الـدّكـتـور فـي الـثـانـويـة الـعـامـة

النتيجة👆 بالتوفيق للجميع واول تلات يبعتولي المركز الاول: 500جنيه+ شهادة تقدير +الإتصال باهله وتكريمه قدامهم المركز الثاني والثالث: شهادات تقدير🖤

اسمعوا الريكورد ده بتكلم بخصوص نتيجة المسابقة 👆

الشكل ب العزم المغناطيسي بيعتمد علي عدد الالكترونات المفردة نبدا بالسكانديوم عنده 1 مفرد التيتانيوم 2مفرد فانديوم 3مفرد كروم 6 مفرد ده اكبر عزم بقا للي هي قمة المنحني من فوق يجي بعده المنجنيز 5 مفرد واخد بالك العزم بدا يقل بعده الحديد 4 مفرد الكوبلت 3مفرد النيكل 2مفرد النحاس 1 مفرد الخارصين 0 مفرد فلازم يوصل للصفر زي ما موضح في الاختيار ب عشان الخارصين معندهوش مفرد

اسهل سؤال في الامتحان التيتانيوم كثافته اقل من النيكل طبعاً لان الكثافة طردي مع العدد الذري والنيكل عدده الذري اكبر فكثافته اكبر لكن نصف القطر عكسي مع العدد الذري فالنيكل عدده الذري اكبر فنصف قطره اقل يبقا الاجابة التيتانيوم اقل كثافة من النيكل وله نصف قطر ذري اكبر

اكسيد الحديد اكسيد قاعدي يعني لازم يتفاعل مع احماض والدليل في منهجك يقولك تفاعل اكسيد الحديد مع حمض الهيدروكلوريك وحمض الكبريتيك وهكذا هل عمرك شوفته بيتفاعل مع قاعدة طبعاً لا❌ لان القاعدة بتتفاعل مع حمض والحمض مع قاعدة انت اتفاعل اكسيد الحديد الثنائيي مع هيدروكسيد الصوديوم اللي هوا الصودا الكاوية مش هيحصل تفاعل زي ما تحطهم زي ما هيطلعوا نفسهم مش هيحصل اي حاجه بينهم فهتروح بعد ما تحطهم علي بعض تلاقي NaOHطالع زي ما هوا وFeO زي ما هوا ففي النواتج هتلاقي المتفاعلات نفسها محصلهاش حاجه الاختيارات جايبNaOHنختارها ولو كان في اختيارFeOكنا برضو انختاره

بيقولك التلات عناصر دول في الدورة الخامسة يعني السلسلة الانتقالية التانية وبيقولك انZ يدخل في صناعة البطاريات القابلة لإعادة الشحن يبقا ده الكادميوم (مينفعش النيكل عشان النيكل دورة رابعة مش خامسة واحنا عارفين البطاريات القابلة لإعادة الشحن بيدخل فيها نيكل وكادميوم) بيقولك انX, Y, Zعناصر متتالية ورا بعض وقالك ان العدد الذري لZاكبر منYاكبر منX وحضرتك عرفت انZالكادميوم اللي هو تحت الخارصين يبقاYده اللي تحت النحاس وXاللي تحت النيكل العنصر بقا Yاللي هو تحت النحاس بيقع فين ما اكيد في نفس مجموعة النحاس اللي هي1B الناس اللي اختارت Viii اعتبرت Zالنيكل وده غلط لان في السؤال بيقولك تقع العناصر في الدورة الخامسة والنيكل في الدورة الرابعة

الاتنين في نفس المجموعة يبقا اما حديد ونيكل او حديد وكوبلت او كوبلت ونيكل كثافة Xاكبر منY يبقا العدد الذري لXاكبر منY الكتلة الذرية المفروض لXاكبر منYلانها طردي مع العدد الذري زي الكثافة ففعلا في السؤال كده يبقا مستحيل يكون واحد من العنصرين النيكل لانه بيشذ ( يعني هوا بيقولك كثافة Xاكبر منY نفرض انXالنيكل وYالكوبلت لان النيكل اكبر الكثافة، المفروض كانت الكتلة بتاع الكوبلت اكبر من النيكل لانه بيشذ يعني كتلةY اكبر منX) لكن في السؤال مقالش كده قال الطبيعي اللي هوا الكتلة طردي مع العدد الذري يبقا العنصرين حديد وكوبلت في السؤال قالك Xكثافته اكبر منY يبقاXالكوبلت وYالحديد واكدلك الكلام ده قالك الكتلة الذرية لYاقل منXوده صح لان كتلة الكوبلت اكبر من النحاس يقعXفي العمود الثامن من الفئة d غلط لان Xالكوبلت وده في العمود السابع❌ يستخدم Xفي الخراسنات المسلحة❌ لانXده الكوبلت واللي بيستخدم في الخراسنات الحديد اللي هواY Y يستخدم في هدرجة الزيوت ده النيكل اللي بيعمل كده وYهنا الحديد❌ يسهل اكسده ايونه الثنائي للثلاثي فعلا صح لان ده الحديد✅

