سر البوح

رسالة من ميسي إلي المدعو امبامبي ... حالتك صعبه قوم بالليل وقول يا شافي او سف حلبه ،،،، لو ما في فرنسا مشافي هزمتك ف سنين قحطي الشديد ونشافي كيف لو جيتني ايام ناس انيستا وشافي ؟ مما قمنا ،،،،،،،،،، قايمين نحنا بي واجبنا جوه وبره دارنا ،،،،،،،،،،،،، بنعمل العاجبنا وكت داقشنا في الميدان ،، وشلنا وجبنا بتقرا الروضه كنت وبحشو ليك ب جبنه مالاقيتني ساعتي الفي الهجوم متوقل جيتني بعد خلاص صبح القدم متعقل زمني الكان سواريز ،، بي وراي متنقل الزي نوعك انت ،، انا كنت بيهو بضقل بختك مالقيتني ايام ظروفي تمام كان لا بتبقي مأموم لا بتبقي إمام الحارس زمان انا قاعد اسيلو طمام بعد كل هجمه ،بمرق يمشي للحمام سيبك من طلس ناديك ومن تحجيبو مين العندو اهداف زيي ،،،، يلا اجيبو زمان انا امشي اسئل مني طارق جيبو الهدف البضيعو ،،،، في الاعادة بجيبو شان بتلاقى انديه ،،،، مستواها وضيع بقيت شايفك شغال من الشباك تبضيع بختك ،،كنت في زمن العمالقه رضيع معا زيدان ،،،،،، رونالدينو كان بتضيع زمان الزيك ات ،،،،،،ما بلقى فرقه يمارس في الملعب زمان ،،،،،،، ما بلعب إلا الفارس زمن ريبيرتو كارلوس من بعيد بجي تارس المحكوم قصاص ،،،، بيخلو يلعب حارس زمني الكنت بارع واسمي زايع صيتو كان في كل معلب ،،، عندي حق الفيتو حظك هسي جيت جيل الكبار م جيتو ما لاقيت دروغبا الفيل وصامويل ايتو فكرة تبقى لاعب ،،،، فكرة ماها سديدة شوف فايز الطليح اشرب معاهو مديده في مرمي الكبار سجلت كم تسديدة ؟! انا سجلت في بيفون وكاسيس وديدا قدمك شان خفيف ،،،،طين التكبر زلقو الخلقك تقول ،،،،،، زول بشبهك ما خلقو زمن كان ميسي في عزو ونشاطو وآلقو امك كان وابوك ،،،،، الفتره ديك ما بلغو ما تحاول تسكنى ،،، يا ولد ما بتلفى اكسب زمنك افتح ليك كشك ف حلفا اسمي زمن مسجل ،، في فرق مختلفه اسمك كان مسجل ،،، في ورقة الآلفه . . #باحوت

العام بات عامين رسائلنا باتت أقصر مكالمات "سكايب" تباعدت. قالت: لا أريدك أن تضطر للسهر خلال أيام العمل، لنتحدث في العطلة، أمناسب؟ كنتِ دائمًا الطرف الأكثر عقلانية معًا قررنا تخطي العطلة التالية قلتُ: من الأفضل ادخار ثمن تذكرة الطائرة من أجل إجازة حقيقية - يومًا ما - في مكان ساحر، "تاهيتي" مثلًا. أسمعُ صوت العصفور خارج النافذة بينما أعد قهوة الصباح الشمس تنشر أشعتها في المطبخ؛ سيكون يومًا لطيفًا. ليس حتمًا أن يُزيد الغيابُ القلبَ شوقًا؛ أحيانًا يعلمنا - فقط - أن نعيش فرادى. مايكل فوديت

