#أطباء_أتقياء

If you don’t know what is anki then here is two playlist which you can watch in your spare time to learn anki effectively https://youtube.com/playlist?list=PLXL_lTSgbB_V_EGxUJla-yiqcr8OMkls7

If your are interested about the step , you know that obviously 🙄 there is so many anki decks out there .. USMLE RX FA .. the list goes on This video help you to find what is the best anki deck you can use for the long term in step1..

نصايح و وصاية من دكتور سامح غازي عن المذاكرة🌟

صباح الخير🌸 ‏قال المروذي: قلت لأحمد: كيف أصبحتَ؟ قال: كيف أصبح مَن ربُّه يطالبه بأداء الفرائض، ونبيه يطالبه بأداء السنَّة، والملَكان يطلبانه بتصحيح العمل، ونفسه تطالبه بهواها، وإبليس يطالبه بالفحشاء، وملَك الموت يراقب قبض روحه، وعياله يطالبونه بالنفقة؟! وأنتم كيف أصبحتم.؟🙃🍃

🌸بالنسبة لمقرر الGIT1.... حجم الملف 20GB... فيه بعض الصور و البوربوينت من الدفع الفاتت....و بعض المراجع المهمة... و كمية من الفيدوهات المنوعة...طبعا م ضروري تحضرهم كلهم...الا حسب تفضليك اذا كنت بتحبز سماح غازي بدلا من احمد كمال مثلا.... الناس تحرص أنها تشليه..والزول البشليه يحول لاصحابه ....🍃

و بي كدة تنتهي المشاركات و فقرتنا عن طريقة القراية و اهميتها... ان شاء الله تكونوا استفتدوا منها و لو قليلا...و بما انه نحن على اعتاب مقرر جديد...اتمنى انه كل زول يحاول يدخل حاجة جديدة على الطريقة الكان بقرى بيها زمان....و يحاول يقرى من بدري....لانه اذا عايز نتائج مختلفة...لازم تعمل بطريقة مختلفة....🙃 و موفقين يا أنصاف الاطباء...🙃🌸🍃

المشاركة السادسة والاخيرة6⃣❤ طيب كلامي ح اقسمو لي جزءين : جزو ال mind set   و جزو ال  study skills طيب نبدا بال mind set :: (او تقدر تسميها mental barriers ) تتذكر لمن كلو بداية سمستر تشبكا لي روحك :"انا ال سمستر دا حاقرا اول بي اول"، و تقوم تحصل حاجا يوم كدا او القراية تكتر و ترجع لي نفس برنامجك القديم. يلا دي غلطة بنقع فيها كلنا؛ انو نحنا من الاول بنخت مجرى للامور م واقعي او بنتخيلو مثالي و اللحظة البنفقد فيها المثالية المتخيلة دي بنكسر ام الحنك. بدلاً من ال set  ال بتفقد فيهو ال flexibility دا في set ظريف انا ممكن اكون خاتيهو كل يوم as a traget اللي هو "one percent "  :: اللي هو معناهو احسن من امس بي نسبة 1% بس م اكتر. One percent better than yesterday. 1% احسن في اي ناحية من النواحي، و خلينا نضرب مثال هنا بي حاجا ممكن تكون مؤثرة م في قريتنا بس بل في حياتنا عموماً و اللي هي ال social media  القاعدا تاكل وقتنا كدا بي شكل نحن قد نكون متصورنو تصور م حقيقي. فاذا انت مثلا قمتا كل يوم حسبتا الزمن البتصرفو فيها و بديت كل يوم تلزم نفسك تقلل الزمن البتقضيهو فيها بتلقى روحك شوية شوية بديت تعمل كمية من الزمن كانت بتتبخر منك زمان زي ال ولا شي. للحاجة دي في تطبيق ظريف اسمو Stayfree بحسب ليك انت بتقضي اغلب زمنك في ياتو تطبيق، و يقارن ليك كلو يوم قضيت كم ساعة، زادت ول نقصت + فيو حركة ظريفة انك بتقدر تخت limit لي تطيبق اتتا عايز تقلل استخدامو و يقفل مثلا بعد ساعة يوميا من استخدامو. (زي حنك سياسة استخدام عادل) المهم ال mind set دا اتتا بتعملو براك بي انو بتخلي قدامك جمل تبدا بيها كلو يوم او تكون مستحضرها معاك في اي لحظة، او لمن تحس بيها ضاقت و انو طريقك ال ماشي فيهو دا م بينالو اي زول:: "ألا إن سلعة الله غالية" "حفت النار بالشهوات و الجنة بالمكاره" "و ما ربك بظالمٍ للعبيد" "One Percent " "لا ينال العلم براحة الجسم" حاجة كدا بتثبتك على طول الطريق... _________________________________ نجي لل study skills :: و اللي هي كتيرة و م اظن بكفي يتكلمو عنها هنا و الشباب في الرسايل الفاتت ذكرو بعضها، لكن من تجربتي لغاية هسا اهم اتنين ممكن اقول هم ال best resources و ال Repetition في الأولى ما شاء الله اخونا الصاوي - و الناس البجمع منهم ربنا يجزيهم الجنة - م مقصرين عدييل، خالين في يدنا كل ما لذ و طاب انت بس عليك تجتهد شوية و تختار من التشكيلة البنفع معاك.. بالنسبة لي البداية زي م ذكرو برضو في الرسايل القبل دي انو الفيديوهات ممكن تكون افضل بداية، من نقطة انك بتستعمل حاستين (سمع و نظر) بدل طوالي تقرا مرجع و تحاول تفهم براك (حتى لو بتقرا بي صوت عالي😂، و دي نقطة اصلا مهمة) طيب من افضلا المحتويات: 1)Kaplan. 2)Osmosis. 3) B&B 4) Pathoma. 5) Sketchy. حسب المادة الاتتا شغالها يفضل واحد ع التاني +الشيت دا في الآخر عبارة عن guide اتتا مفروض تركز وين في الآخر. لكن م مصدر تبدا بيهو ابدا. النقطة التانية و اللي هي ال repetition برضو كلنا بنتذكر لذة معرفة المعلومة اول مرة، حاجا كدا بتكون في منتهى السعادة. دي حاجا كويسة جدا بس النقطة بتبقى هنا في الجزو المزعج التاني عشان تفضل قاعدة المعلومة دي، اللي هي التكرار. كلنا عارفين انو نقل المعلومة من الذاكرة القصيرة لي طويلة المدى معتمد على التكرار دا. اللي هو اتتا بعد تفهم الموضوع المعين دا تجي بكرة تنسى حنانو زي الكأنو ول حصل شفتا الحاجة دي 😂 which is normal هنا بتظهر نقطة التكرار دي و هي ممكن اقول النقطة الفارقة في تحصيل اي علم... م حتحصل شي لو م بتكرر من ٣ لي ٤ مرات اي حاجا مهمة بتقراها. بالنظام دا : ١)اول قرية (من قراية). ٢) القرية التانية بعد ٦ ساعات. ٣) التالتة بعد ٢٤ ساعة. ٤) الرابعة بعد ٧٢ ساعة. اسمع واحد بقول :"الكورس زمنو ضيق و ماف زمن للكلام دا"، يلا هنا في تفاصيل بتفرق منها الذكرناها هنا: ١)السوشال ميديا. ٢) ال source البتقرا منو ،و دا بفرق جدا لانو الفيديو مثلا بعد اول او تاني قرية (من قراية) ممكن تحضرو بي دبل السرعة. ٣) ٣ دا ممكن اكون حد أدنى اذا كتمت، لكن م اقل. بس بيبقى صبرك و استمراريتك هي الفارقة و لتعلم يا رعاك الله "أن العلم لا ينال براحة الجسم" (تاني رجعنا ليها لأنو الموضوع متداخل ) على قدر م هي بديهية ع قدر م الواحد بنسى او ب يتناسى الفكرة دي. نقطة ال sustainability دي كل مرة بتذكر فيها فكرة انو "it's not about the destination, it is about the details of the journey". فعيش كل لحظة في وقتها. و بالتوفيق للجميع. 🙏💙

