𝓛𝓮𝓷𝓼 | عدسَـة 🇪🇬

ᴍᴀʟʟ ᴏꜰ ᴀʀᴀʙɪᴀ | 6ᴛʜ ᴏꜰ ᴏᴄᴛᴏʙᴇʀ ᴄɪᴛʏ

𝒄𝒂𝒍𝒎 𝒔𝒖𝒏𝒔𝒆𝒕 🌇

𝒔𝒖𝒏𝒓𝒊𝒔𝒆 🌅

JOIN CHANNEL

Shot by: @X86ior Edited by: @amr_3li918

𝑫𝒐𝒏’𝒕 𝒄𝒉𝒂𝒔𝒆 𝒑𝒆𝒂𝒄𝒆, 𝒇𝒊𝒏𝒅 𝒊𝒕 𝒉𝒆𝒓𝒆..

لأي واحد معاه بريميوم وحابب يدعم القناة..

https://t.me/boost/lensgraghy

لو حد عنده تعديلات او إضافات او تعليقات..

دي من الإضافات اللي ممكن تخلي صورتك مميزة اكتر، انك تخلي فيه طبقات في الصورة، زي انك مثلا بتصور نفس الوردة ولكن المرة دي بشكل مميز أكتر.. ف هتخلي الكاميرا تجيب الوردة في النص مثلا (العنصر الأساسي) ويكون فيه ورق اي نبات (عنصر المقدمة) قدام الوردة داخل في الصورة من تحت الفريم (بس اضغط على الوردة من الكاميرا عشان تخلي التركيز عليها وورقة الشجر تكون متغبشة او معمولها بلور)، عنصر الخلفية بقا يكون فيه شجرة ورا مجموعة الورد دي وتكون هي اللي فوقها في تكوين الصورة، كدا انت عملت صورة مميزة جدا وتشد الناس، وانك تقرب الكاميرا من عنصر معين وتضغط عليه بتعمل تشويش للخلفية وبيبان حلو برضو، مثال تاني انك ممكن تستغل أي فتحة شباك او بين الشجر، بحيث يكون فيه منظر جميل وراهم ف تصور سيقان الشجر كأنها حواف للصورة وجواها المنظر الجميل او من شباك إلخ.. بـ اختصار انت كدا بتعمل عنصر مقدمة، وعنصر اساسي "الوسط" وعنصر كخلفية.

دايما بنسمع التغذية البصرية في التصاميم عموما سواء رسم او ديزاين، وفي التصوير برضو لا يقل أهمية، حاول تشوف في جوجل او بنتريست او في برنامج Lightroom بتاع تعديل الصور فيه جزء "للمجتمع" تقدر تشوف هناك ازاي المصورين المحترفين بيصوروا ويعدلوا صورهم وبجد هتستفاد جدا.

1)

دايما استغل اي منظر جميل قدامك (رحت حديقة مثلا) وتخلي عينك منفتحة لأي حاجة ممكن تتصور، مثلا وانت ماشي في الشارع لقيت الغروب شكله جميل، او الشمس جاية على مبنى شكله جميل بزاوية ف خلت شكله تحفة.. ب اختصار خليك دايما مترقب اي لقطة حلوة لان ممكن تستهين او تحس انها عادية بس لما تتصور تطلع جميلة. 2) طبعا مينفعش تمسح العدسة ب صباعك، يفضل تمسحها بالتيشيرت بتاعك من جوا ولا حاجة او اي قماشة ناعمة عموما عشان متخدش العدسة، والخطوة دي اكبر تأثير ليها لو انت بتصور في إضاءة ضعيفة (بالليل مثلا) اي عامود نور هتلاقيه عامل خط كدا في الكاميرا عشان مش ممسوحة كويس. 3) لو موبايلك مفيهوش تثبيت في الكاميرا حاول قد ما تقدر تثبت ايدك. 4) دايما خد اكتر من لقطة للحاجة اللي انت بتصورها بزوايا مختلفة، عشان ممكن واحدة متظبطش ولا حاجة وتندم انك مصورتهاش كذا صورة وفي نفس الوقت عشان تطلع بأحسن نتيجة ممكنة. تنبيه مهم: حاول متعملش زووم كتير ب ايدك لانك بتفقد جزء كبير من التفاصيل، لو موبايلك فيه عدسات مخصصة للزووم هتلاقي ارقامهم مكتوبة جنب ال1x عشان تاخد افضل جودة ونتيجة.

حاول تعدل صورك ب برنامج الاستوديو اللي جاي مع الموبايل، ف الاول ممكن متكونش عارف تعمل ايه بس انت حرفيا اقعد جرب كل حاجة بتعمل ايه في الصورة وعدل لحد ما تطلع احسن من الصورة الأصلية، والتعديل دا بالذات اكتر حاجة بتيجي بالممارسة وبجد كل ما تعدل اكتر كل ما هتاخد خبرة جبارة وصورك هتطلع احسن، انا ارشح وبقوة لو اتعودت على برنامج التعديل بتاع الموبايل انك تبدأ تجرب برنامج Adobe Lightroom، بجد مهما كان انت بتعدل من ايه دا بيحافظلك على جودة الصورة والتعديل قوته بتبقا اعلى وفيه حرية اكبر وانا شايف دا من اكبر الحاجات اللي ممكن تنقل الصورة وتخلي شكلها احترافي جدا. مش هقدر استفيض في كيفية التعديل بالظبط لان دا حوار تاني لوحده، لو عايزين اكتب رسالة فيها نصايح للتعديل قولوا 👀..

