| MANGALIK |

چمانی بے تواری ءَ وابے پتا ءُ بیا انچو کہ تو نیتکگ ئے انچو میا ءُ بیا دروازگ ءِ اُمیت ءَ مہ نند کرن پِرگوز اَنت دیوال ءِ نوک سرپتگیں ترکّاں درا ءُ بیا نیا ئے تو بلے چول جنت گوات ءِ بشانگ ءَ کائے گڈا زمانگ ءِ سلک ءَ پتا ءُ بیا دل زُرتگ من تئی دْراھی ءِ آزمان ءَ نشتگاں بندیکے بو کپودر ءِ پاداں ٹٹا ءُ بیا روچ ءِ ھوس کہ ساھگاں زوریت ءُ لیب کنت اِے دل گُش اِیت تئی زیارت ءِ پیژگاہ ءَ بیا ءُ بیا اَنچو شپ اِنت کہ میم نہ بیت جِند منا وتی اَنچو میا اِے کوٹی ءَ شھمے کما ءُ بیا دوری ءِ ایرگوات ءَ تئی نشتگاں امیرؔ بل نازبوئیں نوبت ءِ مسکاں مہ سا ءُ بیا

منیر مومن

رنگ ءُ جمال ھُدا ءَ داتگ، آشِک ما بوتگیں، آ دگہ کسّے ءِ بھت ءَ اَت برباد ما بوتگیں۔💔

گواڑخ🌷😍

نمیرانیں مبارک کازی