اول افتراض A+3 ده التيتانيوم هيكون عنده الكترون واحد مفرد B+4 ده الفانديوم هيكون عنده الكترون واحد مفرد C+6 ده المنجنيز هيكون عنده الكترون واحد مفرد تاني افتراض A+3 الفانديوم وعنده الكترونين مفردين B+4 ده الكروم وعنده الكترونين مفردين C+6 ده الحديد هيبقا عنده برضو اتنين مفرد انت في سؤال زي كده لازم تدي جميع الاحتمالات الممكنة التلاته ممكن يبقول تيتانيوم وفانديوم ومنجنيز والتلاته بيكونوا مركبات دايا عادي هتبقا الاجابةA, B, C حضرتك انت افترضت انهم الفانديوم والكروم والحديد ايش ضمنك انهم هما فعلا ممكن يبقوا التلاته اللي قولتهم فوق فعشان كده بقولك هات كل الاحتمالات اللي ممكن تنفع✅

اي عنصر من عناصر السلسلة الانتقالية الاولي بيتوزع في 4مستويات طاقة رئيسية في السؤال بيقولك ان الاوربيتال الاول في 3d فيه عدد من الالكترونات ربع المستويات الرئيسية ربع الأربعة واحد يعني قصده في الاوربيتال الاول من3dفيه الكترون واحد بس دباغة الجلود✅ ده الكروم وفعلا اول اوربيتال من3dفيه الكترون واحد صناعة طائرات الميج ✅ ده السكانديوم وفعلا اول اوربيتال فيه الكترون واحد يستخدم مع الالومنيوم في صناعة سبيكة مقاومة للتاكل ده المنجنيز سبيكة عبوات المشروبات الغازية وفعلا المنجنيز عنده الكترون واحد في اول اوربيتال ✅ الكشف عن الاورام الخبيثة ده الكوبلت والكوبلت لو وزعت هتلاقي اول اوربيتال من3dفيه الكترونين مش واحد بس فعشان كده هوا الغلط لان في السؤال بيقول لا يمكن

X, y اقل عزم مغناطسي في السلسلة السكانديوم والنحاس لان الاتنين عندهم الكترون مفرد بس (الخارصين هتقولي معندهوش مفرد اصلا فالمفروض هوا الاقل يبني بيقولك في السؤال عنصران انتقاليان الخارصين مينفعش) يبقا العنصرين النحاس والسكانديوم بيقولك X الاكبر حجما يبقا ده السكانديوم X ده السكانديوم وده شديد النشاط Y ده النحاس وده محدود النشاط ✅✅

العنصر Xده النحاس لانه اكبر عنصر انتقالي في السلسلة في الكثافة (والخارصين مينفعش ليه والله الخارصين اكبر عنصر في الكثافة واكبر من النحاس كمان لان الكثافة طردي مع العدد الذري لكن مينفعش عشان في بداية السؤال قالك عنصران انتقاليان والخارصين مش انتقالي) والعنصرYده السكانديوم لانه اكبر واحد في الحجم الذري هوا العنصرXالنحاس ده اول فلز عرفه الانسان العنصر Yالسكانديوم بيمتلك حالة تاكسد وحيدة✅

الانحلال الحراري لهيدروكسيد الحديد الثلاثي طبعاً لانFe(OH)3 الحديد فيها +3 ولما بنسخن بينتجFe2O3 برضو الحديد +3 طالما عدد التاكسد ميتغيرش مش هيتاخر عدد الالكترونات المفردة فمش ايتغير العزم الانحلال الحراري لكبريتات الحديد الثنائي كان الحديد+2 نتج Fe2O3 الحديد فيه +3 الالكترونات المفردة كانوا 4 بقوا 5 ففعلا العزم زاد وباقي الاختيارات اتجرب هتلاقيه زادت بس متنساش ان التحميص ده بيحصل في الهواء يعني بيحصل اكسدة من +2 ل+3✅ عشان الاستقرار

