النَّـجــدْ bac 2027

الاستفزاز❎ نروح بالثورة ولا الحرب الباردة✅

"نفهم الدرس و نحفظو بصح منديش مليح" الاشكالية هنا في "وش تقصد بفهمت" اذا كان الفهم بالنسبة ليك هو اتسعراض عناصر الدرس دون الحاجة الى الحفظ المتكرر فمفهوم 'الفهم' عندك ناقص، فهم الدرس يعني القدرة على ربطه بالحياة الواقعية و القدرة على معرفة التأثيرات عند كل حالة، مثال: عند فهم درس المبادلات و التنقلات في العالم يجب عليك معرفة سبب كون البترول آداة ضغط...، فيما يعرف بالأسئلة غير المباشرة و التي غدت البكالوريا تعتمد عليها بكثرة.

جماعة نصيحة من عندي اذا راك داير ليكور وشت روحك متستفادش ولا مكش قادر تركز غير حبس واقرا فدار كاين بزاف بنات قراو معايا مدايرين ليكور من اول سنة لاخرها وجابو فلخر 12 و13 خدمتك فدار هيا الاساس نا مكنتش ندير ليكور والحمد لله جبت شهادة بكالوريا بتقدير جيد ونحيو من راسكم فكرة العلوم لازملها ليكور العلوم مادة تحتاج الممارسة فلحل حلو قد ما تقدرو من الافكار وهزو المنهجية من اساتذة صحاح المنهجية لا تحفظ بل تكتسب ❌🛑 اهم حاجة فلمنهجية هيا الكلمات العلمية ...

ملخصات في وحدة الميكانيك مادة العلوم الفيزيائية

حسب الهدف تاعك شخصيا نقول حضري المواد الادبية تحضير معرفي انك تفهمي دروسك و تحفظي الاساسيات و كي تروحي اختبري معرفتك اذا كانت كافية و تصححي الاخطاء لي كانت عندك، اما اذا كان قصدك تحضري خصيصا للمسابقة غير بش تقدري تجاوبي there is no need لانك هكا حابة تجاوبي اجابة صحيحة برك و تقراي غير لواش كاين قدامك (المسابقة) و نتي تخمامك لازم يكون ابعد و اشمل حيث انك تقراي علاجال المعلومة و يكون عندك رصيد معرفي متين، المسابقة نشوفها فرصة للتعلم مش لابراز المعارف و التسابق الحرفي... و هناك من هم عكسي يحبون التحدي و الفوز في هذي الحالة لازم تحضري مليح و بالتوفيق🤍

في دفعتي قريت بالكتب تاعو عام كامل + البكالوريات و كفاوني الحمد لله مع العلم اني كنت نحترم ترتيب التمارين لي يحلهم في الدورات و نحل جميع التمارين ولو تراكمت عليا، و نادرا ما كنت نلقا وقت لمصادر اخرى. And make attention للمنشور لي درت فيه تطور حل التمارين لاني وضحت بلي مهما كان التمرين لازم نتمكن منو تماما بش نتخطاه ولو لحقت نحل 4 او 5 مرات

وعليكم السلام و رحمة الله، بالنسبة ليا عادي و بلاك تكون افضل من حيث انك تبدل الجو الدراسي المعتاد تاع قراية فالليسي قراية فالدار بشكل متكرر... سابقا فعام البكالوريا كنت ضد الفكرة لان وقت المسابقات كان في حصة الفيزياء و يفوتني بزاف، فاكتفيت بأني نشارك مع زميلاتي لكن مش بهذيك الجدية، رحت دون تحضير لكن بنية اسكتشاف طبيعة الاسئلة و كذلك كان الامر استفدت من بزاف اسئلة و اجوبتها و جربت شعور ضغط الوقت في الحل، و الطريف اني بعد هذو المسابقات بقيت عام كامل نحاكي ظرف المسابقة و نتخيل انو عندي 2د فقط للاجابة على سؤالين او ثلاثة بش نتدرب على سرعة التفكير و الاستجابة، باختصار تجربة مفيدة نفسيا و ذهنيا لكن حاول متخليهاش تضيعلك امور اهم.

