Bac Journey 💜

⏱️ كل ما تحتاجوه في وحدة المتابعة الزمنية تلقاوه هنا! ✨

رح نجمعلكم كل ما يخص الوحدة في بلاصة وحدة باش تسهال عليكم القراية والمراجعة 🤍📚 📌 وش راح تلقاو؟ 📖 دروس وحدة المتابعة الزمنية ✍🏻 تمارين وحدة المتابعة الزمنية 💡 أفكار ونقاط مهمة في وحدة المتابعة الزمنية 📚 بكالوريات سابقة على وحدة المتابعة الزمنية كلش منظم باش تلقاو واش تحتاجو بسهولة، وتقدرو تراجعو الوحدة من الألف للياء ⏱️✨ #الفزياء

💗 القناة: https://t.me/bac_with_mikaa18

ياك راكم تقراو؟؟! اذا راكم تعانيوا من كاش حاجة قولولي نعاونكم بلي قدرت عليها😭💗💗

السلام عليكم بنات🌟 كيفاه جازت ايامات اولى من دخول المدرسي🙂؟؟ ادري راني متأخرة😭

اسمعوها

💔😭

نعتذر منكم 🥹🤍 علابالي ما حطيتلكمش كل ما يخص الدوال والمتابعة الزمنية بسبب بعض الظروف إن شاء الله غدوة نحطهم كامل بإذن الله فكّروني برك باش ما ننساهمش 🫶🏻📚

جماعة شوفوا هذا هو وقت لي لازم كامل تبداو فيه سواءا نظاميين او احرار لي قاعدين في دار وحتى لي يقراو في جامعة هذا وقت لي تنطلقوا فيه وابداو وتوكلوا على ربي🌟

اقراو و اتعبو باش متلحقوش لهاذ لحالة نتوما رح تعياو و رح تتعبو و تكرهو بصح أعطو كامل واش عندكم باش تتعبو مرة وحدة

❤️‍🔥❤️‍🔥

اعتذر عن الغياب بنات توحشتكم كاملل😭💗 راني تعبانة شوية 😔 ادعولي ربي يريحني ويحققلي مافي بالي 😭

هااااي🙂

احكولي شعوركم 🤍 خلاص بدا صح😭📚 كيفاش حسيتو في أول يوم؟حماس ولا خوف ولا توتر ولا مازال ما استوعبتوش بلي بديتو

دخول مدرسي 🥹🤍

وها حنا دخلنا رسمي في عام الباك 📚 نعرف بلي بزاف منكم راهم خايفين ولا حاسين بلي الوقت راه يجري بصح متخلوش هاد الشي يضغط عليكم ما لازمش من اليوم تقراو 10 سوايع ولا تبدلو حياتكم كاملة ابداو بشوية بشوية نظمو وقتكم حاولو تلتزمو واذا طحتو نهار عادي عاودو نوضو وكملو المهم متخلوش نهار واحد ولا أسبوع واحد يحددلكم العام كامل إن شاء الله هاد العام يكون عام خير علينا كامل ونوصلو للنتيجة لي حابينها 🤲🏻🤍 بالتوفيق لكل واحد بدا اليوم رحلة الباك 🫶🏻📚

اعتذر على غياب و مدرتلكمش تع دوال لانو كانو عندي ظروف سما نديرهم يا فليل و لا غدوة ان شاء الله

