هِمَّتِي لِأُمَّتِي

"السلام عليكم ورحمة الله وبركاته، أحببت أن أتقدم لكم بخالص الشكر والتقدير على مبادرتكم الكريمة بمشاركة قناتي. حقيقةً، صادفتُ هذا الأمر بالصدفة، وسعدت جداً بهذا الدعم الصادق. لطالما تذكرت حديث النبي ﷺ: '...ثُمَّ يُوضَعُ لَهُ الْقَبُولُ فِي الْأَرْضِ'، فأسأل الله أن يبارك في جهودكم، وأن يجعل هذا القبول والمحبة ميزاناً لأعمالكم، وأن يجعلني عند حسن ظنكم دائماً. جزاكم الله خيراً، وممتن جداً لهذا العطاء."

القناه تابعوها فضلا»» https://t.me/mezooo2008

​💡 معلومة سريعة ليك عن الآيه الكريمه: ​الآية دي نزلت والنبي ﷺ في غزوة أو سفر، وربنا شرعها عشان المسلمين يقسموا نفسهم طائفتين: طائفة تصلي مع النبي ﷺ وطائفة تانية تحرسهم وتواجه العدو، وبعدين يبدلوا مع بعض.. وده بيبين للشباب قد إيه الصلاة غالية ومهمة لدرجة إنها مش بتسقط حتى في وقت الحرب والقتال المباشر.

📌📌ان شاءلله نكمل السلسه بإن الشخص اللي هيجيب تلت نقط نعمله شهاده تقدير زي معملنا مع أختنا مروه هيا مش قيمه او حاجه عاليه بس علي قد حال القناه 😅 وتبقي ذكري للقناه برضوا.

اسم الصلاة: صلاة الخوف. ​السورة الكريمة: سورة النساء (الآية 102). اللي جاوب:(ملك) اول نقطه.

عايز تفاعلكم وعايز الاجابه برضوا 🙂 ولو حد عنده مشكله او عايز يستفسر في حاجه. https://t.me/mezo2008

​🕌 موضوع اليوم: "الصلاة.. الملاذ الآمن"

​السلام عليكم ورحمة الله وبركاته.. ✨ ​هنبدأ أول يوم في السلسلة بموضوع هو حرفياً أساس كل حاجة في حياتك.. لو اتظبط، حياتك كلها بتتظبط، ولو ضاع، كل حاجة بتضيع.. هنتكلم النهارده عن "الصلاة".

​📖 من القرآن الكريم:

​ربنا سبحانه وتعالى بيختصر لينا حال المؤمن في الصلاة، وإنها مش مجرد حركات بنعملها، دي راحة وأمان لقلبك وسط زحمة الدنيا والضغوطات: ​﴿وَاسْتَعِينُوا بِالصَّبْرِ وَالصَّلَاةِ ۚ وَإِنَّهَا لَكَبِيرَةٌ إِلَّا عَلَى الْخَاشِعِينَ﴾ [البقرة: 45] ​الصلاة هي الاستعانة والشحن اليومي لروحك عشان تقدر تواجه الدنيا.

​💬 من السنة النبوية الشريفة:

​النبي ﷺ كان لما تضيق بيه الدنيا أو يمر بأي كرب، ميروحش يدور على مهدئات أو يهرب من الواقع، كان يروح للمصدر علطول.. ​عن حذيفة بن اليماني رضي الله عنه قال: "كَانَ النَّبِيُّ ﷺ إِذَا حَزَبَهُ أَمْرٌ صَلَّى" (صحيح أبي داود). [معنى حَزَبهُ أمر: أي نزل به همّ أو أمر شديد] ​وكان يقول لبلال رضي الله عنه: "أرحنا بها يا بلال".. الصلاة راحة مش عبء بنخلص منه.

​💡 رسالة من القلب لشبابنا:

​يا صاحبي.. فكرة إنك بتصلي وتقطع، أو لسه مش منتظم، دي ثغرة كبيرة الشيطان بيلعب معاك فيها. الصلاة هي الحبل الوحيد المتبقي بينك وبين ربنا، أوعى تقطعه مهما كانت ذنوبك أو تقصيرك. الصلاة بتنظف العبد أول بأول، وبتنهى عن الفحشاء والمنكر. ابدأ من الفرض الجاي، وقول يارب أعني.

