N. Objectif Mention (BAC 2027)

سؤال اخر قلت بلي مع الدخول المدرسي او قبل بشوية نبدا نفتحلكم الجلسات او حكيتلكم وشنو جلسة نفتحلكم في تيليغرام او تنضموا لاكن بلا ما تبينوا صوتكم تقراو فقط كيف كيف يعني تحسو بلي عباد عندهم نفس الهدف او هك او لا حبيتوا انتم نفتحلكم الكامرة الكامرة مشي بش تبانو فقط لا حبيتوا ديرو بارطاج تاع الشاشة ديالكم او وش راكم تقراو ولا الوقت تايمر على حساب لي يحب او انا نولي نخدملكم بتقنية بومودوري ندير الوقت بحيت ندير 50 دقيقة قراية او 10 دقايق راحة بعدها نتفاهمو الوقت لي يساعدكم لي نبداو فيه الجلسات او ساعات دراسة الكافية تسمى لازم تنضموا هي النضاميين علابالي يولي عندكم ليسي ما تقدروش تنضموا ولاكن قولولي لا نولي نديرلكم جلسات بعد ما تخرجوا من ليسي يعني نشوف كيفاش نقسم عدد السوايع لانو الاحرار ما عندهم حتى مشكل خاصة لي قاعدين في الدار تسمى قولولي برك دك ندير سونداج جاوبوني ❤️‍🔥

انشرو رابط القناة أحبتي ليستفيد اكبر عدد من الطلبة https://t.me/drchaimabac2025

حبيتوا طريقة النصائح هكذا أو منشور كتابي احسن👀؟ https://t.me/zaimdz

سلام متابعيني انشاء الله تكونوا ملاح شوفوا لي عندو أي سؤال يطرحهولي أي استفسار تنضيم برامج و قت بروغرام لي حنبعتو أساتذة لي درت عندهم وش حنبعتلكم من زوم ولا أي شيء راكم حابين نبعتوا في القنات او نحوس عليه تجربتي أي شي البرنامجةلي بعتوا حبين تقترحو حاجات ننديرهم في القنات ابعتولي ما نعرفش هويتكم هادو رساءل مجهولة و انشاء الله نجاوب عليهم في القنات ادخلو الرابط او سقسوا وش حبيتو بلا ما نعرف شكون بلاك بعضكم يحبو الخصوصية و شكرا 😍😍https://t.me/heelcsbot?start=l3lpcc9dmc

كل سؤال استفسار او اقتراح او برامجكم بعتو في الرساءل المباشرة نجاوبكم مباشرة لتم بشكل خاص و شكرا ❤️‍🔥https://t.me/objectifMentionbyN2027

