Muvaffaqiyat Kaliti 🔑

#Тандир_воқеаси_бўлган_воқеа Қашқадарёлик бир танишим "Ака, Сизга тандир олиб боряпман, сал кечроқ бўлса ҳам қабул қилиб олаверасизми?, деб қўнғироқ қилди. Турмуш ўртоғим хабар топиб, "Энди тандирни нима қиласиз, қаерга олиб келяпти?" деб сўради. Уйга олиб келаётганини тушунтирдим. "Қаерга қўясиз?" деб сўради. Ман эса "Шу балконга қўямиз" дедим(холодильнигимиз балкондалиги учун). Яна безовта бўлиб, "Келинг шу тандирни бошқа кишига берворинг" деб айтаверди. Ишонасизларми яқин 10-15мин тортишибмиз. Кейин билсам ман тандир деб, "ТАНДИР ГЎШТНИ" назарга тутганман. У эса Қашқадарёдан эшак аравада нон ва сомса ёпадиган "ТАНДИР"ни тасаввур қилиб, квартирамизни қаерига қўямиз, деб хуноб бўлаверибди. Ман балконга қўямиз деяверибман...:) Ашнақа, баъзида гапингизда битта сўз тушиб қолса ҳам гап мазмуни бутунлай ўзгариб кетаркан..:)