( پژگیا) کەناڵی نامق هەورامی📖

ڕۆ جەهانی ژیوگایەنە لەڕۆژی جیهانی ژینگەدا هەورامییەکان بەدەنگ و کرداریش ژینگە پیس ناکەن، بالێیانەوە فێری پاکوخاوێنی ببین..

هەوارو هەیشوری نوستالوژی سورەهەراڵەی فەیسەڵ ژیواری

مەڕەو جنا، پانیشتو هۆرامانی هەڵەبجە، هۆرامان، هاوار، هەوارەکون

بۆنەو ڕۆ دنیایی زارۆڵاوە هەرکەس پارێزنۆ زوانش عەقڵو فام بۆ مێمانش #من_هۆرامیەنا #هۆرامان #نامق_هەورامی #لهۆن #ژاوەرۆ #تەخت

‍ ڕازەو ئی کتێبیە پێ گرد هۆرامیێ نامق هەورامی ستران و ئاوازێن کوردی هەورامان ساڵەو 2005ی وەختێ گەشمەردە ( فەلەکەدین کاکەیی) شالیارو ڕۆشنویری هەرێمو کوردەسانی بێ، ڕاوەبەرو دەفتەرەکێش تەلەفونش پێکەردا ماچۆ مامۆسا گەرەکشا وینۆت، یاگۆ کارەکێمۆ لوانێ وەزارەت، وەختێ یاوانی دەفتەرەکەو کاک فەلەکەدینی، ژەنێوە نزیکۆ حەفتا ساڵا بێ لاشۆ نیشتێبێرە، دمای کەمێ تەری کاک سەفەر هاواریچ ئاما، جەنابو وەزیری جەمیلە خانەش بەمن و سەفەری ئەژناسنا، جەمیلە مامۆساو دانیشکەدەو موسیقی زانینگاو یەریڤانو ئەرمەنستانی بێ، کناچۆ جاسمی جەلیل، یوەم ڕاوەبەرو ڕادوێنی کوردی یەریڤانینە. ئاماکەیش پەی ئانەیە بێ کە سەرو گۆرانیێ هۆرامیێ پەیجۆر کەرۆ، کاک فەلەک ماچۆ تەنیا شمەرە پەرمو بتاودێ ئی کارەی کەردێ و دەسبارش دەیدێ. دمای قسەوباس و ئەرەنیشتەیە چن ڕۆیی گۆرانیەکێما هورچنیێو هەر گۆرانێوەما وستە سەرو کاسێت( نەوار)ێوی و شێعرەو گۆرانیەکێما پێ نویستۆ. دمای کەمتەر جەساڵێوی ئاماوەو کارەکەش بەتەمامیای ئاردەبێ، چەنی سەفەر هاواری لوایمێشۆ پۆرە. جەمیلە لواوە و ساڵەو 2006ی کاک فەلەک لوابێ نەمسا( ئوتریش) یانۆ جەلیلی برایش نوسخێوەش جە کتێبەکەی پەی ئاردانێ. ئی کتێبە پێسە سەرچەمەی دانیشکەدەو هونەری باڵاو میوزیکو ئەرمەنستانیەنە بەکار مێ.

چریکەو گۆرانییە پاییزییەکام هۆنیێ و دەنگ/ نامق هەورامی

دوڕاجی دلێ گۆرانیەکام (پەی تۆ... چی کویسانانە وێم بە غەریب زانا) نامق هەورامی کویسانی سەختو سەرەیمۆ چڵێ بەڕەزا مەزیۆنە وەهار گەرەکش نیا، پێکیۆ پێگەنە... مزانو تا تۆ نەی وەهار نیا، ئینە کەی وەهارا بێتۆییەنە، سورەهەراڵە، رامەپێکۆوە بنەو خڕی، چنور قژێش دژێنۍ... کۆگەو کویسانیەنە وەش گێڵو؟ بێ تۆ، من کویسانم بەقلەقازا ، سەرۆ وەهاریم پاقلیرا وەشیم قەرەچۆڵش بڕیان، خوەم قەڵاخیش دان سەرەشەرە... وارە سەرو وەنەو گرەواێویمەرە، باشەراو تەنیایی نەپڕوزنۆم، بە ناخێری گیانیم، ئیسە سوەیل مڕەژونە... مەرگانیمەنە چی دورۆ دوڕاجی ئاسا ، وێمو شەکلەو خەمەکام چون چەم گل کەرا پێچ مڎەو بەمن چێش؟ با سپاو گۆراڵا خیزیۆ ئەر تۆ نەبی وەتەنی ئازیزم بێزیۆ... کنا تۆ بەدەر وێم، داڵانی گەرمەو وەهاریشا و من کۆم پڕان... ....................................... بەقلەقاز: گەرمای تاقەت پڕوکن پاقلیر: کەچەڵ قەڵاخی:پەڕۆی کەوەی تازیەباری جاران ژەنی دانشا سەرەشارە وەختو مەردەی کەسێویشانە دوڕاجی: قەرەچی شەکلە: تۆرەکە ، فەردە، عەدڵ

گیان لەیل هۆنیێ و دەنگ/ نامق هەورامی میوزیک/ فەرید ئیلهامی t.me/pjgya

سپاس فەرزاد گیان یاگۆ شانازیمانی پەیامو هونەری ئینەن فەرهەنگ سازی مەحاڵەکێما پێسە کریۆ بژیوی فەرزاد گیان..

