شيءٌ مِـنّي 𓍼

- من الحاجات اللي الواحد بيفهمها بعد وقت طويل إن الحياة مش دايمًا محتاجة منه يكون عنده إجابة لكل سؤال، ولا تفسير لكل تصرف، ولا موقف واضح من كل حاجة بتحصل حواليه. ساعات بنكون شايفين جزء صغير من الصورة ونفتكر إننا فهمنا الحكاية كلها، مع إن الحقيقة ممكن تكون أكبر بكتير من اللي وصلنا. واتعلمت إن مش كل شخص نقدر نحكم عليه من موقف، ومش كل غلطة تلغي كل الحلو اللي كان فيه، وإن الإنسان مهما حاول يكون واعي وعادل، ممكن في لحظة ضعف يتصرف بطريقة مش شبهه. عشان كده بقيت مؤمن إن شوية رحمة في الحكم على الناس، وشوية هدوء في التعامل مع المواقف، ممكن يخلّوا الحياة أهون بكتير .