Anadili

اومید یئری قولاق ائشیتمیرسه آغیز دئیه‌نی نئجه دانیشاسان، ائشیدیله‌سن؟ نه یاخشی هئچ کسین خبری یوخدو هئچ کس ده بیلمیر کی ساغسان هله سن دونن دؤرد یانینی کسن‌لر بئله ایندی ائله بیلیر، سن داها یوخسان دونن سندن قورخوب اسن‌لر بئله ایندی ائله بیلیر، سن داها یوخسان آما نه یاخشی کی، سن هله وارسان سن هله دیریسن بو یئر اوزونده اومیدین هر یئردن اوزولنده ده بیر اومید یئری‌سن بو یئر اوزونده دونیادان سن نئجه بئزه‌سن آخی؟! هله یازیلمایان واراقلارین وار بیر قوجا آغاجا بنزرسن آخی! هله بار گتیرن بوداقلارین وار گؤرموسن، گووه‌نیب یارپاقلارینا کؤلگه‌ن‌ده اوزانیب یاتانلاری دا سونرا دا اویانیب، بوداقلارینا یئردن داش گؤتوروب آتانلاری دا آمّا بار وئرمکدن بئزمیرسن یئنه هئچ کسدن اینجیییب-کوسمورسن یئنه آدام، بارماغینا تیکان باتاندا چیچکدن کوسورمو، سن ده کوسه‌سن؟ آغاج، بوداغیندان یارپاق قوپاندا کولَکدن کوسورمو، سن ده کوسه‌سن؟ سن بیر آغاج کیمی بوداق-بوداقسان کیمینه آچیلان یاشیل قوجاقسان کیمینین ائوینده یانان اوجاقسان فرقی یوخ، لاپ الی بالتالی اولسون کیم سندن نه قیریب آپاراجاقسا قوی ائله بو باشدان حالالی اولسون! رامیز رؤوشن @SheirOcagi @Axaaq

من سنین اولدوم دالغا دنیزین‌دی، چیچک چمنین روح جانین پایی‌دی، نفس بدنین میلّت شاعیرین‌دی، شاعیر وطنین نه یاخشی، نه یاخشی من سنین اولدوم! قانیم نسلیمین‌دی، جانیم تورپاغین مؤحتاجی دئییلم بئش آرشین آغین یاشیل آغاجیندا یاشیل یارپاغین ساری سونبولونده بیر دنین اوللام آرایا اوچوروم، دره سالمادی خئیره یول گؤستردی، شره سالمادی یارادان، سؤزومو یئره سالمادی وطن دئیه-دئیه وطنین اولدوم زلیمخان یعقوب @Axaaq

سؤیله حوسئینه، ائی صبا، کرب‌و‌بلایا گلمه‌سین! گلسه دوشر بو دشتده درد و بلایا؛ گلمه‌سین! سؤیله‌گینن گتیرمه‌سین کوفه‌یه نازلی اکبری! ظولم ایله قانینا باتار طُرّه‌ی مُشکِ عنبری بلکه فیرنگه‌تک آپار جمله‌ آلِ حئیدری ذبحِ عظیم اوچون بو گون کوهِ منایا گلمه‌سین! سؤیله گتیرمه قاسم'ی، قاتیلی ائیله‌ییر شتاب! تویدا اولور یقین اونون قانینا اللری خضاب گؤرمه روا کی شمرِ دون دین ائوین ائیله‌سین خراب! رحم ائله‌‌سین او زینبِ بختی‌قارایا، گلمه‌سین! گلمه‌یه یوخدو فورصتیم، قان ایله نامه یازمیشام اؤلدوره‌جکدی مسلم'ی کوفه‌ده فرقه‌ ظولام قارداشینین اوزون قولو گؤرمه روا اولا قلم! باجیلاری آیاق‌یالین، دشتِ بلایا گلمه‌سین! یئتسه اگر خبر سنه: اؤلدو بو مُسلمِ عقیل ابن زیاد نعشیمی گرچی ائدیبدی چوخ ذلیل غُسل و حنوط اولمادی، اولدو قناره‌ده قتیل ایسته‌میرم، عیالینی قویما، عزایا گلمه‌سین! بادِ خزان اسر سنین غؤنچه‌صیفت عیالینا رحم ائله یاوَریم حسین، قاسمِ خوش‌‌مقالینا! جام تصدّق ائیله‌دیم اکبرِ مه‌جمالینا ساغ اولا اول امام حسین، غم اُسرایا گلمه‌سین! سؤیله عم‌اوغلوما منِ بیکسی ائیله‌سین حلال! عرضیمی بیربه‌بیر ائله، آلِ عبایه شرحِ حال! ایکی آچیلمامیش گولوم کوفه‌ده زار و دل‌ملال قالدیلار؛ اکبر ایله اول قاسم هارایا گلمه‌سین! حسرتم اول جمالینا، آه چکیم بو سینه‌دن کوفه‌ده واردی قاتیلین، گلمه حزین مدینه‌دن! قویما یئتیم خدیجه‌نی آیری اولا سکینه‌دن باشینا ال چک، آغلاییب شور و نوایا گلمه‌سین! سؤیله اونون آناسینا باشینا قارا باغلاسین ایکی بالادان آیریلیب، کون و مکانی داغلاسین! توتسا عزا، خدیجه‌دن سؤیله کی گیزلی آغلاسین بلکه یئتیملیگین توزو ماه لقایا گلمه‌سین! فاطمه‌نین کنیزی، بو قصّه‌نی ائیله کیم تامام! بیر-بیره دَیدی مرد و زن، شوره گلیبدی خاص و عام. نؤوحه ائدر بو "ناتوان"، روز و شب آغلایار مودام تاپماسا بیر درِ نجات، دارِ بقایا گلمه‌سین! خورشید بانو-ناتوان @SheirOcagi @Axaaq