گیان لەیل نامق هەورامی دمای ته‌مگێرته‌ی، کویسانو سه‌ره‌یم گه‌ره‌کما ، گۆرانێوه‌ت په‌ی واچونه‌، نه‌رمه‌ ژه‌ن هه‌وار هه‌وار په‌یت گێڵو، نسارو سایکه‌مه‌رێوینه‌ ناڵونه‌ ته‌وه‌نی مه‌زانۆ چێش ماچۆ نه‌ره‌ گۆش مه‌ڎۆ ناڵانیم، هه‌میشه‌ وه‌هار گیان بزه‌ڕاکۍ یاگه ‌په‌یه‌کام گمکه‌را وه‌روه‌و لاپاڵه‌کا یاوشانه،‌ یاو هانه‌ ده‌مش ئاوی که‌رۆ، جه‌زه‌ریفیته‌نه‌ وله‌هه‌نار... من قاقڕی کاکی به‌کاکی ئیگه‌یه‌نه‌، به‌رزه‌ چڕه‌کێم تاسێنۍ ئی گه‌رمه‌سیره‌ چوزانۆ، هانه‌ چ نازێو که‌رۆنه‌ وه‌ختێ ختلۍ خڕی مڎۆ، خشه‌و پاو گه‌ڵا نه‌رێوی چ په‌یامێوا په‌ی کویسانا، خه‌مبار گیان... ئاڎ چوزانۆ، که‌ڵێ پێ که‌ڵا به‌رۆ نزانی، نامق پیر بیه‌ن، چێگه‌ به‌جوانی... خه‌مه‌کات پێچه‌وه‌ دور وه‌ڵات، ئیسه‌ ئه‌وه‌لاڵانت مه‌ژنه‌ویو.... مشۆ چ ناڎانێوه‌ت که‌رده‌بۆ، خوا هاوار که‌سێ، جه‌ته‌قسیر مه‌ویه‌رۆ .... وله‌هه‌نار گیان ئی بومی مه‌زانۆ سوره‌هه‌راڵه‌ چی سورا و، من چی هه‌میشه‌ ماته‌نا .. مه‌زانا... گه‌سته‌ی مار وه‌شا یان دوریه‌که‌و تۆ... ((له‌یل هه‌ر ئا له‌یله‌ن مه‌یل هه‌ر ئا مه‌یله‌ن)) به‌ گیانت قه‌سه‌م‌، کوڵه‌ده‌م گیان، نه‌مه‌یل هه‌ن نه ... مه‌یل چکۆ بۆ، بی تۆچوار فه‌سڵه‌م زمسانا و کویسانو من چه‌رمه‌ته‌ر بۆ تویچ چادورۆ زڵفێت به‌ستێنۍ به‌ چنوور، قیافه‌ت گێرته‌ن چون شه‌وبۆ، کنا بێمه‌یل گیان ((ئه‌ری هۆ نازار نه‌شێویۆ نازت به‌کل بره‌ژه‌ دیڎه‌ی.....)) باتۆ نازت نه‌شیویۆنه‌و من چی دورۆ بێناز بێناز مه‌نه‌ناره‌ تاقه‌تارو مه‌رگه‌که‌ی بێ و وێم و خه‌مه‌کام به‌رۆنه‌ و تۆ به‌دیڎه‌ی شابازته‌وه‌ بڎیه‌ شۆنه‌و مه‌رگیمه‌ره‌، کنا مه‌رگه‌که‌و وێت ده‌به‌من..... باکم نیا... با هه‌وار بلۆ داڵانی با هه‌ر نه‌یاوو خاڵانت با سپاو گڵاراڵا نه‌خێزیۆ با وه‌ته‌ن منش بیزیۆ با هه‌واریەکێ، هه‌ر ئه‌وه‌ڵ وه‌هار به‌یاوه‌ یا هه‌ر نه‌لا هه‌وار هه‌رچی نارنج و لیمۆت هه‌ن په‌ی ویت پایچم نه‌پێچیۆ شه‌و به‌ پاته‌وه‌ با قه‌د سه‌ر نه‌نیه‌ی وه‌بان سه‌رینم (( من مڎەوش به‌تۆ گیانی شیرینم)) ئینه‌ سیاوچه‌مانێوی کویسانیا ، چی دورۆ تۆ گۆشده‌ دلێ ژێڵێنه‌ په‌یت ماچونه‌، سه‌رشین گیان سه‌ره‌و من چه‌رمه‌بی و، تۆهه‌ر نامای نا که‌تۆ نه‌ی، من ده‌رده‌ دڵ په‌ی کێ که‌رونه‌؟ بیمانایێوی گۆره‌ن ژیوای تۆ گۆرانیی واچینه‌و که‌سێ نه‌بۆ واچۆنه‌ گیاننننننن ((که‌وتونۆ به‌ینما کوانی لهۆن نیا ڕای عبور، مه‌ر به‌ ته‌له‌فون)) گیان له‌یل