She'r sehri

"Kitob ko‘targan odam"da adabiyotimiz va matbuotimizning otaxon nashri — "Sharq yulduzi" jurnali haqida gaplashamiz. Suhbatdosh: jurnal bosh muharriri Sirojiddin Rauf.

23-iyun, Seshanba, Soat 20:40 da "Mahalla" telekanalida ko‘ring.

Bizning sahifalar: Telegram | Instagram | Youtube

Янги китоб ТУНГИ СУҲБАТЛАР Рустам Эминнинг “Тунги суҳбатлар” номли ушбу шеърий тўплами шоирнинг ўзлиги, борлиқ ва Яратган билан олиб борган руҳий мулоқотларининг маҳсулидир. Китобда лирик қаҳрамоннинг пинҳона изтироблари, қалб поклиги йўлидаги тинимсиз изланишлари ҳамда инсон руҳиятининг мураккаб қирралари ўзига хос рамзлар ва бадиий образлар орқали ифода этилган. Тўпламда шоирнинг ижтимоий қарашлари ва ватанга бўлган оташин муҳаббати ёрқин акс этган. Унда ўзбек деҳқонининг заҳматли меҳнати, қишлоқ ҳаётининг ҳаққоний манзаралари ва миллат дардига дахлдорлик ҳисси баланд пардаларда куйланади. Рустам Эмин ўз ижодида анъанавий шеърият услубларини янгича талқин қилиб, ҳар бир мисрада тилнинг ўткирлиги ва руҳнинг бутунлигини намоён этади, бу эса “Тунги суҳбатлар”ни замонавий ўзбек шеъриятининг самимий ва залворли намуналаридан бирига айлантиради. 📝 Муаллиф: Рустам Эмин 🗞 Ношир: Aҳмад Тўра ✏️ Mуҳаррир: Aҳрор Aбдуманнон 🗞 Нашриёт: "Ijod Nashr" 📍 Aдади: 100 📚 “Ijod Nashr” PR xizmati

Turkiylarning buyuk imperiyalari qanday qurilgan va nega parchalangan? “O‘zlik” loyihasining navbatdagi ochiq darsiga taklif etamiz! Bu galgi suhbatdoshimiz — taniqli tarixchi, olim G‘aybulla Boboyor. 🐺Mavzu juda dolzarb va qiziqarli: “Turkiy davlatchilik: qurilish va parchalanish sabablari”. Tariximizning eng muhim burilish nuqtalari, buyuk imperiyalarning yuksalish omillari hamda ularni inqirozga yetaklagan sabablar haqida ochiq muloqot va qizg‘in bahs-munozara olib boramiz. 🗓 Kuni: bugun – 18-iyun kuni ⏰ Vaqti: soat 19:00 da 📍 Manzil: Renessans kino uyi Kirish barcha uchun erkin. Keling, o‘zligimizni birga anglaymiz! Rasmiy sahifalarimiz👇 Telegram | Instagram | X | YouTube

*** Bu shaharning devorlari mo'l, Bu dunyoning yo'llari dovli. Uch tomonga boshlab ketar yo'l Men, Suhrob va ko'ngil uchchovni. Ko'zlarimni yumdim... va xayr, Endi uzun bir she'r aytaman. Birlashmasa agar bu yo'llar, Men o'zimga qanday qaytaman?! S.Z. @suhrob_ziyo1

Актёр ҳам шеърий завқи баланд йигит экан, сўзни ҳис қилади, шоирнинг ожиз нуқталарини ҳам билади. Айнан шу оғриқларни у билиб туриб қўзғайди, ковлайди...Миллат умиди бўлган ёшлардан бири. Ижодий кайфият ёр бўлсин, сўздан йироқлашиб кетмасин! Дадахонинг шеърлари... Бугуннинг лирик тафаккури, эстетик қиёфасини ўзида жамлайди. Образлар — кутаётган ва кутилаётган умид! Шоир шеъри орқали замонинг талабини айтди, иқрор берди. Талаб ўзига нисбатан қўйилгандай, аммо назаримизда бу замонга, даврга, тенгдошларига қўйилган талаб. Шоир сен кимсан, мақсадинг не, ҳолинг не... Шаҳарга неларни кўзлаб келгандинг, йўлдан адашиб чалғимадингми... элнинг корига яраш, миллатнинг маърифатига дахлдорлик туйғусидан сўзлайди. Дадахон илмий иш қилмоқчи бўлганда жуда кўп иккиланганди “Шеърият ҳақида илмий иш қилсам, шеър ёза олмай қоламан” деганди. Яхши иш ёзилди. Шеърчи, шоирчи... Кеча ўша шоирни кўрдим, бу навбатдаги қаҳрамон! Насиб, шоир яхши шеърлар ёзилади, иншаоллоҳ! Санобар Тўлаганова, профессор. 10.06.26.