ایمکان وارسا کئیفله‌ یاشا الدن وئرمه گؤدک عؤمرو نه تئز گلیر نه تئز گئدیر سانکی قووور کولک عؤمرو دئدیم عؤمور! گئتمه، دایان یاشاماقدان کیمدی دویان؟! قانون یازیب قرار قویان مین یازایدی گرک عؤمرو خالیق سنی خلق ائدنده نه وئرمیشدی یازیق بنده! خرجله‌ننده، توکه‌ننده گئدک کیمدن آلاق عؤمرو؟! سکسن یاشا کیم راضی ایمیش‌ اینسان عؤمرو چیچک عؤمرو حیاتیمیز نه آجی ایمیش اینسان عؤمرو، چیچک عؤمرو گیلئیلی بئیلر گئتمه گؤزدن داستان یازیب یارات سؤزدن آخیر اول آلار بیزدن بورج وئریبدی فلک عؤمرو سؤز:؟ سس:پونهان ایسماعیللی @Axaaq

بیر گؤزلرین آخشامینا قوناغام کی دئمه‌یه گلمز! داییما چالار داییما اوخویار ایچر ایچر و سونوندا قایتارار دا ایشیغی صاباحا گونه آیدین دئمه‌یین خاطیرینا. چالار دا موزیسیینلر اوخویار دا موغننی‌لر ایچر ده گؤزلرین قاراسینا دوداقلارین چئهرایی دوغاللیغی سئودالارا هوپوزدورار اوره‌یین یومشاق یئرینی آاااه گؤزلرین آخشامی! آخشامین سئودالیسی... هر گؤزون اؤزل آخشامی اولور تخمین ائده بیلمز کیمسه اوندا نه‌لر نه‌لر اولور بئله! هر ائوده گؤمولموش بیر گئجه هر گئجه‌نین مزاریندا سئویشن روحداشلار، روحداشلارین ازیلمیش بوی چکریندن سیزان آغری دامیر حیاتین گئرچک ساییلان یالان قاتینا بو آرادا اولماسا اوره‌یین باخار گؤزلری و گؤزلرین آخشامی و آخشامین سئودالیسی قانینا باتار حاقی حیاتین... حکیمه باباکشی زاده-نغمه @Axaaq

دنیز یاخشی دنیزدیر گیردیک سویا سئوینجک چیمدیک قوما اوزاندیق آتام سؤیله دی:گئدک بسدیر گونشده یاندیق دئدیم:سولار تمیزدی نارین قومدا آغ آپباق دنیز یاخشی دنیزدیر اؤزوموزله آپاراق 2 سحر سحر باغچادا بیر سئرچه دن یئییردی هردن باخیب اوزومه جیک جیک جیک جیک دئییردی او یئدی دویدو قاچدی بیردن ایتدی گؤزومدن بس او بالاجا سئرچه هارا گئتدی گؤزومدن چوخ چاغیردیم گلمه‌دی توتدو آغلاماق منی بیردن کولون دالیندان اوچان گؤردوم سئرچه نی او اوچدو اوچدو اوچدو قوندو یاشیل بوداغا ها چاغیردیم گلمه‌دی اوچوب گئتدی اوزاغا تیمور ائلچین کؤچورن:بهروز صدیقی @tonqal2 @Axaaq

