هێدی|Hêdî

زۆر شت تەمەنیان زۆر کورتە وەک تەختی شا و بەختی گەدا و ڕق و کینەی جەلادەکان زۆر شتیش هەن قەت نامرن وەک شێعری جوان وەک ئەوینی ڕاستەقینە وەک کوردستان🕊✌️

هەموو جارێک کە سەر ئەخەیتە سەر شانم و وەختێ ئەچمە ناو قژتەوە لە ناو ئەودا ئەبم بە پەپوولەی وێڵ‌ و ون ئەبم‌ و نایەمەوە هەموو جارێ کە دەست ئەخەیتە ناو دەستم ئیتر ئەو پێنج پەنجەی دەستەم ئەبێ بە پێنج وردە ماسی‌ و ئەچنە گۆمی چاوانتەوە و ون ئەبن‌ و نایەنەوە ئەو وەختەی من ئەگەڕێمەوە بۆ ناو خۆم ئەو کاتەیە کە تەنیام‌ و تۆ لەوێ نیت...

بێکەس

لەکن تۆ خار و خەس گوڵزارە بێ من لەکن من خەرمەنی گوڵ خارە بێ تۆ لەکن من با وجوودی ناس و ئەجناس کەسی تێدا نییە ئەم شارە بێ تۆ هەتا تۆم ئاشنا بووی، ئاشنام بوون ئەمێستا موو بە مووم ئەغیارە بێ تۆ هەموو ڕۆژێ لەتاو هیجرانی ئەمساڵ تەمەننای مردنی پێرارە بێ تۆ

نالی

کوردانە🕊

لێت ڕاهاتووم: وەکوو مناڵ _ لە گۆپکەی مەم. وەکوو ماسی _ لە زەریا و چەم. وەکوو شاعیر _ لە شێتی خۆی. وەکوو شێت _ لە سوژێتی خۆی. لێت ڕاهاتووم: وەکوو بەنگ‌کێش _ لە بۆنی بەنگ. وەک نیگارکێش _ لە هارمۆنیا و زمانی ڕەنگ. لێت ڕاهاتووم: وەک خەنجەر _ لە کالانی خۆی. قەرەج _ لە ئاگردانی خۆی. وەک کیژی لادێی کوردستان _ لە کلچووک و کلدانی خۆی! ئەگەر ڕۆژێک لێت تووڕە بووم، ئەگەر ڕۆژێک بڕیارم دا جێت بهێڵم، دڵتەنگ مەبە، خەمت نەبێ؛ درێژترین ڕێی تووڕەییم لە بەر دەرگە کۆتایی دێ!

پەشێو

ــ تۆ! تەنیاییت دەکەی بە چی؟ ــ من جارجار دەیکەم بە شێعر و جاری وایە بە دووکەڵ و بە شەڕاب و زۆر جارانیش دەیکەم بە فرمێسک و گریان!

ک_د_ئازاد

ژن شێعرە.. هەندێک بە هەست ئەیخوێنن و هەندێکیش لی تێناگەن و فڕی ئەدەن..

✍هێدی

تا حەیاتم بێ، لە دڵما شەرتە میهرت دەرنەکەم:)

لەبت میم و قەدت ئەلف و زوڵف چیم ئەزانی بەم سیانە تالیبی چیم؟ وەفای عەهدێ لە من ڕۆح و لە تۆ ماچ چیە چارەی ئەمانەت غەیری تەسلیم؟ کە هاتی و تێغی بێزازیت لەسەر دام سەری خۆم خودبەخود هەڵگرت و ڕۆییم

نالی