ПИЧИРЛАБ ШЕЪР ЎҚИËТГАН АËЛ Куни кеча Дадахон Муҳаммаднинг шеърият кечасига бордим.Мутоала лойиҳаси асосида ташкилланган. Одамларнинг жим туриб шеър эшитишини кўрдим. Эй, художоним, одамлар шeърга, сўзга айланиб шеър эшитди. Шуйтса ҳам бўларакан-ов! Диққати бўлинмай, телефон ковламай шеър эшитаётган ёшларни кўриб тўлқинландим. Кўзларидаги умид ва соғинч туйғулари одамни ҳаяжонлантиради. Ким ёки нима уларни бугун сомъе бўлишга мажбурлади. Уларни кимдир йўқлама қиладими? Балки, кимлардир шоирнинг кўнгли учун боргандир... Улар орасида ёш шоирлар ҳам борки, “қани қўлингдан нима келади” деган иддаони кўзидан сезиш қийин эмас. Биз ундайлар деб ўйламаймиз, ундай бўлмади. Кўнгил куйига қулоқ тутганлар, сўзни қадрлаганлар, шеърни арзитганлар жам бўлишди. Шоир ва жимлик. Шеър ва руҳлар учрашуви! Айтмоқчи бундай давралар бугун кўп такрор ташкил этилмоқда. Суҳроб Зиё ҳам саҳналаштирган эди, бора олмагандим, афсусдаман. Шаҳриёр ва Нозиманинг (жуфтликни суқ назардан, ҳасадддан ЎЗи паноҳида асрасин, дуодаман) байрамига бора олмагандим, янам алам қилди. Жонтемирнинг кечалари ҳақидаги хабарларни файзибоғда кўриб тураман, борганлар мазза қилганига ишонч ҳосил қилдим. Бугуннинг авлоди шеър ўқишдан ийманмайди, тортинмайди, сўз кутиб ўтирмайди, баланд овозда ишонч билан шеър айтади. Ишончнинг илдизи қаерда нимада? (Насиб, бир тадқиқот мавзуси бу ҳам!) Улар дунёни, миллатни сўз орқали янгилаш умидидан қувват олади адашмасам...Илоҳим, ниятига етишсин, миллий тафаккурнинг янги бир босқичидан хабар бу тебранишлар, адабий иқлимга янги овоз, янги созлар қуллуқ бўлсин! Кечадан икки хил завқ олдим: 1. Муаллиф ижросида шеърни эшитиш. 2. Давра аҳлининг шеърни қабул қилишдаги руҳий ҳолати. Руҳлар қониқиш ҳосил қиладиган шеър кечаси. Кўпроқ кейингисидан таъсирландим. Ëшлар шеъри соғиниб эшитишди, худди излаганини топиб олгандай бўлиб қувониб эшитишди. Эй, худо одамларнинг диққатини жалб этишдан қийин иш борми, янаям ўзи ҳоҳлаб, ўзи истаб борса. Одамларни кузатиб шеър байрамининг қаҳрамонини ҳам топгандай бўлдим. Борганлар билар, бормаганлар эшитсин. Кечада ёш болаларнинг йиғиси, хархашаси эшитилиб турди. Бу кимларгадир ёқмаслиги мумкин. Нима бор ёш бола билан, деб ижирғаниши ҳам мумкин. Аммо мен бола кўтариб маърифий кечаларга борган аёлни миллат оналари деб биламан. Энг қизиғи, қўлида бола кўтарган аёл Дадахон ўқиётган шеърларни пичирлаб такрорлаётганди. Қўлида болакай, пичирлаб шеър ўқияпди. Шоирга яна нима керак. У билан бирга шеър ўқиётган мухлис. Бундан гўзал саҳна борми? Шу болага ҳавас қилдим. Умид қилдим. Ишондим. Саҳна. Шеър бағрида улғаётган гўдак! Шеърият байрами, ўтирганларнинг кўпчилиги ёшлар. Балки улар устозлари томонидан зўрлаб олиб борилгандир, зотан ҳеч ким жойини тарк этиб кетганини кўрмадимда... Ажиб сукунат. Ботинда кечмиш туйғулар ҳақида кўзлар сўзлайди. Дадахон чин ошиқ? лирик шоир экан! Шеърларида ижтимоий оҳанглардан кўра ошиқликнинг дарди кўпроқми, армонга айланган туйғулар изтиробими, исёними, ўзини ўзи тергаши, маломат қилиши... ишқилиб дардга кўмиб ташлади, энг қизиғи шеър дарди, сизни енгиллаштиради, дарддан фориғ бўласиз. Адабиётнинг улуғ қонунияти, руҳни тозалаш, унинг овозини эшитишга ва эшиттиришга уриниш! Чанқовуз чалган шоир! Сўзда айта олмаган, айтиб бўлмайдиган оҳларини созда айти-ёв... Нолалар Алпомиш оҳларига, Қалдирғоч қайғусига уланди, шоир “ўз” дардидан тошиб, эл дардига ошди. Кеча жуда пухта асос билан ташкил қилинган. Айтмоқчи, яна бир қаҳрамон бор. Бу Ўлмас! Имон, виждон! Шоирга савол берган, уни кузатган, назоратига олган Имоннинг овози! Шоир ва Виждон иккилиги! Маддоҳларга сўз бермаслик, имонни шуҳратга, амалга алиштирмаслик умиди... Кўпчилик ҳақиқатдан қочади, унга бўй бергиси келмайди...шоир эса у билан юзма юз турибди, сўровга шеър билан жавоб излайди, баъзан ўзини кўндиради, баъзан эса сўз йўқ, скунат...Қизиқ топилма! Дадахонинг диди, савияси, сўзга маъсуллиги саҳнадаги ҳолат ва ҳаракатда очиқроқ кўринади

