{هیلانەی دڵ} وە ستا ڕۆسته م قه ڵاڕه شی

‌ ‌ لە وەتی هەم ــــــــــــــــــــ لە وەتی هەم لە گێژاوی خەمان دام لە بن گیرەی فەقیر کوژی زەمان دام هەتا ئێستا کەسێ بیری نەکردووم لە هەڵدێری چڕی مان و نەمان دام چەما پشتم کزە سۆمایی چاوم وەکو پووشێ لە نێو وەرزی خەزان دام هەموو وەرزم سڕ و سەرما و کڕێوەن بەهاریش هەر لە باکووت و چلان دام بە دەستی یار نەیار خۆش بوو بە حاڵم بە ڵام ئێستاش لە گاگۆڵکە و تلان دام دڵۆپێ شەونمی شادیم نەدیوە لە پێش هوروژمی لافاوی کەلان دام منی "وەستا"دەبێ هەویام بە چی بێ زەمەن دۆخی چەتوونی پێ نیشان دام "وەستا"قەڵاڕەشی 30 ی بانەمەڕی 1400 لینکی کاناڵ @wastarostamqalarashi

‌ ‌ ‌ جێژنە هات ـــــــــــــــــــــــــــ جێژنە هات دیسان لە لای من شین و گریەو ماتەمە گشت خەڵک شادو بە کەیفن قسمەتی من هەر خەمە شاد و ڕووخۆش دادەنیشن هەر هەموو جیران و دۆست چاو دەگێڕم خوانی ئێمە چەند عەزیزێکی کەمە سێ پەپوولەم وان لە باشوور یەک لە دووری و هەندەران بێ ئەوانیش جێژن و خۆشیم ناتەواو و ئەستەمە چار نە ماوە جێژنی ئەم ساڵ بێ ئەوان بەرپا دەکەم مەینەتی دنیا گەلێکن پڕ لە ناڵە و هەم هەمە وێنەیان دانێم لە لای خۆم جێی ئەوان پڕکاتەوە هەر ئەوەش ئیلهامی داوە شۆقی شێعر و بەستەمە هەڵمەت و ئارام لە لایەک چۆلە دەور و پشتی من مەرزیەم دور و ئەیانیش هێزی ئەژنۆ و جەستەمە هاکە ڕۆژێ بێنە دەورم دابنێشین بێ خەیاڵ شاد و ڕوو خۆش دوور لە ماتەم، چاوەڕێی ئەو کاتەمە من کە "وەستا"م بوومە پێشەنگی هەموو خەمبارەکان لەو گرووپەی بوومە ئەندام گێژ و وێژ و خەستەمە "وەستا" قەڵاڕەشی 22ی بانەمەڕی 1400 لینکی کاناڵ @wastatostamqalarashi

‌ ‌ جێژنە پیرۆزە ــــــــــــ بەخت و ئێقباڵم کەمی هێناوە باخ و بێستانم پرش و بڵاوە جێژنم ناخۆشە زۆر تاڵ و تفتە جێژنە پیرۆزە وتێکی مفتە پە پوولە کانم لە دەورم دوورن یەک لە هەندەران ،سێ لە باشوورن دیارنین لە دەورم ، بۆ خوانی جێژن کاسەی مەراقی دووریم بڕێژن دەست کەمە مل یان ، بۆ دڵ نەوایی لە یەکتر بکەین گردن ئازایی "وەستا"قەڵاڕەشی 23ی بانەمەڕی1400 لینکی کاناڵ

‌ ‌ جێژنە هات ـــــــــــــــــــــــــــ جێژنە هات دیسان لە لای من شین و گریەو ماتەمە گشت خەڵک شادو بە کەیفن قسمەتی من هەر خەمە شاد و ڕووخۆش دادەنیشن هەر هەموو جیران و دۆست چاو دەگێڕم خوانی ئێمە چەند عەزیزێکی کەمە سێ پەپوولەم وان لە باشوور یەک لە دووری و هەندەران بێ ئەوانیش جێژن و خۆشیم ناتەواو و ئەستەمە چار نە ماوە جێژنی ئەم ساڵ بێ ئەوان بەرپا دەکەم مەینەتی دنیا گەلێکن پڕ لە ناڵە و هەم هەمە وێنەیان دانێم لە لای خۆم جێی ئەوان پڕکاتەوە هەر ئەوەش ئیلهامی داوە شۆقی شێعر و بەستەمە هەڵمەت و ئارام لە لایەک چۆلە دەور و پشتی من مەرزیەم دور و ئەیانیش هێزی ئەژنۆ و جەستەمە هاکە ڕۆژێ بێنە دەورم دابنێشین بێ خەیاڵ شاد و ڕوو خۆش دوور لە ماتەم، چاوەڕێی ئەو کاتەمە من کە "وەستا"م بوومە پێشەنگی هەموو خەمبارەکان لەو گرووپەی بوومە ئەندام گێژ و وێژ و خەستەمە "وەستا" قەڵاڕەشی 22ی بانەمەڕی 1400 لینکی کاناڵ @wastatostamqalarashi