Part 2

7. كنت نركز على الكمية أكثر من الفهم 📚 كنت نفرح كي نقول قريت 6 ساعات ولا كملت بزاف دروس بصح مرات ما كنتش نسقسي روحي: واش فهمت و لااذا نقدر نطبق وحدي؟ القراية ماشي بعدد الساعات المهم واش خرجتي من هذيك الساعات 8. ما كنتش نراجع القديم 🔄 كنت نكمل درس ونروح للي بعدو ونخلي القديم حتى ننساه لازم المراجعة تكون مستمرة حتى لو غير شوية كل يوم 9. كنت نركز على الدروس لي نحبهم ونتهرب من لي صعاب 😭 كي نلقى درس صعيب نأجلو ونقول نرجعلو من بعد… ومن بعد يتراكم الدرس لي يخوفك هو غالبا لي لازم تعطيه وقت أكثر 10. ما كنتش نصحح أخطائي مليح ❌ كنت نحل تمرين ونشوف الحل وإذا غلطت نصحح لروحي ونكمل بصح ما كنتش نكتب علاش غلطت وكيفاش نتفادى نفس الغلط لازم يكون عندكم دفتر أخطاء 13. كنت نقارن روحي بالآخرين 😭 نشوف واحد راه سابقني ونقول انا مازال ما وصلت والو و ندبرس كل واحد عندو سرعته استيعابو وظروفه قارني مستواك اليوم بمستواك البارح 14. كنت نستنى المورال باش نقرا 🫠 وهذي من أكبر الأخطاء كنت نقول كي نكون عندي طاقة ومورال نقرا مليح بصح الانضباط أهم من المورال كاين أيام ما تكونيش حابة تقراي و هكاك و تديري لي عليك و هذو هوما أخطائي حبيت نشاركهم معاكم باش مديروش نفس اخطاء

🎀 من أخطائي في عامي الأول والثاني في الباك:

1. التسويف كنت نأجل بزاف نقول: «غدوة نبدأ» ومن بعد تجي العشية وهي رايحة وما نبدأش أصلا 😭 كنت دايمًا نستنى في الوقت المثالي باش نبدأ وهذا أكبر غلط ولا مثلا ندير برنامج ونقول نوض على 5 كي ما نوضش في الوقت لي حددتو يطيحلي المورال ونكره ونخلي داك النهار كامل يروح هكاك ما تستناوش الوقت المثالي وما تخلوش غلطة وحدة تفسدلكم نهار كامل 2. التلفون هذا من أكبر أخطائي 😭 التلفون يدي الوقت كامل وينحي التركيز خاصة مواقع التواصل سما إذا قدرتو نحّوه وقت القراية وحاولو تبعدو على مواقع التواصل قدر الإمكان 3. ما كنتش نحل تمارين بزاف 📝 كنت نقرا الدرس ونلخصو ومن بعد كي نروح للتمارين نلقى روحي ما نعرفش نحل 🥲 وسما كنت نعاود نرجع نشوف الدرس وهذا غلط عادي جدا ما تعرفوش تحلو من أول مرة مع الوقت وكثرة التمارين تولي الطريقة تجيكم عادية 4. كنت نتودر في اليوتيوب 😭 حرفيا كنت نقعد نصوطي من أستاذ لأستاذ وكل مرة نقول هذا خير من هذا سما نصيحتي: من الأول جربو الأساتذة اختارو واحد ولا زوج لي ترتاحو لطريقتهم ومن بعد التزمو بيهم وما تبقاوش تبدلو كل مرة 5. المواد الأدبية خليتهم لتالي 📚 وهذا ثاني كان غلط كنت نقول نكمل المواد العلمية ومن بعد نروح للأدبية بصح بالعكس لازم تقراوهم من الأول وما تخلوهمش يتراكموا خاطر يقدرو يعاونوكم بزاف في المعدل 6. السهرات 🌙 أنا أصلًا نحب الليل بزاف 😭 بصح من تجربتي القراية في الصباح تعاون بزاف الصباح يكون سكات و مخكم يكون فارغ ومازال ما تعبتوش استغلوه للقراية الصعيبة والمهمة ☀️📚 🤍 هذو أخطاء درتهم أنا شخصيًا وحبيت نشاركهم معاكم باش ما تعاودوش نفس الغلط لي درتو أنا نديرو part 2

💗القناة:https://t.me/bac_with_mikaa18

وجدو رواحكم بعد شوية 👀🤍 راح نشارك معاكم الأخطاء لي درتهم في عامي الأول وين رسبت وحتى العام الثاني لي مقدرتش نجيب فيه المعدل لي كنت حابتو 🥲📚 وزيد راح نحطلكم كل ما يخص الدوال ✨ من دروس وتمارين باش نعاونكم تفهموهم مليح بصح قبل كلش حفزونا شوية 🥹🤍 انشرو القناة عند صحابكم وخليونا نوصلو لأكبر عدد ممكن دعمكم هو لي يشجعنا نكملو ونقدمو أكثر 🫶🏻📚

هيا وينكم باش نديرلكم تع دوال و متابعة زمنية