Нега таржима қиламан? Адабиётни эркаклар ва аёллар ижоди деб алоҳида ўрганиш керакми? Аёллар овози баландроқ яйрай бошлади - улар ичкаридаги ҳисларни ошкор этишга қандай куч топди? Оила қуриш ижодга ҳалал берадими? Уйда китоб ёзиб бой бўлиш мумкинми? Нега шеърий китоблар кам сотилади? Нашриётлар маҳаллий муаллифлар эмас, таржима асарларга кенг ўрин ажратиши сабаби? Жаҳон аудиторияси ҳозир нимани ўқияпти? Саёз ва савияли асарни ким ажратиб беради? Адабий агентлар зарурияти Болага фантастика керак Тан олиниш минбаримиз қаерда? Яхши асарлар - оммабоп асарларми? Шахсият муҳимми ёки ижод маҳсули Аёл ижодкорлар бир бирини қўллайдими? Кўриш: https://youtu.be/sPbiumFFKho?si=oh58MkFRR1ahqAxP

Бугун, 18:00. Келаверинг. Ҳеч кимга алоҳида таклифнома юбормадик. "Мен айтилмаган эканман" деб ўйламанг. Шеърий кеча — спектакль — китоб тақдимоти — китоб улашиш, ҳаммаси биттада...

😊 Yozning eng issiq ijodiy kechasiga marhamat! 🔥 Oʻzbekiston Yoshlar ishlari agentligi “Mutolaa” loyihasi hamda O‘zbekiston Milliy kutubxonasi hamkorligida “Kechikkan yo‘lovchi” nomli teatrlashtirilgan nazm kechasini taqdim etadi. ⚡️ 10-iyun sanasida tashkil etilayotgan ijodiy kechamiz uning qahramoni shoir Dadaxon Muhammadiyev, hamda maxsus mehmonimiz shoir va aktyor Erkin Bozorov ishtirokida boʻlib oʻtadi! Tashrif buyurgan kitobxonlarga kitoblar sovgʻa qilamiz. 10-iyun, 18:00 da Alisher Navoiy nomidagi Oʻzbekiston milliy kutubxonasida barcha kitobxonlarni kutib qolamiz! Mutolaa ilovasini yuklab oling

ХАТ-ХАБАРСИЗ ЙЎҚОЛГАНЛАР Чуқур шаҳар Либослар кўргазмаси. Мосроқ тушса Тўғри келмас. Қирлар, даралар Буёғи тоғ, у ёғи ҳам Ўртада оппоқ дарё. Хилват чанглари қалинлашади.

Суҳбат денгизнинг тинчиши Сураткашнинг нигоҳига сиғмайди— Унинг бор уйдирмалари Охирги бекат. Денгизнинг тинчиши суҳбат.

САФАР Қуёшдан қақраган лаб, Кўк қир. Абадий денгиз. Қуёш ботар, пода қайтар, Супада азиз меҳмонлар... Денгиз ва осмон туташган жой Юрагингнинг лаби. Қуёш нури Денгиз шамоли Қақраган лабда туз тиғлари.