فلسفة مساطيل ... إذا عملك بطل ،،،،،، معناها انت الباطل ولو هطل المطر، اذن المطر هو الهاطل السكران اخو الطاشي وقريب الساطل والما عندو شغله ، اخير عليهو العاطل القاسي إن سالتو برد عليك بي قسوه وشي ما بستحق معناها شي ما بسوه العاقر بيحرم ،،،،،،،،،،، ولدو من الكسوه والبت تشبه ،،، المره والحريم والنسوه الطالبك قرش ،،،،،،،،،،،،، لابد اقولك وينو وما بعرفك بشر ماف حاجه بينك وبينو اليوم بمشي ،،،،، لكن ما بتشوف كرعينو والطفل ان بكي ،،، بينزل دمع من عينو اللابسه الحلق ،،،،،،، لابد فيها اضان والنعجه اابتعرس ،،،، إلا من الضان الساكن اجار ما بخاف من الفيضان وعيد الفطر لازم اكون بعد رمضان القال ليك كيفك قصدو ليك كيف عامل واللابسلو خاتم ،،،،،،، اعرفو عندو انامل الهاتف اابدق ،،،،،،،،،،،،، لو الرقم مو كامل والمرة ما بتلد ،،،، لو ما هي اصلن حامل الفي خامسه قبلها ، كانو في سنه رابع والفي ساته ساقط ما بمش سنه سابع الماعندو رأي ،،،،،،،،، ماعندو اصلن تابع والزول البسجر ،،،،،،،،، يدو فيها اصابع الديك ما بعضيك ،،،،،، مش لأنو حنون السبب انو خشمو صغير ومافي سنون كل العندو اولاد ،،،،،،، عندو برضو بنون وفاقد العقل لابد ،،،،، من اكون مجنون الزعل الكتير ،،،،،،، قالو بيسوي الغده والمره ما بتعرس ،،، في شهور العده القون في الإعادة بكون هدف لابده والمسجون تأكد ،،،،، انو بختفي مده ماكل البحضنك ،،،،،،،،،، شان محبه بضمك امكن زول مكافحه ،،،،،، شاكي داير اشمك لو عريان بتاكل ،،،،،،،،،،،،،،، ما بتكفكف كمك و يوم والدك عقد هو نفسو يوم عرس امك الشاطي بيشبه في ملامحو الضفه وود عمك اخوك لكن اخوك ب اللفه التمباك نبات نفس الصعوط والسفه والإنسان بشر ،،،،، لمن يموت بتوفه . #باحوت

سألت المولي بي جاه الفلق والناس منجم فضة وأطنان من دهب وألماس وشركات عدة بس تنتج حديد ونحاس وسكه حديد وقطرين بس ومية راس اناجي المولي قصرآ بي حرير يتفرش اطلي جدارو دهبآ وفضه سقفو معرش تسكن فيهو ست ريدي العليها مكرش ليكزس اسوقها مرات والبرادو مقرش سألتك ياكريم في الشانزليزية الفله ولندن اسوي فيها بيوت قريب الحله حساب دولاري في البنك اصلو يوم ما قل وخدم جواري زي خدم الملك عبد الله سألتو المولي والسأل الكريم ما بردو مال متين محاسب لي حسابو وعدو وديوان لي المساكين بابو يوم ما اسدو واقولهم اي محتاج شوفو حوجتو وأدو بي جاه الحبيب حقق لي ما أتمني وازور مكة ومدينتو إن قلبي ليهن حنه صحة وعافية ما اضوق يوم نويح لا أنه وحسن الخاتمة ارزقني ودخول الجنة @amoralfki

تقول لي كيف؟ أقول لها رايق تقول يعني إنشهرت خلاص بقيت مافايق؟ شايفاك في البنيات يالملك ماحايق أقولها لالا وأضحك، وبي تحت متضايق أقولها، قُولي، تقعد تحكي غصن الريدة يخضر عودو ينزل متكي تقول المدني أكتر، وألا( سور) المكي أقولها ماقريت قرأن وتقعد تبكي تقول لي كيف؟ أقولها روووقة تضحك ضحكة بي نفس السماح الفوقا فجأة أحكيلا عن قصة غراما وشوقا تقعد تبكي أقولها كان زمان يالعوقة تقول كيف مع الخزلان أقولها قلبي مبسوط بالسعادة ملان تقول حرموني من جيهتك فلان، وفلان أقولها لالا مايهمك ولا زعلان تقول لي سوى نمات التفرج همي أقولها خمسة نمات كاتبن بي دمي تبكي وتتنخج قبال أتم لي نمي أقولها أقيف؟ تقول لي تُف على أولاد عمي أقولها لالا يايمان الحصل كان قِسمة تزيد في بكاها بالحيل لمن أنطق إِسما تقول لي عايزة ألاقيكا ونخلي الخِصمة أقولها لالا يايمان تاني مالي عصِمة تقول نتلاقى، أقولها روحي سيبي شلاقة أول حاجة صبحت بينا مافي علاقة أخاطب فيها بي حكمة وصمود وبلاغة وأنا من جوة مشتاق بالفعل نتلاقى تقول ظلمونا!!! أقولها لالا: لي شر جاي ديل أحمونا تقول لي كنا راضين كان قبيل دعمونا أطمن فيها مقتنع إنو مارحمونا أقولها نومي يلا مع السلامة خلاص تقول لي يعني زهجان من ونستي آلياس؟ أقولها لالا نعاس باقي صابني نعاس تمشي تنوم وأقنب لما تشرق حاس #الياس_مهدي

