#فاهمـــين_الرصـــه 🇸🇩 ™

جيت فرشت مُصلايتي جنب سرير حبوبة صليت العِشا .. طبقتَ المُصلاية وقُمت ! حبوبة بقت تنادي عليَّ .. "يا صفية .. إنتِ ما بتصلي الشِفع والوِتر ؟" قلتَ ليها.. = والله يا يُمّا لمن أجي من برَّا مُتأخِرة بكون تعبانة شديد يا الله أقدر أصلي العشا وأنوم .. لكن ما طوالي يا يُمّا والله.. مرات بصليهم! حبوبة اتخلعت مني وقالت ليّ.. يا بتي إنتِ الشِّفِع والوتر فرِض ولَّا سُنّة ؟ قلت ليها سُنّة يا يما ! قالت لي .. والما بحافِظ علي سُنتّو .. ما بِمرُق من مِلّتو ؟! نحن ما قرينا مدارس وجامعات زيكم .. لكن خسارة قرايتكم كان ما علمتكم تحبو النبي والسُنَّة -برِي منكم والله- !! بعدها .. رجعتَ صليت .. وبقيت قاعدة في المُصلاية سرحانة ! الرسول صلى الله عليه وسلم لمن كان بقيم الليل لحدي ما "تتفطّر أقدامو" ! كان بعمل كده .. عشان لما نجي نحن بعد كل الزمن ده نتعلم مِنُّو الصَبُر ! الصبر .. على الفروض .. والالتزام بيها الصبر على النوافل .. ومجاهدة انفسنا لحدي ما تبقى جزء من حياتنا ! واحد من السلف كان بقول "جاهدتُ نفسي على القيام عشرين سنة" !! 20 سنة و هو بحاول ! ما فِتِر .. ما كلَّ ولا ملّ ! ولا "كسرَ حنك" وقال ياخ هو قيام الليل ده زاتو ما فرض اتذكرو دايمًا مقولة.. "ترجو الجنّة ، وتُفرّط في السُنّة"؟! وزي ما قالو "إذا كانت مُتعة الجسد فيما زاد عن الحاجة ، فمتعة الروح فيما زاد عن الفرض" ! يعني التعب اللي بنحس بيهو في العبادات البدنية ما ح نحس بيه إذا استشعارنا لي لذة العبادة والطاعة كان أكبر مِنُّو ! رايكم شنو ؟ نقطع وعد مع نفسنا إنو نلازم باب ربنا .. لحدي ما يفتح لينا فتوح العارفين .. ونضوق لذة الطاعة ! كان نفسي احكي ليكم عن جمال الطاعة لما نستشعر اللذة وقُربنا من ربنا ونحنَ بنعملها .. بس انا لسه بعيدة شديد .. وراجية من مولاي القُرب ده! بس برضو في فترة من حياتي مستحيل أنساها ! قبل 7 سنوات حفظتَ سورة المُلك ، وكنت بقراها لمن أجي أنوم كانت ورد ثابت بالنسبة لي ! في يوم .. طلعت مع أمي السوق ، ولفِّينا كتير لما رجعت بالليل .. نمتَ من غير ما أقراها فجأة صحيت نص الليل بدون سبب .. وما وعيت بي نفسي إلا وأنا بردّد "تبارك الذي بيدهِ المُلكُ و هوَ على كلّ شيءٍ قدير" ! لما تلازم طاعة ، وتدعي ربنا يعينك عليها ربنا ح يرسل ليك ملائكة ، تلزك لي الطاعة دي لز! زي ما قال ابن القيم رحمه الله (ولا يزال العبد يعاني الطاعة، ويألفها ، ويحبها ، ويؤثِرُها حتى يرسل الله سبحانه وتعالى برحمته عليه الملائكة تؤزه إليها أزًّا، وتحرضه عليها، وتزعجه عن فراشه ومجلسه إليها)! ماف زمن إننا نقول بُكرة ..نبدا طوالي ولو بالقليل ونسأل ربنا ييسر ويعين "سيروا إلى اللّهِ عُرجًا و مكاسير ، فإنّ انتظارَ الصحّةِ بطالة" وفي الخِتَام .. قد يكُونُ الدَّربُ صعبًا ... لا تَمِيلوا.❤️