*** Қайларгадир кетмоғим керак, Ўзни тафтиш этмоғим керак, Жон бўғзимга тиқилиб қолган – Дийдорингга етмоғим керак. Охирига етмас йўлдайман, Минг йиллардан буён тўлмайман, Бугун гўё энг сўнгги кундай, Эрта борми-йўқми, билмайман. Кўкрагимда ҳолсиз бир каптар, Тақдир – ёзув тўлмаган дафтар. Кўзларимга қасд қилган каби Хиралашар дунё ҳам баттар. Кўзларингни кўрмоғим – таскин, Ёнингда жим турмоғим – таскин, Сўнгги дамда пойингга чўкиб Қўлларингда ўлмоғим – таскин. Аммо жонинг чиққунича то – Жим кўникиб кетмоқ ҳам хато. Суянмоққа муҳтожлар ҳаққи Бу елкага куч бер, ё Худо!.. ©️Дадахон Муҳаммадиев @dadaxonmuhammadiy

#xalqaro_anjuman 📚 Adliya vazirligi huzuridagi “Adolat” milliy huquqiy axborot markazida 2026-yil 18-iyun kuni “Sun’iy intellektni huquqiy tartibga solish: global tajriba va milliy yondashuvlar” mavzusida Xalqaro ilmiy-amaliy anjuman o‘tkaziladi. 🇺🇿 Anjuman axborot xati 🇷🇺 Информационное письмо 🇺🇸 Information letter ✅ Anjumanda ishtirok etishni xohlovchilar maqolalarni 2026-yil 15-iyun kuniga qadar ushbu manzilga yuborishingiz so‘raladi: 👉 Telegram guruh 👈

*** Ismingni hovuchlab to'kdim duoda, Yaxshiyam ishq bordir, Tovbaga homiy... Shundog'am gunohga botgan dunyoda, Seni adashtirsin, O'zimdan, Omin... Axir, yuragingga kirmaganim rost! Ojizga shan kerak! Taqdirgachi tan, Azizim, saodat tilangin xolos, Meni peshonangga sig'dirmagandan! ©️Umidabonu HASANOVA @sherSehri

Бугун курсдошим, узангижўлдош жўрам Алибек Анварийнинг тувилди куни! Алибек тириклиги аён шоирлардан. Эл учун, юрт учун битта жонини аямайдиган жўмард йигитлардан. ТАСКИН МАНЗИЛЛАРИ Соғинчим руҳ каби юзса, эрами, милодми – нима фарқи бор? Бу йўлнинг тугаши – ғусса, ободми, барбодми – нима фарқи бор? Кўнгил на ер, на кўкдадир, ғаротми, қанотми – нима фарқи бор? Исмим эскидан сохтадир, мутеми, озодми – нима фарқи бор? Тақдирнинг насаби гуноҳ, лаънатми, салотми – нима фарқи бор? Барибир манзилим Аллоҳ, мамотми, ҳаётми – нима фарқи бор? Келса юрагим сезади... инкорми, имдодми – нима фарқи бор? Ёзар... ўчиради... ёзади... Термизми, Ҳиротми – нима фарқи бор? Алибек Анварий

*** Kechikdingiz, Berkitildi iltifotning eshiklari. Kechirmoqqa vujudimda qolmadi kuch. yig‘lamadim, ko‘zlarimning shabnamlari Ko‘zingizga qildi xuruj... Garchi qancha urinmasin, Xayollarim izingizni Izlab ketar, Bo‘zlab ketar, Oy borar-u Omon qaytmay, Yuragimda gumonlarni Qo‘zg‘ab ketar... Jim qolaman, O, sukutning shu‘lasida Raqs tushadi bo‘g‘zimdagi izhorlarim. Sizdan qancha yetgan bo‘lsa dilga ozor, Uzoqladim. Bu uzoqlar Yuragimni turtib ko‘rar, O, yuragim... Achinaman, Sizsiz o‘tgan lahzalarga, Sizni kutgan lahzalarga, Ammo bir kun, Kulgularim uyg‘onadi, Yuragingiz zarblaridan... Ammo g‘urur, Ammo ko‘nglim. Arosatda suv o‘tiday qalqayapman. Sizdan ketib, Sizdan uzoq, Ko‘zlarimga tushib qolgan, Soyangizni alqayapman. Kechikdingiz... ©️Durdona Ubaydullayeva @sherSehri

O'zR FA O'zbek tili, adabiyoti va folklori instituti direktor o'rinbosari, filologiya fanlari doktori, professor Maqsud Asadov bilan suhbatlashdik. 👉🏻 https://www.youtube.com/watch?v=yMIrd6Pcc6w Bizning sahifalar: Telegram | Instagram | Youtube

Xushxabar! "Hur" kitobimiz sotuvda! Narxi 100 ming so'mdan boshlanadi(undan ziyod olsangiz ham xursandmiz, himmatingiz☺️). Toshkent shahri va viloyatlar bo'ylab yetkazib beriladi. Karta Shomurodova Sitora nomida 9860170114114631 To‘lov cheklarini @Hur_kitob ga yuborishingiz mumkin. Kitob savdosidan tushgan mablag‘ "Hur"ning adadini ko‘paytirish uchun sarflanadi. Kitob sotuvi boshlandi! @sitorabonu_audiolar