غدا بلاك نهدرلكم على موضوع الشغف الدراسي ❤️‍🔥

سلام عليكم حبيبتي قبل كل شيء انشاء الله تكوني مليحة في خصوص مزال ما بديتي او كامل ياختي او ياتلاميذ مازال الحال😭مزال ما فهمتوش للناس لي راهم يقولو رانا روطار لا لا مزال كون جيتيني في مارس قلتلي راني روطار بالاك هك و كاين ناس في 100 يوم جابو باك بتقدير جيد او ممتاز اذا ماراكمشروطار هذا هو الوقت المناسب للمكتسبات لا مزال ما بديتيش ابداي غدو في يوتوب راني باعتة الروابط تاع فيديوهات ديراكت ادخلي او ما تنسايش المكتسبات غير في المواد الأساسية طبعا اكيد تسما تعيشي ما يغروكش لي بداو في جويليا او بدا البرنامج اول خطء نديروه في عام الباك المقارنة بالناس شيء يحطم ختي او تاني شي انو تبداو بكري او حماس البدايات لانو يجوز عليهم شهر شهرين اكتر يفشلو تنقص الوتيرة وقت الصح او وقت الصح هم الأشهر الأخيرة مارس افريل او ماي لي ناس بداو يقراو فيهم طبعا بخطة محكمة لانو العشواءية خلاص اعرفو بلي راح معدل المليح او في بعض الأحيان راح الباك تسمى لازم تنظيم برامج و استمرارية إعادة تكرار و خاصة نوم جيد 8سوايع لازم فقط في الأشهر الأخيرة تقدرو ترقدو على الأقل 6سوايع ولاكن مشي موضوعنا دك كي يلحق كل شهر نفهمكم في كلش تسمى كل شيء بش نقولك عادي ابداي قبل الدخول المدرسي ليوم او غدا ولا تكوني بديتي المواد الأساسية رياضيات و فيزياء بما انو انتي شعبة رياضيات او ماتنسايش التطبيق او عادي تكملي قبل الدخول راني ثبت📌 المكتسبات القبلية وش لازم تقراي فيهم اذا تالفتلك او ما تنسايش التطبيق على المكتسبات تاني شي كي قلتيلي على كنتي جيبي مليح او سنة 2تانوي حبطتي او حابة الامتياز شوفي سنة التانية ابدا ليست مبرر على علامتك في البكالوريا لانو ما نكذبش عليك في عام الباك في لليسي ماراكيش حجيبي دايم مليح بحكم الضغط وكل شئ تسمي ما تخليش هد الشي ياتر عليك او عليكم لانو انا صرالي او ندمت كون عاودت رجعت للور كون و الله ما همني لانو علامة الباك وحدها يا ما ناس شخصيا نعرفهم يجيبو عشرة في العام الباك جابوه 16 او اكتر تسمى سنة 2 ما عندهاش علاقة بعلامة الباك نقلك انا او لي قراو معايا في سنة 2 كامل حبطنا او بزاف لانو لقرايا صعيبة في سنة 2 اكتر من الباك لانو الباك زايد الضعط او كترت المواد و الوحدات لانو شي اخر تقريبا كل شي جزتو عايه او دروس الجديدة فيها كترة الأفكار او القوانين في مواد أساسية تسمى وش هدرت كامل بش نقول انو لا علامات الليسي في سنةى1ولا 2 ولا 3 لا لا تحدد علامة الباك حذاري⚠️❗️❗️⚠️ يا ما ناس كانو يجيبو امتيار 18 جابو باك 13او ماجابوهش او⚠️ وش يحدد علامة الباك❓ أولا التوكل على الله اهم شي او كترت الدعاء نعاود او نكرر اهم الشي تاني شي التنضيم و الترتيب أي البرامج او تقنية بومودورو تالت شي النوم الجيد لانو والله بلا نوم ما كان شغف ما كان قرايا ما والو رابع شي الاستمرارية و التكرار و خاصة التمارين و التمارين تم التماريييييييييييين يا ناس تماريييييييييييييييييييين بزاف حلو قدر المصتطاع خامس شي عدم المقارنو و البعد عن الضغط لانو اخطر الشي هو الضغط الزاءد سادس شي قرايا فوق الازم في فصل اول او تاني او حماس البدايات لانو كي تفرصيييو بزاف طيحو في فخ الفشل لا طحطو فيه 😕صعيب تنوضو الا لي توكل على ربي او رجع ليه في كل مصيبة او دعا ربي او هدي هيا ياختي انشاء تكوني او تكونو استفدتو ربي يوفقك بهد النصاءح تبعيهم نضمنلك الباك امنياز انشاء الله تلحفي تخصص احلامك او كي ليوم جي تبشريني و شكرا 😘❤️‍🔥