دي من النقاط المحورية اللي بتسبب ان الصورة تكون مريحة، وهي عبارة عن انك لازم العناصر تكون متوزعة او متقسمة في اجزاء الصورة بشكل منظم ومتساوي، مثال للشرح: انت دلوقتي قاعد على البحر وقدامك مشهد جميل بحر وسما وفيها الشمس، اول نقطة هتفعل ميزة في كل الموبايلات وهي (خطوط التقسيم) ممكن اسمها يختلف ولكن غالبا هتلاقيها في اعدادات الكاميرا، نرجع للمشهد بتاعنا.. انت عندك في تطبيق الكاميرا وانت فاتحة ارقام زي ( 4:3, 9:16, 1:1, Full )، دول أبعاد الصورة اللي انت بتصورها (لو عايز اعلى جودة خليها على (4:3)، في المثال بتاعنا انت المشهد عريض ف مش هيكون منطقي اوي تصوره بأبعاد مربعة زي (1:1) مثلا، هيكون منطقي شوية تختار ابعاد عريضة زي (9:16) بحيث يكون الڤيو ممتد كدا، تاني نقطة وهي توزيع العناصر، لما انت شغلت ميزة الخطوط هتلاقي 3 خطوط بالعرض و 3 بالطول دول بتستخدمهم ف انك تقسم الصورة و العناصر بشكل منظم، في مثالنا ممكن تخلي البحر ياخد التلت الاول من الصورة من تحت، و السما تاخد التلتين اللي فوق و الشمس في المربع اللي في النص، كدا بقا معاك صورة عناصرها متوازنة ومريحة. مثال تاني، المرة دي هتصور عنصر معين بذاته وهتركز عليه (وردة مثلا)، هنا انت عندك حرية اكبر في انك تحط مكانها، ابسط حاجة انك تحطها في النص يكون نص الوردة عند المربع اللي في النص، او بقا فيه مكان تقدر تستخدمه لو محتاج تركز على حاجة معينة بس بشكل مختلف ان الحاجة تكون على نقاط التقاطع بتاعت الخطوط (الزوايا الداخلية)، بحيث الوردة تكون في نقطة التقاطع تحت على الشمال، دا ممكن يخلي الصورة مريحة اكتر خصوصا لو الخلفية اللي وراها جميلة وهتضيف جمالية للصورة. وحاجة مهمة ان يُفضل يكون فيه عنصر رئيسي في الصورة بحيث اول ما المشاهد يشوفها يلاحظه على طول، متكونش الصورة عشوائية ومفيش حاجة معينة الواحد يركز عليها هنا فيه احتمالية الصورة تبان عادية مفيهاش حاجة مميزة ملحوظة مهمة: النسب دي (زي انك تخلي عنصر معين واخد التلت او التلتين إالخ) دي حرية شخصية تمامًا كل واحد وليه ذوقه، وانت مع الوقت هتكتشف تركيبات حلوة وبتظبط معاك (هنيجي للنقطة دي كمان شوية)..

طيب دلوقتي الصورة شكلها منظم، هل دا كفاية؟ في أغلب الاحوال محتاج تركز على زوايا التصوير ودي أمرها سهل شوية وفي العادي بيجي مع الممارسة وانك تصور كتير، لازم تكون الزاوية مثيرة للإهتمام وتكون مختلفة، بمعنى انها لازم ولابد متكونش في مستوى رؤية العين، لان دي غالبا اكتر حاجة بتبين ان الصورة عادية ومش مميزة، إلا لو دا منظر طبيعي ف هنا بتدي إحساس مريح.. مثال للزاويا، انك مثلا تصور الحاجة من الزاوية يمين تحت او فوق او تميل الموبايل لفوق او لتحت إلخ، بحيث ان الزاوية دي تبين الصورة بشكل مختلف اكتر، مثلا بتصور عربية (الزوايا هنا اهم عامل تقريبا في المثال دا) لما بتنزل الموبايل تحت وتميله لفوق بتبين العربية بشكل اجمد بكتير وخصوصا لو ركزت على عنصر فيها (الفوانيس مثلا) او تصور العربية من قدام مباشرة من تحت شوية، دا ساعات بيدي هيبة كدا للعربية اكتر، المهم انك تخلي الصورة من زاوية مميزة.

وهنا يجي اكبر عامل تقريبا في الصورة، لو هتصور برا البيت يبقا لازم تستغل اوقات غروب وشروق الشمس خصوصا الغروب، لان الشمس بتبقا إضاءتها من الجنب و بتبقا خفيفة لونها جميل، الظهر وقت مش بطال برضو ولكن ساعات الشمس بتبقا ساطعة بزيادة، عموما حاول تستغل إضاءة الشمس بأي شكل. لو في مكان مغلق؟ هنا بتهتم بزاوية الإضاءة اكتر زي انك تخليها متوجهه على العنصر من الجنب او من قدام، وانا عن نفسي معنديش معلومات كتير عن النوع دا.. ولما تضغط في برنامج الكاميرا على الشاشة بيظهر مربع كدا تقدر تحكم في شدة السطوع ودي مفيدة لو بتصور بالليل او بالنهار في مواقف معينة.

ꜱᴇᴠᴇɴ ꜱᴛᴀʀꜱ ᴍᴀʟʟ | ᴀʟ ꜱᴀᴅᴀᴛ ᴄɪᴛʏ

𝒇𝒍𝒐𝒘𝒆𝒓𝒔 🥀

𝗣𝗮𝗿𝗸 𝗦𝘁. | 𝗘𝗹 𝗦𝗵𝗲𝗶𝗸𝗵 𝗭𝗮𝗶𝗱

𝐉𝐮𝐬𝐭 𝐬𝐢𝐭𝐭𝐢𝐧𝐠 𝐡𝐞𝐫𝐞 𝐢𝐬 𝐞𝐧𝐨𝐮𝐠𝐡..

𝒂 𝒄𝒖𝒑 𝒐𝒇 𝒕𝒆𝒂 ☕️