كنت نفهم الدروس و المكتسبات لان الاسئلة النظرية يجو منهم، بعدها في نهاية الوحدة كنت نراجع و نحاول نحفظ من سلسلة الاسئلة النظرية لي في كتاب الاستاذ عبد اللطيف، بعدها كي نبدا نحل التمارين نتعود على الاسىئة النظرية و اجاباتها و نحفظها مع التطبيق المستمر دون جهد خاص لها، و خلال العام نخصص اوقات لمراجعة الاسئلة النظرية للوحدات السابقة مراجعة سطحية.

ملخصات في الشعر التعليمي مادة اللغة العربية

بمناسبة الفروض مكانش من عادتي اني نقرا بزاف للفرض لكن بحكم البكالوريا جهزت روحي و حبيت ندي مليح فالفروض (اول غلطة) فالرياضيات كان الموضوع مقسم الى جزأين منفصلين و الجزء الاول اسهل و عليه نقاط اقل، فالاستاذة نصحتنا نحلو الجزء الثاني اولا لضيق الوقت و انا عاندت و حبيت نحل من البداية (ثاني غلطة)، بديت الحل و كل دقيقة نرجع نراجع الاسئلة السابقة و نتأكد منها لانو التمرين متسلسل و الغلطة في البداية تأثر على النهاية، مكنتش واثقة من اجاباتي و كل ما نتقدم نرجع نتأكد و طحت في فخ المثالية (ثالث غلطة) حتى كمل الفرض و انا مكملتش الجزء الاول و تقدرو تتوقعو العلامة لي ديتها🗿 فالفيزيا كان الموضوع عبارة عن تمرين سهل و مباشر الا السؤال الثالث كان مبهم و عام جدا و لا يشير الى انو عندو علاقة بمعطيات التمرين، بقيت عند هذا السؤال عاجزة و مش عارفة كفاش نجاوب و الوقت فات و كمل و انا مزلت نخمم وش حتكون الاجابة، و الاصح كان اني نكمل التمرين ولو بكتابة القوانين و الاجابة على الاسئلة النظرية، او اتمام الاجابة بمعطيات التمرين لانو مش حينزل الوحي مثلا و التلميذ لا يحاسب على الخطأ مرتين🗿

مراجعة شاملة لوحدة le texte d'histoire الجزء 1 https://youtu.be/pJHmk2AJWak?si=0I3iZ6Dy0dhhz575 الجزء 2 https://youtu.be/tMbFhlNReoA?si=bAMILAFBrQvAI7wz

من بين صفحات الفيسبوك التي تقدم تمارين و ملخصات مفيدة في مادة الفيزياء

من بين الافكار الطبيعية لي تجي في اي مرحلة في عام البكالوريا انك تكمل تقرا دروسك بشكل عادي و العام الجاي تعاود الباك ولا تبدل الشعبة بحيث تقرا بجدية... مخك يولي يهرب من المسؤولية و يأجل و يطول الطريق باطل يعني انت قدام الامر الواقع و عندك باك و قراية مقريتش هل حتقرا مرة خلاف كي تعاود؟؟ التخمام هذا يجي للممتاز و الضعيف فاا اياك تبني عليها مستقبلك لانو رح تتحط في نفس الموقف العام لي بعدو و تعاود تتهرب ꩜

Today's tip خلال العام ادرسوا كل وِحدة (جميع المواد) دراسة معمقة و شاملة لكن دون تأخير مبالغ، بعد اتمام الدروس و التدرب عليها حاولوا التطرق للافكار الجديدة و الصعبة (ليست التعجيزية)، اعطِ كل درس حقه و مستحقة من وقت و جهد و اختصوا بالتمارين الخارجية بعيدا عن تمارين البكالوريا الا ما فيه فكرة مميزة او طريقة طرح مختلفة بصيغة اخرى توسعو في دروسكم و حلوا اغلب الحالات و الافكار الممكنة و المقررة في البرنامج الدراسي من مختلف المصادر ولا تعتمدوا على تمارين البكالوريا الا ما هو مميز منها، و هي تمارين معدودة، دَعوا مواضيع البكالوريا و الحل الشامل لجميع البكالوريات الى فترة المراجعة النهائية لتثبيت المعلومات و التعود على الاسئلة و المنهجية🔅

تبسيط لمنهجيتي الاستقصاء و الجدل