اتشانل عملتها عشان ابويا قالي شوفلك شغلانه

انا مش عارف انا لوحدي الي كدا ولا في حد زيي بس انا بقيت بزعل من اي فضيحه تخص الشرف بالتحديد سواء لراجل او ست والموضوع بقي فيه اشمئزاز مؤخرا زمان اما كنت بقعد مع ابويا وتيجي سيره حد الي بيحصل جوا البيوت كان يقولي البيوت اسرار وياما بيوت بيحصل فيها بلاوي ابشع من كدا بس كل واحد او واحده بيحل مشكلته جوا بيته بدون م الشقه الي جمبهم تعرف حاجه عكس الي بقيت بشوفه الفتره الاخيره كلها فضايح زوجه بتشهر بجوزها وزوج بيشهر بمراته وبنت بتفضح ابوها وام بتفضح عيالها عصر السوشيال ميديا والتصوير والترند هو ازبل عصر مرت بيه البشريه معتش فيه حرمه للبيوت معتش فيه اسرار وانا هنا مش بتكلم علي موضوع معين بس الحوار بقي مقرف اوي الصراحه وانا لما بلاقي حاجات من دي وناس بقت بتقول رايها ف كل حاجه بقيت بحمد ربنا كل يوم علي نعمه الستر ربنا يسترها علينا جميعاً يارب