نِـبراسُ طالِـبِ الطِـب

صدقتِ بارك الله فيك

فعلا اكبر غلطة الله المستعان لأنو تغلق بشء فاني وهذه مصيبة والله

الله المستعان… والطفلة لي تقرا معانا بين ليلة وضحاها لقات روحها في الكومة! الحمد لله والله الحمد لله

فضفضي الاخت فضفضي شوفي الاخت جملة ماعندك والو غير قرايتك راهي في الاصل جملة خاطئة علابيها راكي عليشة هاذ المنكر لأنو دايرة في بالك فير قرايتك سلي نفسك ألاء وعلاش خلقها ربي؟ خلقها باش تعبده وتحسن عبادته خلقها باش توحده وتحسن توحيده خلقها باش اذا ابتليت في دينها تلجئ له وتحسن الالتجاء له الاخت ادعي ادعي ادعي نوضي ذك روحي صلي لشتا زوج ركعات برك ابكي في سجادتك يارب رحمتك يارب رحمتك وتوبي لله باب التوبة مفتوح قولي يارب لا تجعلني من الساخطين يارب ارضيني بقضائك يارب يارب ادعي بإصرار وديري في بالك معندكش في حياتك غير قرايتك ديري اول حاجة في حياتك دينك صلاتك عبادتك حجابك هاذو اذا راحو القراية وتروح يعني الاساس هو دين الانسان ليس دنياه فادعي اللهم لا تجعل الدنيا أكبر همي ولا مبلغ علمي ونوضي صلي الأخت وأرواحي ليا بريفي أبعثيلي نعاونك بالشي لي نقدر عليه ولا أرواحي غدوة نقعدو نهدرو المهم متخليش روحك هكذا الأخت🥺

كلام يلخص كلش اتعلموا دينكم ترتاحو في حياتكم

تخمام صحي ومنطقي جداااا كيفاش عام راحلك؟ ابدا وعلاش عندنا مقاييس دنيوية الله المستعان مشكلتنا انو دايرين القراية كلش ومادونها والو هاذي هي مشكلتنا نقص وازع ديني نقص علم بالله ونقص إيمان نسأل الله لنا الهداية أجمعين

التعلق بغير الله مذلة فعلااااا

الله المستعان الإنتكاسات هاذو تصرا بصح الأخت مصيبة أنو تتركي الصلاة تارك الصلاة بإجماع علماء المسلمين يحسب من الكفار وإن كان كل حالة تختلف عن الأخرى مصائب دنيوية الأخت مصائب دنيوية متخليهاش تسببلك في مصائب أخروية +معلباليش وعلاش راكم حاطين الدنيا بين عينيكم وناسيين حاجة وسمهاا الآخرة اللي كوبات كي طلعت عامها ربحت؟ وعلاش الأجور الدنيوية المحرمة ربح؟ الغش لايجوز وحرام وكذب وزور خاصة وان كان في الطب تخصص حساس جدا جدا نؤتمن على أرواح الناس سبحان الله البارح برك جاني في ليريل شيخ أفتى بحرمة عمل الذي يغش تخيلي غشيتي وطلعتي وتخرجتي وخدمتي يعتبر مالك حرام ودخلك حرام نسقسيك هل هذا ربح؟ هل اللي طلعت بهاذ الطريقة خيرمن واحد مكوباش وعاود؟ متخلوش الأجور الدنيوية هي التي تحدد الربح والخسارة وخمي فيها مليح الأخت تخمامك خااااطئ ربي ميحبش اللي كوبا أبدااا نعطيك آية هي في معنى الكافر ولكن أنت أسقطيها على اللي يغش {مَتَاعٌ فِي الدُّنْيَا ثُمَّ إِلَيْنَا مَرْجِعُهُمْ ثُمَّ نُذِيقُهُمُ الْعَذَابَ الشَّدِيدَ بِمَا كَانُوا يَكْفُرُونَ}

قوليلهم نسقسيكم حاجة نقتل روحي باش تتقبلو؟ خلاص ذك نروح نقتل روحي وخلاص في النهاية ياك درت لي عليا! قوليلهم الناس والديهم في هاذ الفترة يوقفو معاهم ويهونو من مصائبهم باش يقواو مش يزيدو عليهم واذا ماقتنعو بوالو اسكتي وقولي معليش معليش في النهاية يبقاو والديك وبرهم واجب واحتسبي الأجر

الله المستعان! شوفي الأخت وش راكي ديري خطأ في خطأ هي صح يغيضك عام انا وحدة من الناس غايضني عامي بصح مش لدرجة نحس بلي ربي ابتلاني فيما لا أطيق علبالك هذا اعتراض ويأتي مع الاعتراض سخط الله تخيلي ابتلاء الدنيا مع سخط الله! الله المستعان شوفي علبالي صعيبة علبالي التخمام وحدو تحسي روحك حتهبلي بصح الاخت غير صلاتك بلاكي بلاكي اذا دايرة في بالك راكي ديري زكارة في ربي فكوني في علمك انو راكي تعاقبي في نفسك ببعدك على الله فترات الانكسار والضعف هاذو لازم يحولهم الانسان الا نقطة تغير للأحسن يحولها لنعمة مش نقمة! تحوليها لنعمة بالرضا وبالدعاء وبالحمد مش بالبعد عن الصلاة😢 اذا محتاجة اي حاجة اتواصلي معايا الأخت ياك حطيت حسابي

💗💗💗

اتفق

نخاف نهدر وميعجبكمش الحال فلذلك سأستعمل حقي في الصمت🙃

هي مش نورمال واحد يفرح🥲 صح يتقبل بصح يفرح ما ادري

والله فيها خييييير ياو راني نقولكم ربي وش كتب فيها خير ياجماعة ابكيو احزنو بصح اتقبلو

هنا رانا نهدرو برك وقادرين يهبطوها ماتدري والله

اعطيني حكاية نموت على الحكايات😣 كيفاش ديتي صفعة

لنكن واقعيين مام انا نحسها مستحيل تهبط لهاذ الدرجة بصح هنا حنحطو 9:00 باش نوصلو لحل نص

ايييه الله المستعان راني حاسة الغاشي كامل لي عاود ولا يستنا في الراشا راهو هكذا صدقيني مام انا راني هكذا ساعات نقعد نقول لختي غايضني عام كامل ساعات نقوللها عادي ونضحك نورمال اكثري من الاستغفار وتيقني ان الله لم يختر لك هاذا الا وفيه خير كثييير مثييير كذلك انا كي سمعت حزنت وبكيت بصح كي صبت المطر دعيت الله ان ينزل عليا رحمته وانو تعقب هاذي الليلة على خير ومن هذاك نهار الحمد لله متقبلة

كون نقولك انا راني ثاني هكذا😭😭 قبيل تالمو قاعدة نهدر مع عكتي على إيجابيات البرومو لي قبلنا كي جات رايحة قاتلي وقتاش تبان قتلها غدوة قاتلي هي مالا ان شاء الله تعاودي😂😂😂