سلام عليكم و رحمة الله تعالى و براكاته في خصوص مواد الحفظ شوفي شريعة ساهلة ما نهدر وش عليها نهدرو على التاريخ و الجغرافيا شوفي الفهم هو اكتر شي يخليكم جيبوا علامات ممتازة لانو تاريخ و جغرافيا كيما شفتو في دفعتي باك 2026 صدمونا انو ولات نوعا ما تقافة عامة تسما ابدا ما تتكلو تحفضو برك او جيبوا لا لازم فهم الدرس من يوتوب ولا أستاذ اذا كان مليح تاع الليسي ولا في بوتوب كاين أساتذة ممتازين او كاين لي يفهو الدرس باضحك يعني رسوم متحركة هك كيما حرب باردة او نتي كتبي الدرس في يوتوب او اختاري الأستاذ لي شرح درس تاعو تفهميها او توصلك انتي اومبعد ابداي لحفيضة جيك ساهلة انا قلتلكم ننصحكم بكتاب برنان للدروس هايل ولاكن للمصطلحات ابدا ما ننصحكم بيها احفضو مصطلحات او شخصيات مشتركة تدو العلامة الكاملة تالقايهم نولي نبعتلكم تاوعي لانو هايليين او ما تنساوش الحفض لازم تكرريه بزافف بش ما تنسايش لانو ما نكذبش عليك خاصة تاريخ و جغرافيا دروس بزاف و عدد هاءل من مصطلحات او شخصيات تتنسا بزاف لازم ضروري كل ما تحفضي عاودي⚠️⚠️⚠️ لازم لانو امبعد في مارس متلا تلقاي نسيتي او هد الشي يحطم نتي شوفي لا كنتي نضامية احفضي حسب كل فصل ما تخليهش يتراكموا احفضي في الوقت او عاودي بزاف او اذا كنتي حرة أيضا ديري هك ولاكن لا حبيتي تهتمي بمواد أساسية الأشهر الأولى ابداي تحفظي في جانفي او لازم قبل ماي برنامج تكملوه سواء حفظ او مواد أساسية او أدبية لانو شهر ماي هو شهر المواضيع و مراجعة الحفظ و ربي يوفقك ❤️‍🔥

🌷 عدة والعود أحمد رجعتلكم أخيرًا ، وحان وقت الانطلاقة من جديد! بعد غياب دام تقريبًا أسبوع، رجعت الحمد لله، وإن شاء الله من هنا نرجعو نخدمو ونكملو مع بعض عادي. 🫶🏻 كنت قلتلكم وين راني رايحة و لاكن كان عندي ضرف المهم وبالمناسبة… باقي غير أيام على الدخول المدرسي! 😭📚 يعني رسميًا بدينا نقربو بزاف للجدية، ولازم كل واحد يبدأ يوجّد روحو من ضرك. نهدر حوايج، وكاين واحد التغيير لي بصح كان صدمة كاملة 😭، أكيد راكم فهمتو على بصح خليوه للمنشور الجاي، نهدرلكم عليه بالتفصيل. يعني نمد رايي قبل ما نغيب، كنت قلتلكم بلي تبداو بـ المكتسبات القبلية، خاصة تلاميذ الليسي، وكنت بعثتلكم الفيديوهات لي تحتاجوها، ومعاهم التمارين. والآن حبيت نسقسّيكم بصراحة: شكون فيكم بدا فعلاً؟ وشكون مازال ما بداش؟ 👀 وبالنسبة للمترشحين الأحرار، ما تقلقوش إذا ما بديتوش البرنامج كامل من ضرك. كيما قلتلكم من قبل، سبتمبر نخلوه أكثر للمكتسبات القبلية، الترتيب، والاستعداد، والبداية الجدية للبرنامج تكون من بعد. يعني قتلكم قبل أكتوبر لازم كملتوا تنضيم او مكتسبات او لقيتو أساتذة دروس الدعم المناسبة والأهم: ما تنساوش التمارين! ماشي غير تشوفو الفيديو وتقولوا فهمت، لازم تطبقو وتحلو، خاطر التطبيق هو لي يبينلكم واش فهمتو وواش مازال ناقصكم. 📝 📌 وخلال هاد الأيام الجاية راح نزيد نوضحلكم بزاف حوايج، خاصة للّي راهم حابين يدخلوا العام بطريقة منظمة ومن غير تخلّاط. وزدت ما نسيتش موضوع صارحني 👀💌 كاين رسائل وأسئلة وصلتني، وإن شاء الله اليوم ولا غدوة نجاوب عليها ونشارك معاكم . 🤍 المهم… رجعت، والآن نبدأو ونفتحو عام جديد، وإن شاء الله يكون عام خير ونجاح ع . بافي غير 10 أيام BAC 2027… حان وقت الانطلاقة. 🎓تفاعلو راني رجعت ❤❤