"‏ثم تأتي إرادة الله، فتتيسَّر معسراتك، وتتمهَّد الطرق، وتُفتح مغاليقها، وتُهيئ أسبابها، وتتجمَّل لتأتيك كاملة تامة مصحوبة بجميل عطاء ربك، فلا يغرّنك تشتّتها الآن، ولا تحزن لاستحالتها، فوالله لو كان بينك وبينها عوامق البحار، وشواهق الجبال.. يأتِ بها الله إنّ الله لطيف خبير."✨

لو م قادره تنصحي صحبتك ال بتنزل صورها او صور متبرجات عموماً ماتعملي ليها لايك لو م قادرة تنصحي صحبتك ال بتلبس ضيق ، ما تقعدي تقولي ليها ( واي لبستك رهيبه ) لو م قادرة تشديها لفوق ما تنزليها تحت ، ما تكوني عون للشيطان على صحبتك ونفسها الضعيفة الامارة بالسوء لو م قادرة تقولي ليها حق ، ما تقولي باطل ! وم لازم تستني صَحبة صالحة ، خليكِ انتي الصُحبة الصالحة لنفسك وليهم 💛🌸 ..

‏"استوصُوا خيراً بأصحابكم ، شدُّوا على أيديهم إن أرادوا خيراً وامنعوهم إن مَـالوا في الطريق! ، تفقَّدوهم ، تفقَّدوهم ..تفقدوا قلُوبهم ، إيمَـانهم ، هِمَمهم وهمُومهم"❤️..

كانَت نساءُ المُسلمينَ يسألنَ عنْ حكمِ إسدالِ الثّوبِ حتّى لا تتكشّف القدمُ ، فيجيبُ النبيُّ ﷺ : «فَيُرْخِينَهُ ذِرَاعًا لَا يَزِدْنَ عَلَيْهِ». لقد تكشَّفَ ما هُو أعظمُ من الأقدام يارسولَ الله!💔

أنا عند ظن عبدى بى ، و أنا معه إذا ذكرنى ، فإن ذكرنى فى نفسه ذكرته فى نفسى ، و إن ذكرنى فى ملأ ذكرته فى ملأ خير منه ، و إن تقرب إلىّ بشبر تقربت إليه ذراعا" ، و إن تقرب إلىّ ذراعا" تقربت إليه باعا" ، و إن أتانى يمشى "أتيت إليه هرولة " ..💛💛🌻

وسلاماً على من مر صدفه (ف صلّى على الرسول ) عليه افضل الصلاة والسلام 🌸 فزادني حسنه وازدادت حسناته ♥️

🇸🇩 إتحاد القنوات السودانية 🇸🇩 ♦️برعاية أرونيكا للدعاية والتسويق 💰 عاوز تنجز وتنجح وتحقق أهدافك ⁉️ 🔺 نفسك تتعلم الطرق الفعالة للتخلص من التأجيل وتحقيق النجاح إضغط هنا ♥══🥀══℘══🥀══♥ 🔖F 8 pm - T 7 am 💎 By : Arunika Company ✅ ♥══🥀══℘══🥀══♥

🇸🇩 إتحاد القنوات السودانية 🇸🇩 ♦️برعاية أرونيكا للدعاية والتسويق 💰 عاوز تنجز وتنجح وتحقق أهدافك ⁉️ 🔺 نفسك تتعلم الطرق الفعالة للتخلص من التأجيل وتحقيق النجاح إضغط هنا ♥══🥀══℘══🥀══♥ 🔖F 8 pm - T 7 am 💎 By : Arunika Company ✅ ♥══🥀══℘══🥀══♥

🇸🇩 إتحاد القنوات السودانية 🇸🇩 ♦️برعاية أرونيكا للدعاية والتسويق 💰 عاوز تنجز وتنجح وتحقق أهدافك ⁉️ 🔺 نفسك تتعلم الطرق الفعالة للتخلص من التأجيل وتحقيق النجاح إضغط هنا ♥══🥀══℘══🥀══♥ 🔖F 8 pm - T 7 am 💎 By : Arunika Company ✅ ♥══🥀══℘══🥀══♥