𝑺𝒊𝒎𝒑𝒍𝒆 𝑪𝒐𝒓𝒏𝒆𝒓 || رُكن بسيط

شريف: ألو يا عبده، إنت فين دلوقتي؟ عبدالله: أنا ركبت الأتوبيس أهو، شوية كده وأجيلكوا. شريف: اشطا، هنستناك... والواد علي معانا. عبدالله: اشطا يا شق. حمادة: بقولك يا شيفو... عايزك في كلمتين كده على جنب. شريف: ماشي... استنانا يا علوة، دقيقة وجايين. علي: ماشي. (علي بص لهم وهم ماشيين بعيد.) علي (بينه وبين نفسه): يا ترى بيتكلموا في إيه؟... هو أنا عملت حاجة زعلتهم؟ ولا بيتكلموا عليا؟ بعد شوية... وصل عبدالله. عبدالله: إيه يا علوة؟ قاعد لوحدك ليه كده؟ علي: شريف وحمادة هناك أهو... بيتكلموا في حاجة. عبدالله: اممممم.......طب تعالى نشرب حاجة لحد ما يخلصوا. علي : مليش نفس والله يا عبده عبدالله: هتشرب يعني هتشرب مش بمزاجككك اصلا😒 عبدالله: ياااااا منعم... اتنين مانجا كده وروق علينا. منعم: اشطا يا هندسة. ☝🏻😂 عبدالله: عامل إيه في الشغل يا علي؟ علي: أهو... ماشي الحال. عبدالله: طب الحمد لله. (بعد شوية شريف وحمادة رجعوا.) شريف: إيه يا رجالة...الهندسة وصل أهو. 😂 حمادة: وبيشرب مانجا كمان! 🙄😂 عبدالله: أيوه... وبشرب من غيركوا إذا كان عجبكوا. 😏😂 حمادة: يا عم عادي يعم.🫥😂 علي: طب بقولكوا إيه... أنا همشي انا. شريف: على فين يا ابني؟ خليك قاعد معانا شوية. علي: معلش بقى... مرة تانية إن شاء الله. حمادة: خلاص... هشرب المانجا بتاعتك بقى. 🌚😂 علي: بالهنا والشفا يا صاحبي علي: يلا... السلام عليكم. الكل: وعليكم السلام ورحمة الله وبركاته.

عبدالله: تعالولي بقى. 🤨🤨🤨 حمادة: مالك يا ابني؟ 🙂😂 شريف: شكلنا هنضرب. 🙆🏻😂 عبدالله: إيه اللي عملتوه ده؟ 😒 حمادة: مش أنا والله... ده شريف. 🙆🏻😂 شريف: هو لسه قال عملنا إيه أصلًا؟! 😂 عبدالله: الراجل قاعد معاكوا... تسيبوه وتروحوا تتكلموا على جنب؟ حمادة: وفيها إيه يعني؟ 😂 شريف: أيوه والله... إحنا كنا بنتكلم في موضوع عادي. عبدالله: حتى لو موضوع عادي... اللي عملتوه ده مينفعش. حمادة: ليه يعني؟ عبدالله: لأن ده تناجي. شريف: تناجي؟ يعني إيه؟ عبدالله: يعني تلاتة مع بعض، يقوم اتنين واقفين بعيد يتكلموا، ويسيبوا التالت. حمادة: إيه الغلط فيها؟ عبدالله: يا ابني... عشان التالت هيحس إن الكلام عليه، أو إنه مهمش... عشان كده الرسول ﷺ نهى عنه. شريف: طب في حديث أو آية عن الموضوع ده؟

"إذا كنتم ثلاثة، فلا يتناجى اثنان دون الآخر حتى تختلطوا بالناس؛ فإن ذلك يحزنه." -- شوف... النبي ﷺ قال: "فإن ذلك يحزنه." يعني حتى لو أنتم مقصدكوش حاجة، ممكن من غير ما تحسوا تكسروا خاطر اللي قاعد معاكم.

شريف: آها... فهمت خلاص. 🤍 حمادة : يعني هو مشي عشان كدا عبدالله: ايوا ومرضاش يشرب المانجا شريف:هنبقي نراضيه.........ومش هنعملها تاني إن شاءالله🤍 حمادة: بقولك يا عبدالله... عبدالله: قول يا شق. 🙄 حمادة: عايزك في كلمة على جنب. 😂 عبدالله: ولااااااا... مش ناقصة غباااااااء! 🤨🤨🤨 حمادة: بهزر والله. 😂

𝑾𝒓: 𝑬𝒃𝒓𝒂𝒉𝒊𝒎 𝑺𝒂𝒃𝒆𝒓