𝑺𝒊𝒎𝒑𝒍𝒆 𝑪𝒐𝒓𝒏𝒆𝒓 || رُكن بسيط

بين اليأس وفقدان الشغف... كانت الآيات هي العلاج.

عبدالله: عامل إيه يا حودة؟ محمود: أهو... الحمد لله. 😔 عبدالله: مالك؟ شكلك مش على بعضك. محمود: ولا حاجة... مخنوق شوية بس. عبدالله: طب استنى، هعمل كوبايتين شاي، ونقعد نحكي. محمود: ماشي... عبدالله: خد الشاي... احكيلي بقى. محمود: مش عارف أقول إيه. عبدالله: قول اللي في قلبك... أنا سامعك. محمود: حاسس إني مش عارف أذاكر... والامتحان بعد يومين. عبدالله: ده اللي عامل فيك كل ده؟ محمود: مش ده بس... المواد اللي امتحنتها حاسس إني بوظت الدنيا خالص مع إني كنت مذاكر ، وكل ما أفتح كتاب أفضل أفكر في النتيجة... وأنسى اللي في إيدي دلوقتي. عبدالله: وحاسس إن تعبك راح؟ محمود: أيوه... هو ده اللي واجعني.

عبدالله: طب جاوبني على سؤال... إنت ذاكرت؟ محمود: آه. عبدالله: سهرت؟ محمود: آه. عبدالله: اجتهدت على قد ما تقدر؟ محمود: الحمد لله... آه. عبدالله: أومال إزاي تقول إن تعبك راح؟

اللي بيتكلم دلوقتي هو خوفك... مش الحقيقة.

محمود: بس خايف أوي من النتيجة. عبدالله: والخوف طبيعي... لكن المشكلة إنك بقيت مركز مع حاجة لسه في علم الغيب، وسايب الحاجة الوحيدة اللي ربنا طلبها منك. محمود: اللي هي إيه؟ عبدالله: السعي.

﴿وَأَن لَّيْسَ لِلْإِنسَانِ إِلَّا مَا سَعَىٰ ۝ وَأَنَّ سَعْيَهُ سَوْفَ يُرَىٰ﴾.

عبدالله: خد بالك... ربنا ما قالش: "وللإنسان إلا ما نجح فيه." ولا قال: "إلا ما حقق." قال: ﴿وَأَن لَّيْسَ لِلْإِنسَانِ إِلَّا مَا سَعَىٰ﴾. يعني ربنا طالب منك السعي... أما النتيجة، فهي عنده سبحانه. محمود: بس أنا نفسي في كلية معينة... وخايف تضيع مني. عبدالله: عادي... كلنا بيبقى عندنا أحلام. بس أقولك على حاجة؟ محمود : قول عبدالله: أنا أعرف واحد كان نفسه يدخل طب، وكان من أوائل دفعته، لكن مجموعه مجابش طب، ودخل تجارة وهو زعلان جدًا. النهارده ربنا فتحها عليه، وبقى عنده شركة، وبعدها عمل شركة تانية، ونجح نجاح عمره ما كان يتخيله. لو كنت سألته وقتها: "نفسك تدخل تجارة؟" كان هيقولك: "مستحيل." لكن ربنا كان شايف له الخير في طريق تاني. محمود: سبحان الله... عبدالله: عشان كده... اسعى بكل اللي تقدر عليه، وسيب اختيار النتيجة لربنا. محمود: يعني المطلوب مني دلوقتي... إني أكمل؟ عبدالله: بالظبط. ذاكر، وادعي ربنا، واعمل اللي عليك... ومتعيشش في نتيجة لسه ربنا ما كتبهاش. محمود: الحمد لله... حسيت إن الحمل اللي على صدري خف شوية. 🤍 عبدالله: المهم بقى... عندك مادة إيه بعد بكره؟ محمود: فيزياء. عبدالله: أحم... استأذن أنا بقى! 😂 محمود: لا خد هنا... هتحل معايا. 🤨😂 عبدالله: يا عم قوم ذاكر... وسيبني أنام، عشان ورايا شغل بكرة. 😔

ربنا يوفقك... ويوفق كل إخواتنا في الثانوية العامة، والثانوية الأزهرية، وكل طالب بيسعى وبيتعب.

يمكن محمود كان خايف من امتحان... بس الحقيقة إن كل واحد فينا بيسعى لحاجة؛ شغل، دراسة، كلية، مشروع، أو حتى حلم نفسه يحققه. فمتربطش قلبك بالنتيجة... اربطه بالسعي، وسيب تدبير الباقي على الله.