سن گیزلی گلمیشسن عؤمرومه اینان بو گیزلی عشق‌ایله یاشایاجاغام دونیانین اَن آغیر یوکو ساییلان گئجیکمیش محببت داشییاجاغام سن منیم عؤمرومده آچان چیچکسن اونو اوره‌ییمده بسله‌یه‌جه‌یم سن منی هئچ زامان گؤرمه‌یه‌جکسن من سنی هر زامان گؤزله‌یه‌جه‌یم اوزاقدان گؤز قویوب گؤزونه سنین سانکی گؤره‌جه‌یم آللاهیمی من دوشوب قاریش-قاریش ایزینه سنین ازبر‌له‌یه‌جه‌یم یوللارینی من سنی ذرره-ذرره کشف ائده‌جه‌یم سنی میلیون کره‌ کشف ائده‌جه‌یم هر گون آدینلا باشلایاجاغام هر گون آدینلا بیتیره‌جه‌یم سنی رؤیالاریمدا اوخشایاجاغام سنی خیاللاریمدا ایتیره‌جه‌یم سن منی هئچ زامان دویمایاجاقسان من بوتون عؤمرونو ایزله‌یه‌جه‌یم سن منه محل ده قویمایاجاقسان من سنی هر زامان سسله‌یه‌جه‌یم هر گون منیم اوچون دوغولاجاقسان هر گون منیم اوچون یوخ اولاجاقسان منیم سئوینجیم ده سن اولاجاقسان منیم کد‌ریم ده سن اولاجاقسان من سنین آدینا هر ساعات هر آن قلبیمده مکتوبلار یوللایاجاغام سن هئچواخت فیکریمدن چیخمایاجاقسان من هئچواخت یادیندا قالمایاجاغام سن منه حیاتدا ان دوغما آدام من سنه یاددان دا یاد اولاجاغام سن عؤمر ائده‌جکسن آیری آداملا من کیمم نئچه‌یم بیلمه‌یه‌جکسن بیر گون بو دونیادان سنین آدینلا کؤچوب گئده‌جه‌یم بیلمه‌یه‌جکسن جابیر نووروز @Axaaq

چایلار سوسوز قالانماز بدن روحسیز قالانماز اورک بیرین ایسته‌سه اوندان آیری قالانماز بایاتی @Axaaq

‍ سنی اونوتماقدان اؤترو ان دؤزولمز آغریلارا آجیلارا تاب ائدیرم شیطاندان اومید اومورام ایبلیسه خیطاب ائدیرم اوره‌ییمین آل قانینی دؤنده‌ریب شراب ائدیرم باشیما چکیب ایچیرم سنی اونوتماقدان اؤترو آرزومو کسیب بیچیرم سنی اونوتماقدان اؤترو رؤیالارا مئیل ائدیرم بلکه یادیمدان چیخاسان گؤزلریمی قیرپان تکی گؤرورم منه باخیرسان سن حقیقتین اؤزوسن یا خیالیسان، یوخوسان؟ قابیق وئریب دَییشیرم سنی اونوتماقدان اؤترو اؤز-اؤزومله دؤیوشورم سنی اونوتماقدان اؤترو کؤکسومو جیریب آچیرام آیریلیغین کوله‌یینه بوتون کئچمیش کئچنلری خلبیرله‌ییب اله‌ییرم بو دونیانین دردلرینی اله‌ییرم اوره‌ییمه قاشیق-قاشیق ایستیودو اَنده‌ریرم خؤره‌ییمه آجی-آجی گولوشورم سنی اونوتماقدان اؤترو هیجران ایله اؤپوشورم سنی اونوتماقدان اؤترو آی‌لا هم‌فیکیر اولورام اوزون-اوزون گئجه‌لری گوندوزلری ساغا-سولا هئی اؤلچورم کوچه‌لری اوتاغیمدا گیزله‌نیرم سیندیریرسان پنجره‌می عونوانیمی دَییشیرم سنی اونوتماقدان اؤترو داها نه یوللار دوشونوم سنی اونوتماقدان اؤترو؟! چؤزه‌له‌نیر خاطیره‌لر کؤنلوم، روحوم غوبارلانیر عاریم دورور عصبله‌نیر ائنیر قالخیر دامارلاریم سو وئریرم مئیوه‌لره میخ ویریرام دیوارلارا ظولمت قویویا دوشورم سنی اونوتماقدان اؤترو سینه‌می سؤکوب دئشیرم سنی اونوتماقدان اؤترو ایش اولمویان یئرده بئله اؤزومه ایش گؤردورورم قیشدا قار تمیزله‌ییرم یای‌دا میلچک اؤلدورورم بوتون سِئی رقیبلری اؤز اوستومه گولدورورم هئی حالدان حالا دوشورم سنی اونوتماقدان اؤترو اوره‌ییمله اؤتوشورم سنی اونوتماقدان اؤترو سندن غئیری نه وورغونام نه مؤحتاجام کیمه ایسه سندن غئیری اولماسا دا احتیاجیم کیمه ایسه ایسته‌ییرم، اوره‌ییمی قصداً آچیم کیمه ایسه یالاندان عشقه دوشورم سنی اونوتماقدان اؤترو ملک‌لرله اؤپوشورم سنی اونوتماقدان اؤترو گؤزومدن چتین چیخاسان گؤزومه قور دولمایینجا جانیمدان چتین چیخاسان جانیم راحات اولمایینجا سون اومیدیم، سون پناهیم او دونیایا قالیب آنجاق بو دونیامی دَییشیرم سنی اونوتماقدان اؤترو اؤلومه ائلچی دوشورم سنی اونوتماقدان اؤترو جابیر نووروز @SheirOcagi @Axaaq