"ما العيدُ إلا ضِحكُهم وحديثهم ‏ما العيدُ إلا رؤيَةُ الأحبابِ.." اغتنموا هذه اللحظات القصيرة جدا ...مع اهلكم واحبائكم والاصدقاء لأنه صدقوني الزمن سريع بشكل مرعب ..وخاطف ... فجأة بتلاقوا حالكم كبرتوا ونص الاهل اختفوا واصبحوا مجرد ذكريات حلوة ...والاصدقاء مجرد صور وضحكات مسجلة بالذاكرة ... عيشوا الايام الحلوة بكل تفاصيلها ❤️ #اوقاتكم كلها سعادة تغمر بيوتكم وحياتكم ان شاء الله 🤲💛

بعض الاشياء ليست سرية لكن لادخل لك بها يابني آدم

ياربي مرقنا كبار وصغار قدامنا المويه ورانا النار يا ربي تكون سمحه الاقدار نتكاتف شان نتخطي النيل والهم ينزاح ونهجج زييين يوم 6 ابريل @amoralfki

سبحانك ودود تطراني ساعة أنساكا قبل أطرا النَفس لطفك يقول لي هاكا قلبي إليك توجَّه و مغنطيسو معاكا شاكر فضلك البِِئْذَنْلِي شان أطراكا صلِّي عدد خلوقك في البحر و سماهو للنبي نجمة الضلو الطريق و التاهو سائلك يا حليم يوم النشور في جاهو أدلف للجنان و تقول ده خلو معاهو ما ناديت، وما رديتلي ؛ حِسي اتجرَّح الا القمري في حْبال صوتي حن وصرَّح قبال الإجابة الشيكا ممضي مصرَّح فوري أداني عربون؛ قلبي راضي مفرَّح سكتتي في الدُعا الأقرب كتير (للنجدة) ما سكتة عجم يا ساهي كانت سجدة القالِيْ(تعال وهاك)،أحسب محبتو جرْدا قلتلو ما بَعِد ، موش قالِيْ بأتيو فردا؟! الرفع السِماك ، في ليلنا دلاّ النَجفا نبرا من الموايد والجدال والسخفا نبرا من الجراد ومن السيول والخسفا في يوم السؤال قول للملايك عَرِفا قلبي البي اشتياقك ناح واوجد وجدا شوكة وجدو لانت واستفاقت وردة هاك الروح ، و قلبي شقاهو صَيّرو نردا قول لي نارو كوني سلام وأصبحي بردا قلبي الفي هواكم صار متيم كلِفا حواسي الستة ساعة ذكرو تصبح ألِفا أضاني تشوف وجلدي ألقاهو واقف ألَِفا مفزوع ، ثَم ضموهو استكان و ألِفا لساني القلتو ترجم يستحيل تأويلو لخبت حلقوا بين حوقلتو بين تهليلو يا اللايمنو في دمَّاعو طال تبهيلو ما شايفكم آ العُزال ، ده كوكب هيلو محمد الشيخ

- 🤍‏الشهر عليكم مبارك 🤍 اللهم هيئ قلوبنا لرمضان حباً للعبادة وفرحاً بقدومه وتقديراً لفضله وأعنا فيه على ماتحب وترضى وسلمنا لرمضان وسلمه لنا وتسلمه منا متقبلا. واكتب لنا فيه أوفر الحظ والنصيب. 🤍اللهم آمين يارب العالمين 🤍