​📝 سؤال اليوم (شغل دماغك وشاركنا إجابتك):

​❓ ورد في القرآن الكريم ذِكر لـ "صلاة" تُصلى في الخوف والحرب، لها هيئة خاصة تختلف عن الصلاة العادية.. ما اسم هذه الصلاة؟ وفي أي سورة وردت تفاصيل طريقتها؟ 📌📌​مستني إجاباتكم في التعليقات، وتفاعلكم مع بعض.. ورونا مين أول واحد هيجيبها صح! وما تنساش تعمل شير وتشارك الأجر مع أصحابك! 🔄✨

بنوته معانا في القناه ياريت ندعمها 🤍 https://t.me/+_t3sdwg8ZzhiNTQ8

📌​📌 إعلان: انطلاق سلسلة جديدة ✨

​السلام عليكم ورحمة الله وبركاته، أهل قناتنا الغاليين.. ​في زحمة الأيام واليوم السريع، في تفاصيل كتير في ديننا وحياتنا اليومية بنعديها، أو ممكن نقع فيها وإحنا مش واخدين بالنا.. وحاجات تانية هي سر بركتنا وتوفيقنا في الدنيا والآخرة بس محتاجين نفتكرها سوا. ​عشان كده، هنبدأ معكم سلسلة مميزة تهم كل شاب وفتاة، بعنوان:

✨ [ مَا لَا يَسَعُ شَبَابَ المُسْلِمِينَ جَهْلُهُ ] ✨

​📋 السلسلة دي عن إيه؟ ​هنتكلم فيها بهدوء وبدون تعقيد في كل موضوع يخص حياتنا ويومنا كشباب مسلم. هنفتح فيها ملفات كتير بتشغل بالنا، وهتكون البداية بمواضيع زي: ​❤️ بر الوالدين: سر التوفيق والبركة في حياتك. ​🛑 حدود الاختلاط والعلاقات: إزاي تحمي قلبك وتعيش صح؟ ​🌌 قيام الليل: ركعتين في جوف الليل ممكن يغيروا حياتك كلها. ​🌙 الصيام، والمعاملات اليومية، والأخلاق، والفتن اللي بنواجهها في عصرنا.. ومواضيع تانية كتير جداً جاية في الطريق.

​💬 تفاعلكم معانا:

​عشان مش بس نقرأ ونسمع، وكمان نثبت المعلومة ونستفيد سوا: ⚠️ كل يوم مع كل موضوع جديد، هيكون فيه (سؤال يومي) متعلق باللي اتكلمنا عنه! تقدروا تشاركوا بإجاباتكم في التعليقات ونقاشات القناة عشان نراجع سوا ونستفيد.

​🔄 شاركنا الأجر:

​يقول النبي ﷺ: "الدَّالُّ عَلَى الْخَيْرِ كَفَاعِلِهِ". مشاركة البوست ده مع أصحابك وفي الجروبات ممكن تكون سبب في هداية حد أو تصحيح مساره.. ما تحرمش نفسك من أجر نشر العلم ومشاركة الأجر. ​⏰ انتظرونا قريباً جداً مع أول موضوع.. جهزوا نفسكم، ويالا بينا نجدد النية سوا! #همتي_لأمتي

نظرا لعدم تقدير الموجودين في القناه تم انهاء المسابقه واللي فازت معانا مروه أحمد عبدالله.

جاهزين نكمل المسابقه دي بقا 😅

أذكار الصباح!💗

الله يرزقنا الجنة يا ربّ🫂

⭕ما تنسوا قيام الليل.🫵🏻 وادعوا لنل معكم بالخير. وما تنسوا إخواننا في غزة والسودان والأُمّة الإسلاميّة معكم في صالح دعائكم.🫂

-' القَناة في تراجعٍ مستمِر فلا تَبخلوا بنشرها واتفاعل عليها وجزيتم خيرًا " #همتي_لأمتي

الشيخ الشعراوي مرة قال:حينما يتولى الله أمرك فهو يسهل لك كل صعب ، ويسير أمورك كما تحب، ويحقق لك ما كنت تظنه مستحيلًا." لذلك ردد دائمًا: "اللَّهُم اِحتويني برحمتك وتولني بقُدرتك فأنت يا رب خير المُنصفين🤍. #همتي_لأمتي

الاجابه: (الصحابي: حسان بن ثابت) اللي جاوب👀:(روكا) كدا أول نقطه

مسابقة "خمّن الصحابي" 🤔

​1️⃣ عاش 120 سنة كاملة! (60 سنة في الجاهلية و60 سنة في الإسلام). 2️⃣ كان السلاح الإعلامي القوي للمسلمين، ولُقّب بـ "شاعر الرسول"، وكان النبي ﷺ يضع له منبراً في المسجد ينشد عليه، ويقول له: «اهجُهم ورُوحُ القُدُسِ معَكَ». 3️⃣ لم يشهد الغزوات مع النبي ﷺ بسبب عذر أو علة في جسده تمنعه من القتال، فكان يجاهد بلسانه وشعره دفاعاً عن الإسلام. ​من هو شاعر الإسلام البطل؟ 📝 الإجابة في جروب المناقشة فوراً! 🚀 https://t.me/mezo2008 #همتي_لأمتي

مروه تكتسحها بجداره 😂😂 ما شاءلله.

(الصحابي: عبد الله بن مسعود) اللي جاوب👀:(مروه) كدا خمس نقط