المشاركة الخامسة5⃣💛 اسلوبي غالبا يعتمد على الspaced repetition... و الحفظ أبدا مش أساسي و ما بعتبره مهم غير في حالات قليلة. اعتمادي الاول بكون على مرجع او اتنين بختارهم ببداية الكورس، بحيث انو لو ما فهمت معلومة مطروحة بمرجع، اشوف التاني او اذا كنت بحاجة لتفاصيل اكثر. بحاول دائما الخص المعلومات الكتيرة لشيء بسيط لو اتذكرته بقدر اصيغه بأي طريقة عايزها... **spaced repetition... دا أسلوب تعليمي... انو مثلا تقرا موضوع، تراجعه بعد ساعة، ثم بعد يوم، ثم يومين، ثم اسبوع...و هكذا... تكرار مراجعة لتثبيت المعلموت....

-السلام عليكم ورحمة الله وبركاته 🍃 الاخوة والاخوات الكرام الدفعة ٣٩ 😍 يوم الجمعة القادم باذن الله سيتم عقد قران اخونا و زميلنا محمد سيد صالح 🌸🌹.... ونيابة عن الدفعة ٣٩ نزف له اطيب التهاني والتبريكات بالحياة الزوجية السعيدة سائلين المولى عز وجل ان يبارك فيهما وان يجمع بينهما في خير وان يقيهما الفتن ما ظهر منها وما بطن ...وبيت مال وعيال ان شاء الله 🍃🌺🌸 ونريد ان نساهم كدفعة في هذا الزواج المبارك تاكيدا على تضامن الدفعة وتماسك افرادها في كل الحوافل والنوازل، سيتم جمع المساهمات غدا باذن، وجزاكم الله خير و بارك فيكم.... وعقبالكم ان شاء الله ❤🙃

بإستخدام التطبيقين ديل...👆 مع وصلة OTG... ممكن تستعرض ملفات اي جهاز تخزين خارجي...external storage... بغض النظر عن حجمه....في اجهزة الandroid... و ممكن تنسخ الملفات منه الى التخزين الداخلي بتاع التلفون.... بس للاسف م بتقدر تنسخ ملفات من التلفون للexternal.. مفيدة للناس التبقرا من التاب...📱🍃👌