجدەگای دڵ! قیبلەنی پەیی عام ماێەی زکری خەیر ،گۆفتارووکەلام باعسی! لەرزای گەڵای درەختان تەشخیس دەهەندەی وەخت جەناوەختان سەڐای! شریخەووبروسکەی هەوران شمارەندەی گرد قەتراتی واران پەی زەمینی وشک ، وجوودت حەیات ڕۆح ئەفزای! بەزری ئاڐەموو نەبات گرد ، جەتۆگرتەن مەوجوودات حەیات زۆان قاسرەن پەی حەمدوو سەنات (🖌 جمشید بزڵانە )

🌷🌷🌷( هەورامانەکەم )🌷🌷🌷 یاڕەبی وەتەن ، حەرسەر بڵەندبی بەرزتەر جەبەرزی ،دناوو سەهەندبی کام کۆ چوون شاهۆ ئاویرگاش بەرزەن پەندی ئەویستاش پەی عاڵەم فەرزەن کام هەردی دنیا وێنەی عەواڵان بیەن خەڵۆەتگاێ جمڵەی عەوداڵان کەی بەرزی باڵاێ هەردی سەبەڵان بەرزەن چوون باڵاێ بەرزی کۆساڵان کەی تاقۆەسانوو ، بێستوونی سەخت سەختەن چوون تەتەی هەورامانی تەخت کام غۆنچەو کام گۆڵ دەشتی ئەغیاران سەرتەرەن جەڕەنگ ساراێ بێساران کەی بۆێ گۆڵاۆی قەمسەرو کاشان وەشتەرجەشەوبۆێ گەلێنوو شیان کام وڵات ساراش فەرشەن بەگیواۆ سەوزەن چوون ساراێ بزڵانەو دۆڵاۆ کام دەروو دۆڵو ڕۆخانەی ئێران پەڕ ئاۆەن وێنەی ، گاۆەرۆو سیروان خامەی کام شارو ، کام خاکو دیار ڕەنگین چوون خامەی هەورامی ئشعار وەتەن ، بێ وێنەن لادەگاوو دەگات کەمتەرین کارەن گیان کەرون فیدات ( 🖌 جمشید بزڵانە )

تاقەتم تاق بی ، دڵم تاقەتش بەرشی جە کەف دڵ خرەپیا ، شێتوو هاربی چوون زڕەی زەنجیری دەف تاقی ئاسانەی سەبووریم سەڐ کەڕەت تاقش وڕا شێت بیەن پەرۆانە ئاسا باڵی تاسەش سۆچیا چون دەدی وەحشی سفەت ڕووبەهەردی سەخت ڕەما هەسکەهەسکو نابەلەڐ سەڐ کەڕەت پاش هۆرتەقا پەی تەوافی تاقی ئەبرۆت هەردبەهەردو کۆبەکۆ من گوزەریام بەڵکەگێرۆپەنجەکەم دامانوو تۆ من دڵم زاڕۆڵە ئاسا پەی مەزەی شۆتی ئڐا پەی وساڵیت ، بێ قەرارەن سۆبحو،عەسرووێرەگا شەرتی بێ شەرتان مەگێرەباوەفابەچون قەڐیم دڵ فرەقیارەئازیز باکە ڕەحمت بۆ چەنیم دەم بەتاسەی ماچی خاڵو غۆنچەکەی نیم وازتەن شاپەڕی بازی خەیاڵم ، ماتڵی ئاۆازتەن تاسی تاسەم تاۆیاۆە‌، نەردی نەحسم سۆچیا دووشەشی بەختم سیاۆبی ، تالعەم بی تووتیا کەی منوتۆپاسەبێ شەرتو قەرارو وەعدما من کەری شێتوهەراسان وێت نەبۆت مەیلی دەۆا ساکە بێ ڕەحمی وەسەن ، دۆسەکەی بێ مروەتم نیم نیگای نازت تەبیبەن،پەی نیگای پەڕ حەسرەتم (🖌 جمشید بزڵانە ) @bezlana_hawrami