﴿وَأَن لَّيْسَ لِلْإِنسَانِ إِلَّا مَا سَعَىٰ ۝ وَأَنَّ سَعْيَهُ سَوْفَ يُرَىٰ﴾.

𝑾𝒓: 𝑬𝒃𝒓𝒂𝒉𝒊𝒎 𝑺𝒂𝒃𝒆𝒓

🤍🤍

الفيديو الرابع من السلسلة ♥️

الشيخ حازم شومان♥️

🖤🖤

ولم أحزن؛ فبعضُ الغيابِ يكشف لنا حقيقةَ الحضور.

الفيديو التالت من السلسلة♥️

الشيخ سمير مصطفي||فك الله أسره ♥️

منتخب الساجدين إلي دور الــ 16♥️

عبد الله: اشرب الشاي يا حمادة هيبرد. حمادة: طيب..☹️ شريف: مالك يا حمادة؟ ساكت من أول ما قعدنا، والكباية هتبرد وأنت حتى مش باصصلها! حمادة: والله يا شريف، بقالي كام يوم مخنوق ومش طايق نفسي، والمشاكل موت... وكل ما أقول خلاص هتتحل، ألاقيها بتتقفل أكتر. عملت كل اللي أقدر عليه، وكل مرة أرجع لنقطة الصفر. عبد الله: هونها يا صاحبي... طول ما ليها رب، ميبقاش ليها هم. حمادة: ونعم بالله... بس ساعات الواحد بيبقى حاسس إنه عمل اللي عليه كله، ولسه مفيش أي حاجة بتتغير. عبد الله: عارف الإحساس ده... وعشان كده فيه آية كل ما الدنيا تضيق بيا، مستحيل أنساها. بحس إنها بتفكرني إن النهاية اللي أنا شايفها، ربنا شايف بعدها بداية. شريف: آية إيه؟ قولها بسرعة.

﴿لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا﴾.

حمادة: ودي معناها إيه برضه؟ عبد الله: هقولك.... إحنا بنشوف الباب اللي اتقفل، لكن ربنا شايف أبواب لسه ما اتفتحتش. إحنا بنحسبها بالأسباب، وهو سبحانه يدبرها بقدرته. ممكن مكالمة، أو شخص، أو خبر، أو حتى تأخير كنت زعلان منه... يبقى هو سبب الفرج. شريف: ونعم بالله... عبدالله:كام مرة كنا فاكرين إن كل حاجة انتهت، وفي الآخر ربنا فرجها من مكان عمرنا ما توقعناه. شريف: حصل والله عبدالله:متستعجلش يا حمادة، وخلي قلبك متعلق بربنا. يمكن الحاجة اللي مزعلاك النهارده، هي نفسها بعد فترة تبقى أكتر حاجة تحمد ربنا عليها، لأن ربنا لما يدبر، بيدبر بما هو خير، حتى لو إحنا مش شايفينه دلوقتي.

حمادة: أه فهمت.. الحمد لله على كل شيء، إن شاء الله هتفرج. 🤍 تسلموا والله يا حبايبي. 🤍 عبد الله: على إيه يا ياض.. أنت أخونا! شريف: قولها يا عبد الله بدل ما أضربه! 😂 عبد الله: حاسه عامل جو الصعبنيات ده عشان ميحاسبش في الآخر! 🙄 حمادة: لا لا عيب عليك... الحساب عليا. 🤚🏻😂

وَلَرُبَّ نَازِلَةٍ يَضِيقُ بِهَا الْفَتَى ... ذَرْعاً وَعِنْدَ اللَّهِ مِنْهَا الْمَخْرَجُ ضَاقَتْ فَلَمَّا اسْتَحْكَمَتْ حَلَقَاتُهَا ... فُرِجَتْ وَكَانَ يَظُنُّهَا لَا تُفْرَجُ

𝑾𝒓: 𝑬𝒃𝒓𝒂𝒉𝒊𝒎 𝑺𝒂𝒃𝒆𝒓

وَضَمَّ الإِلَهُ اسمَ النَّبِيِّ إِلَى اسمِهِ ... إِذَا قَالَ فِي الخَمسِ المُؤَذِّنُ: أَشهَدُ

وَشَقَّ لَهُ مِن اسمِهِ لِيُجِلَّهُ ... فَذُو العَرشِ مَحمُودٌ وَهَذَا مُحَمَّدُ