‌ بزەی لێو ــــــــــــــ تا وڵاتم ئاسەواری زام و خوێنی پێوەبێ ! زەحمەتە بستووی ژیانیش بانگی خۆشی لێوەبێ تا لە تەم دا دوندی بەرز و هەڵپەسێری نێشتیمان چۆن بگێڕم بەزمی شادی یان بزەم لەو لێوە بێ ؟ "وەستا" قەڵاڕەشی 27 ی خەرمانانی 1399 لینکی کاناڵ @wastarostamqalarashi

‌ هەل پەرستان ــــــــــــــــــــــــ هەل پەرستان دادەنێن بۆسەو کەمین ! ڕادەسێن گەر تێک بدەن ڕێکاری ژین هاتە ناو کۆمەڵ هەزار دابی خەراب لەق کراوە کۆڵەکەی شادی و ئەوین سەت دراما دادەنێن تیوی و کەناڵ پڕ لە دابی نالە بارو ســــەر سەرین ! قەت مەکەن پەیڕەو لە ئاکاری دزێو هەر لە سەر یاسای فەرەنگی گەل بژین سوودی نابێ ڕێی ئەوانە تا ئەبەد بوونە مۆرکانەی گەلانی سەر زەمین چاو بگێڕن لێک وەکەن باش و خەراب نەنگە بۆچی هەر بە فیتوو هەڵپە ڕین باوە بۆمان کورد و مەردی تا هەبین دوور لە زیللەت هەر بە سەر بەستی دەژین "وەستا "قەڵاڕەشی 8ی بانەمەڕی 1400 لینکی کاناڵ @wastarostamqalarashi

‌ پەرێشانی ـــــــــــــــــــــــ پەرێشانی ئەوینێکم نە دیتوومە نە دەیزانم مەکەن لۆمەم کە جۆگەی بەست بە خوڕ فرمێسکی چاوانم بە ئاوری ئەو ئەوینەی وا دەبرژێ گۆشت و ئێسقانم وەکو دەروێش لە بێ ماڵی جبەو کەشکۆڵ لە سەر شانم بزر بوو لێم بزەو شادی بە دایم چاو بە گریانم تەلەسمێکە سەرنج ڕاکێش لە ناو پەڕ تووک و دیوانم مەکە یاری بە هەستی من لە بەر پێت قۆجی قوڕبانم هەدا نادەم بە ڕۆژو شەو لە بێ تۆیی پە رێشانم "وەستا"قەڵاڕەشی 12ی بانەمەڕی 1400 لینکی کاناڵ @wastarostamqalarashi

‌ هەل پەرستان ــــــــــــــــــــــــ هەل پەرستان دادەنێن بۆسەو کەمین ! ڕادەسێن گەر تێک بدەن ڕێکاری ژین هاتە ناو کۆمەڵ هەزار دابی خەراب لەق کراوە کۆڵەکەی شادی و ئەوین سەت دراما دادەنێن تیوی و کەناڵ پڕ لە دابی نالە بارو ســــەر سەرین ! قەت مەکەن پەیڕەو لە ئاکاری دزێو هەر لە سەر یاسای فەرەنگی گەل بژین سوودی نابێ ڕێی ئەوانە تا ئەبەد بوونە مۆرکانەی گەلانی سەر زەمین چاو بگێڕن لێک وەکەن باش و خەراب نەنگە بۆچی هەر بە فیتوو هەڵپە ڕین باوە بۆمان کورد و مەردی تا هەبین دوور لە زیللەت هەر بە سەر بەستی دەژین "وەستا "قەڵاڕەشی 8ی بانەمەڕی 1400 لینکی کاناڵ @wastarostamqalarashi

‌ ‌ گوڵ و ئاونگ ـــــــــــــــــــــــ نە ئاونگ و نە شەونم ما نە باران گوڵی ساڵ و بەهارێکی نەزۆکم نەما شۆقی سروشتی نەو بەهاری منیش بێ ئاو چەماوم تاکو چۆکم خڕو جۆگە خوڕەی ئاوی نەماوە لە کردەی حەق سەرم سوڕ ماوە شۆکم "وەستا"قەڵاڕەشی 26 ی خاکەلێوەی 1400 لینکی کاناڵ @wastarostamqalarashi

‌ نەیار ـــــــــــــ من لە دست ئەم دەورە تاڵە نابەزم قەت لە ئەسپی بای خەیاڵ دانابەزم هەر دەمێکی ژینی من یەک مردنە چۆن ئەسیرو بەندی دەستی ناحەزم "وەستا"قەڵاڕەشی 22 ی خاکە لێوەی 1400 لینکی کاناڵ @wastarostamqalarashi