هقولك دماغك عملت اي انت بقا عنصران بيشذوا يبقا اخبط كروم ونحاس دور في الاختيارات يا واد علي استخدام للنحاس وواحد للكروم يبقا أ كلام غلط❌ بيقولك العنصران يتساويان في الكترونات المستوئ الرئيسي التالت واحنا قولنا المستوئ الرئيسي التالت ده اي حرف قدامه 3 يعني3S, 3P, 3d قولي ابقا ازاي الكروم والنحاس متساويين في الكترونات المستوئ الرئيسي التالت وهما واحد عنده 5 في 3dوالتاني عنده 10 هتلاقي واحد عنده 18الكترون في الرئيسي التالت وواحد 13 ودول مش متساويين فمستحيل يكونوا نحاس وكروم دول ممكن يكونوا عنصرين من عناصر العملة يعني نحاس وفضة مثلا لان الاتنين فعلا بيشذوا وهتلاقي الاتنين فيهم 18الكترون في المستوئ الرئيسي التالت ففعلا متساويين اي استخدامهم اكيد كلاهما يستخدم في صناعة العملات لان الاتنين من عناصر العملة(في عملات مصنوعة من نحاس وفي من فضة وفي من ذهب عشان كده سمناهم عناصر عملة)

العنصر Xده الكربون الكربون عدده الذري 6 لما نوزع 1S2,2S2,3S2 المستوئ الرئيسي الاخير اللي هوا اعلي رقم قدام الحروف يبقا المستوي الرئيسي الاخير اللي هوا التاني والمستوي الرئيسي التاني عبارة عن اي حرف قدامه 2 يبقا2S, 2P ودول فيهم 4الكترونات ففعلا الكربون ، ده غير انك كنت بتاخد طريقة في اعدادي بتاعK. l, M هتحط 2في Kو4 في L برضو صح العنصر Yبيشذ في الكتلة يبقا ده النيكل عنصر Yاللي هوا النيكل يدخل مع احد سبائك X اللي هو الكربون التي يشترك فيها الحديد يبقا سبيكة النيكل مع الحديد الصلب. ودي مقاومة للاحماض✅ ذات قساوة عالية ❌ دي بتاع الفانديوم خفيفة وشديدة الصلابة ❌ بتاع السكانديوم والتيتانيوم مع الالومنيوم ذات صلابة اصلب من الصلب ❌ بتاع قضبان السكك الحديديةFe+Mn

الهيماتيت اول حاجة لازم نعمله اختزال عشان نجيب الحديد وده بيحصل في فرن مدركس او الفرن العالي وبعد كده نضفله الكربون في مرحلة الانتاج عشان يدينا حديد وكربون الكهربي والمفتوح والمحول الاكسجيني التلات افران فرن مدركس ثم المحولات الاكسجينية فعلا دي اختزال وبعدها انتاج باقي الاختيارات مش هتلاقيها كده الفرن الكهربي ثم الفرن العالي❌ ده انتاج ثم اختزال العكس الفرن العالي ثم فرن مدركس ❌ الاتنين اختزال الفرن المفتوح ثم المحولات الاكسجينية الاتنين انتاج❌

تجهيز الخام ثم اختزال الخام ثم انتاج الخام مين في الاختيارات مش بيتعمل قبل الاختزال تحويل الاحجام غير المناسبة الي احجام مناسبة ده تكسير تبع التجهيز فعلا قبل الاختزال ✅ استخدام الفصل المغناطيسي لتقليل الشوائب ده التركيز تبع التجهيز قبل الاختزال ✅ التخلص من الرطوبة وتسخينه بشدة في الهواء ده التحميص وده تبع التجهيز قبل الاختزال✅ التفاعل معCo ده بقا اختزال بتاع الافران ده مش بيتعمل قبل الاختزال ده بيتعمل اثناء الاختزال يبقا دي الغلط❌

هروح هصلي العصر عشان الحق هروح المسجد وهرجع ان شاء الله اكمل باقي الاسئلة واعلن الدرجات والاوائل